💞ആയിരം കണ്ണുമായി – 7 12

 

ശ്രുതി : അച്ഛാ ഞാൻ… അച്ഛൻ വിചാരിക്കുന്നത് പോലെ ഒന്നുമല്ല….

 

അച്ഛൻ : ആ പയ്യൻ ആരാ…

 

ശ്രുതി : അതെന്റെ ക്ലാസ്സിലുള്ള…

 

അടുത്ത നിമിഷം അയാളുടെ കൈ ശ്രുതിയുടെ കരണത്ത്‌ പതിഞ്ഞു

 

അടികൊണ്ട ശ്രുതി നെട്ടലോടെ അച്ഛനെ നോക്കി അവളുടെ കണ്ണുകൾ പതിയെ നിറഞ്ഞോഴുകി

 

അച്ഛൻ : അപ്പോൾ നിന്റെ ടീച്ചർ വിളിച്ചു പറഞ്ഞതൊക്കെ സത്യമായിരുന്നു അല്ലെ… ഇതുവരെയും ഞാൻ അതൊന്നും വിശ്വസച്ചിരുന്നില്ല പക്ഷെ ഇപ്പോൾ എനിക്ക് മസ്സിലായി…

 

ശ്രുതി : എന്ത് മനസ്സിലായി… എന്ത് മസ്സിലായെന്ന് 😭

 

അച്ഛൻ : മിണ്ടരുത് അസത്തെ… നിന്നെ ഇന്നുവരെ ഞാൻ നോവിച്ചിട്ടുണ്ടോ… എന്നെകൊണ്ട് പറ്റുന്ന രീതിയിലൊക്കെ നന്നായിട്ടല്ലേ ഞാൻ നോക്കിയെ…അമ്മ ഇല്ലാത്തതിന്റെ കുറവ് ഞാൻ അറിയിച്ചിട്ടുണ്ടോ… ഓരോ നിമിഷവും നീ നല്ലൊരു നിലയിൽ എത്തണം എന്ന് മാത്രമേ എനിക്ക് ഉണ്ടായിരുന്നുള്ളു… കഴിഞ്ഞ ഒരാഴ്ചയായി ബാങ്കിൽ അടക്കുവാനുള്ള കാശിനായി ഞാൻ നെട്ടോട്ടം ഓടുകയായിരുന്നു എന്തെങ്കിലും ഞാൻ നിന്നെ അറിയിച്ചിട്ടുണ്ടോ…ഞാൻ ഓരോ ദിവസവും തള്ളി നീക്കുന്നത് മരണ ഭയത്തോടെയാ… അത് എനിക്ക് മരിക്കാൻ പേടിയായത് കൊണ്ടല്ല ഞാൻ പോയാൽ നിനക്ക് ആരാണെന്ന് ഉള്ളത് എന്ന് ഓർത്തിട്ടാ നീ പഠിച്ച് നല്ലൊരു ജോലിയൊക്കെ നേടുമെന്ന് ഞാൻ കരുതി… പക്ഷെ നീ എന്താ ചെയ്തെ…നിന്റെ ടീച്ചർ ഇത് വിളിച്ചു പറഞ്ഞപ്പോൾ എന്റെ അവസ്ഥ എന്തായിരുന്നെന്ന് അറിയാമോ…

 

അയാൾ പതിയെ കണ്ണ് തുടച്ചു

 

ഇത് കണ്ട ശ്രുതി അവിടെ നിന്നും എഴുനേറ്റ് പതിയെ തന്റെ റൂമിലേക്ക് പോയി

 

അല്പനേരത്തിന് ശേഷം ആരോ തന്റെ തലയിൽ തലോടുന്നത് അറിഞ്ഞാണ് ശ്രുതി പതിയെ തന്റെ കണ്ണ് തുറന്നത് അപ്പോൾ അവൾ കണ്ടത് തന്റെ അടുത്ത് ഇരുന്നുകൊണ്ട് തന്നെ തലോടുന്ന അച്ഛനെയാണ് അവൾ പതിയെ എഴുനേറ്റു

 

അച്ഛൻ : മോൾക്ക് നൊന്തോ

 

ഇത് കേട്ട ശ്രുയുടെ കണ്ണുകൾ വീണ്ടും നിറഞ്ഞു

 

ശ്രുതി : അച്ഛൻ എന്നെ ഇതുവരെ തല്ലിയിട്ടില്ലല്ലോ 😭

 

അച്ഛൻ : സഹിക്കാൻ പറ്റാത്തോണ്ട് ചെയ്തുപോയതാ… മോള് ക്ഷമിക്ക്‌

 

ശ്രുതി : ഞാൻ തെറ്റ് ചെയ്തത് കൊണ്ടല്ലേ സാരമില്ല… അച്ഛനോട് പറയാതെ കള്ളം കാണിച്ചിട്ട്‌ പോയി… അച്ഛനെ നാണം കെടുത്തി

 

അച്ഛൻ : സാരമില്ല വാ എന്തെങ്കിലും കഴിക്കാം ഞാൻ ചോറ് എടുത്ത് വച്ചിട്ടുണ്ട്

 

കുറച്ച് സമയത്തിനുളിൽ അവർ ഭക്ഷണം കഴിക്കാൻ തുടങ്ങി

 

അച്ഛൻ : ശ്രുതി…മോൾക്ക് ആരെയെങ്കിലും ഇഷ്ടമുണ്ടെങ്കിൽ ഈ അച്ഛൻ എതിരൊന്നും നിൽക്കില്ല കേട്ടോ… പക്ഷെ ഇങ്ങനെയുള്ള കറക്കമൊന്നും ഇനി വേണ്ട മോളെ… എന്തൊക്കെ വാർത്തകളാ കേൾക്കുന്നെ…അവൻ നിന്നോട് ഇന്ന്… എനിക്ക് അറിയാം എന്റെ മോള് അങ്ങനത്തെ കുട്ടിയൊന്നുമല്ല… അച്ഛൻ പേടികൊണ്ടാ ഇങ്ങനെയൊക്കെ സംസാരിക്കുന്നെ… നിന്നോട് എന്താ ചോദിക്കേണ്ടെ… എങ്ങനെയാ….

 

ശ്രുതി : എനിക്ക് മനസ്സിലായി അച്ഛാ… അച്ഛൻ പേടിക്കണ്ട അച്ഛൻ വിചാരിക്കുന്ന പോലെ ഒന്നുമില്ല പ്രേമവുമില്ല ഒരു മണ്ണാങ്കട്ടയും ഇല്ല…. ഞാൻ ഇന്ന് പോയത് ആനി ടീച്ചറെ കാണാനാ…ഞാൻ പണ്ട് പഠിച്ചിരുന്നില്ലേ ആ സ്കൂളിലേക്ക്

 

അച്ഛൻ : ആനി ടീച്ചർ… നിന്നെ പണ്ട് പഠിപ്പിച്ചിരുന്ന…

 

ശ്രുതി : ഉം… അത് തന്നെ… ഞാൻ ഒരു പയ്യന്റെ കൂടെയാ പോയത് എന്ന് അച്ഛൻ അറിഞ്ഞില്ലേ അവൻ ആനി ടീച്ചറിന്റെ മകനാ അഖിൽ…

 

ഇത് കേട്ട അയാൾ ഒന്നും മനസ്സിലാകാതെ ശ്രുതിയെ നോക്കി

 

ശ്രുതി : പിടികിട്ടിയില്ല അല്ലെ… ഞങ്ങളുടെ ക്ലാസ്സിലേക്ക് പുതുതായി വന്നതാ അഖിൽ… ഇന്നലെയാ അവൻ ടീച്ചറിന്റെ മകൻ ആണെന്ന് എനിക്ക് മനസ്സിലായെ…

 

അച്ഛൻ : നിനക്ക് ടീച്ചറിനെ കാണണം എന്നുണ്ടെങ്കിൽ എന്നോട് പറഞ്ഞാൽ പോരായിരുന്നോ ഞാൻ കൂടെ വരില്ലേ… മോള് ഒരു പയ്യന്റെ കൂടെ പോയെന്ന് കേട്ടപ്പോൾ

 

ശ്രുതി : പേടിച്ചു പോയല്ലേ

 

അച്ഛൻ : പിന്നല്ലാതെ എന്തൊക്കെ ചിന്തകളാ മനസ്സിൽ വന്നത് എന്നറിയോ…