💞ആയിരം കണ്ണുമായി – 5 20അടിപൊളി 

 

ശ്രുതി ഒരു കള്ള ചിരിയോടെ അവനോട് ചോദിച്ചു

 

പെട്ടെന്നാണ് അഖിൽ ആ കാര്യം ഓർത്ത്

 

ശ്രുതി : എന്നെ വെറുതെ കടക്കാരി ആക്കരുത് അത് എനിക്ക് ഇഷ്ടമല്ല അതുകൊണ്ട് തിങ്കളാഴ്ച വന്നു കാശ് വാങ്ങിച്ചേക്കണം കേട്ടല്ലോ… അതുകഴിഞ്ഞു നമുക്ക് കോളേജ് നിർത്താം കേട്ടോ…

 

അഖിൽ : ടി… നീ

 

ശ്രുതി : അയ്യൊ ബസ് വന്നു… തിങ്കളാഴ്ച കാണാം

 

ഇത്രയും പറഞ്ഞുകൊണ്ട് ശ്രുതി ബസിലേക്ക് കയറി ശേഷം സീറ്റിലേക്ക് ഇരുന്ന അവൾ പുറത്തേക്ക് കൈയിട്ട് അവനെ കൈ വീശി കാണിക്കാൻ തുടങ്ങി

 

അഖിൽ : കൈ അകത്തിടടി ഇനി അതുകൂടി പോകണമായിരിക്കും

 

ഇത്രയും പറഞ്ഞുകൊണ്ട് അഖിൽ തിരിഞ്ഞു നടന്നു

 

അന്നേ ദിവസം രാത്രി ശ്രുതിയുടെ വീട്

 

ശ്രുതി : അച്ഛൻ എന്താ ഇന്ന് വൈകിയെ… ഞാൻ അങ്ങോട്ടേക്ക് ഇറങ്ങാൻ പോകുവായിരുന്നു അല്ല അതെന്താ കയ്യിൽ

 

അച്ഛൻ : ഇന്ന് ബീച്ചിൽ അല്പം ആള് കൂടുതൽ ഉണ്ടായിരുന്നു അല്പം കച്ചവടവും നടന്നു

 

ശ്രുതി : ആള് കൂടുതൽ ആയിരുന്നെങ്കിൽ എന്നെ വിളിച്ചുകൂടായിരുന്നോ എന്തിനാ ഒറ്റക്…

 

അച്ഛൻ : അതൊന്നും സാരമില്ല… മലമറിക്കുന്ന പണിയൊന്നും അല്ലല്ലോ… ഇന്നാ ഇത് പൊറോട്ടയും ചിക്കൻ ഫ്രൈയുമാ അപ്പുറത്തെ ഹോട്ടലിൽ നിന്ന് വാങ്ങിയതാ

 

ശ്രുതി : എന്തിനാ ഇതിപ്പോൾ വാങ്ങിയെ ഇവിടെ ചോറ് ഉണ്ടായിരുന്നല്ലോ

 

അച്ഛൻ : എപ്പോഴും ഇല്ലല്ലോ മോളെ… എന്നും ഈ ചോറ് തന്നെയല്ലേ കഴിക്കുന്നേ… നിനക്കും കൊതിയൊക്കെ തോന്നില്ലേ… പിന്നെ ഇന്ന് അല്പം കച്ചവടവും ഉണ്ടായിരുന്നു

 

ശ്രുതി : എനിക്ക് ഒരു കൊതിയും ഇല്ല… അച്ഛന് ഉണ്ടെങ്കിൽ അത് പറ 😁 അല്ലാതെ എന്റെ പേര് പിടിക്കണ്ട..

 

അച്ഛൻ : അതെ എനിക്ക് കൊതിയാ നീ പോയി പാത്രമൊക്കെ എടുത്ത് വെക്ക് നമുക്ക് കഴിക്കാം

 

ശ്രുതി : ഉം ശെരി… പിന്നെ ഇനി രണ്ട് ദിവസം അച്ഛന് കംപ്ലീറ്റ് റസ്റ്റ്‌ ആണ് കേട്ടോ.. കച്ചവടം ഞാൻ നോക്കിക്കൊള്ളാം

 

അച്ഛൻ : അതൊന്നും വേണ്ട എനിക്കിപ്പോൾ ഒരു കുഴപ്പവുമില്ല

 

ശ്രുതി : ഒന്നും പറയണ്ട… ഞാൻ തീരുമാനിച്ചു കഴിഞ്ഞു…

 

ഇതേ സമയം അഖിൽ തന്റെ വീട്ടിൽ

 

അഖിൽ : അവൾക്ക് എന്തെങ്കിലും കുഴപ്പം ഉണ്ടോ ഞാൻ പോകുന്നതിൽ അവൾ സന്തോഷിക്കുകയല്ലേ വേണ്ടേ… ഇതിപ്പോൾ.. ഞാൻ അവളെ എങ്ങനെയൊക്കെ ഉപദ്രവിച്ചതാ… എന്നിട്ടും തിങ്കളാഴ്ച കോളേജിൽ പോകാനെന്ന് വട്ട് കേസ് തന്നെ… അല്ല അവള് പറഞ്ഞതിലും കാര്യം ഉണ്ട് അവന്മാര് കാരണം ഞാൻ എന്തിനാ പോകാതിരിക്കുന്നെ… പക്ഷെ പോയാലും ഞാൻ ഒറ്റക്കല്ലേ… ഒരാളും എന്നെ അടുപ്പിക്കും എന്ന് തോന്നുന്നില്ല..

 

ഇത്രയും പറഞ്ഞു അഖിൽ തന്റെ ഫോൺ കയ്യിലെടുത്തു

 

“സ്വന്തം തന്തക്കും തള്ളക്കും വേണ്ട പിന്നെയാ… എത്ര ദിവസമായി അയാള് ഒന്ന് വിളിച്ചത് പോലുമില്ല എന്റെ നമ്പർ കയ്യിൽ കാണുമല്ലോ.. ഞാൻ ചത്താൽ ചിലപ്പോൾ വരുമായിരിക്കും”

 

അഖിൽ പതിയെ ബെഡിൽ നിന്നും എഴുനേറ്റ് തന്റെ മേശ തുറന്ന് ഒരു കുപ്പി കയ്യിലേക്ക് എടുത്തു

 

“Hit ”

 

” ഇത് വായിലേക്ക് അടിച്ചാൽ ചാകുമായിരിക്കും ഇങ്ങനെ ജീവിച്ചിട്ട് എന്തിനാ ”

 

അഖിൽ പതിയെ കുപ്പി വായോട് അടുപ്പിച്ചു ശേഷം പെട്ടെന്ന് തന്നെ അത് മാറ്റി

 

“വേണ്ട… ചത്താൽ പുഴുത്ത് നാറുന്നവരെ ഒരു പട്ടിയും തിരിഞ്ഞു നോക്കില്ല…അയാളെ അറിയിച്ചാലും അയാള് വരില്ല.. അവസാനം അറപ്പോടെ ആരെങ്കിലും വന്നു വാരി എടുക്കും…”

 

അഖിലിന്റെ കണ്ണുകൾ നിറഞ്ഞു അവൻ പതിയെ ആ കുപ്പി മേശക്കുള്ളിലേക്ക് തന്നെ വച്ചു ശേഷം മേശപ്പുറത്തിരുന്ന ഒരു ബുക്ക്‌ കയ്യിലേക്ക് എടുത്തു അത് തുറന്നു അതിനുഉള്ളിൽ ഒരു സ്ത്രീയുടെ ഫോട്ടോ ഉണ്ടായിരുന്നു അവൻ അത് കയ്യിലേക്ക് എടുത്തു

 

“അമ്മേ… നിങ്ങള് എവിടെയാ….ഇപ്പോൾ ജീവനോടെ ഉണ്ടോ…. എന്നെങ്കിലും തിരിച്ചു വരുവോ”

 

***************************

 

പിറ്റേന്ന് വൈകുന്നേരം ബീച്ചിൽ ശ്രുതിയുടെ കട