ബാക്കി കഥകൾ സ്റ്റെല്ലയോടു ചോദിക്ക്… നിറഞ്ഞുതുടങ്ങിയ കണ്ണുകളുമായി അവളെണീറ്റ് അവൻ്റ മുഖം നഗ്നമായ മുലകളിലേക്കമർത്തി… നീ വിശ്രമിക്ക്… നമുക്ക് സമയമുണ്ട്…
എബി മൂന്നു ദിവസം ജ്വരത്തിൻ്റെ പിടിയിലായി. ആശുപത്രിയിൽ പോവാൻ അവനു താല്പര്യമില്ലായിരുന്നു… ഇടയ്ക്കെപ്പൊഴോ മൊബൈലോണാക്കിയപ്പോൾ സീനയുടെ എത്രയോ മെസേജുകൾ!
മമ്മി പോയി, എബീ! നിന്നെയും കിട്ടുന്നില്ല. നിൻ്റെ മമ്മ സുഖം പ്രാപിച്ചു വരുന്നെന്നു കരുതട്ടെ. എനിക്കിവിടെ നില്ക്കാനാവില്ല. ലണ്ടനിലേക്ക് പോവുന്നു. കസിനുണ്ടവിടെ. നീ ഫ്രീയാവുമ്പോൾ മാത്രം എനിക്കൊരു മെസേജിടുക… നിൻ്റെ സീന..
എബിയ്ക്കു വല്ലാത്ത കുറ്റബോധം തോന്നി. പാവം പെണ്ണ്. അവളുടെ അമ്മയുടെ തനിസ്വഭാവം അവൾക്കറിഞ്ഞൂടാ. ഡീ! മമ്മീടെ കാര്യമറിഞ്ഞു. എന്തുപറ്റി? പെട്ടെന്നിങ്ങനെ? ഞാൻ ആശുപത്രീലാണ്. ഫോണെടയ്ക്കു കേടായി. ഇത്തിരി ദിവസം കൂടി എടുക്കും. നീ പറ്റുമ്പോൾ മെസേജ് ചെയ്യണം….
പിന്നെ അമ്മച്ചിയെ വിളിച്ചു.
എന്നാടാ ഇത്! മൂന്നു ദിവസമായി. നിന്നെ വിളിയോടു വിളിയാണ്. ഫോൺ ഓഫാണ്. ഇപ്പഴെങ്കിലും ഒന്നു വിളിച്ചല്ലോ.. ത്രേസ്യാമ്മ പാതി ശകാരവും പാതി പരിഭവവും കലർന്ന സ്വരത്തിൽ പ്രതികരിച്ചു.
എബിയ്ക്കു ചിരി വന്നു… ഇവിടെ മനുഷ്യൻ്റെ തലയ്ക്കു തീപിടിക്കുമ്പോഴാണ് അമ്മച്ചീടെ നിഷ്കളങ്കമായ ദേഷ്യപ്പെടൽ.
എൻ്റമ്മച്ചീ. ഫോൺ വെള്ളത്തീ വീണു. ഇതു ഗോവയല്ല്യോ. എല്ലാമങ്ങ് സാമട്ടിലാന്നേ! എബി ത്രേസ്യയെ തണുപ്പിക്കാൻ ശ്രമിച്ചു.
എടാ കൊച്ചനേ! ലാൻഡ് ലൈനില്ലിയോ? ഇനി ഗോവേല് അതുമില്ലെന്നു പറ! അവർക്കിത്തിരി അരിശം വന്നു.
ശരി ശരിയമ്മച്ചീ. വിളിച്ചോളാമേ! എബി മനസ്സുകൊണ്ടൊന്നു തൊഴുതു.
ആ വെയ്ക്കാൻ വരട്ടെ. ഞാൻ ഗണകൻ സാറു പറഞ്ഞ കാര്യങ്ങള് നിന്നോടു പറഞ്ഞില്ലാരുന്നോ? എല്ലാം ചെയ്തോടാ?
ആ പള്ളീപ്പോയാരുന്നു. എബി അമ്മച്ചിയന്നു പറഞ്ഞതൊക്കെ ഓർത്തെടുക്കാൻ ശ്രമിച്ചു.
ഗണപതീടമ്പലത്തില് വഴിപാട് കഴിപ്പിച്ചോ? ഓ! വിട്ടുപോയമ്മച്ചീ. എബി നാവു കടിച്ചു. ഞാൻ ചെയ്യിച്ചോളാം.
മോനേ! ത്രേസ്യാമ്മയുടെ സ്വരത്തിൽ അവനോടുള്ള സ്നേഹം പുരണ്ട മാർദ്ദവം കലർന്നു. നീയതങ്ങോട്ടു കഴിപ്പിച്ചാട്ടെ. ഗണകൻ സാറ് ഒന്നും കാണാതങ്ങനെ പറയുന്നാളല്ല…
ഇന്നു തന്നെ ചെയ്യാമമ്മച്ചീ. ഫോൺ വെക്കുവാണേ! കുമുദ്! അവനുറക്കെ വിളിച്ചു.
നീയിതു കഴിക്ക്. ഗണേഷ്ജീടെ പ്രസാദമാണ്. കുമുദ് മധുരമുള്ള മോദകങ്ങൾ അവൻ്റെ നേർക്കു നീട്ടി.
എബി മുറ്റത്ത് ചാർപ്പായിൽ തലയണകൾ കുന്നുകൂട്ടി ചാരിക്കിടപ്പായിരുന്നു. മൂന്നു ദിവസങ്ങൾ കഴിഞ്ഞിരുന്നു. ക്ഷീണം മെല്ലെയകന്നു. മീൻ എരിവില്ലാതെ കറിവെച്ചതും കിച്ച്ടിയും, സൂപ്പുമെല്ലാം അവളവനെയൂട്ടിയിരുന്നു.
രുചിയുള്ള മോദകങ്ങൾ അവർ രണ്ടുപേരും കഴിച്ചു.. ശ്യാം, നീ മാ പറയണണത് കേക്കണം. തിരിച്ചു നാട്ടിൽപ്പോയി ഒരു കല്ല്യാണവും കഴിച്ച് കുടുംബം പുലർത്തണം.
ഞാനും സ്റ്റെല്ലയും… ഞങ്ങടെ ജീവിതങ്ങളോ ഇങ്ങനെയായി. ഞങ്ങളിങ്ങനെയൊക്കെ കഴിഞ്ഞോളാമെടാ കുട്ടാ.. അവൻ്റെ കുറ്റിത്താടി വളർന്ന ഇത്തിരി ഒട്ടിത്തുടങ്ങിയ കവിളുകളിൽ അവൾ തലോടി.
എബി കുമുദിനെ നോക്കി മന്ദഹസിച്ചു. എൻ്റെ പെണ്ണാണു നീ. ഒപ്പം സ്റ്റെല്ലയും. ഈ ജൻമത്തിലല്ലെങ്കിൽ കഴിഞ്ഞ ജന്മത്തിൽ.. ഏതായാലും നിങ്ങളെ ഒരിക്കലും മറക്കാനാവില്ല. എൻ്റെ ജീവിതത്തിൽ ഒരു രീതിയിൽ അല്ലെങ്കിൽ മറ്റൊരു രീതിയിൽ നിങ്ങളുണ്ടാവും. അവനവളെ നെഞ്ചിലേക്കമർത്തി… ഞാൻ കഴിഞ്ഞ ദിവസങ്ങളിൽ ആലോചിച്ചുറപ്പിച്ചതാണ്. ഇനിയെന്താവുമെന്നു നോക്കാം.
നീ നാട്ടീപ്പോണില്ലെങ്കിൽ എന്താണ് പരിപാടി? കുമുദന്വേഷിച്ചു.
തിരികെ വില്ലയിൽ പോവണം. സ്റ്റെല്ലയെക്കാണണം. നീയും വരണം. അവനവളെ നെഞ്ചിലേക്കമർത്തി.
ഇപ്പോൾ വേണ്ടടാ. നിൻ്റെയാരോഗ്യം കുറച്ചൂടെ മെച്ചമാവാനൊണ്ട്. പനി മാറിയല്ലേ ഒള്ളൂ… പിന്നെ പോവുമ്പം നീയാദ്യം ചെല്ല്. ഞാൻ കുറച്ചു ദിവസം കൂടി കഴിഞ്ഞു വരാം. എല്ലാം ഒരുമിച്ചായാൽ പാവത്തിന് വലിയ ഷോക്കാവും… കുമുദ് അവൻ്റെ നെഞ്ചിൽ മുഖമമർത്തി…
ബൈക്കിലിരുന്നപ്പോൾ തണുത്ത കാറ്റുപൊതിഞ്ഞു… ഇത്തിരി ഉന്മേഷം തോന്നി. പതുക്കെയാണോടിച്ചത്. ഇടയ്ക്കു വന്ന കാറുകൾക്കും റിക്ഷകൾക്കുമൊക്കെ സൈഡുകൊടുത്തു. ഏഴെട്ടു ദിവസമായി വില്ലയിൽ നിന്നും മാറിനിൽക്കുന്നു. തടികൊണ്ടുള്ള കരയുന്ന ഗേറ്റു തുറന്നപ്പോൾ വില്ല വൃത്തിയാക്കാൻ വരുന്ന ആൻ്റിയവനെക്കണ്ട് പകച്ചു.
നീയെവിടെയായിരുന്നു? അവർ ഗേറ്റടച്ചുകൊണ്ടു ചോദിച്ചു. നാട്ടിലായിരുന്നു… അവൻ ചിരിച്ചു…
ഞാനിന്നു വരണോ? ഇന്നലെ ക്ലീൻ ചെയ്തതാണ്…
വേണ്ടാൻ്റീ… അവനൊരു പിടി നോട്ടുകൾ അവരുടെ കയ്യിൽ പിടിപ്പിച്ചു. കിഴവി വിടർന്നു ചിരിച്ചുകൊണ്ടു സ്ഥലം വിട്ടു..
ബൈക്കു സ്റ്റാർട്ടുചെയ്ത് ആൽബിയുടെ വില്ലയിലേക്കോടിച്ചു… അരയാൾപ്പൊക്കത്തിൽ വളർന്നു നിന്ന ചെടികളുടെ മറവു കഴിഞ്ഞപ്പോൾ ഇടതുവശത്തെ വില്ലയുടെ വാതിലാരോ വലിച്ചുതുറന്നു. സ്റ്റെല്ല! തുടുത്തുവരുന്ന മുഖം!
ബൈക്കു നിർത്തിയതും അവളുടെ നീട്ടിയ വിളിയവൻ്റെ കാതിൽ മുഴങ്ങി…
എബീ യൂ കം ഹിയർ!
ഒരളിഞ്ഞ ചിരിയുമായി അവൻ മുന്നോട്ടു നടന്നു. ഓ സ്റ്റെല്ലാ! ഉള്ളിൽ നിന്നുമൊരു പന്തു പാഞ്ഞുവന്നവൻ്റെ മേലേക്കു ചാടി. മത്തായി! ഒരുമിനിറ്റ് മത്തായിയുടെ ആഹ്ളാദവും പരാതികളും സ്വാഗതവുമെല്ലാം കലർന്ന ബഹളത്തിലവൻ മുഴുകി… പിന്നെ മുന്നോട്ടു നടന്നു..സ്റ്റെല്ലയുടെ നേർക്ക് കൈനീട്ടി.
അവളവനെ വലിച്ചകത്തേക്കിട്ടു വാതിലടച്ചു… അവനെ ഭിത്തിയോടു ചേർത്തമർത്തി അവൻ്റെ തോളുകളിൽ കൈകൾ വെച്ചമർത്തി…
നിൻ്റെ മമ്മയ്ക്കെങ്ങിനെയുണ്ട്? സ്വന്തം പ്രശ്നങ്ങൾ ഒരു നിമിഷമുള്ളിലടക്കിയിട്ട് അവൾ ചോദിച്ചു. ആ വലിയ കണ്ണുകൾ വിടർന്നിരുന്നു. കൊഴുത്ത മുലകൾ ഉയർന്നു താഴുന്നുണ്ടായിരുന്നു.
എബി ഒരു ശ്വാസമെടുത്തു… വരുന്നവഴിയ്ക്കാലോചിച്ച് അവനൊരു തീരുമാനത്തിലെത്തിയിരുന്നു… ഇവിടെയിപ്പോൾ സത്യത്തിനെ നേരിട്ടില്ലെങ്കിൽ ഒരിക്കലും ഈ കുരുക്കഴിഞ്ഞില്ലെങ്കിലോ?
സ്റ്റെല്ല… അവനാ കണ്ണുകളിലേക്കു നോക്കി. അമ്മച്ചിക്കൊന്നുമില്ല. ഞാൻ നാട്ടിലേക്കൊന്നും പോയില്ല…
ഹെന്ത്! അവൾ ഞെട്ടിയകന്നു. നീ! അവളവൻ്റെ ചെകിട്ടത്തൊന്നു കൊടുത്തു. കണ്ണിൽക്കൂടെ പൊന്നീച്ച പറക്കുന്നതുപോലെ അവനു തോന്നി… എന്നാലും താടി തഴച്ചുവളർന്നു തുടങ്ങിയ കവിളവൻ തടവിയില്ല. അവളെ സൗമ്യനായി നോക്കി. ഇനിയും തല്ലണോ? അവൻ മന്ദഹസിച്ചു..
അവളുടെ മുഖം വീണു. ആ പാവം സീന. അവളും ഞാനും നിന്നെ വിളിക്കാൻ എന്തോരും ശ്രമിച്ചതാണ്! നൊറീൻ മരിച്ചെടാ… അവളുടെ കണ്ണുകൾ നിറഞ്ഞു…
നൊറീൻ്റെ ജീവനില്ലാത്ത ശരീരം രണ്ടാമതായി കണ്ടയാളാണ് ഞാൻ. സ്വരഭേദങ്ങളില്ലാതെ അവൻ പറഞ്ഞു…
