💞ആയിരം കണ്ണുമായി – 5 20അടിപൊളി 

 

അഖിൽ 🙁 കോപത്തിക്ക് സന്തോഷമായെന്ന് തോന്നുന്നു ആവട്ടെ ഒരാളെങ്കിലും സന്തോഷിച്ചല്ലോ)

 

അന്നേ ദിവസം കോളേജ് ടൈമിനു ശേഷം അഖിൽ ബാഗുമായി ക്ലാസിനു പുറത്തേക്ക് ഇറങ്ങി ശേഷം പാർക്കിംഗ് ഏരിയ ലക്ഷ്യമാക്കി നടന്നു തുടങ്ങി

 

“ഹലോ എങ്ങോട്ടാ ”

 

പെട്ടെന്നാണ് അഖിൽ പുറകിൽ നിന്നും ആ വിളിക്കേട്ടത് അവൻ പതിയെ തിരിഞ്ഞു നോക്കി അത് ശ്രുതിയായിരുന്നു അവൾ പതിയെ അവന്റെ അടുത്തേക്ക് എത്തി

 

ശ്രുതി : എങ്ങോട്ടാ ഈ പോകുന്നെ ഇന്ന് അസാപ്പ് ഉണ്ട്

 

അഖിൽ : ഞാൻ ഒരു ആപ്പിലോട്ടും ഇല്ല ഞാൻ നിർത്തുവാണെന്ന് പറഞ്ഞില്ലേ

 

ശ്രുതി : അത് പറ്റില്ല… നമ്മൾ ഒരു ക്ലാസ്സിൽ അല്ലേ മിസ്സ്‌ എന്നോട് ചോദിക്കും കൂടെ ഉള്ളവരെ വിളിച്ചുകൊണ്ട് വരണം എന്നാ മിസ്സ്‌ പറഞ്ഞിട്ടുള്ളെ എന്തായാലും നിർത്താൻ പോകുവല്ലേ അവസാനമായി ഈ ക്ലാസ്സിൽ കൂടി കയറിക്കൊ

 

അഖിൽ : ഞാൻ…

 

എന്നാൽ ശ്രുതി പെട്ടെന്ന് തന്നെ അഖിലിന്റെ കയ്യിൽ പിടുത്തമിട്ട ശേഷം മുന്നോട്ട് നടന്നു

 

അല്പസമയത്തിനു ശേഷം ഇരുവരും ലാബിൽ

 

ശ്രുതി : മിസ്സ്‌ വരാൻ 10 മിനിറ്റ് ലേറ്റാകും സിസ്റ്റം ഒക്കെ ഓണാക്കി വെക്ക് വർക്ക്‌ പെന്റിങ് ഉള്ളവർ അത് ചെയ്യാനാ പറഞ്ഞെ

 

ഇത്രയും പറഞ്ഞു ശ്രുതി സിസ്റ്റത്തിൽ എന്തൊക്കെയോ ചെയ്യാൻ തുടങ്ങി

 

അഖിൽ : എടി… നിനക്ക് എന്നോട് ഒന്നും ചോദിക്കാൻ ഇല്ലേ

 

ശ്രുതി : എന്ത് ചോദിക്കാൻ

 

അഖിൽ :അല്ല…ഞാൻ

 

ശ്രുതി : നിന്റെ ബൈക്ക് കേടാക്കിയത് അവമ്മാരാണ് അല്ലേ… ഇതല്ലേ നിനക്ക് പറയാൻ ഉള്ളത്

 

അഖിൽ : ഇത് നിനക്ക് എങ്ങനെ അറിയാം

 

അഖിൽ ഒരു നെട്ടലോടെ ചോദിച്ചു

 

ശ്രുതി : എന്റെ തലയിൽ തലച്ചോറ് എന്നൊരു സാധനം ഉണ്ട് അതുകൊണ്ട് പിടികിട്ടി

 

അഖിൽ : ഇത് മാത്രമല്ല… ആ കോപ്പമാര്…. അവമ്മാരാ നിന്റെ ബുക്കും എടുത്തെ

 

ശ്രുതി : ഇതും നിനക്ക് ഇപ്പോഴാണോ പിടികിട്ടിയെ

 

ശ്രുതി പതിയെ ചിരിച്ചു

 

അഖിൽ : അപ്പോൾ നിനക്കിത് അറിയാമായിരുന്നോ

 

ശ്രുതി : ആദ്യം അറിയില്ലായിരുന്നു പിന്നീട് ഒന്ന് ആലോചിച്ചപ്പോൾ കിട്ടി

 

അഖിൽ : എന്നിട്ടാണോടി എന്നോട് പറയാതിരുന്നേ 😡

 

ശ്രുതി : പറഞ്ഞിട്ട് എന്തിനാ നിന്റെ തെറി കേൾക്കാനോ ഇന്നലെ എന്തൊക്കെയാ പറഞ്ഞെ അവന്മാര് എന്റെ ഫ്രണ്ട്സ് ആണെന്നോ ഞാൻ തമ്മിൽ തല്ലിക്കാൻ നോക്കിയെന്നോ തമ്മിൽ തല്ലിക്കാൻ ആയിരുന്നെങ്കിൽ ഇത് മനസ്സിലായപ്പോൾ തന്നെ എനിക്ക് പറയാമായിരുന്നു… എന്തായാലും കൂട്ടുകാരുടെ തനി നിറം കണ്ടല്ലോ

 

ഇത് കേട്ട അഖിൽ ദേഷ്യത്തോടെ കൈ മുറുക്കി

 

ശ്രുതി : എന്താ ഇതുവരെ ദേഷ്യം തീർന്നില്ലേ അവന്മാരുടെ മുഖം കണ്ടാൽ അറിയാം നല്ലത് കൊടുത്തിട്ടുണ്ടെന്ന് 😁

 

ഇത്രയും പറഞ്ഞു ശ്രുതി ചിരിച്ചു

 

അഖിൽ : നാറികള് എല്ലാരും ഇങ്ങനെയാ കൂടെ നിന്നിട്ട്…

 

ശ്രുതി : എല്ലാവരും അങ്ങനെയാണേന്ന് ഒന്നും പറയണ്ട

 

അഖിൽ : അല്ലാതെ പിന്നെ എല്ലാവരും ഇങ്ങനെ തന്നെയാ അവസരം കിട്ടിയാൽ പിന്നിൽ നിന്ന് കുത്തും… കഴിഞ്ഞകോളേജിലും ഉണ്ടായിരുന്നു ഇതുപോലെ രണ്ടെണ്ണം അവനൊക്കെ വേണ്ടി ഞാൻ എന്തൊക്കെ ചെയ്തിട്ടുണ്ടെന്നോ അവസാനം കൂടെ നിന്ന് കാല് വാരി…

 

ശ്രുതി : നീ ഈ ചീഞ്ഞ തക്കാളിയുടെ കാര്യം കേട്ടിട്ടുണ്ടോ അതിന്റെയടുത്ത് നല്ല തക്കാളി ഇരുന്നാൽ അതും ചീഞ്ഞു പോകും നീ ചീഞ്ഞതക്കാളികളെ മാത്രം തേടിപിടിച്ചു അതാ പ്രശ്നമായെ ആദ്യ ദിവസം തന്നെ ഞാൻ നിന്നോട് പറഞ്ഞതല്ലേ അവരുമായുള്ള കൂട്ട് നല്ലതല്ലെന്ന് സത്യത്തിൽ കുഴപ്പം നിനക്ക് തന്നെയാ … അല്ലാതെ മറ്റുള്ളവരെ കുറ്റം പറയണ്ട… പിന്നെ അവർക്ക് വേണ്ടി കുറേ കാര്യങ്ങളൊക്കെ ചെയ്തു എന്ന് പറഞ്ഞില്ലേ അതൊക്കെ നല്ല കാര്യങ്ങൾ തന്നെ ആയിരുന്നോ ഞാൻ കേട്ടത് വച്ച് അല്ല മോശം കാര്യങ്ങൾക്ക്‌ മോശം പ്രതിഫലം തന്നെ ഉണ്ടാകും… പിന്നെ ഇന്ന് ഉച്ചക്ക് എന്നോട് സംസാരിച്ചപ്പോൾ നീ ഒരു കാര്യം പറഞ്ഞിരുന്നു എനിക്ക് നിന്റെ കയ്യിൽ നിന്ന് എന്താ വേണ്ടത് എന്ന് അതാണ് നിന്റെ പ്രശ്നം എല്ലാവരും നിന്നോട് മിണ്ടുന്നത് എന്തെങ്കിലും നേട്ടത്തിന് വേണ്ടിയാണെന്നാ നീ കരുതുന്നെ..ചിലരുടെ കാര്യത്തിൽ അത് ശെരിയായിരിക്കും പക്ഷെ എല്ലാവരും അങ്ങനെയല്ല