“അയ്യോ!!! അവന്റെ സോപ്പിങ് കണ്ടില്ലേ..” ഉഷാന്റി മറ്റുള്ളവരെ നോക്കികൊണ്ട് പറഞ്ഞു..
” നിന്നെയൊന്നു കാണണേൽ ഞാൻ ഇങ്ങട്ട് വരണ്ട അവസ്ഥയല്ലേ.. നീയ്യൊന്നും ആ വഴിക്ക് വരില്ലല്ലോ ” എന്റെ വയറിൽ നുള്ളി ആന്റി സത്യം പറഞ്ഞു.ഞാൻ ഒന്ന് ചിരിച്ചു കാട്ടി.
“ഇങ്ങട്ടും വരാം ആന്റിക്ക്.. നിങ്ങൾക്കൊക്കെയുള്ള ആകെയൊരു ആൺ തരി ഞാൻ അല്ലെ.. എന്നെയല്ലേ വന്നു കാണണ്ടേ?” ഞാൻ ആ കവിളിൽ നുള്ളിക്കൊണ്ട് ചോദിച്ചപ്പോ. ബാക്കിൽ നിന്ന് എല്ലാവരും ചിരിച്ചു.ഉഷാന്റിയുടെ കവിളിൽ നുള്ളിയപ്പോ.അമ്മയുടെ മുഖം ഒന്ന് മാറി.. ആ പിരികം ഒന്ന് പൊന്തിയത് പോലെ..എന്താവോ എന്തോ?
“നല്ല ആണ്‍തരി ” ഉഷാന്റിയുടെ കമന്റ്‌. ഞാൻ ആന്റിയും പിടിച്ചു ഹാളിന്റെ നടുക്കിലേക്ക് ചെന്നു..
“നിനക്ക് ഞങ്ങളെ ഒന്നും മൈൻഡ് ഇല്ലല്ലേ?? ” അച്ചന്റെ അടുത്തിരുന്നു.. ക്രൂര ഭാവം കാട്ടി ഷാജി അങ്കിൾ. ക്രൂര ഭാവം ആണേലും ആള് പാവം ആണ്..
“നിങ്ങളൊക്കെ കെളവന്മാർ ആയില്ലേ.. ഞാൻ ഈ സുന്ദരികളോട് ഒന്ന് സംസാരിക്കട്ടെ..” ഞാൻ പുച്ഛം കാട്ടി പറഞ്ഞു എന്റെ ആശാന്റിയുടെ നേരെ തിരിഞ്ഞു.. ആള് പാവം ആണ് എനിക്ക് വലിയ ഇഷ്ടവുമാണ് കക്ഷിയെ. അതികം സംസാരം ഇല്ലാ. എന്നാ നല്ല സ്നേഹവുമാണ്..ആ ചിരി തന്നെയാണ് ഹൈലൈറ്റ് എപ്പോഴും അത് ആ മുഖത്തുണ്ടാവും…
“ആശാന്റി…” ഞാൻ പതിയെ വിളിച്ചു അടുത്തു ചെന്നപ്പോ തന്നെ ആന്റി കൈ വിടർത്തി എന്നെ ആ നെഞ്ചിലേക്ക് ചേർത്തു.
“സുഖമണോ ആന്റിക്ക് ??”
“സുഖം അഭീ… എന്റെ കുട്ടിക്കോ?? പനി ഉണ്ടെന്ന് ലക്ഷ്മി പറഞ്ഞല്ലോ,മാറിയോ മോനേ?” ആന്റി എന്നെ നെറ്റിയിൽ തൊട്ടു നോക്കി ചോദിച്ചു.ഇതാണ് ആന്റിയെ എനിക്ക് ഇത്ര ഇഷ്ടപ്പെടാനുള്ള കാര്യവും . ഞാൻ ആ കരവലയത്തിൽ നിന്ന് വിട്ടു കൊണ്ട്.. അമ്മയെ ഒന്ന് ഇടം കണ്ണിട്ടു നോക്കി. എന്തേലും പ്രശ്നം ആ മുഖത്തുണ്ടോന്ന്.. ഏയ്യ്… ഇല്ല. എനിക്ക് തോന്നിയത് ആവും..
“കുഴപ്പം ഇല്ലന്റ്റീ..” ഞാൻ ഇല്ലന്ന് പറഞ്ഞെങ്കിലും ആ മുഖത്തു വിശ്വാസം വന്നിട്ടില്ല.
“വിശ്വ അവളുടെ കൂടെ തന്നെ ഇവന്റെയും അങ്ങ് നടത്തിക്കൂടെ.. ഇവനങ്ങനെ തോന്നിയത് പോലെ വിട്ടാൽ ശെരിയാവില്ലന്നാ എനിക്ക് തോന്നുന്നത് ” തമാശക്ക് ആണെങ്കിലും..പുറകിൽ നിന്ന് ഷാജി അങ്കിൾ അത് പറഞ്ഞപ്പോ.. എന്റെ മുഖം പെട്ടന്ന് വാടി.. അത് മനസ്സിലായത് മുന്നിലിലുള്ള ആശാന്റി ആ മാറ്റം കണ്ടു എന്തു പറ്റിയെന്നു എന്നോട് മാത്രം മുഖം പൊക്കി ചോദിച്ചപ്പോഴാ… ഞാൻ ഒന്നുമില്ലെന്ന് കാട്ടി..
അപ്പൊ ചെറിയമ്മയുടെ പെണ്ണുകാണലിന്റെ ഭാഗമായി വന്നതാണ്.. ഈശ്വരാ കൈവിട്ടു പോവാണല്ലോ എല്ലാം..ഇവരൊക്കെ അതറിഞ്ഞു വന്നു എന്ന പറഞ്ഞാൽ ഇത് ഉറപ്പിച്ചോ? ചെറിയമ്മയുടെ സമ്മതം ഇല്ലാതെ നടത്തേ?? എന്റെ ആദി ആരെയും ഞാൻ കാണിക്കാൻ നിന്നില്ല..
“എന്റെ അങ്കിളേ ഞാൻ ഒന്ന് ജീവിച്ചു പൊയ്ക്കോട്ടേ…” ഞാൻ അവരുടെ മുന്നിൽ തൊഴുതു നിന്നു..
“എടാ ഇപ്പോ നല്ല അവസരം ആണ്..ആരേലും മനസ്സിൽ ഉണ്ടേൽ തുറന്നു പറഞ്ഞോ.. നമുക്ക് അങ്ങ് നടത്തി കളയാം ടാ ” എങ്ങനെയെങ്കിലും പിടിച്ചു നിൽക്കാം എന്ന് കരുതിയപ്പോ.. എടുത്തിട്ടപോലെ ഉഷാന്റിയുടെ ചോദ്യം.. ഞാൻ അമ്മയെ ആണ് നോക്കിയത്… തേപ്പ് കിട്ടിയ കാര്യം ഇതിൽ അമ്മക്ക് അല്ലെ അറിയൂ… ആ മുഖത്തു പിടിച്ചു വെച്ച ഒരു ചിരിയുണ്ട്.. അടുത്ത് നിന്ന് ഒരു അടക്കിയ ചിരി കേട്ടപ്പോ ഇതാരാണ് എന്ന രീതിയിൽ ഞാൻ തിരിഞ്ഞു നോക്കി.. വേറെ ആര് അച്ഛന്.. സമാധാനം അപ്പൊ തന്തക്കും അറിയാം കാര്യം..
“എന്താ ലക്ഷ്മി ഇവിടെ ഒരു തേപ്പ് പെട്ടിയുടെ മണം ” കളിയാക്കാണ് എന്ന് തോന്നാത്ത രീതിയിൽ.. മണം പിടിച്ചു കൊണ്ട് ശ്രീ അങ്കിൾ പാളി എന്റെ മുഖത്തു നോക്കിയതും.. പിന്നെ കൂട്ടച്ചിരി ആയിരുന്നു മുഴുവൻ എണ്ണവും.നിർത്തിയങ്ങു അഭമാനിക്കാണ്.എനിക്കങ്ങു കലി കേറി… തിരിഞ്ഞു ദേഷ്യത്തിൽ നടക്കാൻ തുടങ്ങിയതും എന്റെ കൈ പിടിച്ചു ആശാന്റി നിർത്തിച്ചു..
“സാരമില്ല അഭീ ഇതൊക്കെയൊരു തമാശ അല്ലെ?”ആന്റി ആയതു കൊണ്ട് ഞാൻ നിന്നു..അച്ഛനാണെൽ നിർത്താതെ വീണ്ടും വീണ്ടും കുത്തി കുത്തി ചിരിച്ചു..
ഞാൻ വല്ല്യ മൈൻഡ് ഇല്ലാതെ നിന്നും..
“അഭിയുടെ കാര്യം ആരും നോക്കേണ്ട, അവനെ ഞാൻ കെട്ടിക്കോളാം ” പെട്ടന്നാണ് പുറകിൽ നിന്ന് ഒച്ച പൊന്തിയത്.. ഇതാരാണ് എന്നെക്കെട്ടാൻ വരുന്നതെന്ന രീതിയിൽ ഞാൻ തിരിഞ്ഞു നോക്കിയപ്പോ.അതാ അടുത്ത പാര
ആശാന്റിയുടെ രണ്ടാമത്തെ സാധനം ഗായത്രി. അഹങ്കാരി.
എന്റെ അനുവിന്റെ ഡ്രസ്സ്‌ ഇട്ടു ഞെളിഞ്ഞു നടക്ക അവൾ കുളിച്ചുള്ള വരവാണ്..ഇവളിവിടെ തങ്ങാൻ പോവാണോ?. എന്നക്കാൾ രണ്ടു വയസ്സിനു മൂത്തതാണ്.ഞങ്ങൾ തമ്മിൽ അത്രയടുപ്പം ഇല്ലാ..ആശാന്റിയുടെ സ്വഭാവം ഒന്നും കിട്ടാത്തത് കൊണ്ട് അഹങ്കാരി എന്നാ പട്ടം ഞാൻ പണ്ടേ അവൾക്ക് കൊടുത്തിട്ടുണ്ട്.
“എന്താ ഞങ്ങൾ തമ്മിൽ മാച്ച് അല്ലേ?? ” ആരുടേയും അഭിപ്രായം കിട്ടാതെ വന്നപ്പോ.എന്റെകൈ പിടിച്ചു മുന്നോട്ട് നിന്നു മുന്നിലുള്ള ആൺ തരികളുടെ കാട്ടി അവൾ ചോദിച്ചപ്പോ.. നിവർത്തിയില്ലാതെ ഞാൻ നിന്നു കൊടുത്തു..
“പിന്നെ നല്ല മാച്ച്.. അഭി നീയെന്താ ഇവളെ വിളിക്കൽ??” ശ്രീ അങ്കിൾ, അവളുടെ അച്ഛന് തന്നെ എന്നോട് ചോദിച്ചപ്പോ ഗായത്രി എന്നാ പറയാൻ പോയത്.. അതങ്ങു നിർത്തി…
“ഗായത്രിയേച്ചി…” ഞാൻ മാറ്റി പറഞ്ഞു… കൂട്ടച്ചിരി വീണ്ടും മുഴങ്ങി.. ഗായത്രി കണ്ണുരുട്ടി എന്നെ ഒരു നോട്ടം.
“നീ പോടാ ” അവളുടെ ദേഷ്യം . പിന്നെ എന്റെ അനുവുള്ളപ്പോ ഇവളെ കെട്ടാനോ നടന്നത് തന്നെ.
ഈ സാധനം എവിടെ കിടക്ക? ഒന്നിങ്ങോട്ട് കാണുന്നില്ലാലോ.. ഇനിയിപ്പോ അവളോട് എന്തേലും ഇവര് ചോദിച്ചു വിഷമിച്ചു നിൽക്കണോ? പാവം എല്ലാവരുടെ മുന്നിലും ഉത്തരം പറയാതെ നിന്ന് കുഴങ്ങി കാണും.. ഇക്കാര്യത്തിൽ അവളോടൊപ്പം നിൽക്കണ്ടത് ഞാൻ അല്ലെ.. പക്ഷെ എങ്ങനെ മുകളിലേക്ക് ഓടും..
ഗായത്രിയുടെ വിരലുകൾ എന്റെ കയ്യിൽ മുറുകിയാപ്പോ… ഞാനിത്തിരി ആസ്വസ്ഥനായി..
“അഭി… പോയി കുളിച്ചു വാ ” അമ്മയെന്റെ മനസറിഞ്ഞു… ഞാൻ തിരിഞ്ഞു ആ മുഖത്തു നോക്കിയപ്പോ പോയി വാ എന്നാ നോട്ടം..
ഓഹ് അങ്ങനെ ഈ കടമ്പ കഴിഞ്ഞു.സ്റ്റെപ്പുകേറി ഓടാൻ നിന്നില്ല.. അവരെന്തു വിചാരിക്കും… പതിയെ കേറി.. ചെറിയമ്മയുടെ റൂമിലേക്ക് നീട്ടിയ കാലും വെച്ചു നടന്നു… നാശം!!! നത്തോലികളുടെ ഒച്ച ആ റൂമിൽ നിന്ന്. പടച്ചോനെ എന്റെയും അനുവിന്റെയും കാര്യത്തിൽ മൊത്തം തടസമാണല്ലോ…. ഒരാഴ്ച കഴിഞ്ഞു ഒന്ന് ശെരിക് കണ്ടിട്ട്.ഇന്നലെ ഒന്ന് ശെരിക്കും കാണാനും പറ്റീല്ല. ഇന്നിവർ വന്നു ഓരോന്ന് പറഞ്ഞു വിഷമിപ്പിച്ചു കാണും. അതായിരിക്കും പുത്തേക്ക് വരാത്തത്… അല്ലേൽ ഓടി നടന്നു അലമ്പുണ്ടാക്കുന്ന താടക ചെറിയമ്മയാണ്.
