നടക്കുന്നതെന്താണെന്ന് മനസിലാവാതെ ആദി അവളുടെ മുഖത്തേക്ക് തന്നെ നോക്കി.
“ഈ ചായ ഒന്ന് പിടിച്ചേ, എനിക്ക് വേറെ പണിയിള്ളതാ ” ആദിയും തന്നെ കളിയാക്കുവാണ് എന്ന് കരുതി ദേഷ്യത്തോടെ അവനെ നോക്കികൊണ്ട് അവൾ പറഞ്ഞു.
അവനാ ചായ ഗ്ലാസ്സ് വാങ്ങിയതും അവനെ നോക്കി കൊഞ്ഞനം കുത്തികൊണ്ട് അവൾ തിരിഞ്ഞ് നടന്നു.
“ചായയും കുടിച് പല്ലും തേച് പുറത്തേക്ക് വാ അച്ഛൻ വിളിക്കണിണ്ട്.” പോകുന്നതിനിടയിൽ അവൾ പറഞ്ഞു.
ആദി പെട്ടന്ന് തന്നെ ചായയും കുടിച്, പല്ലും തേച് പുറത്തേക്ക് വന്നു, രാജൻ പുറത്തുതന്നെ ഇരിക്കുന്നുണ്ടായിരുന്നു.
“വാ ഇരിക്ക് ” ആദിയെ കണ്ടതും രാജൻ പറഞ്ഞു, ആദി അവിടെ ഇരുന്നു.
“എന്താ നിന്റെ ഭാവി പരിപാടി, പഠിപ്പൊക്കെ കഴിഞ്ഞില്ലേ ജോലിക്ക് പോകണ്ടേ?” രാജൻ ആദിയോടായി ചോദിച്ചു.
“പോണം, പുറത്ത് എവിടേലും ജോലിക്ക് നോക്കണിണ്ട് ” ആദി പറഞ്ഞു
“എന്നാലിനി അത് വേണ്ട, ഇന്നുമുതൽ എന്റെ കൂടെ നീയും കടയിൽ വരണം, എന്താ പറ്റില്ലാന്നുണ്ടോ ”
“ഇല്ല ഞാനും വരാം ” ഇന്നലെ വരെ ആദിക്ക്
എങ്ങനെയെങ്കിലും നാട് വിടണം എന്നായിരുന്നു മനസ്സിൽ എന്നാൽ ഇന്നങ്ങനെ അല്ല. അവനും ഈ വീട് ഇഷ്ട്ടപെട്ടുതുടങ്ങി.
“മ്മം , എന്നാ വേഗം പോയി റെഡിയാവാൻ നോക്ക്, ഇന്നുമുതൽ അമ്മ വരണില്ല, അവളെനി കുറച്ചുനാൾ വീട്ടിലിരിക്കട്ടെ ” അത്രയും പറഞ്ഞുകൊണ്ട് രാജൻ അകത്തോട്ടു കേറിപ്പോയി. അതിന് പിന്നാലെ ആദിയും റെഡിയാവനായി റൂമിലേക്ക് പോയി.
അന്നുമുതൽ ആദിയും രാജന്റെ കൂടെ കടയിൽ പോകാൻ തുടങ്ങി.
മൂന്നു മാസങ്ങൾക്ക് ശേഷം :
ആദി വരാൻ തുടങ്ങിയെ പിന്നെ രാജന് വലിയ ആശ്വാസമായിരുന്നു, അയാൾക്കിപ്പോൾ കൗണ്ടറിൽ ഇരുന്നാൽ മാത്രം മതി. ബാക്കിയൊക്കെ ആദി നോക്കിക്കോളും എന്ന അവസ്ഥയാണ്. സ്റ്റോക്ക് എടുക്കാൻ പോകുന്നതും, മാർക്കെറ്റിങ്ങും എല്ലാം ആദി തന്നെയാണ് ചെയ്യുന്നത്. അവന്റെ കുറച്ച് ഐഡിയാസ് കൂടിയായതോടെ ഇപ്പോൾ പണ്ടത്തേതിനേക്കാൻ ഇരട്ടി ലഭമാണ്. അവർ കടയോട് ചേർന്ന് തന്നെ പുതിയൊരു റൂം കൂടി വാടകക്കെടുത്ത് കട ഒന്നുകൂടി വിപുലീകരിച്ചു. ആദിക്ക് കുറച്ചു കൂടി എളുപ്പത്തിന് വേണ്ടി രാജൻ അവനൊരു ബൈക്ക് വാങ്ങിക്കൊടുക്കാൻ തീരുമാനിച്ചു.
ഇന്നാണ് ആദിയുടെ ബൈക്ക് ഷോറൂമിൽ നിന്നിറക്കുന്നത്. ആദിയും അച്ഛനും സഞ്ജയ്യും കൂടി സഞ്ജയ്യുടെ കാറിലാണ് പോയത്. ഷോറൂമിലെത്തി അവർ നേരേ തങ്ങൾക്ക് വേണ്ടി ഒരുക്കി നിർത്തിയിരിക്കുന്ന ബൈക്കിനടുത്തേക്ക് നടന്നു. വണ്ടി അവിടെ മൂടി വച്ചിരിക്കുകയായിരുന്നു. ആദി വണ്ടിക്കടുത്തേക്ക് നടന്നാ കവർ മാറ്റി.
തന്റെ ‘Yamaha MT -15 ‘ കണ്ടവന് സന്തോഷമായി. അച്ഛനും ആദിയും ചേർന്ന് താക്കോൽ വാങ്ങി. ആദി ബൈക്കിലും രാജൻ സഞ്ജയ്‌ടെ കൂടെ കാറിലുമാണ് തിരിച്ചു വന്നത്. വീട്ടിലെത്തിയതും അമ്മയും രേഖയും പുതിയ വണ്ടിക്ക് ചുറ്റും നടന്ന് നോക്കി.
“മര്യാദക്ക് ഓടിച്ചില്ലെങ്കി ഇതിന്റെ താക്കോൽ ഞാനെടുത്ത് വയ്ക്കും ” ആദിക്ക് ശോഭ താക്കീത് നൽകി
“ഇല്ലമ്മേ ഞാൻ പാതിയെ പൊക്കോളാം ” ആദി വളരെ വിനയത്തോടെ പറഞ്ഞു.
രേഖയ്ക്ക് വണ്ടിയിൽ കേറണമെന്ന് ഉണ്ടായിരുന്നെങ്കിലും പറയാൻ മടി കാരണം അവൾ മിണ്ടിയില്ല.
“നാളെ രാവിലേ തന്നെ വണ്ടി അമ്പലത്തിൽ കൊണ്ടുപോയി പൂജിക്കണം ” അവനോട് അതും പറഞ്ഞു കൊണ്ട് ശോഭ പോയി.
പിറ്റേന്ന് രാവിലേ : അമ്പലത്തിൽ പോകാൻ വണ്ടി തിരിക്കുകയായിരുന്നു ആദി. അപ്പോഴാണ് രേഖ അങ്ങോട്ട് വരുന്നത് ആദി കണ്ടത്. ബ്ലൗസും പാവാടയുമാണവളുടെ വേഷം, അവളതിൽ അതിസുന്ദരിയായിരുന്നു. ആദ്യമായിട്ടാ ആദി അവളെ ഇത്ര സുന്ദരിയായി കാണുന്നത്… അല്ല ആദ്യമായിട്ടാണ് അവൻ അവളെ ശ്രദ്ധിക്കുന്നത്, അവളിത്രയും സുന്ദരിയാണെന്ന് അവനിന്നാണറിയുന്നയത്. ആ ഓറഞ്ച് ബ്ലൗസിലും പാവാടയിലും ജ്വലിച്ചു നിൽക്കുന്ന അവളുടെ ഓമനത്തമുള്ള മുഖം, വടിവോത്ത ശരീരം. ചന്തിയിൽ മുട്ടി നിൽക്കുന്ന നീളൻ മുടിയിഴകൾ. അവളുടെ കത്തുന്ന സൗന്ദര്യത്തിൽ ഒരു നിമിഷം അവൻ ലയിച്ചു നിന്നുപോയി.
“മ്മം എന്താ ” അവളുടെ പരുങ്ങൽ കണ്ട് അവൻ ചോദിച്ചു.
“എന്നേം കൂട്ടുവോ അമ്പലത്തിലേക്ക്” മടിയുണ്ടെങ്കിലും അവനെ നോക്കി പുഞ്ചിരിച്ചു കൊണ്ട് അവൾ ചോദിച്ചു
അവളുടെ നിഷ്കളങ്കമായ ചോദ്യം കേട്ട് അവനാദ്യം ചിരിയാണ് വന്നത്.
“വാ കേറ് ” വണ്ടി തിരിച്ചു കൊണ്ട് അവൻ പറഞ്ഞു
അത് കേട്ടതും അവൾക്ക് വളരെയധികം സന്തോഷമായി, അവൾ ഓടി വന്ന് അവന്റെ ബാക്കിൽ കയറി, ഒരുസൈഡിലേക്ക് ചെരിഞ്ഞിട്ടാണ് ഇരുന്നത്. വണ്ടി നീങ്ങി തുടങ്ങി, ആദ്യമായി ബൈക്കിൽ പോകുന്നതിന്റെ പേടി അവളുടെ മുഖത്തുണ്ടായിരുന്നു, എങ്കിലും അവന്റെ തോളിൽ കൈ പിടിച്ച് അവൾ ആദ്യ ബൈക്ക് യാത്ര ആസ്വദിച്ചു. അമ്പലത്തിലെത്തി അവർ തൊഴാനായി അകത്തോട്ട് നടന്നു. കണ്ടു നിൽക്കുന്ന എല്ലാവർക്കും അവർ നവമിഥുനങ്ങൾ ആയിട്ടാണ് തോന്നിയത്, കാരണം അവർ അത്രയ്ക്ക് ചേർച്ചയായിരുന്നു. അവനോടൊപ്പം അമ്പലത്തെ വലംവെക്കുമ്പോൾ എന്തെന്നില്ലാത്ത ഒരു സന്തോഷം അവൾക്ക് തോന്നി. പൂജാരി തന്ന പ്രസാദത്തിൽ നിന്ന് അവൾ പോലുമറിയാതെ അവളുടെ കൈ അവന്റെ നെറ്റിയിൽ ചന്ദനം തൊടുമ്പോൾ അവൾക്കറിയില്ലായിരുന്നു താൻ എന്തിനാണിത്ര സന്തോഷിക്കുന്നതെന്ന്.
അവളുടെ ചൂടുള്ള കൈ തന്റെ നെറ്റിയിൽതണുപ്പേകുമ്പോൾ അതവന്റെ മനസിനെ കുളിരണിയിക്കുന്നതെന്തിനാണെന്ന് അവനും അറിയില്ലായിരുന്നു. തിരിച്ചുള്ള യാത്രയിൽ അവളുടെ കൈ അവന്റെ വയറിൽ അമർന്നതും എവിടെ നിന്നോ ഒരു വിറയൽ അവനനുഭവപെട്ടു. മിററിലൂടെ പുറകിലെക്ക് നോക്കുമ്പോൾ അവളുടെ കണ്ണിൽ കണ്ട തിളക്കം എന്തിനാണെന്നും അവന് മനസിലായില്ല. ആ യാത്ര അവരെ കൂടുതൽ അടുപ്പിച്ചു, പിന്നീടുള്ള ദിവസങ്ങളിൽ അവർ പരസ്പരം മനസിലാക്കിക്കൊണ്ടിരുന്നു. ഒരുപാടു നാളായ്യ് അകന്നു ജീവിച്ച മനസുകൾ അടുത്ത് വരാൻ അതികം സമയം വേണ്ടി വന്നില്ല, തുടക്കത്തിലേ പ്രയാസം മാറിയതും അവൾക്കിപ്പോൾ അവനോട് എന്തും തുറന്നു പറയാം എന്ന അവസ്ഥയാണ് അവന് തിരിച്ചും അങ്ങനെ തന്നെ. സഹോദരങ്ങൾ എന്നതിലുപരി അവർ നല്ല കൂട്ടുകാരായി മാറുകയായിരുന്നു കുറഞ്ഞ കാലം കൊണ്ട് തന്നെ അവർ പിരിയാനാകാത്ത വിധം അടുത്തിരുന്നു. ഇപ്പോൾ എന്ത് പ്രശ്നം ഉണ്ടെങ്കിലും അവൾ ആദ്യം അവനോടാണ് പറയുന്നത്, കരണം അവൾക്കറിയാമായിരുന്നു അവനെക്കാൾ നന്നായി അവളെ മറ്റാർക്കും സഹായിക്കാൻ കഴിയില്ല എന്ന്. കടയിലെ കാര്യങ്ങൾ അവളുമായി ആലോചിച്ചിട്ടാണ് അവനിപ്പോൾ നടപ്പാക്കുന്നത്. അതിന്റെ മാറ്റം കടയിൽ കണ്ടു തുടങ്ങിയിട്ടും ഉണ്ട്.
അങ്ങനെ ഒരു ദിവസം രാത്രി എല്ലാരും ഉറങ്ങി കഴിഞ്ഞ് ആദിടെ ഫോണിലേക്ക് ഒരു കാൾ വന്നു, അത് മാറ്റാരുമല്ല രേഖ തന്നെയാണ്.
