💞ആയിരം കണ്ണുമായി – 7 12

 

ശ്രുതി : അവന്റെ കൂടെ പോയതിന് ഒരു കാരണമുണ്ട്.. അവനും അവന്റെ അമ്മയെ കാണണം എന്നുണ്ടായിരുന്നു.. ഞാൻ കണ്ടതിനെക്കാൾ കൂടുതലായി അവൻ അവന്റെ അമ്മയെ കണ്ടിട്ട്… അവന്റെ അമ്മ എവിടെയാണെന്ന് പോലും അവന് അറിയില്ലായിരുന്നു അതുകൊണ്ടാ ഞാൻ കൂടെ പോയെ

 

അച്ഛൻ : നീ എന്തൊക്കെയാ ഈ പറയുന്നെ

 

ശ്രുതി : സത്യമാ അച്ഛാ… കുഞ്ഞുനാളിലെ അവനെ വിട്ടിട്ട് പോയെന്നാ അവൻ പറഞ്ഞെ… ബാക്കി കാര്യമൊന്നും എനിക്ക് അറിയില്ല.. പക്ഷെ ടീച്ചർ അങ്ങനത്തെ ഒരാളൊന്നും അല്ല എനിക്ക് അറിയാത്തതാണോ ടീച്ചറിനെ…

 

അച്ഛൻ : ഉം… അപ്പോൾ പോയിട്ട് എന്തായി

 

ശ്രുതി : ടീച്ചറിനെ കാണാൻ പറ്റിയില്ല അച്ഛാ ടീച്ചർ എങ്ങോട്ടോ ട്രാൻസ്ഫർ ആയിപോയി… അതുവരെ ചെന്നിട്ട് കാണാൻ പറ്റാത്തപ്പോൾ വലിയ വിഷമമായി…

 

അച്ഛൻ : ഉം…എന്തായാലും ഇനി എന്നോട് പറയാതെ ഇങ്ങനെ ഒന്നും ചെയ്തേക്കരുത്… വെറുതെ എന്റെ കുട്ടിയെ ഞാൻ തല്ലി

 

ശ്രുതി : വെറുതെ ഒന്നും അല്ലല്ലോ കള്ളം കാണിച്ചിട്ടല്ലേ… ഇനി ഞാൻ അച്ഛനോട് ഒരിക്കലും കള്ളം പറയില്ല… ഉം പിന്നെ ഒരു കാര്യം കൂടി ഉണ്ട്

 

അച്ഛൻ : എന്ത് കാര്യം

 

ശ്രുതി : പറയുമ്പോൾ എല്ലാം പറയണ്ടേ… എന്താന്ന് വച്ചാൽ…തിരിച്ചു വന്നപ്പോൾ ഞങ്ങൾ സൂവിൽ ഒന്ന് കയറി ഈ മൃഗങ്ങകെയൊക്കെ ഒന്ന് കാണാൻ 😁

 

അച്ഛൻ : സൂവിലോ… അപ്പോൾ നിങ്ങൾ തമ്മിൽ… ശ്രുതി…

 

ശ്രുതി : എന്താ മുഖം വീണ്ടും മാറിയെ… ഞങ്ങൾ തമ്മിൽ ഇഷ്മാണോ എന്നല്ലേ ചോദിക്കാൻ വന്നെ… ഇഷ്ടം ആണെങ്കിൽ എന്താ ഇഷ്ടപ്പെടാൻ പാടില്ലേ… അച്ഛനും അമ്മയും ഇഷ്ടപ്പെട്ടല്ലേ…

 

അച്ഛൻ : ഇത് അത് പോലെയാണോ…കുറച്ച് ദിവസത്തെ പരിചയമല്ലേ ഉള്ളു..

 

ശ്രുതി : ഇപ്പോൾ ഇങ്ങനെയായോ… ഇഷ്ടത്തിനൊന്നും എതിര് നിൽക്കില്ല എന്നല്ലേ കുറച്ച് മുൻപ് പറഞ്ഞെ

 

ഇത് കേട്ട അച്ഛൻ ശ്രുതിയെ ഒന്ന് നോക്കി ആ നോട്ടം കണ്ട ശ്രുതി പതിയെ ചിരിക്കാൻ തുടങ്ങി

 

ശ്രുതി : എന്റെ അച്ഛാ.. ഞങ്ങൾ തമ്മിൽ ഇഷ്ടമൊന്നുമില്ല… വെറുതെ സമയം പോകാൻ വേണ്ടി സൂവിൽ കയറിയതാ.. പുതിയെ മൃഗങ്ങളൊക്കെ വന്നിട്ടുണ്ട് ഞാൻ പോയിട്ട് ഒരുപാട് വർഷം ആയില്ലേ

 

അച്ഛൻ : നിന്റെ കാല് വയ്യാത്തതല്ലേ

 

ശ്രുതി : സാരമില്ല അച്ഛാ അവിടെ ഇരിക്കാനൊക്കെ ഒരുപാട് സ്ഥലം ഉണ്ടായിരുന്നു…ഞാൻ പണ്ട് കണ്ടത് പോലെ ഒന്നുമല്ല അച്ഛാ ഇപ്പോൾ സൂ.. അനാകോണ്ടയൊക്കെ വന്നു… പേര് കേട്ട് നെട്ടണ്ട സിനിമയിൽ ഉള്ളത് പോലെ ഒന്നുമല്ല 😁

 

അച്ഛൻ : നിന്റെ കാലിന് കുഴപ്പമൊന്നും ഇല്ലല്ലോ അല്ലെ

 

ശ്രുതി : ഇല്ലച്ചാ

 

അച്ഛൻ : ഉം… പിന്നെ നിനക്ക് ചിലപ്പോൾ ഇഷ്ടം ഒന്നും കാണില്ലേ.. പക്ഷെ ആ പയ്യന് ചിലപ്പോൾ ഉണ്ടെങ്കിലോ അതുകൊണ്ടായിരിക്കും സൂവിലൊക്കെ കൊണ്ട് പോയെ… അതാ എനിക്ക് പേടി ഇപ്പോഴത്തെ പയ്യമ്മാരൊക്കെ ഓരോ ടൈപ്പാ നീ വാർത്തയൊക്കെ കേട്ടിട്ടില്ലേ…

 

ശ്രുതി : അയ്യോ എന്റെ അച്ഛാ… സത്യം പറഞ്ഞാൽ അവന് എന്നോട് മിണ്ടുന്നത് പോലും ഇഷ്ടമല്ല…ഭയങ്കര ദേഷ്യമാ… അവന്റെ ആവശ്യമായത് കൊണ്ടാ ഇല്ലെങ്കിൽ അവൻ എന്നെ കൂടെ കൂട്ടുക പോലുമില്ല

 

അച്ഛൻ : ഇങ്ങനെ ഉള്ള ആളുടെ കൂടെയാണോ നീ പോയെ.. അവൻ നിന്നെ ഉപദ്രവിച്ചെങ്കിലോ

 

ശ്രുതി : അങ്ങനെ ഉപദ്രവിക്കുകയൊന്നുമില്ല… ദേഷ്യം ഉണ്ടെങ്കിലും പാവമാ… ടീച്ചർ പാവമായിരുന്നില്ല ചിലപ്പോഴൊക്കെ അവനും ടീച്ചറിനെ പോലെ പെരുമാറും…

 

ഇത്രയും പറഞ്ഞു ശ്രുതി കഴിച്ചു നിർത്തി

 

അച്ഛൻ : നാളെ കോളേജിൽ പോകുമ്പോൾ ടീച്ചറിനോട് നീ എന്ത് പറയും… ഞാൻ കൂടെ വരണോ

 

ശ്രുതി : വേണ്ട അച്ഛാ ഞാൻ പറഞ്ഞോളാം.. ടീച്ചറിന് കാര്യം പറഞ്ഞാൽ മനസ്സിലാകും

 

*******************

 

അന്നേ ദിവസം രാത്രി അഖിൽ തന്റെ ബെഡിൽ സൂവിൽ വച്ചെടുത്ത ഫോട്ടോകൾ നോക്കുവായിരുന്നു

 

അഖിൽ : മുഴുവൻ ആവളുടെ ഫോട്ടോകളാ… ചാർജ് ഇല്ലാത്ത ഫോണുമായി വന്നേക്കുന്നു എന്റെ മെമ്മറി കളയാൻ…