💞ആയിരം കണ്ണുമായി – 5 20അടിപൊളി 

 

അഖിൽ : എന്ത് അല്ലെന്ന് എല്ലാവരും അങ്ങനെ തന്നെയാ… ഈ ലോകത്ത് നേട്ടമില്ലാത്ത ഒരു കാര്യവും ആരും ചെയ്യാറില്ല… അവളുടെ ഒരു തക്കാളി കഥ നീ എന്താ പറഞ്ഞെ ഞാൻ ചീഞ്ഞ തക്കാളിയെ നോക്കി തിരഞ്ഞെടുക്കുന്നുന്നോ ഞാനേ ഒരു ചീഞ്ഞ തക്കാളിയാ ആ എനിക്ക് എവിടുന്നാടി നല്ല ഫ്രണ്ട്സിനെ കിട്ടുന്നെ…

 

ഇത് കേട്ട ശ്രുതി അൽപനേരം മിണ്ടാതെ ഇരുന്നു ശേഷം

 

ശ്രുതി : നീ പറഞ്ഞതും ശെരിയാ ഞാൻ അത് ഓർത്തില്ല

 

ഇത് കേട്ട അഖിൽ ഒന്നും മിണ്ടാതെ സിസ്റ്റത്തിൽ നോക്കി ഇരുന്നു

 

ശ്രുതി : നീ ശെരിക്കും കോളേജ് നിർത്താൻ പോകുവാണോ

 

അഖിൽ: ഇവള്… അതെ നിനക്ക് സന്തോഷം ആയിക്കാണുമല്ലോ

 

ശ്രുതി : പിന്നേ… എനിക്ക് നീ പോയാൽ എന്തോ കിട്ടാൻ പോകുവല്ലേ… അല്ല നീ എന്തിനാ കോളേജ് നിർത്തുന്നെ കാരണം വല്ലതും ഉണ്ടോ ഇനി.. ഞാൻ ശല്യം ചെയ്യുന്നത് കൊണ്ടാണോ

 

അഖിൽ : ഒന്ന് പോയേടി നിന്നെ ഞാൻ കണക്കിൽ പോലും കൂട്ടിയിട്ടില്ല

 

ശ്രുതി : പിന്നെ എന്താ കാരണം

 

അഖിൽ : പഠിച്ചിട്ട് ഇപ്പോൾ എന്തിനാ…മൈരിലെ ഒരു പഠിത്തം

 

ശ്രുതി : ചീത്ത പറയല്ലേ

 

അഖിൽ : എന്ത് പറയണം എന്ന് എനിക്ക് അറിയാം…പഠിച്ച് മലമറിക്കാനൊന്നുമല്ല ഞാൻ ഇവിടെ വരുന്നത് ബോറടി മാറുമല്ലോ എന്ന് കരുതിയാ ഇപ്പോൾ ഇവിടെയും ബോറാ…. ഒപ്പം കൂടുന്നവമാരൊക്കെ പിന്നീന്ന് കുത്തുന്ന നാറികളാ നീ പറഞ്ഞത് ശെരിയാ അവന്മാര് എന്നെ മുതലെടുക്കുവായിരുന്നു… അതിനുള്ളത് അവന്മാർക്കിട്ട് ഞാൻ കൊടുത്തിട്ടുണ്ട് ഇനിയിപ്പോൾ നിർത്തുന്നതാ നല്ലത് ഇല്ലെങ്കിൽ അവമ്മാര് വീണ്ടും വരും എന്റെ സ്വഭാവം വച്ച് ഒന്നും നല്ല രീതിയിൽ പോകില്ല…..

 

ശ്രുതി : പ്രശ്നങ്ങൾ വന്നപ്പോൾ പേടിച്ചു ഓടുവാണോ…അപ്പോൾ ധൈര്യം ഉള്ളപോലെ അഭിനയിക്കുവായിരുന്നല്ലേ

 

അഖിൽ : ടീ… നീ 😡… പോകുന്നതിന് മുൻപ് എന്റെ കയ്യിൽ നിന്ന് ഒന്നും വാങ്ങിച്ചുകൂട്ടല്ലേ

 

ശ്രുതി : ഞാൻ ഉള്ളതല്ലേ പറഞ്ഞെ…പ്രശ്നങ്ങളൊക്കെ തീർക്കാവുന്നതേ ഉള്ളു ആ റോണിയും കൂട്ടുകാരും എത്ര നാളായി എന്നെ ഉപദ്രവിക്കാൻ നോക്കുന്നു എന്നിട്ട് ഞാൻ മാറി പോയോ… നീ ഉൾപ്പടെ ക്ലാസ്സിലുള്ള മിക്ക കുട്ടികളും എന്നെ എന്തൊക്കെ പേരുകളിട്ടാ വിളിക്കുന്നെ എന്നിട്ട് ഞാൻ കോളേജ് നിർത്തിയോ… എന്റെ അച്ഛനും അമ്മയ്ക്കും ഒരുപാട് വൈകിയാ ഞാൻ ഉണ്ടായെ ജനിച്ചപ്പോൾ തന്നെ കാലിന് പ്രശ്നം ഉണ്ടായിരുന്നു… നടക്കാൻ ഒന്നും പറ്റില്ലായിരുന്നു അമ്മയാ പിടിച്ചോണ്ടൊക്കെ നടന്നിരുന്നെ കുറച്ച് നാൾ കഴിഞ്ഞപ്പോൾ അമ്മ പോയി… പിന്നെ പതിയെ പതിയെ ഈ കാലും കൊണ്ട് നടക്കാൻ തുടങ്ങി… സ്റ്റിക്ക് കുത്തി നടക്കാനും ആദ്യം നല്ല പാടായിരുന്നു ഇപ്പോൾ ശെരിയായി 10 കഴിഞ്ഞപ്പോൾ എന്തിനാ ഈ കാലും വച്ച് പഠിക്കാൻ പോകുന്നെ എന്ന് ചോദിച്ചവർ ഉണ്ട്… അതൊന്നും ഞാൻ കേട്ടില്ല… ഇങ്ങോട്ട് വരാനും പോകാനും ഒക്കെ ചില്ലറ പാടല്ല ബസിൽ ഇറങ്ങുകയും കയറുകയുമൊക്കെ വേണ്ടേ… ഞാൻ ബുദ്ധി ജീവിയായത് കൊണ്ടാ എപ്പോഴും ക്ലാസ്സിൽ തന്നെ ഇരിക്കുന്നത് എന്നാ ഇവിടെ പലരും കരുതുന്നെ സത്യത്തിൽ അധികം നടന്നാൽ രാത്രി കാല് നല്ല വേദനായായിരിക്കും… ആരെങ്കിലും പിടിച്ചുകൊണ്ട് നടക്കുന്നത് ഒരു ആശ്വാസമാ പക്ഷെ എല്ലാവരോടും ചോദിക്കാൻ പറ്റില്ലല്ലോ… ലക്ഷ്മിയാ എപ്പോഴും എന്നെ കൊണ്ട് നടക്കാറ് അവളെയും എപ്പോഴും ബുദ്ധിമുട്ടിക്കുന്നത് എനിക്ക് ഇഷ്‌ടമല്ല ചിലപ്പോൾ അവൾക്ക് ഞാൻ ഒരു ശല്യമായി തോന്നിയാലോ…കഴിവതും എല്ലാം ഒറ്റക്ക് ചെയ്യാൻ നോക്കും… അതുകൊണ്ട് നീ എന്നെ കണ്ട് പഠിക്കാൻ നോക്ക്

 

അഖിൽ : എന്ത് പഠിക്കാൻ

 

ശ്രുതി : ഇത്രയും പ്രശ്നങ്ങൾ ഒക്കെ ഉണ്ടായിട്ടും അതൊന്നും മൈൻഡ് ചെയ്യാതെ ഞാൻ കോളേജിൽ വരുന്നത് കണ്ടില്ലേ… അതുപോലെ ഒന്നും കണ്ടില്ലെന്ന് വച്ച് പഠിത്തം കംപ്ലീറ്റ് ചെയ്യണം എന്ന്… ഇപ്പോൾ പിന്മാറിയാൽ ജീവിതത്തിലും ഇതുപോലെ പിന്നോട്ട് പോകേണ്ടിവരും ഞാൻ കാല് വയ്യെന്ന് കരുതി ഒരു കാര്യത്തിനും പിന്നോട്ട് പോയിട്ടില്ല പാട്ട് പാടും ഡാൻസ് ചെയ്യും ചിലരൊക്കെ കളിയാക്കുമായിരിക്കും അവരോട് ഞാൻ പോയി പണിനോക്കാൻ പറയും… ഇനി എനിക്ക് രണ്ട് കാലും ഇല്ലായിരുന്നെങ്കിൽ ഈ പറഞ്ഞതൊക്കെ ഞാൻ ഇഴഞ്ഞോണ്ട് ചെയ്തേനെ… ഞാൻ ആരുടെ മുന്നിലും തോറ്റു കൊടുക്കില്ല