💞ആയിരം കണ്ണുമായി – 7 12

 

ഇത്രയും പറഞ്ഞു അഖിൽ കയ്യിൽ ഉണ്ടായിരുന്ന ജ്യൂസ് ബോട്ടിൽ ശ്രുതിക്ക് നൽകി

 

അഖിൽ : എന്നാൽ പിന്നെ പോകാം അല്ലെ

 

ശ്രുതി :ഉം… പോകാം

 

അവർ ബൈക്കിൽ കയറി മുന്നോട്ട് പോയി

 

ശ്രുതി : ഇന്ന് കൊള്ളായിരുന്നു കേട്ടോ

 

അഖിൽ : എന്ത് കൊള്ളാന്നാ

 

ശ്രുതി : നമ്മൾ സൂവിൽ പോയി എല്ലാം കണ്ടില്ലേ അതൊക്കെ കൊള്ളായിരുന്നു…പിന്നെ ബൈക്ക് ഇതും കൊള്ളാം… ഞാൻ കരുതിയത് ഇതിൽ ഇരിക്കാൻ പാടാണെന്നാ… പിന്നെ..

 

അഖിൽ : പിന്നെ എന്താ…

 

ശ്രുതി : പിന്നെ നീയും കൊള്ളാം..

 

അഖിൽ : 😳 എന്താ…

 

ശ്രുതി : നീയും കൊള്ളാന്ന്… ഇന്ന് നല്ല പാവമായിരുന്നു… അധികം ദേഷ്യമൊന്നും ഇല്ലായിരുന്നു… ഇടക്കിടക്ക് ചിരിക്കുന്നുണ്ടായിരുന്നു…

 

അഖിൽ : മതി… മതി എങ്ങോട്ടാ ഈ പറഞ്ഞോണ്ട് പോകുന്നെ… കൊള്ളാം പോലും അത് നിനക്ക് എന്നെ പറ്റി അറിയാത്തോണ്ടാ..

 

ശ്രുതി : എന്താ ഈ അറിയാത്ത കാര്യം… നീ ഒരു ഭൂലോക തെമ്മാടിയായിരുന്നു ഇതല്ലേ ഇത് നീ വരുന്നതിന് മുൻപേ ക്ലാസ്സിൽ പാട്ടായിരുന്നു

 

അഖിൽ : തെമ്മാടി ആയിരുന്നു എന്നല്ല ആണ്…

 

ശ്രുതി : എനിക്ക് തോന്നുന്നില്ല കുറച്ച് മോശത്തരമൊക്കെ കയ്യിലുണ്ട് എന്നാലും നീ ഒരു പാവമാ

 

അഖിൽ : അത് നീ പറഞ്ഞാൽ മതിയോ

 

ശ്രുതി : അമ്മോ… നല്ലത് പറഞ്ഞാൽ പിടിക്കാത്ത ഒരാളെ ഞാൻ ആദ്യമായ കാണുന്നെ… എന്നാൽ പിന്നെ ശെരി നീ ഒരു ലോക തെമ്മാടിയും… അലവലാതിയും… പരമ…

 

അഖിൽ : ടീ… 😡

 

ശ്രുതി : എന്ത് ടീ… നിനക്ക് ഇത് കേൾക്കാൻ അല്ലെ ഇഷ്ടം… ഇതൊക്കെ നീ അഭിമാനമായല്ലേ കാണുന്നെ…

 

ഇത് കേട്ട അഖിൽ പിന്നെ ഒന്നും മിണ്ടിയില്ല

 

ശ്രുതി : എന്താ ഒന്നും മിണ്ടാത്തെ… പറയ് എല്ലാവരും നല്ലത് എന്ന് പറയുന്നതാണോ അതോ മോശം പറയുന്നതാണോ നിനക്ക് ഇഷ്ടം

 

എന്നാൽ അഖിൽ ഒന്നും മിണ്ടിയില്ല

 

ശ്രുതി : എന്താ ഈ ആലോചിക്കുന്നെ… നല്ലത് പറയുന്നത് അതിൽ ഇത്രയും ചിന്തിക്കാൻ ഒന്നുമില്ല… സ്വയം മോശമാണ് എന്ന് പറഞ്ഞുകൊണ്ട് നൽക്കുന്നവരെക്കാൾ വിവരമില്ലാത്തവർ വേറെ ഇല്ല നീ അങ്ങനെയല്ല മനസ്സിലായോ

 

അഖിൽ : മതി മനസ്സിലായി

 

ശ്രുതി : ഇഷ്ടപ്പെടുന്നില്ല അല്ലെ…

 

അഖിൽ : ഒന്ന് നിർത്ത് ശ്രുതി… ഇനി ഞാൻ പറയില്ല പോരെ

 

ശ്രുതി : എനിക്ക് വേണ്ടി ചെയ്യണ്ട നിനക്ക് വേണ്ടി ചെയ്താൽ മതി

 

അഖിൽ : ശരി…

 

കുറച്ചു സമയത്തിന് ശേഷം ബീച്ചിനടുത്ത്

 

ശ്രുതി : ഇവിടെ മതി ഇവിടെ മതി

 

അഖിൽ : അപ്പുറത്ത്‌ വിട്ടുതരാം അവിടെയല്ലേ വീട്

 

ശ്രുതി : വേണ്ട ഇവിടെ മതി ഞാൻ പൊക്കോളാം

 

അഖിൽ : ആരെങ്കിലും കാണും എന്ന് വച്ചാണോ

 

ശ്രുതി : അങ്ങനെ ചോദിച്ചാൽ അതെ…എല്ലാരും എന്തെങ്കിലും കഥകൾ ഉണ്ടാക്കാൻ നോക്കി ഇരിക്കുവാ വെറുതെ എന്തിനാ

 

അഖിൽ : ശരി ശരി… പൊക്കൊ

 

അഖിൽ പതിയെ ശ്രുതിയെ ഇറക്കി

 

അഖിൽ : പിന്നെ കൂട്ടുകാരെ വിളിക്കുന്ന കാര്യം മറക്കണ്ട

 

ശ്രുതി : അപ്പോൾ അതിന്റെ കൈകൂലിയായാണല്ലേ എന്നെ സൂ ചുറ്റി കാണിച്ചെ ശരി ഞാൻ വിളിച്ചോളാം…

 

അഖിൽ : ശരി നാളെ കാണാം… അല്ല നാളെ അസാപ്പ് ഇല്ല

 

ശ്രുതി : ഉണ്ട്.. അതുകൊണ്ട് ലീവ് ഒന്നും എടുത്തേക്കരുത്

 

ഇത്രയും പറഞ്ഞു ശ്രുതി മുന്നോട്ട് നടന്നു

 

**********

 

അൽപനേരത്തിനുള്ളിൽ ശ്രുതി തന്റെ വീടിനു മുന്നിൽ

 

ശ്രുതി : കതക് തുറന്ന് കിടക്കുവാണല്ലോ

 

അവൾ പതിയെ വീടിനുള്ളിലേക്ക് കയറി

 

ശ്രുതി : അച്ഛൻ എന്താ ഇന്ന് കച്ചവടത്തിന് പോയില്ലേ… എന്താ അച്ഛാ വയ്യേ…

 

ശ്രുതി വേഗം അച്ഛന്റെ അടുത്തേക്ക് എത്തി

 

അച്ഛൻ : നീ ഇന്ന് എങ്ങോട്ടാ പോയെ

 

ആ ചോദ്യം കേട്ട ശ്രുതി അല്പനേരം അച്ഛനെ ഒന്ന് നോക്കി

 

ശ്രുതി : എന്താ അച്ഛാ അങ്ങനെ ചോദിച്ചേ…

 

അച്ഛൻ : നീ ചോദിച്ചതിന് ഉത്തരം പറ ശ്രുതി കോളേജിലേക്കാണെന്ന് പറഞ്ഞു നീ ഇന്ന് എങ്ങോട്ടേക്കാ പോയത്