💞ആയിരം കണ്ണുമായി – 5 20അടിപൊളി 

 

“ആ… മതി…”

 

അജ്മൽ ഉച്ചത്തിൽ നിലവിളിച്ചു അവനെ നിവർത്തി നിർത്തിയ ശേഷം അഖിൽ അവന്റെ മുഖത്തേക്ക് നോക്കി

 

അഖിൽ : എവിടെയാടാ ആ പെണ്ണിന്റെ ബുക്ക്‌ അതും നീയൊക്കെയല്ലേ എടുത്തെ

 

അജ്മൽ : ഇല്ല… എനിക്ക് അറിയില്ല റോണിയാ എടുത്തെ സത്യമായും അവനാ എടുത്തെ ഇത് കേട്ട അഖിൽ അടുത്ത കസേരയുമായി താഴെ കിടക്കുന്ന റോണിയുടെ അടുത്തേക്ക് എത്തി

 

റോണി : വേണ്ട…. ഞാൻ

 

അഖിൽ : ആ ബുക്ക്‌ എവിടെയാടാ

 

റോണി : അത് ഓടയിൽ എറിഞ്ഞു… ഞാൻ വേറെ വാങ്ങിത്തരാം….

 

ഇത് കേട്ട അഖിൽ റോണിക്ക് നേരെ കസേര ഓങ്ങി എന്നാൽ എന്തോ ആലോചിച്ച ശേഷം അത് ദൂരേക്ക് എറിഞ്ഞു

 

അഖിൽ : ഞാൻ ഒരുപാട് തെണ്ടിത്തരങ്ങൾ ചെയ്തിട്ടുണ്ടെടാ പക്ഷെ എല്ലാം നേർക്ക്‌ നേരയിരുന്നു ഇമ്മാതിരി ആണും പെണ്ണും കെട്ട പരുപാടിയുമായി ഇനി എന്റെ അടുത്തെങ്ങാൻ വന്നാൽ നാലിനെയും കൊന്ന് കുഴിച്ചു മൂടും മൈരുകളെ… 😡

 

ഇത്രയും പറഞ്ഞു അഖിൽ സൈഡിലായി മൂക്കും പൊത്തിനിൽക്കുന്ന രോഹിത്തിനു നേരെ തിരിഞ്ഞു

 

രോഹിത്ത് : ഞാൻ അല്ല ഇവമ്മാരാ… ഞാൻ ഇല്ലായിരുന്നു…

 

അഖിൽ : നിനക്ക് അറിയില്ലായിരുന്നോ…😡 ഇനി മേലാൽ എന്റെ അടുത്തേക്കെങ്ങാൻ വന്നു പോയാൽ…പിന്നെ ആ പെണ്ണിനെതിരെ ഓരോന്ന് ചെയ്യുന്നത് ഇന്നത്തോടെ നിർത്തിയേക്കണം ഇനിയെങ്ങാനും ഇതുപോലെ ഓരോന്നും ചെയ്തോണ്ട് വന്നാൽ..

 

ഇത്രയും പറഞ്ഞു അഖിൽ കതക് തുറന്ന് പുറത്തേക്ക് ഇറങ്ങി അപ്പോഴേക്കും അവന്റെ മനസ്സിൽ ശ്രുതി താഴെ വീണു കിടക്കുന്ന ചിത്രം തെളിഞ്ഞു… ശേഷം ഇന്ന് അവൻ അവളോട് പറഞ്ഞ വാക്കുളും…

 

അഖിൽ : കോപ്പമാര് കൂടെ നിന്ന് ഉണ്ടാക്കിയേക്കുന്നു…

 

അഖിൽ വേഗം അവിടെ നിന്നും പോയി

 

****************

 

പിറ്റേന്ന് രാവിലെ കോളേജിലേക്ക് എത്തിയ ശ്രുതി പതിയെ ക്ലാസ്സ് റൂമിലേക്ക് കയറി പെട്ടെന്നാണ് ശ്രുതി ആ കാഴ്ച കണ്ടത് അവസാന ബെഞ്ചിൽ നിന്നും മാറി അഖിൽ രണ്ടാമത്തെ ബെഞ്ചിൽ ഇരിക്കുന്നു ശ്രുതി പതിയെ അവനെ ഒന്ന് നോക്കി അവന്റെ മുഖത്തായി ചെറിയ ചെറിയ പാടുകൾ അവൾക്ക് കാണാൻ കഴിഞ്ഞു ശേഷം അവൾ പിൻബെഞ്ചിൽ ഇരിക്കുന്ന റോണിയേയും കൂട്ടുകാരെയും ഒന്ന് നോക്കി അവരുടെ മുഖത്തും അവിടവിടെയായി ചതഞ്ഞ പാടുകൾ അവൾക്ക് കാണുവാൻ കഴിഞ്ഞു ശ്രുതി പതിയെ തന്റെ സീറ്റിലേക്ക് ചെന്നിരുന്നു

 

ലക്ഷ്മി : എന്തോ പ്രശ്നം ഉണ്ടല്ലോ ശ്രുതി അവമ്മാരുടെ മുഖമൊക്കെ നീ ശ്രദ്ധിച്ചോ

 

ശ്രുതി : ഉം… എന്തോ ഉണ്ടായിട്ടുണ്ട് ഇല്ലെങ്കിൽ അവൻ സീറ്റ്‌ മാറി ഇരിക്കില്ല…

 

ഇതേ സമയം ബാക്ക് ബെഞ്ചിൽ

 

അരുൺ : നമ്മളെ ഇടിച്ചു പഞ്ചറാക്കിയിട്ട് കോപ്പൻ ഇരിക്കുന്നത് കണ്ടില്ലേ… പോയി ഒന്ന് കൊടുത്താലോ

 

അജ്മൽ : വേഗം ഓടി ചെല്ല് ക്ലാസ്സിലും കൂടി നാണം കെടാം ഒറ്റ ഇടിക്ക് വീണവനാ ഡയലോഗ് അടിക്കുന്നെ

 

അരുൺ : എന്നാൽ ഇന്നലെ നീ ഉണ്ടാക്കാത്തതെന്താ മൈരേ

 

രോഹിത്ത് : ഞാൻ നിന്നോടൊക്കെ ഏത്ര തവണ പറഞ്ഞതാ വേണ്ടെന്ന് അപ്പോൾ നിനക്കൊക്കെ ആയിരുന്നില്ലേ കഴപ്പ് അവസാനം ഒന്നും ചെയ്യാത്ത എനിക്കും കിട്ടി

 

റോണി : മതി കോപ്പന്മാരെ ബഹളം വച്ച് തല്ല് കിട്ടിയത് എല്ലാവരെയും അറിയിക്കണ്ട… ആ കൊപ്പത്തി ശ്രുതിയായിരിക്കും അവനോട് എല്ലാം പറഞ്ഞത് വന്നപ്പോഴുള്ള അവളുടെ നോട്ടം കണ്ടില്ലേ

 

അജ്മൽ : ഞാൻ അപ്പോഴേ പറഞ്ഞില്ലേ അവൻ അവളുമായി നടക്കുന്നുണ്ടെന്ന് അപ്പോൾ നീയൊന്നും കാര്യമായി എടുത്തില്ല അവസരം കിട്ടിയപ്പോൾ അവൾ നമുക്കിട്ട് പണിതു അത്ര തന്നെ

 

അരുൺ : ആ നൊണ്ടിച്ചി മോളെ വെറുതെ വിടാൻ പാടില്ല റോണി ആ കോപ്പനേയും

 

രോഹിത്ത് : ചെന്ന് കയറികൊടുക്ക് ഞാൻ ഇല്ല നാറികളെ എന്നെ ഒന്നിനും നോക്കണ്ട

 

ഇത് കേട്ട റോണി കൈമുറുക്കി ഡെസ്കിൽ പതിയെ ഇടിച്ചു…

 

ഇന്റർവൽ ടൈമിലും ലഞ്ച് ടൈമിലുമെല്ലാം അഖിൽ ആരോടും മിണ്ടാൻ പറ്റാതെ ഒറ്റപ്പെട്ടു നടന്നു ശേഷം ഗ്രൗണ്ടിനടുത്തായുള്ള ഇരിപ്പിടത്തിൽ ഇരുന്ന് ഗ്രൗണ്ടിൽ നടക്കുന്ന ക്രിക്കറ്റ്‌ കളി കാണുവാൻ തുടങ്ങി