കിരൺ :എന്താ ജോ കാര്യം എന്താ പെട്ടെന്ന് വരാൻ പറഞ്ഞത്
ദേവ് :ഇത് തന്നെയാ ഞങ്ങളും ചോദിച്ചു കൊണ്ടിരിക്കുന്നത്
ജോ :ശെരി അപ്പോൾ തുടങ്ങാം നിങ്ങളോടോക്കെ ഒരു സന്തോഷവാർത്ത പറയുവാനാ ഇങ്ങോട്ടേക്കു വരാൻ പറഞ്ഞത്
കിരൺ :സന്തോഷവാർത്തയോ
ജോ പതുക്കെ ജാനിയുടെ മുഖത്തെക്കു നോക്കിയ ശേഷം നിലത്ത് മുട്ടുകുത്തി നിന്നു ശേഷം പതിയെ തന്റെ കയ്യിലുണ്ടായിരുന്ന മോതിരം അവൾക്കു നേരെ നീട്ടി
“ജാനി എന്നെ വിവാഹം കഴിക്കാമോ”
ജോയുടെ ചോദ്യം കേട്ട് അവിടെ ഉണ്ടായിരുന്നവരെല്ലാം ഞെട്ടി
ജാനി :ഉം
ജാനി പതിയെ മൂളി ജോ തന്റെ കയ്യിൽ ഉണ്ടായിരുന്ന മോതിരം ജാനിയുടെ വിരലിൽ അണിയിച്ചു ശേഷം ഇരുവരും കൈകൾ കോർത്തു പിടിച്ചു
ദേവ് :ജോ നിങ്ങൾ
ജോ :അതേടാ ഞങ്ങൾ വിവാഹം കഴിക്കാൻ തീരുമാനിച്ചു
പെട്ടെന്ന് തന്നെ ദേവും കിരണും അവരുടെ അടുത്തേക്ക് ഓടി എത്തി
ദേവ് :പൊളിച്ചേടാ എപ്പോഴെങ്കിലും നിങ്ങൾക്ക് നല്ല ബുദ്ധി തോന്നിയല്ലോ
കിരൺ :ജോ നിനക്ക് വേണ്ടി ജാനിയുടെ അമ്മയോട് ഞങ്ങൾ പെണ്ണ് ചോദിക്കാം
ജാനി :പെണ്ണ് ചോദിക്കലോക്കെ കഴിഞ്ഞു കിരൺ അമ്മ സമ്മതിക്കുകയും ചെയ്തു
കിരൺ :ഇതൊക്കെ എപ്പോ
ദേവ് :ഇവൻ പെണ്ണ് ചോദിച്ചോ അതിന് വഴിയില്ലല്ലോ
ജാനി നടന്നതെല്ലാം എല്ലാവരോടും പറഞ്ഞു
ദേവ് :ഓഹ് അപ്പൊ അങ്ങനെയാണല്ലേ കാര്യങ്ങൾ എന്തായാലും നിങ്ങൾ നന്ദി പറയേണ്ടത് എന്നോടാ ഞാൻ നല്ല ഡോസ് കൊടുത്തത് കൊണ്ടാ ഇവൻ ഇപ്പോഴെങ്കിലും നിന്നോട് എല്ലാം പറഞ്ഞത് ഇല്ലെങ്കിൽ ഇനിയും വർഷങ്ങൾ വേണ്ടി വന്നേനെ
കിരൺ :അത് ശെരിയാ പക്ഷേ ഞാൻ അതല്ല ആലോചിക്കുന്നത് ഇവൻ അന്ന് ഏത് ബ്രാൻഡ് ആയിരിക്കും അടിച്ചത് അല്ല ഇവന് അത്രയും ധൈര്യം കിട്ടിയെങ്കിൽ അത് ഒരു ഒന്നോന്നാര സാധനമായിരിക്കും
ജോ :ഒന്ന് മിണ്ടാതിരിക്കളിയാ
ജിൻസി :അപ്പോൾ കല്യാണം എന്നാ ജാനി
ജാനി :അതൊന്നും തീരുമാനിച്ചിട്ടില്ല
കിരൺ :അത് മോശമായിപോയി
ദേവ് :ജോ ഈ സന്തോഷത്തിൽ ഞാൻ ഒരു കാര്യം പറയുകയാണ് കല്യാണത്തിനു ഫുഡ് മുഴുവൻ എന്റെ വക എന്താ
ജോ :എടാ അത്ര വലിയ കല്യാണം ഒന്നും വേണ്ടാ എന്നാ തീരുമാനം പള്ളിയിൽ വെച്ച് ഒരു
ദിവസം തന്നെ മനസ്സമ്മതവും മിന്നുകെട്ടും പിന്നെ വളരെ കുറച്ചു പേരെ മാത്രം വിളിച്ചാൽ മതിയെന്നാ കരുതുന്നത്
ദേവ് :അതൊക്കെ ഞങ്ങൾ തീരുമാനിച്ചോളാം കല്യാണത്തിനു ശേഷം എല്ലാവർക്കും അടുത്ത ഓഡിറ്റോറിയത്തിൽ പാർട്ടി പറ്റാവുന്ന അത്രയും പേരെ വിളിക്കും കിരൺ, ജിൻസി നാളെ തന്നെ ലിസ്റ്റ് ഉണ്ടാക്കി തുടങ്ങണം
ജോ :ഇവനെ കൊണ്ട് എന്താന്ന് വെച്ചാൽ ചെയ്തോ പിന്നെ നിന്റെ കാര്യം കൂടി ഓർത്തോ നിന്റെ അമ്മ ഒരു മരുമകൾക്ക് വേണ്ടി കൊതിക്കാൻ തുടങ്ങിയിട്ട് ഒരുപാട് നാളായില്ലേ
ദേവ് :ഉം നല്ല സ്ത്രീധനം വാങ്ങി ആരെയെങ്കിലും കേട്ടണം വരട്ടെ എല്ലാം ശെരിയാകും
ഇത്രയും പറഞ്ഞു ദേവ് പതിയെ ജിൻസിയെ നോക്കി
കുറച്ചു മണിക്കൂറുകൾക്ക് ശേഷം എല്ലാവരും ജോയോട് യാത്ര പറഞ്ഞു ഇറങ്ങാൻ തുടങ്ങി ദേവ് പതിയെ കാറിനടുത്തേക്ക് നടന്നു
“ദേവാ ” പെട്ടെന്നാണ് ജിൻസി ദേവിനെ വിളിച്ചത്
ദേവ് :എന്താ ജിൻസി
ജിൻസി :എനിക്കാ ഗിഫ്റ്റ് തിരിച്ചു വേണം
ദേവ് :ഏത് ഗിഫ്റ്റ്
ജിൻസി :ഞാൻ അന്ന് തന്നില്ലേ അത് തന്നെ നീ പറഞ്ഞതുപോലെ എന്നെ സംരക്ഷിക്കാൻ കഴിവുള്ള ഒരാളെ ഞാൻ കണ്ടെത്തി അയാൾക്ക് കൊടുക്കാനാ
ഇത് കേട്ട ദേവ് അല്പ നേരം ഒന്നും മിണ്ടിയില്ല ശേഷം
ദേവ് :ഇത്ര പെട്ടെന്ന് ചോദിച്ചാൽ
ജിൻസി :എന്താ അത് കയ്യിലില്ലേ സൂക്ഷിച്ചു വെക്കാം എന്ന് പറഞ്ഞതല്ലേ
ദേവ് :അതൊക്കെ ഉണ്ട് പക്ഷെ എവിടെയാണെന്ന് തിരക്കി എടുക്കണം ഒരു രണ്ട് ദിവസം എടുക്കും
ജിൻസി :ശെരി അപ്പോൾ മതി
ഇത്രയു പറഞ്ഞു ജിൻസി പോകാൻ ഒരുങ്ങി
ദേവ് :ജിൻസി
ജിൻസി :എന്താ ദേവാ
ദേവ് :അത് പിന്നെ ആരാ അത്
ജിൻസി :അത് നീ എന്തിനാ അറിയുന്നേ
ദേവ് :ശെരിയാ ഞാൻ എന്തിനാ അറിയുന്നേ എനിക്കതിന്റെ ആവശ്യമെന്താ
ഇത്രയും പറഞ്ഞു ദേവ് കാറിലേക്ക് കയറി ശേഷം കാർ മുന്പോട്ടെടുത്തു
അല്പ സമയത്തിനു ശേഷം ദേവ് തന്റെ റൂമിൽ