💞ആയിരം കണ്ണുമായി – 7 12

 

ശ്രുതി : ആ സമയത്ത്‌ ഇവരൊന്നും ഉണ്ടായിരുന്നില്ല… പുതിയ ആളുകൾ ആണെന്ന് തോന്നുന്നു

 

അഖിൽ : ഇനിയിപ്പോൾ എന്ത് ചെയ്യും

 

ശ്രുതി : നിക്ക് ഞാൻ ചോദിച്ചു നോക്കാം നീ വാ

 

അവർ പതിയെ ആദ്യമിരുന്നിരുന്ന ടീച്ചറിന്റെ അടുത്തേക്ക് എത്തി

 

ശ്രുതി : എസ്ക്യൂസ്‌മി ടീച്ചർ…

 

“എന്താ… ആരെയെങ്കിലും കാണാനാണോ ”

 

ശ്രുതി : അതെ ടീച്ചർ…

 

“ഇപ്പോൾ ക്ലാസ്സ്‌ ടൈം ആണ്…ഇന്റർവൽ ടൈമിലെ വിസിറ്റ് ചെയ്യാൻ പറ്റു… ഏത് ക്ലാസ്സിലെ കുട്ടിയെയാ കാണേണ്ടത്… പെർമിഷൻ എടുത്തിട്ടുണ്ടോ ”

 

ശ്രുതി : കുട്ടിയെ അല്ല ടീച്ചർ കാണേണ്ടെ ഒരു ടീച്ചറിനെയാ

 

“ടീച്ചറിനെയോ ”

 

ശ്രുതി : അതെ… ഞാൻ ഇവിടെ പഠിച്ചിരുന്നതാ എന്നെ പഠിപ്പിച്ച ഒരു ടീച്ചർ ഉണ്ടായിരുന്നു…

 

” ടീച്ചറിന്റെ പേരെന്താ ”

 

ശ്രുതി : ആനി ടീച്ചർ..

 

“ആനിയോ അങ്ങനെ ഒരു ടീച്ചർ ഇവിടെ ഇല്ലല്ലോ… സജീവ് സാറേ ആനി എന്ന് പറയുന്ന ടീച്ചർ ഇവിടെ ഉണ്ടോ ”

 

“ആനിയോ… ഹേയ് ഇല്ല ”

 

“ഇല്ല കുട്ടി ആനി എന്ന് പറയുന്ന ആരും ഇപ്പോൾ ഇവിടെ പഠിപ്പിക്കുന്നില്ല അല്ല കുട്ടിയെ എത്ര വർഷം മുൻപാ ടീച്ചർ പഠിപ്പിച്ചിരുന്നേ ”

 

ശ്രുതി : ഒരു 6,7 വർഷമാകും

 

” അപ്പോൾ പിന്നെ ട്രാൻസ്ഫർ ആയിക്കാണും അങ്ങനെ ലോങ്ങ്‌ പിരിയിട് ഒക്കെ ഒരു സ്കൂളിൽ ഉണ്ടാകുക അപൂർവമാണ് ”

 

അഖിൽ : എങ്ങോട്ടാ ട്രാൻസ്ഫർ ആയിപോയത് എന്ന് അറിയാൻ പറ്റുവോ

 

“അതൊക്കെ ഞങ്ങൾ എങ്ങനെ അറിയാനാ ഞാൻ വന്നപ്പോൾ ഇവിടെ ആനി എന്ന് പറയുന്ന ആരും ഉണ്ടായിരുന്നില്ല.. ഇവിടെയുള്ള ആർക്കും അറിയുമെന്നും തോന്നുന്നില്ല ”

 

അഖിൽ : ഇവിടെ ഡീറ്റെയിൽസ് എന്തെങ്കിലും കാണില്ലേ ഒന്ന് നോക്കിയാൽ ചിലപ്പോൾ കിട്ടും

 

“ഞാൻ പറഞ്ഞില്ലേ ഇതിൽ കൂടുതൽ ഒന്നും അറിയില്ല നിങ്ങൾ പോകാൻ നോക്ക്… ഇല്ലെങ്കിൽ വേറെ വഴി അന്വേഷിച്ചു നോക്ക് ഇവിടെ നിന്ന് നേരം കളയണ്ട… പിന്നെ അധികനേരം ഇവിടെ വിസിറ്റേഴ്സിനെ അലോ ചെയ്യാൻ പറ്റില്ല ”

 

അഖിൽ : നിങ്ങൾ…

 

ശ്രുതി : അഖിൽ ഇങ്ങ് വന്നേ…. വാ

 

ശ്രുതി അഖിലിനെയും കൊണ്ട് പുറത്തേക്ക് ഇറങ്ങി

 

അഖിൽ : നിനക്ക് എന്താടി… ഞാൻ സംസാരിച്ചുകൊണ്ട് ഇരുന്നത് കണ്ടില്ലേ

 

ശ്രുതി : സംസാരം റോങ്ങ്‌ ആകാൻ തുടങ്ങിയപ്പോഴാ വരാൻ പറഞ്ഞെ… അവരോട് ചോദിച്ചിട്ട് കാര്യമില്ല… ടീച്ചർ മാറിപോയെന്ന് തോന്നുന്നു

 

അഖിൽ : ഇവിടെ റെക്കോർഡ് ഒക്കെ കാണും

 

ശ്രുതി : ഉണ്ടെങ്കിൽ തന്നെ നമ്മൾ ചോദിച്ചാൽ കാണിക്കില്ല… അവർക്ക് വേറെ നൂറ് കൂട്ടം പണിയും കാണും

 

അഖിൽ : എന്ത് പണി ഇരുന്ന് ഉറങ്ങുവായിരുന്നില്ലേ

 

ശ്രുതി : പ്രശ്നം ഉണ്ടാക്കാതെ വാ അഖിലെ… അല്ല അത് ബിന്ദു ആന്റി അല്ലെ…ബിന്ദു ആന്റി… ബിന്ദു ആന്റി…

 

അഖിൽ : ആരാടി അത്

 

ശ്രുതി : ബിന്ദു ആന്റി ഇവിടുത്തെ പിയൂണാ ഞാൻ പഠിച്ചപ്പോൾ ഉണ്ടായിരുന്ന ആളാ… ടീച്ചറിനെ കുറിച്ച് ആന്റിക്ക്‌ അറിയാമായിരിക്കും

 

അല്പം വയസ്സായ ആ സ്ത്രീയെ നോക്കി ശ്രുതി പിന്നെയും വിളിച്ചു അവർ പതിയെ ശ്രുതിയുടെ അടുത്തേക്ക് എത്തി

 

“എന്നെയാണോ വിളിച്ചേ ”

 

ശ്രുതി : അതെ ആന്റി എന്നെ മസ്സിലായില്ലേ… ശ്രുതി 6 b… പണ്ട് പടിയിൽ നിന്നൊക്കെ വീണ്..

 

“അയ്യൊ… ആ ശ്രുതികുട്ടി ആണോ ഇത് എനിക്ക് പെട്ടെന്ന് മനസ്സിലായില്ല… അല്ല ഇപ്പോൾ എന്താ ഇവിടെ… ഇതാരാ മോളെ…”

 

ശ്രുതി : ഇതോ ഇത്…

 

“അമ്മാവന്റെ മോനാ അഖിൽ”

 

അഖിൽ ആയിരുന്നു ആ ചോദ്യത്തിന് ഉത്തരം നൽകിയത്

 

ബിന്ദു : ഓഹ്… അല്ല എന്താ വന്നതെന്ന് പറഞ്ഞില്ല

 

ശ്രുതി : ആന്റി നമ്മുടെ ആനി ടീച്ചർ ഇല്ലേ ടീച്ചറെ ഒന്ന് കാണാൻ വന്നതാ

 

ബിന്ദു : അയ്യൊ… ടീച്ചർ ഇവിടുന്ന് പോയിട്ട് കുറച്ച് വർഷമായല്ലോ

 

അഖിൽ : എങ്ങോട്ടാ പോയത് എന്ന് അറിയാമോ…

 

ബിന്ദു : അങ്ങനെ ചോദിച്ചാൽ കൊല്ലത്തൊട്ടോ മറ്റോ ആണ് ട്രാൻസ്ഫർ എന്ന് തോന്നുന്നു…