ലവ് ബൈറ്റ് 7
Love Bite Part 7 | Author : Kavalkkaran
[ Previous Part ] [ www.kambi.pw ]
രാവിലെ ജനലിലൂടെ സൂര്യപ്രകാശം മുഖത്തടിച്ചപ്പോഴാണ് ഞാൻ പതുക്കെ കണ്ണ് തുറന്നത്.
തലയ്ക്കുള്ളിൽ വല്ലാത്തൊരു ഭാരവും മരവിപ്പും അപ്പോഴും ഉണ്ടായിരുന്നു. ശ്വസിക്കാൻ ചെറിയൊരു ബുദ്ധിമുട്ട് തോന്നിയപ്പോഴാണ് എന്റെ നെഞ്ചിൽ എന്തോ വലിയൊരു ഭാരം ഇരിക്കുന്നത് ഞാൻ ശ്രദ്ധിച്ചത്.
താഴേക്ക് നോക്കിയപ്പോൾ, എന്റെ നെഞ്ചിൽ തലവെച്ച് വല്ലാത്തൊരു അഗാധ നിദ്രയിലാണ് അനു. അലങ്കോലമായി അഴിഞ്ഞു വീണ മുടിയിഴകൾ അവളുടെ മുഖത്തെ മുഴുവൻ മറച്ചിട്ടുണ്ട്. സാരിയൊക്കെ മാറി ആകെ അലങ്കോലമായ വേഷം. ഉറക്കത്തിനിടയിൽ അവളുടെ വായിന്റെ കോണിലൂടെ ചെറിയൊരു ഉമിനീർ പാട് എന്റെ ശരീരത്തിലേക്ക് ഒലിച്ചിറങ്ങുന്നുണ്ടായിരുന്നു.
എന്റെ മാന്താരം എത്ര സുന്ദരിയാണ്….
ഞാൻ വളരെ പതുക്കെ, അവൾ ഉണരാത്ത രീതിയിൽ അവളുടെ മുഖത്തേക്ക് വീണുകിടന്ന മുടിയിഴകൾ വിരലുകൾ കൊണ്ട് ചെവിയുടെ ബാക്കിലേക്ക് ഒതുക്കി വെച്ചു. മൃദുവായ ആ കവിളിൽ ഞാൻ പതുക്കെ തലോടി. എന്റെ നെഞ്ചിൽ അമർന്നു കിടക്കുന്ന അവളുടെ ആ ശരീരത്തിന്റെ മർദ്ദവും ചൂടും ഞാൻ അറിഞ്ഞു.
ഒരു നിമിഷം എല്ലാം മറന്ന് ആ സാമീപ്യം ഞാൻ ആസ്വദിച്ചു കിടന്നു.
പക്ഷേ, ആ സുഖകരമായ നിമിഷങ്ങൾക്കിടയിലാണ് ഇന്നലെ രാത്രി നടന്ന ആ ഭീകരമായ കാര്യങ്ങൾ ഒരു മിന്നൽ പിണർ പോലെ എന്റെ തലയിലേക്ക് ഇരച്ചുകയറി വന്നത്. ആ കൂർത്ത പല്ലുകൾ… ആ ചുവന്ന കണ്ണുകൾ… എന്റെ കഴുത്തിൽ നിന്നും അവൾ ആർത്തിയോടെ ചോര കുടിച്ചത്!
“അതൊക്കെ വെറും സ്വപ്നമായിരുന്നോ? എന്റെ പേടി കാരണം എനിക്ക് തോന്നിയ വിഭ്രാന്തി ആയിരുന്നോ?”
സത്യമറിയാനുള്ള വെപ്രാളത്തോടെ ഞാൻ അവളുടെ മുഖത്തേക്ക് ഒന്നുകൂടി നോക്കി. പതുക്കെ അവളുടെ ആ ചുവന്ന ചുണ്ടുകളിലേക്ക് എന്റെ നോട്ടം ചെന്നു. എന്റെ ഹൃദയം ഒരു നിമിഷം നിലച്ചുപോയി!
അവിടെ… അവളുടെ ആ ചുണ്ടിന്റെ കോണിലും പല്ലുകൾക്കിടയിലുമായി ചോര ഉണങ്ങിപ്പിടിച്ച പാടുകൾ വ്യക്തമായി കാണാമായിരുന്നു! എന്റെ സ്വന്തം ചോര!
ആ നിമിഷം വരെ ഉണ്ടായിരുന്ന സ്നേഹവും സുഖവും ഒക്കെ മാറി വല്ലാത്തൊരു അറപ്പും പേടിയും എന്നിലേക്ക് ഇരച്ചുകയറി.
എന്റെ നെഞ്ചിൽ കിടക്കുന്നത് ഞാൻ സ്നേഹിച്ച പെണ്ണല്ല, എന്റെ ചോര കുടിച്ച ഏതോ ഒരു ശവമാണെന്ന ബോധം എന്റെ ഉള്ളിൽ തീകോരിയിട്ടു. വല്ലാത്തൊരു വെറുപ്പോടെയും ദേഷ്യത്തോടെയും ഞാൻ അലറി:
“മാറി കിടക്കടി ശവമേ…!”
എന്റെ സർവ്വ ശക്തിയുമെടുത്ത് ഞാൻ അവളെ എന്റെ ദേഹത്ത് നിന്നും ബെഡിന്റെ മറ്റേ അറ്റത്തേക്ക് ആഞ്ഞൊരൊറ്റ തള്ളലായിരുന്നു. യാതൊരു ദയയുമില്ലാതെ അവളെ ഞാൻ എന്റെ ശരീരത്തിൽ നിന്നും വലിച്ചെറിഞ്ഞു.
നടുങ്ങിപ്പോയ അവൾ ബെഡിൽ നിന്നും തറയിലേക്ക് വീഴാൻ പോയി. അവളിൽ നിന്നും എത്രയും ദൂരേക്ക് മാറാൻ ആഗ്രഹിച്ചുകൊണ്ട് ഞാൻ ബെഡിന്റെ മൂലയിലേക്ക് വലിഞ്ഞിരുന്നു. എന്റെ ശ്വാസം വല്ലാതെ നിലച്ചുപോയിരുന്നു.
അമ്പരപ്പോടെയും ഭയത്തോടെയും കണ്ണുതുറന്ന അവളുടെ ആ കറുത്ത കണ്ണുകളിലേക്ക് നോക്കി ഞാൻ കിതച്ചു….
പെട്ടെന്നുള്ള എന്റെ ആ തള്ളലിൽ എന്ത് സംഭവിച്ചെന്ന് മനസ്സിലാവാതെ അവൾ തറയിൽ ഒന്ന് പകച്ചുപോയി. പതുക്കെ സമനില വീണ്ടെടുത്ത അവൾ, കട്ടിലിന്റെ ഒരറ്റം കെട്ടിപ്പിടിച്ച് ശ്വാസമടക്കി ഇരിക്കുന്ന എന്നെ നോക്കി.
ഉറക്കപ്പിച്ചിൽ നിന്ന് അവളുടെ ആ കണ്ണുകളിലേക്ക് പഴയ ആ കലിപ്പ് തിരികെ വരുന്നത് ഞാൻ കണ്ടു.
“How dare you! എന്നെ തള്ളിയിടാൻ മാത്രം വലിയവനായോ നീ? നിനക്ക് ഇത്രക്ക് ധൈര്യമോടാ?”
അവൾ തറയിൽ നിന്നെഴുന്നേറ്റ് എന്റെ നേരെ വിരൽ ചൂണ്ടി ചീറി
അവളുടെ ആ ഡയലോഗ് കേട്ടപ്പോൾ സത്യം പറഞ്ഞാൽ എനിക്ക് ചെറുതായിട്ടൊന്ന് മൂത്രശങ്ക തോന്നി. പക്ഷെ അതിനൊന്നും ഇവിടെ സ്ഥാനമില്ല….കാരണം ഇതങ്ങനെ അങ്ങോട്ട് വിട്ടുകൊടുക്കാൻ പറ്റില്ലല്ലോ! ഇന്നലെ എന്റെ കഴുത്തിലെ ചോര കുടിച്ച ശവമാണിവൾ.