ജോ : ടാ എനിക്കെന്തോ നല്ല ടെൻഷൻ എന്റെ ഡ്രസ്സ് ഒക്കെ എങ്ങനെയുണ്ട് ദേവ്
ദേവ് :നന്നായിട്ടുണ്ടെടാ ചുമ്മാ ഓരോന്ന് ആലോചിച്ചു പേടിക്കാതെ അവരിപ്പോ ഇങ്ങോട്ട് വരും
പെട്ടെന്നാണ് കിരൺ പള്ളിക്കുള്ളിലേക്ക് വന്നത്
കിരൺ :ടാ അവരെത്തി വേഗം എല്ലാം സെറ്റ് ആക്കിക്കൊ
പെട്ടെന്ന് തന്നെ അമ്മയുടെയും ജിൻസിയുടെയും കൂടെ ജാനി പള്ളിക്കുള്ളിലേക്ക് എത്തി അവൾ ഒരു വെള്ള ഗൗൺ ആയിരുന്നു ഇട്ടിരുന്നത് ജാനി പതിയെ പതിയെ മുൻപോട്ട് നടന്നു ജോ ജാനിയെ തന്നെ നോക്കി നിന്നു
ദേവ് :ടാ കല്യാണത്തിനു ശേഷം നിനക്കവളെ എത്ര വേണമെങ്കിലും നോക്കാം നീ വേഗം അങ്ങോട്ട് ചെല്ല് കേട്ട് കഴിഞ്ഞിട്ടു വേണം റിസപ്ഷനു പോകാൻ അവിടെ ഒരുപാട് പേര് കാത്തിരിക്കുകയാ
ജോ :ശെരി ശെരി ഞാൻ ദാ പോകുവാ
കിരൺ :അളിയാ കെട്ടുമ്പോൾ കൈ വിറക്കരുത് കേട്ടോ
ജോ :ഒന്ന് പോടാ
ജോ വേഗം തന്നെ ജാനിയോടൊപ്പം അച്ഛന്റെ മുന്നിലെത്തി
ചില ചടങ്ങുകൾക്ക് ശേഷം അവർ മനസ്സമ്മതത്തിലേക്ക് കടന്നു
“ജോ എന്ന നിനക്ക് ഈ നിൽക്കുന്ന ജാനിയെ വിവാഹം കഴിക്കാൻ സമ്മതമാണോ ”
അച്ഛൻ ജോയോടായി ചോദിച്ചു
“സമ്മതമാണ് ”
ജോ മറുപടി നൽകി
“ജാനി എന്ന നിനക്ക് ഈ നിൽക്കുന്ന ജോയെ വിവാഹം കഴിക്കാൻ സമ്മതമാണോ “
“സമ്മതമാണ് ”
ജാനി മറുപടി നൽകി
ശേഷം ജോ പതിയെ ജാനിയുടെ കഴുത്തിൽ മിന്നു ചാർത്തി ഇത് കണ്ട് ജാനിയുടെ അമ്മയുടെ കണ്ണുകൾ നിറഞ്ഞു അവിടെ ഉണ്ടായിരുന്നവരെല്ലാം കൈകൾ കൊട്ടാൻ തുടങ്ങി
അല്പസമയത്തിനു ശേഷം ജോയും ജാനിയും ഓഡിറ്റോറിയത്തിൽ
ജോ :ദേവ് എന്തടാ ഇത് നീ ഒരുപാട് പൈസ പൊട്ടിച്ചു അല്ലേ
ദേവ് :അതൊന്നും നീ നോക്കണ്ട നീ ജാനിയെയും കൊണ്ട് ആ സ്റ്റേജിൽ പോയി ഇരുന്നെ എല്ലാരും നിങ്ങളെ ഒന്ന് കാണട്ടെ
ദേവ് വേഗം തന്നെ അവരെ സ്റ്റേജിൽ കൊണ്ട് പോയി ഇരുത്തി
ദേവ് :ഒരുപാടു പേർ വരാനുണ്ട് നിങ്ങൾ എലാവരോടും സംസാരിച്ചിരിക്ക് ഞാൻ പോയി ബാക്കി കാര്യങ്ങൾ നോക്കട്ടെ
ഇത്രയും പറഞ്ഞു ദേവ് താഴെക്ക് പോയി
റിസപ്റ്റ്ഷനു വന്നവരെല്ലാം ഓരോരുത്തരയി സ്റ്റേജിൽ കയറി ജോയെയും ജാനിയെയും വിഷ് ചെയ്യുകയും കൂടെ നിന്ന് ഫോട്ടോ എടുക്കുകയും ചെയ്യാൻ തുടങ്ങി
അതിൽ കൂടുതൽ പേരും കോളേജ് ഫ്രണ്ട്സ് തന്നെയായിരുന്നു
കുറച്ചു സമയത്തിനു ശേഷം
ജോ :ജാനി അതാരാ വരുന്നതെന്ന് നോക്കിയെ
ജാനി :അത് അവനല്ലേ അന്ന് ക്യാന്റിനിൽ വെച്ച് പ്രശ്നം ഉണ്ടാക്കിയവൻ
ജോ :അതെ അജാസ് അപ്പോൾ മറന്നിട്ടില്ല
അജാസ് വേഗം തന്നെ ജോയുടെ അടുത്തേക്ക് എത്തി
അജാസ് :ഹാപ്പി മാരേജ് ലൈഫ് അണ്ണാ
ജോ :ടാ ഇപ്പോഴും പഴയത് പോലെ ഉടായിപ്പ് വലതുമുണ്ടോ
അജാസ് :ഇല്ല അണ്ണാ അന്നത്തോടെ എല്ലാം വിട്ടു ജാനി ചേച്ചി ഒന്നും മനസ്സിൽ വെച്ചേക്കല്ലേ
ജാനി :ശെരി ശെരി പോയി കഴിക്കാൻ നോക്ക്
പെട്ടെന്നാണ് രണ്ട് പെൺകുട്ടികൾ സ്റ്റേജിലേക്ക് വന്നു ജാനിക്ക് കൈ കൊടുത്തത്
“ഞങ്ങളെ മനസ്സിലായോ ”
അവർ ജാനിയോടായി ചോദിച്ചു
ജാനി :മീരയും നീതുവും അല്ലേ
മീര :അപ്പോൾ ഞങ്ങളെ മറന്നിട്ടില്ല അല്ലേ
ജാനി പതിയെ അവരോട് ചിരിച്ചു
നീതു :ജാനി ഞങ്ങളോട് ക്ഷമിക്കണം കോളേജിൽ വെച്ച് നിന്നോട് ഞങ്ങൾ വളരെ മോശമായാണ് പെരുമാറിയിട്ടുള്ളത് എല്ലാം ഞങ്ങളുടെ അറിവില്ലായ്മയായിരുന്നു
ജാനി :ഇതൊക്കെ എന്തിനാ ഇപ്പോൾ പറയുന്നേ അതൊക്കെ അന്നേ ഞാൻ വിട്ടു എല്ലാം കോളേജ് ലൈഫിലെ തമാശയല്ലേ നിങ്ങൾ വാ നമുക്കോരു ഫോട്ടോ എടുക്കാം
അവർ രണ്ട് പേരും വേഗം തന്നെ ജാനിയുടെയും ജോയുടെയും കൂടെ ഫോട്ടോ എടുത്തു ശേഷം പതിയെ താഴേക്ക് ചെന്നു
ജാനി :ആരൊക്കെയാ ജോ ഈ വരുന്നത് ഇവരെയൊന്നും ഞാൻ ഇവിടെ തീരെ പ്രതീക്ഷിച്ചിരുന്നില്ല
ജോ :എല്ലാം അവമ്മാരുടെ പണിയാണെന്നാ തോന്നുന്നത്
“ജാനി ”
പെട്ടെന്ന് ആ ശബ്ദം കേട്ട് ജാനി തിരിഞ്ഞു നോക്കി
ജാനി :മെറിനെ
മെറിൻ വേഗം തന്നെ ജാനിയെ കെട്ടിപിടിച്ചു
ജാനി :വേണ്ട നീ എന്നോട് മിണ്ടണ്ട പൊക്കോ ഇപ്പോഴാണോടി വരുന്നത്
മെറിൻ :ക്ഷമിക്കെടി ഫ്ലൈറ്റ് ലേറ്റ് ആയി പോയി
ജാനി :ഹും നീയിപ്പോൾ വലിയആളായി പോയില്ലേ ഞാൻ കരുതിയത് നീ വരില്ലേന്നാ