എന്തായാലും കാരങ്ങളൊക്കെ കലങ്ങി തെളിഞ്ഞല്ലോ.. പിന്നെ ദൈവമായിട്ടാണ് അന്നയെ ഇവിടെ കൊണ്ട് വന്നത്. സ്റ്റെല്ലയെപറ്റി ആദ്യം അവളോട് തന്നെ പറയണം.
സമയം 6 കഴിഞ്ഞിരുന്നു.. നല്ല ഇരുട്ടായി.. ഡിസ്പ്ലേ കംപ്ലയിന്റ് ആയ മൊബൈൽ, കടയിൽ നിന്നും വാങ്ങണം. ഞാൻ നേരെ കടയിലേക്ക് പോയി..4000 രൂപ ദാ പോയി 🤧.
ഫോണും വാങ്ങി ഞാൻ നേരെ ആൻസിയെ കാണാനായി അവളുടെ റൂമിലേക്ക് ചെന്നു. ഞാൻ ചെന്നപ്പോൾ വാതിൽ പകുതി ചാരിയിരിക്കുവായിരുന്നു.. ഞാനത് തുറന്ന് അകത്തേക്ക് ചെന്നു. പക്ഷെ അവളെ അവിടെ കണ്ടില്ല..
“ഇങ് വാ മാഷേ…”ബാൽക്കണിയിൽ നിന്ന് അന്നയുടെ ശബ്ദം കേട്ടു.. ഞാനങ്ങോട്ടേക്ക് ചെന്നു..
എന്റെ വരവും കാത്തെന്നോണം അവളവിടെ നിൽപ്പുണ്ട്.. സാരി ആയിരുന്നു വേഷം. ഒരു കറുത്ത മോഡേൺ സാരി.. ഞാൻ അവസാനമായി കണ്ട അന്ന അല്ല അത്. നന്നേ മാറിയിരിക്കുന്നു.. മുടി കേൾ ചെയ്തിരിക്കുന്നു, അല്പം കൊഴുത്തിറ്റുണ്ട്,പിന്നെ മുഖത്ത് നല്ല സന്തോഷവുമുണ്ട്.. വർഷങ്ങൾക്ക് ശേഷമാണ് അവളെ ഇത്രയും സന്തോഷത്തിൽ കാണുന്നത്.
“ആഹാ.. ഇന്ന് രണ്ട് കാലിലാണല്ലോ…
ഞാനൊന്ന് ചമ്മി..
“ഇന്നെന്താ അടിച്ചില്ലേ…?
“മ്ച്ചും ”
“കത്തും എഴുതിവെച്ച് എന്തൊരു പോക്കാ പോയത്. എവിടായിരുന്നു..
“ഹ.. കുറച്ചു പണി ഉണ്ടായിരുന്നു.
“പിന്നെ.. എങ്ങനുണ്ട് ഗോവ ലൈഫ്..?
“ഗോവ കിടിലം അല്ലേ..അല്ല.. നീ എന്നാ വന്നത്..?
“ഞാൻ തിങ്കളാഴ്ച രാത്രി..?
“ട്രെയിൻ..?
“അല്ല.. ഫ്ലൈറ്റ്..
“നീ ഒറ്റക്കാണോ.? അതോ ഹസ്ബൻഡ്, ഫ്രണ്ട്‌സ് ആരെങ്കിലും..?
“ഇല്ലടാ…ഒറ്റക്കാ…
“ന്ത്‌ പറ്റി ഒറ്റക്കൊരു യാത്ര..?
അവളൊന്നു ചിരിച്ചു..” നീ വാ.. നമുക്ക് ഇരുന്ന് സംസാരിക്കാം…”
ബാൽക്കണിയിലെ ടേബിളിലെ ഇരുവശത്തായി ഞങ്ങളിരുന്നു. ഫ്ലാസ്കിൽ നിന്നും കോഫീ അവൾ രണ്ട് കപ്പിലേക്കൊഴിച്ചു. അതിലൊന്ന് എനിക്ക് തന്നു..
“അജി…….
“മ്മ്മ് പറയടി..
“നിനക്ക് നമ്മുടെ പണ്ടത്തെ കോളേജ് ലൈഫ് ഒക്കെ ഓർമ ഉണ്ടോ..
“മറക്കാൻ പറ്റുമോ..
“പണ്ട് നിന്നെയും ബിച്ചുവിനെയും ലേഡീസ് ടോയ്‌ലെറ്റിൽ ഞാൻ പൂട്ടി ഇട്ടത് ഓർമ്മ ഉണ്ടോ..
“പോടീ.. പട്ടി…മനുഷ്യന്റെ ജീവൻ പോയിലെന്നെ ഉള്ളു.
“നിനക്കൊക്കെ അല്ലായിരുന്നോ ലേഡീസ് ടോയ്ലറ്റ് കാണാൻ ആഗ്രഹം 😅.
“നീ പുറത്ത് നിന്ന് പൂട്ടുമെന്ന് ഞാൻ കരുതിയോ..
“😅😅
“ഭാഗ്യത്തിന് അത് പ്രീതി മിസ്സ്‌ ആണ് കണ്ടത്. വേറെ വല്ല ടീച്ചറും ആയിരുന്നെങ്കിൽ, ന്റെ ശിവനേ 🤧..
“അയ്യ.. നീയൊക്കെ എനിക്കും നല്ല പണി തന്നിറ്റുണ്ടല്ലോ..
“ന്ത്‌ പണി..?
“എന്റെ ബാഗിൽ ആരാടാ ഫയർ വെച്ചത്…? നീയും നിന്റെ കൂട്ടുകാരുമല്ലേ..?
“അയ്യോ.. എടി എത്ര നാളായി പറയുന്നു.. അത് ആ യദു ബാഗ് മാറി വെച്ചതാ..
“ഉവ്വ.. അത് കാരണമാണ് എനിക്ക് ഫയർ അന്നമ്മ എന്ന് പേര് വീണത്..
“സത്യത്തിൽ അതൊരു കിടിലം പേര് ആണ് 😅
“പോടാ…മയിരേ..
“ഹൊ.. അന്ന് എന്തുമാത്രം റോഡ് ട്രിപ്പ്പ്സ് നമ്മളെല്ലാരും കൂടി പോയിറ്റുണ്ട്…. ഹാ.. അതൊക്കെ ഒരു കാലം
“എടാ.. അന്നൊക്കെ നിനക്ക് എന്നോട് പ്രേമമുണ്ടായിരുന്നോ..?
“ഇപ്പോളെന്താ അങ്ങനൊരു ചോദ്യം..
“നീ പറയെടാ..
“മ്മ്മ്..
“പിന്നെ നിനക്ക് പറഞ്ഞൂടായിരുന്നോ എന്നോട്..
“അത്…നിനക്കെന്നോട് അങ്ങനൊരു താല്പര്യം ഇല്ലെങ്കിലോ.. ഒടുവിൽ നീ എന്നോട് മിണ്ടാതായാലോ എന്ന് കരുതി….
“🤧
“അച്ഛനും അമ്മയും പോയ ശേഷം നിന്റെ കുടുംബമല്ലേ സഹായിച്ചത്. ഞാൻ തെറ്റായി എന്തെങ്കിലും ചെയ്താലത് നന്ദികേട് ആകില്ലേ..
“😒
“നിനക്ക് എന്നോട് അപ്പോൾ ഇഷ്ടമുണ്ടായിരുന്നില്ലേ..
“മ്മ്..
“നീ എന്താ പറയാത്തത്…
“നീ കരുതിയത് പോലെ ഞാനും കരുതി. നിനക്ക് ഇഷ്ടമില്ലെങ്കിൽ,എന്നോട് മിണ്ടാതിരുന്നാലോ..?
“😕
ഞാൻ :-അല്ല അന്നാ…അന്ന് ഇടുക്കി ട്രിപ്പ് കഴിഞ്ഞ ശേഷം ഞാനിപ്പോഴാ നിന്നെ കാണുന്നത്…നല്ല മാറ്റം ഉണ്ടല്ലോ.. നല്ല ഹാപ്പി ഫേസ്.
“ഹാപ്പി ആയത്കൊണ്ട് ഹാപ്പി ഫേസ്..
“അതെന്താ ഇത്ര നാളും ഹാപ്പി അല്ലായിരുന്നോ…
“നീ തന്നെ പറ.. അന്ന് ഒക്കെ എന്റെ മുഖം കണ്ടിട്ട് നിനക്കെന്താ തോന്നിയത്..?
“അത്.. എന്തോ പ്രശ്നം ഉള്ളത് പോലെ തോന്നിയിരുന്നു…എന്തെങ്കിലും പ്രശ്നം ഉണ്ടോ..?
“യെസ്.
“ചേ…നിനക്ക് എന്നോട് പറഞ്ഞൂടെ.. എന്നെകൊണ്ട് പറ്റുന്നതാണെങ്കിൽ ഞാൻ പരിഹരിക്കാം..
“അതെല്ലാം പരിഹരിച്ചു.. ഇപ്പോൾ ഓൾ ഒക്കെ.
“മ്മ്….
“നീ ആണല്ലോ പരിഹരിച്ചത്..
“ങേ ഞാനോ 🙄. മനസിലായില്ല…
“വെയിറ്റ്…
അന്ന എഴുന്നേറ്റ് അകത്തേക്ക് പോയി, കയ്യിലൊരു പേപ്പറുമായി മടങ്ങി വന്നു.
“ഇത് വായിക്ക്,” ആ പേപ്പർ എന്റെ കൈയിൽ തന്നുകൊണ്ട് അവൾ പറഞ്ഞു.
ഞാനത് ഓപ്പൺ ചെയ്തു വായിച്ചു.
“CERTIFICATE OF DIVORCE”… ഒരു ഞെട്ടലോടെ ഞാനത് വായിച്ചു..
“ങേ.. എന്താടി ഇത്..” ഒരു വിറയലോടെ ഞാനവളോട് ചോദിച്ചു.
“നിനക്കെന്താ വായിക്കാൻ അറിയില്ലേ..?
“എടി.. നീ ഡിവോഴ്സ് ചെയ്തോ.. എന്തിന്.. എപ്പോൾ…?
“2 ആഴ്ചയായി ഒഫീഷ്യലി ആയിട്ട്..
“പക്ഷെ എന്തിനു…. അല്ല.. ഞാൻ എങ്ങനെയാ അതിന് കാരണക്കാരൻ ആയത്..
“ഓ.. ഇപ്പോൾ അങ്ങനായോ…അന്ന് വയനാട്ടിൽ വെച്ച് നീ അല്ലേ പറഞ്ഞത് എന്നെ പ്രേമിച്ചിരുന്നു എന്നൊക്കെ..
“അതെ…പക്ഷെ അതിന് നീ എന്തിനാ ഡിവോഴ്സ് ചെയ്തത്…എന്തൊക്കെയാടി. ഇത്..” ഞാൻ കരയുന്ന അവസ്ഥയിലായി.. 🥺
അന്ന പൊട്ടിച്ചിരിക്കാൻ തുടങ്ങി.. അത് കണ്ടപ്പോൾ എനിക്കൊരാല്പം ആശ്വാസം തോന്നി..
ഞാൻ :-പറ്റിച്ചതാണല്ലേ…🤧ഇത് ഫേക്ക് സർട്ടിഫിക്കറ്റ് അല്ലേ..
“ഫേക്ക് ഒന്നുമല്ലടാ.. ഒറിജിനൽ തന്നെയാ..
“ങേ.. പക്ഷെ ഡിവോഴ്സ്.. എന്തിനു…?
“ഹാ.. പറയാം…
“ന്നാൽ പറ.. ഡീറ്റൈൽ ആയി തന്നെ..
അന്ന ദീർഘശ്വാസം എടുത്തുകൊണ്ടു കസേരയിലേക്ക് ചാരി ഇരുന്നു. അവൾ അവൾക്ക് പറയാനുള്ളത് പറഞ്ഞു തുടങ്ങി.
“ഞാനീ കല്യാണത്തിന് ഒട്ടും താല്പര്യമില്ലാതെ ആണ് സമ്മതിച്ചത്. അതും പപ്പയുടെ നിർബന്ധം ഒന്ന് കൊണ്ട് മാത്രം.. കുറേ എതിർത്തു നോക്കി അവസാനം പപ്പ കൈ വെച്ചു..
“ങേ.. തമ്പാച്ഛൻ നിന്നെ തല്ലിയോ…?
“അതെ.. ജീവിതത്തിൽ ആദ്യമായി.. കൂട്ടുകാരന് വർഷങ്ങൾ മുന്പേ കൊടുത്ത വാക്കാണ് പോലും.. അയാളുടെ മകനെ എന്നെക്കൊണ്ട് കെട്ടിക്കാമെന്ന്.
അന്ന് നിന്നോടുള്ള ഇഷ്ടം അച്ഛനോട് പറയാമെന്നു കരുതിയതാ.. പക്ഷെ നിനക്ക് പോലും അത് അറിയാതെ പറഞ്ഞിട്ട് എന്ത് കാര്യം.
കല്യാണത്തിന് മുൻപ് 1-2 തവണ മാത്രേ ഞാനവനെ കണ്ടിട്ടുള്ളു.. നേരെ ഒന്ന് സംസാരിച്ചിട്ട് പോലുമില്ല.. പെട്ടെന്ന് തന്നെ കല്യാണവും കഴിഞ്ഞു.
പുതിയൊരു ജീവിതത്തിനു തയ്യാറായിരുന്നു ഞാൻ, പക്ഷെ ദൈവത്തിനു വേറെ പ്ലാൻസ് ആയിരുന്നു..
കല്യാണം കഴിഞ്ഞ ശേഷവും അയാൾക്ക് എന്നോടൊരു അകൽച്ച ആയിരുന്നു…ചേർന്ന് ഇരിക്കാൻ പോലും അയാൾക്ക് മടി ആയിരുന്നു..
ഏകദേശം ഒരു മാസം കടന്നുപോയി…അവസാനം അയാൾ തന്നെ എന്നോട് പറഞ്ഞു..
