ഇവരെല്ലാം കൂടേ കരഞ്ഞു മുറി മൊത്തത്തിൽ ഒരു കൂട്ടകരച്ചിൽ ആക്കി…
ദേവു ചേച്ചിക്കും സങ്കടം തികട്ടി വന്നെങ്കിലും. ഇവരുടെയൊക്കെ കരച്ചിൽ കേട്ടപ്പോൾ ചേച്ചിക്ക് ചൊറിഞ്ഞു… കയറി..
ഒറ്റൊന്ന് പോലും കരയരുത് എന്നും കരയാനുള്ളവർക്ക് മുറിയുടെ വെളിയിൽ പോയി കരയാമെന്നും ചേച്ചി പറഞ്ഞു…
ചേച്ചി അങ്ങനെ പറഞ്ഞത് ദേഷ്യം കൊണ്ടൊന്നുമല്ല അവരെയൊന്നു ശാന്തമാക്കാൻ വേണ്ടിയായിരുന്നു….
എന്തായാലും ചേച്ചിയുടെ ഉത്തരവിനു ശേഷം എല്ലാവരും അവർക്ക് തികട്ടി വരുന്ന സങ്കടം ഉള്ളിലൊതുക്കാൻ ശ്രമിച്ചു…
കല്ല്യാണി എന്റെ ദേഹത്തേക്ക് ചാഞ്ഞപ്പോൾ മായ അവളുടെ ദേഹത്തേക്കും ചാഞ്ഞു…….
കുറച്ചു നേരത്തിന് ശേഷം ദേവു ചേച്ചി വീണ്ടും സംസാരിക്കാൻ തുടങ്ങി……
“””””””ദേവി മരിച്ചത് അതികം പേരൊന്നും അറിഞ്ഞില്ല….. അമ്മാളു അതിനു സമ്മതിച്ചില്ല….. തന്റെ പ്രിയപുത്രിയുടെ മരണകാരണം അറിയാതെ അവർ നീറി നീറി ജീവിച്ചു……
കുറച്ചു ദിവസങ്ങൾക്കു ശേഷം നാട്ടിലുള്ള ഒരുത്തൻ കൈ കാലുകൾ വേർപെട്ട് അമാശയം തുറന്നു തല വേർപെട്ട് മരിച്ചു. വളരെ ഭയാനകമായ ഒരു മരണമായിരുന്നു അത് ഒരു മനുഷ്യന് ചെയ്യാൻ പറ്റാത്ത അത്രയും ക്രൂരത അതിൽ ഉണ്ടായിരുന്നു………
അതൊരു തുടക്കം മാത്രമായിരുന്നു അതിനു ശേഷം കുറച്ചുപേരും കൂടേ മരിച്ചു എന്നാൽ കാരണം മാത്രം ആർക്കും കണ്ടു പിടിക്കാൻ സാധിച്ചില്ല….
നാടാകെ ഭയത്തിൽ തങ്ങി…. എന്നാൽ മരിച്ചവരിൽ പലരും അന്ന് തനിക്കൊപ്പം ഉണ്ടായിരുന്നവരായിരുന്നു എന്ന് വേലുവിന് മനസ്സിലായി…
വൈകാതെ താനും ഈ പൈശാജികമായ മരണത്തിനു കീഴടങ്ങേണ്ടി വരും എന്ന് മനസ്സിലാക്കിയ വേലു പേടി കാരണം അന്ന് സംഭവിച്ചതെല്ലാം അമ്മാളുവിനോട് പറഞ്ഞു….
വിവരമറിഞ്ഞ അമ്മാളു അന്ന് തന്നെ വേലുവിനെയും അനന്തലക്ഷ്മിയേയും പരമേശ്വരനേയും അടിച്ചു പുറത്താക്കി..
ഇതെല്ലാം ചെയ്യുന്നത് ദേവിയുടെ ആത്മാവാണെങ്കിൽ താൻ അതിനു എതിരു നിൽക്കില്ല എന്നു അവളുടെ നീതി അവൾ തന്നെ നടപ്പിലാക്കട്ടെ എന്നും അമ്മാളു അവരോടായി പറഞ്ഞു…
നാട്ടിൽ കുറച്ചു മരണം കൂടേ ഇത് പോലേ സംഭവിച്ചു…
നിരപരാധികളും ഇതിൽ ഉൾപ്പെട്ടിട്ടുണ്ട് എന്നറിഞ്ഞ അമ്മാളു ദേവിയേ പ്രതികാര ബോധമാത്രമുള്ള ഒരു രക്ത രക്ഷസാക്കി മാറ്റുവാൻ ആഗ്രഹിച്ചില്ല…
അവളുടെ ആത്മാവിന് ശാന്തിലഭിക്കുവാൻ കുറച്ചു മാറിയുള്ള ഗ്രാമത്തിൽ നിന്നും ഒരു മന്ത്രവാദിയെ കൊണ്ടു വന്നു ‘കറുപ്പൻ ‘ അതായത് മാണിക്യന്റെ അച്ഛൻ…
അയാൾ അമ്മാളുവിനോട് ദേവിയുടെ ജനനം മുതലുള്ള കാര്യങ്ങൾ ചോദിച്ചു മനസ്സിലാക്കി….
അപ്പോഴാണ് അമ്മാളുപോലുമറിഞ്ഞത് ചെറുപ്പത്തിൽ ദേവിക്കുണ്ടായ അസുഖം ചികിൽസിക്കാൻ ധ്രുവശിൽപ്പി പോയത് അയാളുടെ അടുക്കലേക്കായിരുന്നു എന്ന്….
അയാളിൽ നിന്നും ദേവി ഒരു സാധാരണ ജന്മമായിരുന്നില്ല എന്നും അസുരഗണത്തിൽ തന്നെ അപൂർവമായിട്ടുള്ള ജാതക മായിരുന്നു എന്നും അമ്മാളു മനസ്സിലാക്കി…
ദേവിയാണ് ഇതെല്ലാം ചെയ്യുന്നതെങ്കിലും അവളേ എത്രയും വേഗം തന്നെ തളക്കണമെന്ന് കറുപ്പൻ അമ്മാളുവിനോട് പറഞ്ഞു…അല്ലെങ്കിൽ അവൾ ആർക്കും തടുക്കാനാവാത്ത ശക്തിയായി മാറുമത്രേ
ശേഷം മാഹാപൂജകൾ നടത്തി ആ ആത്മാവിനെ ആ വീടിനുള്ളിൽ തന്നെ തളച്ചു എന്ന് വരേ മാത്രമേ ആ ബുക്കിനുള്ളിൽ ഉള്ളു……
ഇത് ആര് എഴുതിയാതാണെന്നോ വേലുവിന് ഈ ബുക്ക് എങ്ങനെ കിട്ടിയെന്നോ എന്നൊന്നും എനിക്കറിയില്ല പക്ഷേ ഈ ബുക്ക് ഇതു വരേ അയാൾ തുറന്നു നോക്കിയിട്ടില്ല…..”””””””””””
ചേച്ചി, ചേച്ചിക്കറിയുന്ന കാര്യങ്ങൾ മുഴുവൻ പറഞ്ഞൂ. കുറേ സംശയങ്ങൾ ഉണ്ടെങ്കിലും അതൊന്നും ചോദിക്കാനുള്ള മാനസികാവസ്ഥയിൽ അല്ലായിരുന്നു ഞാൻ…
മൊത്തത്തിൽ ഒരു ശൂന്യത….
കല്ല്യാണിയേയും മായയേയും എങ്ങനെയെങ്കിലും രക്ഷിക്കണമെന്ന ഒരു ചിന്ത മാത്രമേ എനിക്കുണ്ടായിരുന്നുള്ളു…