“അഭീ ഉമ്മാ….” ആ വട്ടുപിടിപ്പിക്കുന്ന കുറുമ്പിയുടെ ഒച്ച കാതിൽ .. തിരിച്ചു കൊടുക്കാൻ പോലും കഴിഞ്ഞില്ല.ഫോൺ കട്ട് ആയി.
അമ്മ മുന്നിൽ..കലിപ്പ് മൂഡിൽ.. ഊരയിൽ രണ്ടു കൈയ്യും കുത്തി എന്നെയാകെ നോക്കി. നനഞ്ഞ കോഴിയെ പോലെ ഞാനാ നോട്ടം കണ്ടു ഒന്ന് ചുരുണ്ടു.പിന്നെ അരമതിലിൽ നിന്ന് എഴുന്നേറ്റ് അമ്മയുടെ മുന്നിൽ നിന്നു. ഇത്ര ദിവസത്തെ വിഷമമെല്ലാം മറന്നു എന്റെ മുഖം ഇത്തിരി വിടർന്നെന്ന തോന്നലുണ്ടെനിക്ക്..
അമ്മയെന്റെ മാറ്റം കണ്ടുപിടിക്കാൻ എപ്പോഴും ചുഴിഞ്ഞു നോക്കാറുണ്ട്. ചെറിയമ്മയോടുള്ള സ്നേഹം അമ്മയിൽ തീർക്കാൻ തോന്നി.കലിപ്പ് മൂഡിൽ ആണേലും ഞാൻ മുന്നോട്ട് കേറി നനഞ്ഞതൊന്നും നോക്കാതെ അമ്മയെ കെട്ടി പിടിച്ചു.
എന്റെ കഴുത്തിന്റെ അത്രയുമുള്ള അമ്മയെ ഞാൻ എന്റെ നെഞ്ചിലേക്ക് ചേർത്തു എന്ന് വേണേൽ പറയാം.ഇത്തിരി സോപ്പിങ്ങും അതിലുണ്ട് തല്ലു കിട്ടാതെ നോക്കാണല്ലോ…
അമ്മയനങ്ങിയില്ല.ചീത്തയോ ,തല്ലലോ, കൂതറലോ ഒന്നും… എന്നെയങ്ങനെ മുറുക്കെ പിടിച്ചു ,എന്റെ പുറത്തു തഴുകി നിന്നു. എന്തൊരു സുഖമാണ് ആ ചൂടിൽ നിൽക്കാൻ. പിന്നെ തോന്നി അമ്മക്ക് തണുക്കൊന്ന്. ഞാൻ വിട്ടു മാറി.. അമ്മയുടെ നെറ്റിയാകെ നനഞ്ഞു… ഞാന് പണിപാളിയോ എന്ന രീതിയിൽ മുഖം വാക്രിച്ചു നോക്കിയപ്പോ.. അമ്മ സ്വന്തം ശരീര മൊത്തം നോക്കി ഒരു ചിരി.
“നിന്നെ ഞാനുണ്ടല്ലോ…. ” ആ ചിരിയിൽ കൈ ഓങ്ങി എന്നെ തല്ലാൻ നോക്കി.പുറം കിട്ടാത്തത് കൊണ്ട് എന്റെ ചെവിൽ പിടിച്ചു അകത്തേക്ക് വലിച്ചു…
ഞാൻ പിറകെ ,ആ പിടിയിൽ ,അമ്മയുടെ പിന്നിൽ പോയി…ആ കവിളിൽ ഒരു കടി കൊടുത്തു.
“ഇന്ന് സുന്ദരിയ്യായിട്ടുണ്ടല്ലോ ” വെറുതെ ഒന്ന് കാച്ചാൻ പറഞ്ഞതും അമ്മ സംശയത്തോടെ തിരിഞ്ഞു നോക്കി.
ആ കണ്ണിൽ എന്താണെന്ന് അറിയില്ല.. ചെറിയമ്മയെ പോലെ വട്ടു പിടിപ്പിക്കുന്ന നോട്ടം..
“എന്താമ്മേ? ” നോട്ടത്തിന്റെ മുനവെട്ടാൻ ഞാൻ മുന്നിട്ടിറങ്ങി.. എവിടെ ഞാൻ തളരുക എന്നല്ലാതെ അമ്മ തളരോ? ചുണ്ടുകൾ ഒന്ന് നനച്ചപ്പോ ചെറിയൊരു നീറ്റൽ. അയ്യോ!! ഞാൻ വേഗം ചുണ്ടുകൾ മടക്കി പിടിച്ചു.. അമ്മയുടെ മുഖത്തു ഞാൻ ചെയ്തലിലുള്ള പ്രവർത്തി ചിരിയായി പൊട്ടി.
കണ്ടു!! ചെറിയമ്മ കടിച്ചത് കണ്ടു. എന്ത് വിചാരിച്ചോ ആവ്വോ… രാത്രീ ഈ നേരത്ത് പുറത്തു പോയി ചുണ്ട് പൊട്ടിച്ചു വന്നിരിക്കുന്നു സ്വന്തം മോന്..എന്നാൽ ദേഷ്യം അല്ലെ വേണ്ടേ.. ഇത് ചിരിയാണല്ലോ..
“അതേ ഇത് ഞാൻ ഹരിയുടെ കൂടെ പോയപ്പോ തട്ടിപ്പൊട്ടി ” ആ ചിരി കളിയാക്കലാണോ എന്ന് തോന്നി ഞാൻ പറഞ്ഞു.. അപത്തം!!.ഇപ്പോഴാ ആ കണ്ണ് ശെരിക്കും എന്റെ ചുണ്ടിൽ തറച്ചത്.ഇത്രനേരം ഇല്ലാത്ത സംശയം അമ്മയുടെ മുഖത്തു നിറഞ്ഞു വന്നു കൂടി…
അടുത്തേക്ക് ഇത്തിരി കൂടെ നീങ്ങി വന്നു അമ്മ.ഞാൻ മടക്കിയ ചുണ്ട് വിരൽ കൊണ്ട് പിടിച്ചു നേരെയാക്കി വലിച്ചു.. എന്റെ കണ്ണിലേക്കു ഒരു നോട്ടം… വിട്ടുകൊടുക്കാതെ യൊരുമറ മുഖത്തു വരുത്താൻ നോക്കി ഞാൻ തകർത്തു.
“ഡാ വല്ല പെണ്ണും ഈ വീട്ടിൽ കേറി .. എന്റെ കുട്ടിയുടെ അച്ചനാണ് ഇതെന്ന് പറഞ്ഞു വന്നാലുണ്ടല്ലോ ” പേടിപ്പിക്കുന്ന പോലെ എന്റെ മുഖം ആ മുഖത്തോട് അടുപ്പിച്ചു അമ്മ മുരണ്ടപ്പോ ശെരിക്കും ഞാൻ ഞെട്ടി.വാ തുറന്നു പോയി .വല്ലാത്ത ഭാവം.. എന്റെ ഞെട്ടൽ കണ്ട അമ്മയുടെ കണ്ണ് എന്നെയുഴിഞ്ഞു നോക്കി മുഖത്തു രണ്ടു തട്ട്..
“നിന്റെ കുടലെടുക്കും ഞാൻ ” പൂർത്തിയാക്കിയ വാക്കുകൾ കൊണ്ട് അമ്മ തിരിഞ്ഞു രണ്ടടി മുന്നിലേക്ക് വെച്ചു..സിനിമാറ്റിക് സ്റ്റൈൽ ഡയലോഗ് കേട്ട് തൃപതിയായി നിന്നിരുന്ന എന്നെ പിന്നെ തിരിഞ്ഞു നോക്കി കൊണ്ട് അമ്മയൊരു കള്ള ചിരി. വട്ട് കേസ് സാധനം… ഇവര് കുടുംബപരമായി ഇങ്ങനെ ആണല്ലോ.ചെറിയമ്മയുടെ അതേ സ്വഭാവം.
“പോയി മാറിവാഭീ .. ഞാൻ കഴിക്കാനെടുക്കാം ” അപ്പറഞ്ഞത് എന്റെ ശെരിക്കുമുള്ള അമ്മയാണ്.
എന്നലും ഞാൻ ഒന്ന് കൂടെ മിഴിച്ചു നോക്കി പ്പോയി.
“ഡാ ചെക്കാ…. ഒന്നങ്ങു തരും ഞാൻ, മനുഷ്യന് നാളെ ഡ്യൂട്ടി ഉള്ളതാ.. അവന്റെ ഒരു കളി..” വീണ്ടും കലി തുള്ളാൻ അമ്മ വന്നപ്പോ ഞാൻ ഓടി..റൂമിലേക്ക്. ഡ്രെസ്സെല്ലാം മാറ്റി തിരിച്ചിറങ്ങി വന്നപ്പോ അച്ഛനെ ശ്രദ്ധിച്ചത്… പുള്ളിയെ കാണുന്നില്ല.
“അമ്മേ അച്ഛന് ഏടെ? ”