💖മംഗല്ല്യധാരണം – 11 35അടിപൊളി 

“… ആദി എഴുന്നേൽക്ക്…” ചാരു തട്ടി വിളിച്ചപ്പോഴാണ് ഞാൻ ഉറക്കം ഉണർന്നത്.

“… നമ്മൾ ഇപ്പൊ എവിടെയാ…” പുതപ്പ് മൂടി കാറിന് ചുറ്റും കണ്ണോടിച്ചു ചാരു ചോദിച്ചു. മൂടൽ മഞ്ഞ് അടിച്ച് കാറിന്റെ ഗ്ലാസ്‌ എല്ലാം മറഞ്ഞിരുന്നു

ചരുവിനോട് സ്ഥലം പറഞ്ഞു കൊടുത്ത് കാർ മുന്നോട്ടെടുത്തു. ആദ്യം കണ്ട ലോഡ്ജിൽ ഒരു മണിക്കൂറത്തേക്ക് മുറി എടുത്ത്‌ ഫ്രഷ് ആയി ഫുഡ്‌ കഴിച്ച് യാത്ര തുടർന്ന്. പോകുന്ന വഴിയിലെ തേയില തോട്ടങ്ങളുടെ മനോഹാരിത പറഞ്ഞറിയിക്കാൻ കഴിയാത്തതാണ്. മാട്ടുപെട്ടി ഡാമിൽ കുറച്ചുനേരം സ്പെൻഡ്‌ ചെയ്തു ഉച്ചക്ക് എക്കോ പോയിന്റില് കുറെ നേരം ചിലവഴിച്ചു. ചാരു കൊച്ചു കുട്ടികളെ പോലെ മുമ്പ് അവിടെ വന്നപ്പോൾ കണ്ട ഓരോ കാഴ്ച അനുഭവങ്ങളും വാ തോരാതെ സംസാരിച്ചോണ്ട് ഇരുന്നു ഇതെല്ലാം എനിക്കും അറിയാം എങ്കിലും ആദ്യമായി കേൾക്കുന്ന പോലെ കേട്ടിരുന്നു. ഉച്ചക്ക് ശേഷം ഹിൽ സ്റ്റേഷനിലേക്ക് പോയി അത്യാവിശം നടക്കാൻ ഉള്ളതിനാൽ എന്റെ കൈയിൽ തൂങ്ങിയണ് പെണ്ണിന്റെ നടപ്പ്. ഇടക്ക് ചോക്ലേറ്റും ക്യാരറ്റൊക്കെ കാണുമ്പോൾ അത് വാങ്ങി എനിക്കും തന്ന് തിന്നും. അമ്മുവിന് വേണ്ടിയെന്നും പറഞ്ഞ് വീട്ടിലേക്കും ചോക്ലേറ്റ് വാങ്ങി. നല്ല തിരക്ക് ഉള്ളതിനാൽ ഇറങ്ങാൻ ലേറ്റ് ആയി അതുകൊണ്ട് തന്നെ വട്ടവട ചെക്ക്പോസ്റ്റ് ക്ലോസ് ചെയ്തു. രാത്രി ഒരു സ്റ്റേ കണ്ടു പിടിക്കാൻ ബുദ്ധിമുട്ടി തിരക്ക് ഉള്ളതിനാൽ ഏറെക്കുറെ ലോഡ്ജും ഹോം സ്റ്റേ ഒക്കെ ഫുൾ ആണ്. ഏറെ നേരത്തെ അലച്ചിലിനോടുവിൽ ഒരു മുറി കിട്ടി. ഞാൻ കുളിച്ചു ഇറങ്ങുമ്പോഴേക്കും ചാരു കുളി കഴിഞ്ഞു ബെഡിൽ പുതപ്പും മൂടി ഉറക്കായി. ബെഡ് ലാമ്പ് മാത്രം ഇട്ട് കട്ടിലിൽ കിടന്ന് ഇന്ന് എടുത്ത ഫോട്ടോസും ചരുവിന്റെ സ്റ്റോറിയും എല്ലാം നോക്കി കിടക്കായിരുന്നു.

“… ആദി ഫോൺ ഓഫ്‌ ആക്കി ഉറങ്ങ്. ഇന്നലെയും ഉറങ്ങിയില്ലല്ലോ. എന്റെ കുട്ടന് തണുക്കുന്നില്ലേ വാ…” ഉറക്കത്തിൽ നിന്നും ഉണർന്ന ചാരു അവൾ മൂടിയിരുന്ന പുതപ്പ് ചെറുതായി ഉയർത്തി എന്നെ വരവേറ്റു. ഫോണും ലൈറ്റും ഓഫാക്കി ആമ തോടിനുള്ളിലേക്ക് കയറുന്ന പോലെ ആ പുതപ്പിനുള്ളിലേക്ക് നുഴഞ്ഞു കയറി.

“… എന്റെ വാവ ഉറങ്ങിക്കോ കേട്ടോ…” എന്റെ തല അവളുടെ മാറിലേക് അമർത്തി പുണർന്ന് തോളിൽ ചെറുതായി തട്ടികൊണ്ട് ഇരുന്നു. ആ മാറിലെ ചൂടറിഞ്ഞ് ചരുവിനെയും കെട്ടിപിടിച്ചു ഉറങ്ങി.

പിറ്റേന്ന് ചെക്ക് പോസ്റ്റിൽ നിന്നും പാസ്സ് എടുത്ത് വട്ടവടയിലേക്ക് കയറി. പോകുന്ന വഴിയിൽ പച്ചപ്പിൽ മുങ്ങി കിടക്കുന്ന സ്ഥലങ്ങൾ കണ്ടു അവിടെ ഇറങ്ങണം എന്നുണ്ടായിരുന്നു. ഇറങ്ങാൻ അനുവാദം ഇല്ലാത്തതിനാൽ അതിന് കഴിഞ്ഞില്ല. കുറച്ചു കാട്ടു പോത്തുകൾ കൂട്ടം കൂടി നിന്ന് മേയുന്നത് കാണാൻ തന്നെ ഒരു പ്രേത്യേക ഭംഗി ആണ്. അവിടത്തെ ഭൂപ്രകൃതി ആസ്വദിച്ചു ഞങ്ങൾ വട്ടവടയിൽ എത്തി. അവിടത്തെ വിടുകൾ വളരെ മനോഹരമായി തോന്നി. ട്രാക്കിങ് കഴിഞ്ഞ് ഉച്ചക്ക് ഫുഡും കഴിച്ചു കൃഷി സ്ഥലങ്ങളിലേക്ക് ഇറങ്ങി. സ്റ്റൗബെറി കൃഷി ഞാൻ ആദ്യമായാണ് കാണുന്നത് അതേപറ്റി അവിടെ ഉള്ളവരോട് സംസാരിച്ച് കുറച്ചു strawberry വാങ്ങി. ചരുവിന് ഏറ്റവും ഇഷ്ടപ്പെട്ടത് അവിടത്തെ പൂന്തോട്ടം ആണ്. അവൾക്ക് പൂക്കൾ എന്ന് പറഞ്ഞാൽ ജീവനാ. വീട്ടിൽ അവൾ വന്നേ പിന്നെ ഒരുപാട് ചെടികൾ വളർത്താൻ തുടങ്ങിയെ. അന്ന് അവിടത്തെ ഒരു ഫാം ഹൌസിൽ സ്റ്റേ ചെയ്യാം എന്ന് തീരുമാനിച്ചു. ചെറിയൊരു ഫാം ഹൌസ് ആയിരുന്നു. ഒരു ചെറിയ ഹാൾ പോലുള്ള സെറ്റപ്പിൽ സോഫയും ടീവിയും വെള്ളം ചൂടാക്കാനുള്ള കെറ്റിലും ഉണ്ടായിരുന്നു. പിന്നെ ബെഡ് റൂം. റൂമിൽ നിന്നും പുറത്തേക്ക് കാഴ്ചകൾ കാണാൻ വലിയൊരു ജനൽ പിന്നെ ബാൽക്കണി അവിടെ നിന്നും നോക്കിയാൽ താഴ്‌വാരം കാണാം. മരങ്ങൾക്ക് ഇടയിലൂടെ കുഞ്ഞു കുഞ്ഞു വീടുള്ള ചെറിയൊരു ഗ്രാമം. രാത്രി ഫുഡ് അടിക്ക് ശേഷം ഞാൻ കുളികഴിഞ്ഞ് ഇറങ്ങിയതും ചാരു കുളിക്കാൻ കയറി. ഉച്ചക്ക് വാങ്ങിയ strawberry എടുത്ത് ബാൽക്കണിയിൽ പോയി നിന്നും. താഴെയായി കാണുന്ന ഗ്രാമത്തിലെ വീടുകളിൽ തെളിയുന്ന വെട്ടത്തിന് പ്രേത്യേക ഭംഗി ഉണ്ട്. നല്ല തണുപ്പും ചീവീടിന്റെ ഒച്ചയും എല്ലാംകൂടി പ്രേത്യേക വൈബ്. strawberry ആസ്വദിച്ചു കഴിക്കുമ്പോഴാ പിന്നിലൂടെ രണ്ട് കൈകൾ വന്നെന്നെ കെട്ടിപിടിച്ചത്. അറിയാതെ എന്റെ ചുണ്ടിൽ പുഞ്ചിരി വിരിഞ്ഞു.