💞ആയിരം കണ്ണുമായി – 7 12

 

ഇത്രയും പറഞ്ഞു ശ്രുതി മുന്നോട്ട് നടന്നു

 

ഫസ്റ്റ് പിരിയിഡിന് ശേഷം

 

ലക്ഷ്മി : ഉണ്ടായിരുന്ന പ്രസിഡന്റ് സ്ഥാനം കളഞ്ഞു കുളിച്ചപ്പോൾ നിനക്ക് സമാധാനമായിക്കാണുമല്ലോ അല്ലെ…പിന്നെ മിസ്സിന് നിന്നോട് നല്ല ഇഷ്ടമായിരുന്നു അതും നീ ഇല്ലാതാക്കി ഇന്ന് ക്ലാസ്സ്‌ എടുത്തപ്പോൾ കണ്ടില്ലേ നിന്നെ മൈൻഡ് പോലും ചെയ്തില്ല ഇല്ലെങ്കിൽ ഒരു നൂറ് വട്ടം നിന്നോട് ഓരോന്ന് ചോദിക്കുന്നതല്ലേ

 

ശ്രുതി : അത് ഇഷ്ടമൊന്നുമല്ല സഹതാപമാ എനിക്കത് ഇന്ന് മനസ്സിലായി… എന്റെ കഴിവ് കണ്ടിട്ടാ പ്രസിഡന്റ് സ്ഥാനം തന്നത് എന്നാ ഞാൻ കരുതിയെ എന്നാൽ അതും സഹതാപം കൊണ്ടായിരിരുന്നു അതുകൊണ്ട് അത് പോയത് നന്നായി…

 

ലക്ഷ്മി : നീ ഇങ്ങനെ എല്ലാത്തിനും ഓരോ കാരങ്ങൾ കണ്ടെത്തിക്കോ അവൻ വരുന്നത് വരെ ഒരു പ്രശ്നവും ഇല്ലായിരുന്നു…

 

 

 

ശ്രുതി : ഇനി അവനെ ഓരോന്ന് പറയണ്ട അവൻ വരണ്ട എന്ന് പറഞ്ഞതാ എന്നിട്ടും ഞാനാ കൂടെ പോയെ…

 

 

 

ലക്ഷ്മി : അങ്ങനെയാണേൽ നിനക്കാ നല്ലത് കിട്ടേണ്ടത്… അല്ല കിട്ടേണ്ടതൊക്കെ കിട്ടിയല്ലോ എന്നാലും നീ പഠിക്കില്ല എന്ന് മനസ്സിലായി

 

******************

 

ഇന്റർവെൽ ടൈം പുറത്തേക്ക് പോകാൻ ഒരുങ്ങിയ അഖിലിന്റെ അടുത്തേക്ക് ശ്രുതി എത്തി

 

അഖിൽ : എന്താ നിനക്ക് ഇത്രയും കിട്ടിയത് ഒന്നും പോരെ… ബെല്ലടിച്ച ഉടനെ ഓടി ഇറങ്ങി വന്നേക്കുന്നു… പോകാൻ നോക്ക് ഇനി എന്നോട് മിണ്ടാൻ വരണ്ട

 

ശ്രുതി : ഇതെന്ത് കൂത്ത്..ഞാൻ നിന്നോട് എന്തെങ്കിലും ചെയ്തോ

 

അഖിൽ : എടി വട്ടി നിനക്ക് വേണ്ടി തന്നെയാ പറയുന്നെ…എന്റെ കൂടെ വന്നിട്ട് എന്തായി എന്ന് കണ്ടില്ലേ നീ നാണം കെട്ടോ നിന്റെ ലീഡർ സ്ഥാനം പോയോ…

 

ശ്രുതി : ഞാൻ എന്ത് നാണം കെട്ടു… ആരെങ്കിലും എന്തെങ്കിലും പറഞ്ഞെന്ന് വച്ച് ഞാൻ നാണം കെടുവോ… പിന്നെ ലീഡർ സ്ഥാനം എന്നെ പുറത്താക്കിയപ്പോൾ ഒരുപാട് പേർക്ക് സന്തോഷമായി ഞാൻ കാരണം ഒരുപാട് പേർ സന്തോഷിച്ചില്ലേ അത് നല്ല കാര്യമല്ലേ… അല്ല ഞാൻ ലീഡർ ആയിരിക്കുന്നത് നിനക്കും ഇഷ്ടമല്ലായിരുന്നല്ലോ എന്നിട്ട് നിനക്ക് സന്തോഷമായില്ലേ

 

അഖിൽ : ആയി ഒരുപാട് സന്തോഷമായി…അതുകൊണ്ട് പോകാൻ നോക്ക്

 

ശ്രുതി : ഞാൻ സൂവിൽ വച്ച് എടുത്ത ഫോട്ടോയെ പറ്റി ചോദിക്കാൻ വന്നതാ അല്ലാതെ… ഫോട്ടോസ് സെന്റ് ചെയ്യ്

 

അഖിൽ : അതൊക്കെ ഇന്നലെ തന്നെ ചെയ്തു ആ പാട്ട ഫോൺ തുറന്ന് നോക്ക്..

 

ശ്രുതി : 😡 ദേ… അല്ലെങ്കിൽ വേണ്ട… എനിക്ക് ഇത് തന്നെ കിട്ടണം സഹായിക്കാൻ കൂടെ വന്നതല്ലേ

 

അഖിൽ : വരാൻ ഞാൻ പറഞ്ഞോ

 

ശ്രുതി : ഇല്ല എന്നിട്ടും ഞാൻ വന്നില്ലേ അത് എന്ത് കൊണ്ടാ നിന്നെ ഫ്രണ്ട് ആയി കാണുന്നത് കൊണ്ട്… മിസ്സിനോട് പോലും ഞാൻ തർക്കിച്ചു..

 

അഖിൽ : ഞാൻ പറഞ്ഞോ… എന്റെ മേലെ ഇട്ടിട്ട് പൊക്കൂടായിരുന്നോ എനിക്ക് ഒരു കുഴപ്പവും ഇല്ലായിരുന്നു..

 

ശ്രുതി : പക്ഷെ എനിക്ക് ഉണ്ട് ആരെങ്കിലും ഫ്രണ്ടിനെ ഒറ്റ് കൊടുക്കുമോ ഞാൻ ചെയ്യില്ല..നിന്റെ പഴയ ഫ്രിണ്ട്സ് ഒക്കെ അങ്ങനെ ചെയ്തിട്ടുണ്ടാകും പക്ഷെ ഞാൻ ചെയ്യില്ല

 

“സാർ അഖില് പറഞ്ഞിട്ടാ ഞങ്ങൾ ചെയ്തെ ”

 

“അഖില് പറഞ്ഞിട്ടാ മിസ്സ്‌ ഞങ്ങൾ ഒപ്പം പോയെ”

 

“അവന്റെ ഒപ്പം നിന്നില്ലെങ്കിൽ അവൻ ഉപദ്രവിക്കും എന്നു പറഞ്ഞു അതാ സാർ”

 

പെട്ടെന്ന് തന്നെ അഖിലിന്റെ മനസ്സിലേക്ക് താൻ ചെന്ന് ചാടിയ പ്രശ്നങ്ങൾക്ക്‌ ഒടുവിൽ കൂട്ടുകാർ തന്നെ കുറിച്ച് പറഞ്ഞ വാക്കുകൾ വന്നു ചേർന്നു

 

അത് ഓർത്ത അഖിൽ പതിയെ ശ്രുതിയെ നോക്കി ചിരിച്ചു

 

ശ്രുതി : എന്താ പെട്ടെന്ന് ഒരു ചിരി

 

അഖിൽ : നിന്റെ വട്ട് കേട്ട് ചിരി വന്നതാ…

 

ശ്രുതി : വട്ട് നിനക്കാണ്

 

അഖിൽ : നീ പുറത്തേക്ക് വരുന്നോ

 

ശ്രുതി : ഞാൻ വന്നോളാം എന്നെ ലക്ഷ്മി കൊണ്ടുവന്നോളും

 

അഖിൽ : എന്നാൽ ശരി