💞ആയിരം കണ്ണുമായി – 5 20അടിപൊളി 

 

ശ്രുതി : എത്ര പൊതിയാ മോനെ

 

“മൂന്നെണ്ണം”

 

ശ്രുതി : ഇതാ 30 രൂപ

 

ശ്രുതി കാശ് വാങ്ങിയ ശേഷം കപ്പലണ്ടി പൊതികൾ നൽകി

 

ശ്രുതി : ദൈവമേ… ഇന്നല്പം കൂടുതൽ കച്ചവടം നടക്കണേ കറന്റ് ബില്ലൊക്കെ അടക്കേണ്ടതാ…

 

“എന്താടി ഒറ്റക്ക് സംസാരിക്കുന്നെ ”

 

പെട്ടെന്നാണ് ശ്രുതി ആ ശബ്ദം കേട്ടത് അവൾ പതിയെ തിരിഞ്ഞു നോക്കി അത് അഖിൽ ആയിരുന്നു

 

ശ്രുതി : നീയോ… നീ എന്താ ഇവിടെ

 

അഖിൽ : എനിക്ക് എന്താ ബീച്ചിൽ വന്നൂടെ

 

ശ്രുതി : അതല്ല..

 

അഖിൽ : എന്തല്ല… ഞാൻ ഒന്ന് കാറ്റുകൊള്ളാൻ വന്നതാ…

 

ശ്രുതി : ( കാറ്റ് കൊള്ളാനോ വായിനോക്കാനോ)

 

അഖിൽ : എന്താ

 

ശ്രുതി : ഇവിടെ നല്ല കാറ്റാണെന്ന് പറയുവായിരുന്നു

 

അഖിൽ : എന്നാൽ എന്റെ പൈസ ഇങ്ങ് എടുക്ക് ഞാൻ പോയേക്കാം

 

ശ്രുതി : ആ പത്ത് രൂപക്ക് വേണ്ടിയാണോ നീ എന്റെ അടുത്തേക്ക് വന്നത്

 

അഖിൽ : അതെ അതിനിപ്പോൾ എന്താ കാശെടുക്ക് പെട്ടിയിൽ കിടപ്പുണ്ടല്ലോ

 

ശ്രുതി : ഈ കാശ് തരാൻ പറ്റില്ല തിങ്കളാഴ്ച കോളേജിലേക്ക് വാ തരാം

 

അഖിൽ : ഞാൻ ഇനി അങ്ങോട്ടേക്ക് ഇല്ല… പൈസ ഇല്ലെങ്കിൽ വേണ്ട… ഞാൻ വേണ്ടെന്ന് വച്ചു.. നിനക്ക് കടക്കാരി ആകാൻ ഇഷ്ടമില്ല എന്ന് പറഞ്ഞത് കൊണ്ട് ചോദിച്ചന്നേ ഉള്ളു

 

ശ്രുതി : അതെ ഇഷ്ടമില്ല… പക്ഷെ ഇതിൽ നിന്നും എടുക്കാനും പറ്റില്ല

 

അഖിൽ : അതെന്താ പറ്റാത്തെ

 

ശ്രുതി : കച്ചവടം കഴിയാതെ വേറെ ആവശ്യത്തിനൊന്നും കാശ് എടുക്കാൻ പാടില്ല അത് അങ്ങനെയാ…

 

അഖിൽ : നിനക്ക് എന്താടി…

 

ശ്രുതി : അത് അങ്ങനെയാ… ബാക്കി കൊടുക്കാൻ മാത്രമേ അതിന് മുൻപ് ഞാൻ കാശ് തൊടു… ഇല്ലെങ്കിൽ കച്ചവടം കുറയും

 

അഖിൽ : കോപ്പ്…നീ എന്താടി അന്തവിശ്വാസിയാണോ

 

ശ്രുതി : അന്തവിശ്വാസമൊന്നുമല്ല… ഇനി നിനക്ക് കാശ് വേണമെങ്കിൽ കട അടക്കുന്നത് വരെ ഇവിടെ ഇരിക്ക് അടച്ച ശേഷം എടുത്താൽ കുഴപ്പമില്ല

 

അഖിൽ : നീ എന്താ കളിക്കുവാണോ

 

ശ്രുതി : അല്ല കാര്യമായിട്ടാ

 

അഖിൽ : അല്ല എത്ര മണിക്കാ കട അടക്കുവ

 

ശ്രുതി : ഒരു 9 :30 … ചിലപ്പോൾ 10

 

അഖിൽ : ടീ… നീ… 😡… ഓഹ് മനസ്സിലായി എന്നെ കളിയാക്കുവാ അല്ലേ… കാശും വേണ്ട ഒരു കോപ്പും വേണ്ട…

 

ശ്രുതി : ഹേയ് പോകല്ലേ… ഇവിടെ ഇരിക്ക് അല്പം കഴിഞ്ഞു പോകാം

 

അഖിൽ : എന്തിന്

 

ശ്രുതി : എനിക്ക് കുറച്ച് കാര്യങ്ങൾ പറയാൻ ഉണ്ട്

 

അഖിൽ : നീ പറയണ്ട എനിക്ക് പോകണം

 

ശ്രുതി : പോയിട്ട് എന്താ അത്യാവശ്യം വല്ലതും ഉണ്ടോ… ഒന്നിരിക്ക് കാറ്റ് കൊള്ളാൻ വന്നതല്ലേ ഇവിടെ ഇരുന്ന് കൊള്ളാല്ലോ

 

ഇത് കേട്ട അഖിൽ അവളുടെ അടുത്തായുള്ള സ്റ്റൂളിൽ ഇരുന്നു

 

അഖിൽ : എന്താ പറയാൻ ഉള്ളെ

 

ശ്രുതി : അത് പിന്നെ….നീ എന്തിനാ കോളേജ് നിർത്തുന്നേ

 

അഖിൽ : ഇതിനുള്ള ഉത്തരം ഇന്നലെ ഞാൻ നിനക്ക് തന്നതല്ലേ

 

ശ്രുതി : അതൊക്കെ എന്ത് കാരണമാ അവന്മാര് ഇല്ലെങ്കിൽ വേറെ കൂട്ടുകാരെ കണ്ടെത്തണം അപ്പോൾ ഒറ്റപെടത്തില്ല

 

അഖിൽ : കോപ്പാണ്…ഇന്നലെ മുന്നിൽ ചെന്നിരുന്നിട്ട് ഒറ്റ ഒരുത്തൻ എന്നോട് മിണ്ടിയിട്ടില്ല…

 

ശ്രുതി : അത് മുഖവും ഇങ്ങനെ വച്ചോണ്ട് ഇരിക്കുന്നത് കൊണ്ടാ മനുഷ്യനായാൽ മുഖത്ത്‌ അല്പം ചിരിയൊക്കെ വേണം

 

അഖിൽ : ഞാൻ ഇങ്ങനെയാ… മാറാൻ ഒന്നും പറ്റില്ല

 

ശ്രുതി : ഇതാ പ്രശ്നം… പിന്നെങ്ങനെ അവരൊക്കെ മിണ്ടും…

 

പെട്ടെന്ന് കുറച്ച് കസ്റ്റമെഴ്‌സ് കടയിലേക്ക് വന്നു ശ്രുതി അവർക്ക് കപ്പലണ്ടി കൊടുക്കാൻ തുടങ്ങി

 

“ചേച്ചി20 രൂപക്ക് ഉപ്പ് മാങ്ങാ ”

 

ശ്രുതി വേഗം മാങ്ങ കോരാൻ തുടങ്ങി

 

“അഖിലെ ആ കവർ എടുത്ത് ഒന്ന് നേരെ പിടിച്ചേ ”

 

അഖിൽ : കവറോ

 

ശ്രുതി : അവിടെ ഇരിക്കുന്നത് ഈ മാങ്ങ ഒന്ന് ഇട്ടോട്ടെ

 

അഖിൽ : ഇവള് 😡

 

അഖിൽ കവറെടുത്ത് പിടിച്ചു