ഇത് കേട്ട ജോയെ കെട്ടിപിടിച്ചു കരയാൻ തുടങ്ങി
ജാനി :എന്തിനാടാ എന്നെ ഇങ്ങനെ സ്നേഹിക്കുന്നത് നീ എന്തിനാടാ മാറുന്നത് തെറ്റ് ഒക്കെ ചെയ്തത് ഞാൻ അല്ലേ നീ ഒരു തെറ്റും ചെയ്തിട്ടില്ല ചെയ്യുകയുമില്ല ഞാൻ നിന്നെ മനസ്സിലാക്കിയില്ലല്ലോ ജോ ഞാൻ നിന്നെ ഒരിക്കലും അർഹിക്കുന്നില്ല എന്നെ മറന്നേക്കെടാ
ജോ :എന്നെ കൊണ്ട് പറ്റില്ല ജാനി എനിക്ക് നിന്നെ അത്രയും ഇഷ്ടമാണ് നമുക്ക് കല്യാണം കഴിക്കാം ജാനി ഞാൻ നിന്നെ ഒരിക്കലും വേദനിപ്പിക്കില്ല എനിക്കിപ്പോൾ നീ അല്ലാതെ മാറ്റാരുമില്ല പ്ലീസ് ജാനി
ഇത് കേട്ട ജാനി ജോടെ നെഞ്ചിൽ മുഖം ചായ്യ്ച്ച് കിടന്നു
അല്പസമയത്തിനു ശേഷം ജാനി പതിയെ ജോയിനിന്ന് വിട്ടുമാറി
ജാനി :ജോ ഞാൻ പൊക്കോട്ടെ
ജോ :ഞാൻ കൊണ്ട് വിടാം ജാനി നീ ഇറങ്ങിക്കൊ
അവർ രണ്ട് പേരും ബൈക്കിനടുത്തേക്ക് എത്തി ജോ ജാനിയുമായി പതിയെ ബൈക്ക് മുൻപോട്ടെടുത്തു കുറച്ചു ദൂരം വരെയും ഇരുവരും മൗനം തുടർന്നു ശേഷം ജോ പതിയെ സംസാരിക്കാൻ തുടങ്ങി
ജോ :ജാനി ഞാൻ പറഞ്ഞതൊക്കെ മറന്നു കളഞ്ഞേക്ക് നിനക്കെന്നെ സ്വീകരിക്കാൻ പറ്റില്ലെങ്കിൽ ഒരിക്കലും ഞാൻ നിന്നെ നിർബന്ധിക്കില്ല ഞാൻ എത്ര നാൾ വേണമെങ്കിലും കാത്തിരിക്കാൻ തയ്യാറാണ് ഒരു ദിവസം നിന്റെ മനസ്സ് മാറുമെന്ന് എനിക്ക് വിശ്വാസമുണ്ട്
അതിനായി ഞാൻ കാത്തിരിക്കും
എന്നാൽ ജാനി ജോക്ക് ഒരു മറുപടിയും നൽകിയില്ല അല്പനേരത്തിനുള്ളിൽ തന്നെ അവർ ജാനിയുടെ വീടിനു മുൻപിൽ എത്തി ജാനി പതിയെ ബൈക്കിൽ നിന്ന് താഴെ ഇറങ്ങി
ജാനി :ജോ വാ വീട്ടിൽ കയറിയിട്ട് പോകാം
ജോ :വേണ്ട ജാനി പിന്നീടാകാം
ജാനി :അന്നും നീ ഇത് തന്നെയല്ലേ പറഞ്ഞത് അമ്മക്ക് ജോയെ കാണാൻ ആഗ്രഹമുണ്ട് ഒന്ന് കയറിയിട്ട് പൊക്കോ
ജോ :ശെരി ജാനി
ജോ പതിയെ ജാനിയോടൊപ്പം വീട്ടിനുള്ളിലേക്ക് നടന്നു
ജാനി :അമ്മേ അമ്മേ
വീട്ടിലേക്ക് എത്തിയ ജാനി അമ്മയെ വിളിച്ചു
പെട്ടെന്ന് തന്നെ കിച്ചണിൽ നിന്ന് അമ്മ ഹാളിലേക്ക് എത്തി
ജാനി :അമ്മേ ഇത്
അമ്മ :ജോ അല്ലേ
ജാനി :അതേ അമ്മേ അമ്മയെ കാണാൻ വന്നതാ
അമ്മ :വാ മോനെ വന്നിരിക്ക് ഞാൻ ചായ എടുക്കാം
ജോ :വേണ്ട അമ്മേ ഞാൻ കുടിച്ചതാ
അമ്മ :അതൊന്നും പറഞ്ഞാൽ പറ്റില്ല ഇവിടെ ആദ്യമായി വന്നിട്ട് ഒന്നും തരാതെ വിടാൻ പറ്റില്ല
അമ്മ വേഗം തന്നെ ജോയെ സോഫയിൽ ഇരുത്തിയ ശേഷം ചായ നൽകി
അമ്മ :മോനെ പറ്റി ജാനി ഒരുപാട് പറഞ്ഞിട്ടുണ്ട് മോൻ കാരണമാണ് ഇപ്പോഴുള്ള ജോലി കിട്ടിയതെന്നും ഇവൾ പറഞ്ഞു എല്ലാത്തിനും ഒരുപാട് നന്ദിയുണ്ട് മോനെ
ജോ :അതിന് ഞാൻ ഒന്നും ചെയ്തിട്ടില്ല അമ്മേ ജാനിക്ക് കഴിവുണ്ടായിരുന്നു അതുകാരണമാണ് അവൾക്ക് ജോലി കിട്ടിയത്
അമ്മ :ഇല്ല മോനെ മോന്റെ സഹായം ഇല്ലായിരുന്നെങ്കിൽ ഇതൊന്നും നടക്കില്ലായിരുന്നു എനിക്കത് നന്നായി അറിയാം ഒരുപാട് നാളുകൾക്ക് ശേഷം ഇവൾ കുറച്ചേങ്കിലും സന്തോഷിച്ചു കാണുന്നത് ഇപ്പോഴാണ് എല്ലാത്തിനും മോൻ തന്നെയാണ് കാരണം പിന്നെ മോന്റെ കാര്യമൊക്കെ എനിക്കറിയാം ഇനി ആരുമില്ല എന്ന് പറഞ്ഞു വിഷമിക്കരുത് ഞങ്ങൾ എല്ലാം ഉണ്ട് നീയും എന്റെ മോൻ തന്നെയാണ് നിനക്ക് എപ്പോൾ വേണമെങ്കിലും ഇവിടെ വരാം
ജാനി :അമ്മേ..
അമ്മ :എന്താ ജാനി ഞാൻ തെറ്റായി വല്ലതും പറഞ്ഞോ
ജാനി :അമ്മേ എനിക്കൊരു കാര്യം പറയാനുണ്ട്
അമ്മ :എന്താ മോളേ
ജാനി :അമ്മേ ഞാൻ ജോയെ വിവാഹം കഴിച്ചോട്ടേ
ഇത് കേട്ട ജോയും അമ്മയും ഒരുപോലെ ഞെട്ടി ജോ വേഗം തന്നെ ജാനിയുടെ മുഖത്തേക്ക് നോക്കി
അമ്മ :മോളേ നീ
ജാനി :അതേ അമ്മേ ജോക്ക് എന്നെ ഇഷ്ടമാണ് അമ്മ സമ്മതിച്ചാൽ ഞങ്ങൾ ഒന്നിച്ച് ജീവിക്കും ജോ എന്നെ നന്നായി നോക്കുമെന്ന് എനിക്ക് ഉറപ്പുണ്ട്
അമ്മ :മോന് ഇവളെ ഇഷ്ടമാണോ
അമ്മ ജോയോടായി ചോദിച്ചു അതുവരെയും നെട്ടൽ മാറത്ത ജോ പെട്ടെന്നാണ് സ്വബോധത്തിലേക്ക് വന്നത്
ജോ :ഇഷ്ടമാണ്.. ഒരുപാട് ഇഷ്ടം അമ്മ സമ്മതിച്ചാൽ ഞാൻ അവളെ പൊന്നുപോലെ നോക്കും ആരോരുമില്ലാത്ത എനിക്ക് ജാനിയെ കല്യാണം കഴിച്ചുതരാൻ ബുദ്ദിമുട്ട് ഉണ്ടാകുമെന്നറിയാം പക്ഷെ ഒരു കാര്യം ഞാൻ ഉറപ്പു തരാം എന്തൊക്കെ വന്നാലും ഞാൻ ഇവളെ കൈവിടില്ല
പെട്ടെന്ന് തന്നെ അമ്മയുടെ കണ്ണുകൾ നിറഞ്ഞു
അമ്മ :മോനോട് ഞാൻ പറഞ്ഞതല്ലേ ഇനി ആരുമില്ല എന്നൊന്നും പറയരുതെന്ന് നിനക്ക് ഞങ്ങളൊക്കെയുണ്ട് നിന്റെ മനസ്സാണ് മോനെ നിന്റെ ഏറ്റവും വലിയ യോഗ്യത ഇപ്പോൾ ഏറ്റവും കൂടുതൽ സന്തോഷിക്കുന്നത് ഞാനാണ് ഇവളുടെ ഭാവിയെ പറ്റി ചിന്തിക്കാത്ത ഒരു ദിവസം പോലും എന്റെ ജീവിതത്തിൽ ഉണ്ടായിട്ടില്ല ഇവളുടെ വിവാഹമായിരുന്നു എന്റെ ഏറ്റവും വലിയ സ്വപ്നം ഒരുപാട് തവണ ഞാൻ ഇവളോട് അതിനെ പറ്റി സംസാരിച്ചിട്ടുമുണ്ട് എന്നാൽ ഒരിക്കലും വിവാഹം കഴിക്കില്ല എന്നായിരിക്കും എപ്പോഴും ഇവളുടെ മറുപടി അതെന്നെ ഒരുപാട് വേദനിപ്പിച്ചിട്ടുണ്ട് ഇപ്പോൾ ഇവളുടെ വായിൽ നിന്ന് തന്നെ ഇത് കേട്ടപ്പോൾ എനിക്ക് എത്രത്തോളം സന്തോഷം ആയെന്ന് അറിയാമോ നമുക്ക് വേഗം തന്നെ വിവാഹം നടത്താം അതിൽ മോന് പ്രശ്നമൊന്നും ഇല്ലല്ലോ
ജോ :ഇല്ലമ്മേ ഞാൻ എപ്പോൾ വേണമെങ്കിലും തയ്യാറാണ്
അങ്ങനെ കുറച്ചു മണിക്കൂറുകൾക്ക് ശേഷം വീടിനു പുറത്തു ജാനി ജോയെ യാത്രയാക്കാനായി എത്തി ജോ വേഗം തന്നെ ജാനിയെ കെട്ടിപിടിച്ചു
ജോ :താങ്ക്സ് ജാനി ഒരുപാട് നന്ദിയുണ്ട്
ജാനി :എന്തിനാ ജോ നീ നന്ദിപറയുന്നത് അത് പറയേണ്ടണ്ടത് ഞാൻ അല്ലേ എന്നെ ഇത്രത്തോളം സ്നേഹിച്ചതിന് എനിക്ക് വേണ്ടി ഇത്രയും വേദന സഹിച്ചതിന് ഇനിയും നിന്നെ കണ്ടില്ലേന്ന് നടിച്ചാൽ ദൈവം പോലും എന്നോട് പൊറുക്കില്ല
ജോ :എന്നാലും നീ അമ്മയോട് അങ്ങനെ പറഞ്ഞപ്പോൾ അത് സ്വപ്നമാണെന്നാ ഞാൻ കരുതിയത്
ജാനി :ഇനി നമ്മൾ ഒരിക്കലും തോൽക്കില്ല ജോ നമ്മൾ ഒന്നിച്ച് സന്തോഷമായി ജീവിക്കും
ജോ :അതെ ജാനി നമുക്കിത് എല്ലാവരോടും പറയണ്ടേ നാളെ അവരോടൊക്കെ എന്റെ വീട്ടിൽ വരാൻ പറയാം എന്താ
ജാനി :ശെരി ജോ നിന്റെ ഇഷ്ടം
ജോ :ഇനി എന്റെ ഇഷ്ടമില്ല ജാനി നമ്മുടെ ഇഷ്ടം
ജാനി :ശെരി നമ്മുടെ ഇഷ്ടം പിന്നെ സൂക്ഷിച്ചു പോണം കേട്ടല്ലോ
ജോ :ശെരി ജാനി നാളെ കാണാം
ജോ വണ്ടി മുൻപോട്ടെടുത്തു ജാനിയെ ഒന്നുകൂടി തിരിഞ്ഞു നോക്കിയ ശേഷം ജോ വണ്ടി വീണ്ടും മുൻപോട്ടു പായിച്ചു ജാനി പതിയെ ചിരിച്ചുകൊണ്ട് വീടിനുള്ളിലേക്ക് കയറി
പിറ്റേ ദിവസം ജോയുടെ വീട്
ദേവ് :എന്താടാ ജോ കാര്യം പറ ഒരുപാട് നേരമായല്ലോ
ജിൻസി :അതെ ജോ എന്താ കാര്യം ജാനി നീ എങ്കിലും ഒന്ന് പറ
ജോ :കിരൺ കൂടി ഒന്ന് വന്നോട്ടെ ദേവ് എന്നിട്ട് പറയാം
പെട്ടെന്നാണ് കിരൺ അങ്ങോട്ടേക്ക് എത്തിയത്
കിരൺ :എന്താ ജോ കാര്യം എന്താ പെട്ടെന്ന് വരാൻ പറഞ്ഞത്
ദേവ് :ഇത് തന്നെയാ ഞങ്ങളും ചോദിച്ചു കൊണ്ടിരിക്കുന്നത്