ജോ :കാരണം നീ അവനെ മറക്കണം ജാനി മറന്നേ പറ്റു ഇപ്പോൾ അവൻ വേറൊരാളുടെതാണ്
ജാനി :ഞാൻ മറന്നാലും ഇല്ലെങ്കിലും നിനക്കെന്താ നിനക്കെന്താണ് ജോ പ്രശ്നം നീ എന്തിനാ എന്നോട് ഇങ്ങനെ ചെയ്യുന്നത്
ജോ :കാരണം നിനക്കറിയില്ലേ ജാനി ശെരി ഞാൻ തന്നെ പറയാം എനിക്ക് നിന്നെ ഇഷ്ടമാണ് കണ്ട അന്ന് മുതൽ ഇഷ്ടമാണ് ഇനിയും നിന്നെ ആർക്കും വിട്ട് കൊടുക്കാൻ ഞാൻ തയ്യാറല്ല എനിക്ക് നിന്നെ വേണം ജാനി പ്ലീസ് നമുക്ക് ഒന്നിച്ച് ജീവിക്കാം
ഇത്രയും പറഞ്ഞു ജോ ജാനിയെ കെട്ടിപിടിച്ചു എന്നാൽ ജാനി വേഗം തന്നെ ജോയിൽ നിന്ന് കുതറി മാറി ശേഷം കരഞ്ഞു കൊണ്ട് മുൻപോട്ട് നടന്നു
ജോ :നിക്ക് ജാനി പ്ലീസ് ഞാൻ പറയുന്നത് ഒന്ന് കേൾക്ക്
ജോയുടെ കണ്ണുകൾ നിറഞ്ഞോഴുകി എന്നാൽ ജാനി തിരിഞ്ഞു നോക്കാതെ മുൻപോട്ടു തന്നെ നടന്നു
അന്ന് രാത്രി സ്വിമ്മിംഗ് ക്ലാസ്സിനുനു ശേഷം റോഡിലേക്കെത്തിയ ജാനിയുടെ മുന്നിൽ പെട്ടെന്നാണ് ജോ എത്തിയത്
ജോ :എന്താ ജാനി നീ വിളിച്ചാൽ ഫോൺ എടുക്കാത്തത്
ജാനി :ജോ നീ കുടിച്ചിട്ടുണ്ടോ
ജോ :ഞാൻ കുടിച്ചാലും ഇല്ലെങ്കിലും നിനക്കെന്താ
ജാനി :ശെരിയാ എനിക്കൊന്നുമില്ല നീ എന്ത് വേണമെങ്കിലും ചെയ്തോ
ഇത്രയും പറഞ്ഞു ജാനി പോകാനായി ഒരുങ്ങി പെട്ടെന്ന് തന്നെ ജോ ജാനിയുടെ കയ്യിൽ പിടിച്ചു അവളെ തടഞ്ഞു നിർത്തി
ജാനി :എന്താ ജോ നിന്റെ പ്രശ്നം
ജോ :നീ നീയാണ് എന്റെ പ്രശ്നം നീ എന്നെ ഭ്രാന്ത് പിടിപ്പിക്കുകയാ ജാനി
ജാനി :ശെരി ഞാൻ ഇനി നിന്റെ മുന്പിലേക്ക് വരുന്നില്ല പോരെ
ജോ :അങ്ങനെ നിന്നെ കാണാതിരിക്കുമ്പോൾ എല്ലാം തീരുമെങ്കിൽ ഇത് പണ്ടേ അവസാനിക്കേണ്ടതായിരുന്നു നീ എന്നോട് ഒരുപാട് തവണ ചോദിച്ചില്ലേ എന്ത് കൊണ്ടാ ഇവിടെ നിന്ന് പോയത് എന്ത് കൊണ്ടാ ആരെയും വിളിക്കാത്തത് എന്നൊക്കെ എല്ലാത്തിനും കാരണം നീയാ ജാനി നീ മാത്രം നീ മറ്റൊരാളുടെതാകുന്നത് എനിക്ക് സഹിക്കാൻ പറ്റില്ലായിരുന്നു അത് കൊണ്ട് മാത്രമാ ഞാൻ ഇവിടെ നിന്ന് പോയത് നിന്നെ കാണാതിരുന്നാൽ എല്ലാം ശെരിയാകുമെന്ന് ഞാൻ കരുതി പക്ഷെ ഓരോ തവണ നിന്റെ ശബ്ദം കേൾക്കുമ്പോഴും എനിക്ക് നിന്റെയടുത്തേക്ക് ഓടി വരാൻ തോന്നികൊണ്ടേയിരുന്നു എന്നാൽ ജൈസന്റെയും നിന്റെയും ഇടക്ക് കടന്ന് വരാൻ ഞാൻ ആഗ്രഹിച്ചിരുന്നില്ല അത് കൊണ്ട് തന്നെ നിന്നെ പറ്റിയുള്ള ഒരു വിവരങ്ങളും എന്നിലേക്ക്‌ എത്താതിരിക്കാൻ ഞാൻ ശ്രമിച്ചു എന്റെ കൂട്ടുകാരിൽ നിന്ന് പോലും അകലം പാലിച്ചു നിന്നിൽ നിന്ന് മാറി നിന്ന മൂന്ന് വർഷം ഉണ്ടല്ലോ അതെനിക്ക് നരകമായിരുന്നു എനിക്ക് ഭ്രാന്ത് പിടിക്കും എന്ന് തോന്നിയപ്പോഴാ ഞാൻ വീണ്ടും നിന്നെ പറ്റി അനേഷിച്ചു തുടങ്ങിയത് മനഃപൂർവം അല്ലെങ്കിൽ പോലും നീയും ജെയ്സനും തമ്മിൽ പിരിഞ്ഞിരുന്നെങ്കിൽ എന്ന് ഞാൻ ആഗ്രഹിച്ചിട്ടുണ്ട് എനിക്ക് ഇനിയും നിന്നെ പിരിഞ്ഞിരിക്കാൻ വയ്യ ജാനി നിനക്ക് എന്നെ ഇഷ്ടമാകാൻ ഞാൻ എന്താ ജാനി ചെയ്യേണ്ടത് പറ ഞാൻ എന്ത് വേണമെങ്കിൽലും ചെയ്യാം
ഇതൊക്കെ കേട്ട് ജാനിയുടെ കണ്ണുകൾ നിറയാൻ തുടങ്ങി
ജാനി :ജോ ഞാൻ..
ജോ :നീ ഒന്നും പറയണ്ട ജാനി നീ എന്നെ സ്നേഹിച്ചിരുന്നില്ലേ പറ നിന്റെ ആദ്യ പ്രണയം ഞാൻ ആയിരുന്നില്ലേ നീ സമ്മതിച്ചാലും ഇല്ലെങ്കിലും അതാണ് സത്യം ഒരിക്കൽ നീ എന്നെ സ്നേഹിച്ചിരുന്നു എന്നാൽ നിന്നോട് ആ സമയം എന്റെ ഇഷ്ടം പറയാൻ പറ്റാത്തത് എന്റെ കഴിവ് കേട് തന്നെയാണ് പക്ഷെ ഇനിയും ഞാൻ അത് ആവർത്തിക്കില്ല ഞാൻ ഒരുപാട് തവണ തോറ്റു പോയിട്ടുണ്ട് ജാനി പക്ഷെ ഇനി അത് പറ്റില്ല അന്ന് നിന്നിൽ നിന്ന് ഒളിച്ചോടിയത് പോലെ ഇനിയും ഞാൻ ഒളിച്ചോടില്ല ജാനി നിനക്ക് എന്നെ ഇഷ്മാകുന്നത് വരെ ഞാൻ പരിശ്രമിച്ചു കൊണ്ടേയിരിക്കും ഞാൻ തോൽക്കില്ല ജാനി ഉറപ്പായും തോൽക്കില്ല
ഇത്രയും പറഞ്ഞു ജോ ജാനിയുടെ ചുമലിലേക്ക് മറിഞ്ഞു വീണു
ജാനി :ജോ.. ജോ
ജാനി നിറകണ്ണുകളോടെ ജോയെ വിളിച്ചു ശേഷം പതിയെ ജോയെതാങ്ങി ടാക്സിയിലേക്ക് കയറി അല്പസമയത്തിനുള്ളിൽ തന്നെ അവർ ജോയുടെ വീടിനു മുൻപിൽ എത്തി ജാനി പതിയെ ജോയെ താങ്ങി വാതിലിനു മുൻപിൽ എത്തി
ജാനി :ജോ താക്കോൽ ഇവിടെ ജോ..
എന്നാൽ ജോയിൽ നിന്ന് പ്രതികരണമൊന്നും ഉണ്ടായില്ല ജാനി പതിയെ ജോയുടെ പോക്കറ്റിൽ തപ്പി നോക്കി ചാവി കണ്ടെത്തി
ജാനി വേഗം വീടിന്റ വാതിൽ തുറന്ന് ജോയെ റൂമിൽ എത്തിച്ചു അവനെ പതിയെ ബെഡിലേക്ക് കിടത്തി ശേഷം പതിയെ അവിടെ നിന്ന് പോകാനായി ഒരുങ്ങി
“പോകല്ലേ ജാനി ”
പെട്ടെന്നാണ് ജോ പാതി മയക്കത്തിൽ ഇത് പറഞ്ഞത് ഇത് കേട്ട ജാനി ജോയെ വിഷമത്തോടെ നോക്കി നിന്നു അപ്പോഴേക്കും അവളുടെ കണ്ണുകൾ വീണ്ടും നിറഞ്ഞിരുന്നു ജാനി വേഗം തന്നെ തന്റെ ഫോൺ എടുത്തു അമ്മയെ വിളിച്ചു
‘അമ്മേ ഞാൻ ഇന്ന്‌ വീട്ടിൽ വരില്ല അമ്മ കിടന്നോ ഒരു അത്യാവശ്യകാര്യം വന്നു പോയി എല്ലാം നാളെ പറയാം എന്നാൽ ശെരി അമ്മേ ”
ഇത്രയും പറഞ്ഞു ജാനി ഫോൺ വച്ചു
പിറ്റേന്ന് രാവിലെ
ജോ കണ്ണുകൾ തിരുമികൊണ്ട് ചുറ്റും നോക്കി പെട്ടെന്നാണ് ഒരു കയ്യിൽ ചായ കപ്പുമായി ജാനി അവന്റ അടുത്തേക്ക് എത്തിയത്
ജാനി :ഇതാ കുടിക്ക്
ജോ :ഇതെന്താ ജാനി
ജാനി : കുറച്ച് കള്ളാ എന്താ നീ കുടിക്കില്ലേ
ജോ :ജാനി ഇന്നലെ…
ജാനി :മിണ്ടാതെ ഇത് കുടിക്കാൻ നോക്ക്
ജാനി കപ്പ്‌ ജോക്ക് നൽകി
ജോ :ഇന്നലെ നീ ഇവിടെയാണോ ഉറങ്ങിയത്
ജാനി :എവിടെയായാൽ നിനക്കെന്താ മുഴുകുടിയൻ
ജോ :സോറി ജാനി ഇന്നലെ.. എനിക്ക് അത്രക്ക് വിഷമം ആയത് കൊണ്ടാ നീ എന്നെ വീണ്ടും അവഗണിച്ചപ്പോൾ എനിക്ക് സഹിക്കാൻ പറ്റിയില്ല
ജാനി :അങ്ങനെ ആരെങ്കിലും അവഗണിച്ചാൽ നീ നിന്റെ ജീവിതം നശിപ്പിക്കുമോ അതും എന്നെ പോലൊരു പീറ പെണ്ണിനു വേണ്ടി എനിക്ക് ധൈര്യം തരുന്ന ആളല്ലേ എന്നിട്ടേന്താ സ്വന്തം കാര്യം വന്നപ്പോൾ അല്പം പോലും ധൈര്യം കാണിക്കാത്തത് എന്നെ കിട്ടിയില്ലേങ്കിൽ നീ ചാകുമോ പറ അവൻ നാട് വിട്ടേക്കുന്നു എല്ലാം എന്റെ തെറ്റാ ഞാൻ ഒരിക്കലും ആ കോളേജിലേക്ക് വരാൻ പാടില്ലായിരുന്നു നിങ്ങളെ ആരെയും കാണാനും പരിചയപ്പെടാനും പാടില്ലായിരുന്നു സോറി ജോ എല്ലാത്തിനും മാപ്പ്
ഇത്രയും പറഞ്ഞു ജാനി കരയാൻ തുടങ്ങി എന്നാൽ പെട്ടെന്ന് തന്നെ ജോ ജാനിയുടെ കണ്ണുകൾ തുടച്ചു
ജാനി :ജോ
ജോ :ജാനി നിനക്ക് ഓർമ്മയുണ്ടോ അന്ന് ഞാൻ നിന്നെ കോളേജിനു മുകളിൽ കാണാൻ വന്നത് അന്ന് നിന്നോട് എന്റെ പ്രണയം പറയുവാൻ ഉറച്ചായിരുന്നു ഞാൻ വന്നത് എന്നാൽ എന്നെ കൊണ്ട് അതിന് സാധിച്ചില്ല ദേവ് പറഞ്ഞത് പോലെ എനിക്ക് എല്ലാത്തിനോടും ഭയമായിരുന്നു ഞാൻ ജെയ്‌സണെ പോലെ അല്ല എന്നെനിക്കറിയാം പക്ഷെ നിന്റെ ഇഷ്ടം കിട്ടാൻ വേണ്ടി അതുപോലെയാകാനും ഞാൻ തയ്യാറാണ് ഞാൻ എപ്പോഴും നിന്റെ കൂടെ വഴക്കിടാം നിന്നെ ലാൻഡ്രി എന്ന് വിളിക്കാം അപ്പോൾ നിനക്കെന്നെ സ്നേഹിക്കാൻ പറ്റുമോ ജാനി
