💖മംഗല്ല്യധാരണം – 11 35അടിപൊളി 

“… ഇനി പറഞ്ഞിട്ട് എന്തിനാടാ എല്ലാം കൈവിട്ട് പോയില്ലേ…”

“… ഒന്നും പോയിട്ടില്ല. നീ പോയി അങ്ങ് പറഞ്ഞെച്ച മതി…”

“… വേണ്ടടാ. നീ പറഞ്ഞ പോലെ അവർ തമ്മിൽ നല്ല മാച്ച് ആണ്. ഒരാൾ പാട്ടുകാരി അടുത്തയാൾ ഗിത്താറിസ്റ്റ് അതിന്റെ ഇടയിലേക്ക് ഞാൻ ഇല്ല…” എന്നാലും ഉള്ള് നീറി പുകയുന്നുണ്ടായിരുന്നു.

ബോധം ഇല്ലാതെ പിച്ചും പേയും പറഞ്ഞോണ്ടിരുന്ന എന്നെ ആദി എങ്ങനെയൊക്കെയോ വീട്ടിൽ എത്തിച്ചു. പിറ്റേന്ന് രാവിലെ കോളേജിൽ വരുന്നില്ല എന്ന് പറഞ്ഞ എന്നെ ആദി വീട്ടിൽ വന്ന് കുത്തിപ്പൊക്കി കൊണ്ട് പോയി. വഴിയിൽ ഉടനീളം എന്നോട് അവൻ ഒന്നും മിണ്ടിയില്ല ഞാനും മിണ്ടിയില്ല. ക്ലാസ്സ്‌മുറിയിൽ ദിയയെ കണ്ടെങ്കിലും കാണാത്തപോലെ ഞാൻ ഇരുന്നു. ഇന്റർബെല്ലിന് കോളേജ് ഗ്രൗണ്ടിൽ ഇരുന്ന എന്റെയും ആദിയുടെയും അടുത്തേക്ക് ദിയ വന്നു.

“…നിങ്ങളെ ഞാൻ എവിടെയെല്ലാം നോക്കിയെന്നോ…” വന്ന പാടെ അവൾ ചോദിച്ചു.

“…എന്താടി കാര്യം…”

“… എടാ ഞാൻ ഒരുപാട് ചിന്തിച്ചു അർജുനോട് യെസ് പറഞ്ഞാലോ എന്ന് ആലോചിക്ക. നിങ്ങൾക്ക് എന്ത് തോന്നുന്നു…”

“…നിനക്ക് അങ്ങനെ തോന്നുവാണെകിൽ അങ്ങനെ ചെയ്യ്…” ആദി അവന്റെ അഭിപ്രായം പറഞ്ഞു.

“…നിനക്കോട കാർത്തി എന്തെങ്കിലും കുഴപ്പം ഉണ്ടോ…” അവൾ എന്റെ അടുത്ത്‌ വന്ന് ചോദിച്ചു.

“… എനിക്ക് എന്ത് കുഴപ്പം. നീ യെസ് പറഞ്ഞോ…”

“… അപ്പൊ ഞാൻ യെസ് പറഞ്ഞാൽ നിനക്ക് ഒരു കുഴപ്പവും ഇല്ല അല്ലെ…” ഞാൻ ഇല്ലന്ന് തലയാട്ടി.

“… ഇല്ലേ… നിനക്ക് കുഴപ്പം ഇല്ലേ…” പാർവതി ദേവിയിൽ നിന്നും ഭദ്രകാളിയിലേക്കുള്ള മാറ്റമാണ് ഞാൻ അവിടെ കണ്ടത്. എന്റെ കുത്തിന് പിടിച്ചു അവൾ ചോദിച്ചു.

“…ഒരു പെണ്ണിനോട് ഇഷ്ട്ടം തോന്നിയ അത് തുറന്നു പറയാനുള്ള ദൈര്യം കാണിക്കണം അല്ലാതെ കള്ളും കുടിച്ചു മോങ്ങയല്ല വേണ്ടത്…”

ഇതൊക്കെ ഇവൾ എങ്ങനെ അറിഞ്ഞു പാളി ആദിയെ നോക്കിയപ്പോ ഞാൻ ഒന്നും അറിഞ്ഞില്ലേ രാമനാരായണ എന്ന മട്ടിൽ ആകാശത്ത് നോക്കി നിൽക്കാ തെണ്ടി.

“… ഇങ്ങോട്ട് നോക്കടാ. നീ ആരാ എനിക്ക് ആര് ചേരും ചേരില്ല എന്ന് തീരുമാനിക്കാൻ…” ആദിയെ നോക്കിയ എന്നെ അവൾക്ക് നേരെ തിരിച്ചു അവൾ കത്തികേറി.

“… അത്… അത്… ഞാൻ…” വാക്കുകൾ കിട്ടാതെ ഞാൻ വലഞ്ഞു.

“… നീ ഇന്ന് പറയും നാളെ പറയും എന്ന് കാത്ത് കാത്ത് ഇരുന്നപ്പോ അവന്റെ… എന്നെ കൊണ്ട് ഒന്നും പറയിപ്പിക്കണ്ട…” ദിയ ദേഷ്യത്തിൽ ഉറഞ്ഞു തുള്ളി. ഇവൾ എന്താ പറയുന്നത് എന്ന് മനസ്സിലാവാതെ ഒരു പൊട്ടനെപോലെ ഞാൻ നിന്നു.

“… എടി ഇപ്പോഴും അവനു കാര്യം മനസിലായിട്ടില്ല…” ആദി അവളുടെ പിന്നിൽ നിന്നും വിളിച്ചു പറഞ്ഞു.

“…ഇനി മേലാൽ കുടിച്ചുപോകരുത്. പിന്നെ ഈ സിഗ്മ കളിയൊക്കെ നിർത്തി പഠിച്ചു ജോലി വാങ്ങി എന്നെ കെട്ടിക്കോണം കേട്ടല്ലോ…”

എന്താ നടക്കുന്നത് എന്ന് മനസ്സിലാവാതെ കിളിയും പാറി നിൽക്കാണ് ഞാൻ. അവൾ പറഞ്ഞത് പ്രോസസ്സ് ആയി വരാൻ ഇച്ചിരി സമയം എടുത്തു. സംഭവം മനസ്സിലായതും എനിക്ക് സന്തോഷം അടക്കാൻ കഴിഞ്ഞില്ല. ആ ഒരു എക്‌സൈറ്റിൽ ദിയയെ എടുത്ത് രണ്ട് റൗണ്ട് കറക്കി.

“… എടാ നിർത്തട താഴെ ഇറക്കട പട്ടി. എല്ലാരും നോക്കുന്നു…” ചുറ്റിനും നോക്കി അവൾ പറഞ്ഞു. ഞാൻ അവളെ താഴെ ഇറക്കി.

“…ഇന്ന് ഇനി രണ്ടും ക്ലാസ്സിൽ കേറും എന്ന് തോന്നുന്നില്ല. ഞാൻ ക്ലാസ്സിൽ പോവാ ഇതാ ബൈക്കിന്റെ കീ എവിടാന്ന് വെച്ച പൊയ്ക്കോ വൈകിട്ട് എന്നെ വിളിക്കാൻ വന്നാൽ മതി…” ആദി ബൈക്കിന്റെ കീ എനിക്ക് നേരെ എറിഞ്ഞ ശേഷം അവൻ ക്ലാസ്സിലേക്ക് പോയി.

“…എങ്ങോട്ടാ ഇപ്പൊ പോവാ…” കൈയിൽ ബൈക്കിന്റെ ചാവിയും പിടിച്ചു ഞാൻ അവളോട് ചോദിച്ചു.

“…എനിക്ക് അറിയില്ല എങ്ങോട്ട് വേണമെങ്കിലും പോവാം…”

ഞാൻ അവളെയും കൂട്ടി ബൈക്കിന്റെ അരികിലേക്ക് നീങ്ങി. ആദ്യമായി ഒരു പെണ്ണ് ബൈക്കിന് പിന്നിൽ കേറുന്നത് അതും വയറിലൂടെ കെട്ടിപിടിച് മുതുകിൽ തല ചായ്ച്ച കിടക്ക. പറഞ്ഞറിയിക്കാൻ പറ്റാത്ത സന്തോഷമാണ് എനിക്ക് ഉണ്ടായേ. ആ ഒരു സന്തോഷത്തിൽ ദൂരങ്ങൾ താണ്ടുന്നത് ഞാൻ അറിഞ്ഞില്ല. അവസാനം ആൾ ഒഴിഞ്ഞ ഒരു പാർക്കിൽ എത്തി. മരത്തിനു ചുവട്ടിലെ തണലിൽ ഞങ്ങൾ ഇരുന്നു. അവൾ എന്റെ തോളിൽ ചാരി എന്നോട് ചേർന്നിരുന്നു.