ലോറെൻസ്..!!!
പക്ഷെ പ്രസാദ് ഇങ്ങനെ ചൂത് കളിയിലും കള്ളുകുടിയിലും അകപ്പെട്ടതിന് ഞാനെന്തു പിഴച്ചുവെന്ന ഭാവമായിരുന്നു ലോറെൻസിന്.
മാത്രമല്ല, താൻ പ്രസാദിനെ കാണാനും മാത്രം വന്നതല്ലെന്ന കാര്യം ലോറെൻസിനു മാത്രം അറിയാം.
പ്രസാദിന്റെ പേടിയുടെ കാരണവും അതു തന്നെ. കാരണം ചൂത് കളി വേളയിൽ നടന്ന കാര്യങ്ങൾ തീച്ചൂള പോലെ അവന്റെ മനസ്സിൽ തികട്ടി.
പ്രസാദിന്റെ പൈസയെല്ലാം നഷ്ടപ്പെട്ട് ഭ്രാന്തെടുത്ത അവസ്ഥയിൽ ഇനിയൊന്നും വെക്കാനില്ലാതെ മട മട മദ്യം കുടിച്ചിറക്കുമ്പോഴാണ് ലോറെൻസിന്റെ സംസാരം.
“നിനക്ക് ഒരു റൗണ്ട് കൂടെ തരാം. പക്ഷെ.. അതിൽ നീ പൈസ വെക്കേണ്ട…”
അവൻ പറഞ്ഞു നിർത്തിയതും പ്രസാദിന്റെ ആടികലങ്ങിയ കണ്ണുകൾ ലോറെൻസിന്റെ മേലേ തറഞ്ഞു.
“പകരം.. നിന്റെ പെണ്ണ്…!!”
മുൻപൊരിക്കൽ, കുടിച്ച് ലക്ക് കെട്ട പ്രസാദിനെ മുകളിലെ റൂമിലെത്തിക്കാൻ വന്നപ്പോൾ കണ്ട സുന്ദരി അവന്റെ മനസ്സിലും അഗാധമായി തിരി കൊളുത്തിയിട്ടുണ്ടായിരുന്നു.
മൊതലാളിയായ മാധവനും അവളെ നോട്ടമുണ്ടെന്നറിയാം. അതിനു വേണ്ടി തന്നെയാണ് പ്രസാദിനെ കുടിപ്പിക്കണമെന്ന് തന്നോട് പറഞ്ഞിട്ടുള്ളത്.
പക്ഷെ മൊതലാളിക്ക് അവളെ കിട്ടുമെങ്കിൽ എനിക്കുമാകാം എന്ന ചിന്ത, ഒരു നിമിഷം ലോറിൻസിന് മാധവനെ മറക്കാൻ പ്രേരിപ്പിച്ചിരുന്നു.
ഒരു തരം തീക്കളി..!
“എന്തു പറഞ്ഞെടാ നായെ..?”
കേട്ടതും പ്രസാദ് അവന്റെ കോളറിൽ കേറി പിടിച്ചു കൊണ്ട് ആക്രോശിച്ചു.
“ഹ.. നീ ഇങ്ങനെ ചൂടാവല്ലേ… നിനക്ക് ഇനി വെക്കാൻ പൈസയൊന്നുമില്ലല്ലോ.. പോയത് തിരിച്ചെടുക്കാൻ ഒരവസരം. കൂടാതെ എന്റെ മുഴുവൻ സമ്പാദ്യവും ഞാൻ വെക്കാം..!!”
കൂടെയുള്ളവർ കയ്യടിച്ചു ചിരിച്ചു കൊണ്ട് പ്രോൽസാഹിപ്പിക്കുമ്പോൾ, പുഞ്ചിരിയോടെ ലോറെൻസ്, തന്റെ കോളറിൽ പിടിച്ച പ്രസാദിന്റെ കൈ വിടുവിച്ച് സീറ്റിലിരുത്തി.
“നോക്കുന്നോ..?”
“മതി നിന്റെയീ മൈര്.. എനിക്കെന്റെ പൈസ തിരിച്ചു താടാ..”
“ഹ.. ആണാണെങ്കിൽ കളിച്ചു ജയിക്കെടാ..”
“ഇവനൊന്നും കളിച്ചു ജയിക്കാൻ പോണില്ല അളിയാ.. പെണ്ണും പോകുമെന്ന് കരുതി അവനതിനു നിൽക്കില്ല.. ഇവനൊന്നും പറഞ്ഞിട്ടുള്ളതല്ല ഇത്. അല്ലെങ്കിൽ മുൻപേ ഇവൻ കുറച്ച് പൈസ ഉണ്ടാക്കിയേനെ..”
ലോറെൻസിന്റെ കൂട്ടാളിയുടെയും വക തരം താഴ്ത്തിയുള്ള സംസാരം കേട്ട് ഒരു തരം പക തോന്നിപ്പോയ പ്രസാദ് കുറച്ചൂടെ മദ്യം അകത്താക്കി. അതിന്റെ ലഹരിയിൽ കണ്ണടച്ചു. ലോറെൻസും അതിന്റെ ബാക്കി വാങ്ങി അകത്താക്കി.
ചൂതാട്ടം തുടങ്ങി.
അഗ്രകണ്യനായ ലോറെൻസ്, മദ്യലഹരി കടുത്തു പോയ പ്രസാദിന് മനസിലാക്കാൻ പറ്റാത്ത ചതിയിലൂടെ അതി വിദഗ്ദ്ധമായ കളി കളിച്ച് പ്രസാദിനെ നിഷ്ഫലമാക്കി കളഞ്ഞു.
തന്റെ പെണ്ണിനെ വാതു വെക്കാൻ നിന്ന ദൗർബല്യ നിമിഷം, താൻ തോറ്റുപോയെന്ന് മനസിലാക്കിയ പ്രസാദ് ഭ്രാന്തനെ പോലെ അവനെ ആക്രമിക്കാൻ കലി പൂണ്ടു.
ഉന്തും തള്ളും അവസാനം തല്ലു പിടിയായി, ശേഷം പ്രസാദ് ഹോസ്പിറ്റലിൽ…!!
ലോറെൻസിനറിയാം, പ്രസാദിനെ പറ്റിച്ചാലും മൊതലാളീടെ വീട്ടിൽ കഴിയുമ്പോൾ അശ്വതിയെ അത്ര പെട്ടെന്ന് കിട്ടില്ലെന്ന്. തക്കം പാർത്തു നിന്നിട്ടുണ്ടെങ്കിലും ആയൊരൊറ്റ കാര്യം കൊണ്ട് ഇതുവരെയും പഴുതുകളും ഉണ്ടായിരുന്നില്ല.
പക്ഷെ ഇനിയും വെച്ച് നിൽക്കാനാവില്ലെന്ന് കരുതി ഇവിടെയുള്ള സ്ഥിതി ഗതികൾ മനസിലാക്കാനാണ് ലോറെൻസിന്റെ ഈ വരവ് തന്നെ..!
പക്ഷെ അപ്പോഴേക്കും അശ്വതി മാധവന്റെ കാമുകിയായി മാറിയെന്നത് അവനറിയുന്നില്ല.
“സുഖമായോ പ്രസാദേ..!”
പ്രസാദിന്റെ അവസ്ഥ കണ്ട് പരമമായ പുച്ഛത്തോടെ ലോറെൻസ് അവനോട് മിണ്ടാൻ ശ്രമിച്ചു. ചോദ്യം കേട്ട് ചിന്തയിൽ നിന്നുണർന്ന പ്രസാദിന് ഒരു വേള വെപ്രാളം തോന്നിപ്പോയി. അവന്റെയാ അർത്ഥം വച്ചുള്ള നോട്ടവും ചിരിയും..!
എങ്കിലും മാധവേട്ടന്റെ മുന്നിൽ വച്ച് വെറുമുഖം കാണിക്കേണ്ടെന്ന് കരുതി അവനും മിണ്ടാൻ ശ്രമിച്ചു. മാധവേട്ടന്റെ വീട്ടിൽ കഴിയുന്നത് കൊണ്ട് ലോറെൻസിന്റെ ഭാഗം അത്ര പേടിക്കാനില്ലെന്ന ചിന്ത പ്രസാദിനുണ്ടായിരുന്നു.