💞ആയിരം കണ്ണുമായി – 5 20അടിപൊളി 

 

അപ്പോഴേക്കും ക്ലാസ്സിലേക്ക് അഞ്ചു മിസ്സ്‌ എത്തി

 

അഞ്ചു : എന്താടെ ഇത്…ബഹളം അങ്ങ് ഓഫീസ് വരെ കേൾക്കാലോ… ഉം ഇന്നെന്തായാലും നിങ്ങളുടെ ഇംഗ്ലീഷ് സ്പീകിംഗ് സ്കിൽസ് ഇമ്പ്രൂവ് ചെയ്യാനുള്ള ഒരു ആക്ടിവിറ്റി ചെയ്യാം

 

ഞാൻ ഓരോത്തരെയായി വിളിക്കും അവർ ഇവിടെ മുന്നിൽ വന്നു ഞാൻ പറയുന്ന ടാസ്ക് ചെയ്യണം പിന്നെ പ്രതേകം ശ്രെദ്ധിക്കേണ്ട കാര്യം ടാസ്ക് തുടങ്ങിയാൽ നിങ്ങൾ ഇംഗ്ലീഷിൽ ആയിരിക്കണം കമ്മ്യൂണിക്കേറ്റ് ചെയ്യേണ്ടത്

 

അഞ്ചു : അപ്പോൾ മനു വാ… ടാസ്ക് ഇതാണ് തനിക്ക് നല്ല പനിയും വയറുവേദനയും ജലദോഷവുമൊക്കെ ഉണ്ട് താൻ ഹോസ്പിറ്റലിൽ ഡോക്ടറിന്റെ മുന്നിൽ ഇരിക്കുകയാണ് താൻ ഡോക്ടറിനോട് ഈ രോഗവിവരങ്ങൾ ഒക്കെ പറയണം ഒന്ന് ട്രൈ ചെയ്യ്….

 

ഇത്തരത്തിൽ മിസ്സ്‌ ഓരോരുത്തരെയെയായി വിളിച്ചു ഓരോ ടാസ്ക് കൊടുക്കുവാൻ തുടങ്ങി

 

അഖിൽ : (ഇവർക്കിത് എന്തിന്റെ കേടാ സമയം കഴിയുന്നുമില്ലല്ലോ)

 

അഞ്ചു : അടുത്തത് ആ പുതിയ ആള് വന്നെ പേര് അഖിൽ എന്നല്ലേ ഇങ്ങോട്ട് വാ

 

അഖിൽ : അല്ല മിസ്സ്‌ ഞാൻ….

 

അഞ്ചു : വേഗം വാടോ സമയം ഇല്ല

 

ശ്രുതി : വേഗം പോകാൻ നോക്ക്

 

അഖിൽ : നീ പോടി

 

ഇത്രയും പറഞ്ഞു അഖിൽ മുന്നോട്ട് നടന്നു

 

അഞ്ചു : ഒന്ന് അനങ്ങി വാടോ… അപ്പോൾ ടാസ്ക് ഇതാണ് ദാ ഈ നോട്ട് ബുക്ക്‌ കണ്ടോ ഇത് അഖിൽ വിൽക്കാൻ കൊണ്ടു വന്നിരിക്കുയാണ്‌ ഇതിന്റെ ഗുണങ്ങൾ ഒക്കെ പറഞ്ഞു ഇവിടെയുള്ളവരെയൊക്കെ കോൺവീൻസ് ചെയ്യണം

 

ഇത്രയും പറഞ്ഞു മിസ്സ്‌ നോട്ട് അഖിലിന്റെ കയ്യിൽ കൊടുത്തു

 

അഖിൽ : അല്ല മിസ്സ്‌ എനിക്ക് ഇംഗ്ലീഷ് സംസാരിക്കാൻ…

 

അഞ്ചു : ടാസ്ക് തുടങ്ങിയാൽ മലയാളം പാടില്ല അറിയാവുന്നത് പോലെ ചെയ്താൽ മതി..

 

അഖിൽ പതിയെ കയ്യിൽ ഇരിക്കുന്ന നോട്ട് ബുക്ക്‌ നോക്കി

 

അഖിൽ 🙁 കോപ്പ് ഇനിയിപ്പോൾ എന്ത് ചെയ്യും)

 

അഞ്ചു : ശെരി തുടങ്ങിക്കോ വേറെയും കുട്ടികൾ ഉണ്ട്

 

അഖിൽ : ദിസ്‌ ബുക്ക്‌ ഈസ്‌….

 

അഞ്ചു : ഉം…പോരട്ടെ

 

അഖിൽ : ഗുഡ് ബുക്ക്‌… യു ലൈക്‌ ദിസ്‌ ബുക്ക്‌… പേജ് ഓഫ് ബുക്ക്‌ ഈസ്‌ വൈറ്റ്…

 

ഇത് കേട്ട ചിലകുട്ടികൾ ഒക്കെ ചിരിക്കാൻ തുടങ്ങി

 

അഞ്ചു : എന്താ ചിരിക്കൂന്നെ… ഇങ്ങനെ തന്നെയാ പഠിക്കേണ്ടേ..നീ പറയ്

 

അഖിൽ : ബുക്ക്‌ ഈസ്‌ ഗുഡ് ക്വാളിറ്റി… മതി മിസ്സ്‌ ഇത്രയുമേ ഉള്ളു

 

അഞ്ചു : ശെരി ചെന്നിരിക്ക്

 

ഇത് കേട്ട അഖിൽ തന്റെ സീറ്റിലേക്ക് ചെന്നിരുന്നു

 

കുറച്ചു സമയത്തിനുള്ളിൽ ക്ലാസ്സ്‌ അവസാനിച്ചു അഖിൽ പതിയെ ലാബിന് പുറത്തേക്ക് എത്തി മുന്നോട്ടേക് നടന്നു അവനു പിന്നാലെ തന്നെ ശ്രുതിയും അവനടുത്തേക്ക് എത്തി

 

അഖിൽ : ഇനി എന്താ വെറുതെ പോകാൻ പോയ എന്നെ കൊണ്ടുപോയി നാണം കെടുത്തിയപ്പോൾ സമാധാനം ആയല്ലോ

 

ശ്രുതി : എന്ത് നാണം കെടുത്തി… മിസ്സ്‌ പറഞ്ഞത് കേട്ടില്ലേ ഇങ്ങനെ തന്നെയാ പഠിക്കുന്നെ നീ ട്രൈ ചെയ്തല്ലോ കുറച്ച് ക്ലാസ്സ്‌ കഴിയുമ്പോൾ ശെരിയായികൊള്ളും

 

അഖിൽ : എന്ത് കുറച്ച് ക്ലാസ്സ്‌ ഞാൻ ഇനി ഇല്ല…ഇന്നത്തോടെ തീർന്നു

 

ഇത്രയും പറഞ്ഞു അഖിൽ മുന്നോട്ട് നടന്നു

 

ശ്രുതി : നിക്ക് ഞാൻ കൂടി വരട്ടെ പയ്യെ നടക്ക്

 

അഖിൽ : നീ എന്തിനാ വരുന്നെ… എനിക്ക് വേഗം പോണം

 

ശ്രുതി : അത് പിന്നെ ഒരു സഹായം വേണമായിരുന്നു

 

അഖിൽ : എന്ത് സഹായം ഒറ്റക്ക് വരാൻ കയ്യിൽ സ്റ്റിക്ക് ഉണ്ടല്ലോ

 

ശ്രുതി : അതല്ല… എനിക്ക് നല്ല തലവേദനയുണ്ട്

 

അഖിൽ : അതിന് ഞാൻ മരുന്ന് വാങ്ങി തരണോ

 

ശ്രുതി : വേണ്ട ഒരു ചായ വാങ്ങി തന്നാൽ മതി

 

അഖിൽ : എന്താ

 

ശ്രുതി : അത് പിന്നെ… ചായ കുടിച്ചാൽ തല വേദനമാറും എന്റെ കയ്യിൽ ബസിൽ പോകാനുള്ള കാശ് മാത്രമേ ഉള്ളു… ഒരു ചായ വാങ്ങി തന്നാൽ കാശ് ഞാൻ പിന്നീട് തരാം

 

അഖിൽ : നടന്നത് പോലെ തന്നെ ഒന്ന് പോകാൻ നോക്കെടി…ഞാൻ ക്ലാസ്സിൽ നിന്ന് ഉരുകിയപ്പോൾ നിന്റെ ചിരി ഞാൻ കണ്ടതാ