💞ആയിരം കണ്ണുമായി – 5 20അടിപൊളി 

 

അഖിൽ : കോപ്പ്… ഇപ്പോൾ വീട്ടിലെ അവസ്ഥയായി കോളേജിലും… പഠിത്തവും കോപ്പുമൊക്കെ നിർത്തുന്നതാ നല്ലത്

 

“എന്താണ്‌ ഒറ്റക്കിരുന്നു ആലോചിച്ചു കൂട്ടുന്നത് ”

 

പെട്ടെന്നാണ് ശ്രുതി അവന്റെ അടുത്തായി വന്നിരുന്നത്

 

അഖിൽ : ഓരോന്ന് ചികഞ്ഞെടുക്കാൻ വന്നതായിരിക്കും അല്ലേ…വേഗം സ്ഥലം വിടാൻ നോക്ക് ഞാൻ ഇനി കോളേജിലോട്ട് ഇല്ല എന്താ പോരെ

 

ശ്രുതി : നീ വന്നാലും വന്നില്ലെങ്കിലും എനിക്ക് എന്താ… പിന്നെ ചികഞ്ഞെടുക്കുന്ന കാര്യം അതിന് ചികഞ്ഞെടുക്കാൻ എന്താ ഉള്ളെ ഈ മുഖത്തെ പാടും നീ സ്ഥലം മാറി ഇരുന്നതും അതൊക്കെയാണോ നീ ഉദ്ദേശിച്ചെ എങ്കിൽ എനിക്ക് അതിനെയൊന്നും പറ്റി അറിയുകേ വേണ്ട… അതൊക്കെ എനിക്ക് ഊഹിക്കാവുന്നതെ ഉള്ളു നീയും അവന്മാരും തമ്മിൽ തല്ലായി അത്രയല്ലേ ഉള്ളു…

 

അഖിൽ : അറിയണ്ടെങ്കിൽ ഒന്ന് പൊ ഞാൻ ഒറ്റക്ക് ഇരിക്കട്ടെ

 

ശ്രുതി : രാവിലെ മുതൽ ഒറ്റക്കല്ലേ…. അല്ല നീ എന്തെങ്കിലും കഴിച്ചായിരുന്നോ

 

അഖിൽ : എന്റെ കാര്യത്തിൽ ഇടപെടരുതെന്ന് ഞാൻ നിന്നോട് മുൻപും പറഞ്ഞിട്ടുണ്ട്… അല്ല എന്നെ കൊണ്ട് നിനക്ക് എന്താ നേടാൻ ഉള്ളെ… എന്തിനാ എന്റെ പുറകെ വരുന്നെ

 

ശ്രുതി : “ഗുഡ് വൈബ്സ് ഒൺലി” ടീഷർട്ടിൽ ഇങ്ങനെ എഴുതി വച്ചിട്ട് പുറത്തേക്ക് വിടുന്നത് മുഴുവൻ ബാഡ് വൈബ്സാ അല്ലേ

 

അഖിൽ : എടി… നിന്നെ…

 

ശ്രുതി : ഞാൻ ഒരു തമാശ പറഞ്ഞതാടോ… അല്ല നീ ഈ ക്രിക്കറ്റ് കാണുവായിരുന്നോ… ഇത് എങ്ങനെയാ കളിക്കേണ്ടത് എന്നറിയാമോ ഞാൻ കുറേയായി കാണുന്നു കുറേ പേർ അങ്ങോട്ടും ഇങ്ങോട്ടും കിടന്ന് ഓടുന്നു ഇതിൽ എന്താ രസം ഉള്ളെ

 

അഖിൽ : ഇതൊക്കെ മനസ്സിലാക്കാൻ തലക്കകത്ത് വല്ലതും വേണം അല്ലെങ്കിൽ ഇതുപോലെ വെറുതെ ഓടുന്നതായി ഒക്കെ തോന്നും

 

ശ്രുതി : എന്നാൽ തലക്കകത്ത് എന്തെങ്കിലും ഉള്ള ആള് പറഞ്ഞു താ ഇതെന്താ സംഗതി

 

അഖിൽ : പിന്നേ എനിക്ക് അതല്ലേ പണി

 

ശ്രുതി : ഓഹ്.. നിനക്കും അറിയില്ലല്ലേ അപ്പോൾ സെയിം പിച്ച് 😁

 

അഖിൽ : ആർക്കാടി അറിയാത്തെ….

 

ശ്രുതി : അറിയാമെങ്കിൽ പിന്നെ പറഞ്ഞു തരില്ലേ…

 

അഖിൽ : ദോ ആ ബോളും കൊണ്ട് ഓടിവരുന്നത് കണ്ടോ അതാണ് ബൗളർ…അവിടെ ബാറ്റുമായി നിൽക്കുന്നത് ബാറ്റർ…………..

 

 

അഖിൽ അവളോട് കളിയുടെ നിയമങ്ങൾ വിശദീകരിക്കാൻ തുടങ്ങി

 

അഖിൽ : ഇത്രേ ഉള്ളു ഇതൊക്കെയാണ് പ്രധാന നിയമങ്ങൾ

 

ശ്രുതി : ഹോ ഇത്രേ ഉള്ളായിരുന്നോ😏

 

അഖിൽ : ടി ഒരുമാതിരി….ഒന്നും അറിയത്തുമില്ല പറഞ്ഞുതരുമ്പോൾ അവളുടെ ഒരു ആളാകലും…

 

പെട്ടെന്നാണ് ബെൽ മുഴങ്ങിയത്

 

അഖിൽ : ഉം രക്ഷപ്പെട്ടു ഞാൻ ക്ലാസ്സിൽ പോകുവാ

 

ഇത്രയും പറഞ്ഞു അഖിൽ പതിയെ എഴുനേറ്റു

 

അഖിൽ : ടി വരുന്നോ…

 

ശ്രുതി : എന്തയാലും നീ കോളേജ് നിർത്താൻ പോകുവല്ലേ അതിന് മുൻപ് ഒരു നല്ല കാര്യം ആയിക്കോട്ടെ എന്നെ കൂടി കൊണ്ട് പോ

 

ശ്രുതി പതിയെ അവന് നേരെ കൈ നീട്ടി അഖിൽ അവളുടെ കയ്യിൽ പിടിച്ചു കൊണ്ട് മുന്നോട്ട് നടന്നു

 

അഖിൽ : സോറി….

 

പെട്ടെന്നാണ് അഖിൽ അവളോട് സോറി പറഞ്ഞത്

 

ശ്രുതി : സോറിയോ എന്തിന്

 

അഖിൽ : അന്ന് തള്ളിയിട്ടില്ലേ

 

ശ്രുതി : അതിന് അന്ന് തന്നെ സോറി പറഞ്ഞല്ലോ

 

അഖിൽ : അത് ഞാൻ നീ ബുക്ക്‌ വാങ്ങാൻ വേണ്ടി വെറുതെ പറഞ്ഞതാ

 

ശ്രുതി : അപ്പോ ഇപ്പോൾ ശെരിക്ക് പറഞ്ഞതാണോ

 

അഖിൽ : അല്ലാതെ പിന്നെ….

 

ശ്രുതി : ഉം ശെരി വാ ക്ലാസ്സ് തുടങ്ങും…

 

 

അല്പനേരത്തിന് ശേഷം ഇരുവരും ക്ലാസിനു മുന്നിൽ

 

അഖിൽ പതിയെ ശ്രുതിയുടെ കയ്യിലെ പിടുത്തം വിട്ടു

 

അഖിൽ : ശെരി പോ…നാളെ മുതൽ ഞാൻ കാണില്ല

 

ശ്രുതി : നാളെ ശനി ആല്ലേ ആരും കാണില്ല ഇനി തിങ്കളാചയെ ക്ലാസ്സുള്ളു

 

അഖിൽ : അതല്ല ഞാൻ പഠിത്തം നിർത്തുവാണെന്ന്

 

ശ്രുതി : ഇത് നേരത്തെ പറഞ്ഞതല്ലേ…

 

ഇത്രയും പറഞ്ഞു ശ്രുതി ക്ലാസ്സിലേക്ക് കയറി പിന്നാലെ അഖിലും