💞ആയിരം കണ്ണുമായി – 7 12

 

ശ്രുതി : ഉം അതെ മിസ്സ്‌ അറിഞ്ഞു…

 

അഖിൽ : ഇനിയിപ്പോൾ എന്ത് ചെയ്യും

 

ശ്രുതി : മിസ്സ്‌ നമ്മളെ പൊരിക്കും അതൊക്കെ കേൾക്കണം അത്ര തന്നെ..

 

അഖിൽ : ഓഹ്… ഇതെങ്ങനെ ഇവരറിഞ്ഞു

 

ശ്രുതി : നമ്മൾ ഇവിടുന്നല്ലേ കയറി പോയത് ആരെങ്കിലും കണ്ടുകാണും

 

അഖിൽ : നിനക്കെന്താടി ഒരു കൂസലും ഇല്ലാത്തെ

 

ശ്രുതി : ഞാൻ ഇത് പ്രതീക്ഷിച്ചാ വന്നെ അതുകൊണ്ട് വലിയ പ്രശ്നമൊന്നുമില്ല.. അല്ല നിനക്കെന്താ പേടിയാണോ

 

അഖിൽ : എനിക്കൊരു കോപ്പുമില്ല… ഞാൻ ഒരുപാട് തവണ ഇതൊക്കെ കേട്ടിട്ടുള്ളതാ പക്ഷെ നിന്റെ കാര്യം അങ്ങനെയല്ലല്ലോ… നീ പെർഫെക്ട് ആയിരുന്നില്ലേ…

 

ശ്രുതി : ഞാൻ പെർഫെക്ട് ആണെന്ന് സമ്മതിച്ചല്ലോ സന്തോഷം…വാ എന്തായാലും ടിസി ഒന്നും തരാൻ പോകുന്നില്ല…

 

അല്പനേരത്തിനുള്ളിൽ രണ്ടുപേരും സ്റ്റാഫ്‌ റൂമിൽ

 

ശ്രുതി : മിസ്സ്‌…

 

ദേവി മിസ്സ്‌ : ഓഹ് എത്തിയോ… കറക്കമൊക്കെ എങ്ങനെയുണ്ടായിരുന്നു

 

ശ്രുതി : മിസ്സ്‌ വിവാചരിക്കുന്നത് പോലെ…

 

 

 

ദേവി : ഒന്നും പറയണ്ട… മനുഷ്യനെ നാണം കെടുത്താനായിട്ട്… രണ്ടും കൂടി എങ്ങോട്ട് പോയതാ ങ്ങേ…

 

അഖില് : മിസ്സ്‌ വെറുതെ കാര്യം അറിയാതെ ഇവളുടെ മെക്കിട്ട് കയറല്ലേ… എനിക്കൊരു അത്യാവശ്യം ഉണ്ടായിരുന്നു അതിന് ഹെല്പ് ചെയ്യാനാ ഇവൾ എന്റെ കൂടെ വന്നെ അല്ലാതെ വേറെ ഒന്നുമല്ല…

 

ദേവി : നിന്നോട് ഞാൻ ചോദിച്ചോ… ചോദിച്ചോന്ന്… ഹെല്പ് പോലും ഈ വയ്യാത്ത കൊച്ചു നിന്നെ എന്ത് ഹെല്പ് ചെയ്യാനാ…

 

ശ്രുതി : അങ്ങനെ പറയല്ലേ മിസ്സ്‌ എനിക്ക് ഒരു കുഴപ്പവുമില്ല…

 

ദേവി : എന്ത് കുഴപ്പം ഇല്ലെന്ന് കണ്ടവമ്മാരുടെ കൂടെ പോയി വല്ലതും പറ്റിയാൽ… അവസാനം ഞാൻ തൂങ്ങും… ഭിന്ന ശേഷിക്കാരിയെ നന്നായി നോക്കിയില്ല എന്ന് പറഞ്ഞു…

 

അഖിൽ : മിസ്സേ വെറുതെ അനാവശ്യം പറയരുത്… മിസ്സ്‌ പറയുന്നത് കേട്ടാൽ ഞാൻ ഇവളെ വേറെ എന്തിനോ കൊണ്ടുപോയി എന്ന് തോന്നുമല്ലോ…

 

ദേവി : ശബ്ദം താഴ്ത്ത് അഖിലെ ഇവിടെ കിടന്ന് പ്രശ്നം ഉണ്ടാക്കിയാൽ പിന്നെ നീ ഈ കോളേജിൽ കാണില്ല

 

ശ്രുതി : മിസ്സേ ഞങ്ങൾ ഞാൻ പണ്ടു പഠിച്ച സ്കൂളുവരെ ഒന്നുപോയതാ അവിടെ ഇവനൊരു ആവശ്യം ഉണ്ടായിരുന്നു… എനിക്ക് പരിചയം ഉള്ളത് കൊണ്ട് ഇവനെ ഹെല്പ് ചെയ്യാൻ ചെന്നതാ ഇതാണ് സത്യം

 

ദേവി : നിങ്ങള് പറയുന്നതൊക്കെ ഞാൻ തൊണ്ട തൊടാതെ വിഴുങ്ങും എന്നാണോ കരുതുന്നെ… ഇതൊക്കെ ഞാൻ ഒരുപാട് കണ്ടിട്ടുള്ളതാ

 

ശ്രുതി : ഞാൻ പറഞ്ഞത് സത്യമാ ഇതിൽ കൂടുതൽ ഒന്നും പറയാനില്ല മിസ്സേ… എന്റെ വീട്ടിൽ ഞാൻ കാര്യം പറഞ്ഞിട്ടുണ്ട് എന്റെ അച്ഛന് അത് വിശ്വാസവും വന്നിട്ടുണ്ട് എനിക്ക് അത് മതി.. പിന്നെ ഞാൻ കോളേജിൽ നിന്നും ക്ലാസ്സ്‌ കട്ട്‌ ചെയ്തല്ല പോയത് അന്ന് ഞാൻ കോളേജിൽ വന്നിട്ടില്ല… മിസ്സ്‌ അറ്റണ്ടൻസ് പരിശോധിച്ചു നോക്കു ക്ലാസ്സിൽ ഏറ്റവും കൂടുതൽ അറ്റണ്ടൻസ് എനിക്കായിരിക്കും.. എനിക്ക് ആവശ്യം വന്നപ്പോൾ ഒരു ലീവ് എടുത്തു അത്രയല്ലേ ഉള്ളു.. എന്റെ വീട്ടുകാർക്കും കുഴപ്പമില്ല പിന്നെ എന്താ

 

 

 

ദേവി : താൻ എന്താ ഓവർ സ്മാർട്ട്‌ ആകാൻ നോക്കുവാണോ..ശരി തന്റെ വീട്ടുകാർക്ക് പ്രശ്നം ഇല്ലെങ്കിൽ എനിക്ക് എന്താ… പക്ഷെ ഇതിന്റെ പേരിൽ ഒരു പ്രശ്നം ഇവിടെ ഉണ്ടാകരുത്… ഉണ്ടായാൽ ഞങ്ങൾ ആരും കൂടെ കാണില്ല… രണ്ടും പോകാൻ നോക്ക്

 

ഇത് കേട്ട ശ്രുതിയും അഖിലും പോകാനായി ഒരുങ്ങി

 

ദേവി : പിന്നെ ശ്രുതി ഇനി ക്ലാസ്സിന്റെ കാര്യങ്ങൾ നോക്കണ്ട ഞാൻ വേറെ പ്രസിഡന്റിനെ എടുത്തോളാം

 

ഇത് കേട്ട ശ്രുതി അവിടെ നിന്നും ഇറങ്ങി പിന്നാലെ അഖിലും

 

അഖില് : നിനക്ക് എന്തിന്റെ കേടാടി… എന്തിനാ അവരോട് എതിർത്ത് പറയാൻ പോയെ… എന്റെ തലയിൽ ഇട്ടിട്ട് തടി ഊരിയാൽ പോരായിരുന്നോ

 

ശ്രുതി : എനിക്ക് മനസ്സില്ല… മിസ്സിന്റെ വായിലുള്ളത് മുഴുവൻ കേട്ടു ഇനി നിന്റെ ചട്ടം കൂടി സഹിക്കണമായിരിക്കും അല്ലെ..