💖മംഗല്ല്യധാരണം – 11 35അടിപൊളി 

“… നല്ല ഡാൻസ് ആയിരുന്നല്ലോ…”

“… ഇപ്പോഴല്ലേ എൻജോയ് ചെയ്യാൻ പാറ്റൊളു അപ്പൊ അത് മാക്സിമം ഉപയോഗിക്കണം…”

“… ഇതാ വെള്ളം കുടിക്ക്…” അവളുടെ കൈയിൽ ഇരുന്ന ബോട്ടിലിൽ നിന്നും വെള്ളം കുടിച്ചു അടുത്ത റൗണ്ട് ഡാൻസിനായി ഞാൻ ഇറങ്ങി ഇത്തവണ അവളെയും എന്റൊപ്പം കൂട്ടി.

പാട്ടും കൂത്തൊക്കെ ആയി വെളുപ്പിനാണ് തിരിച്ചു കോളേജിൽ എത്തിയത്. നേരെ എഴുനേറ്റ് നിൽക്കാൻ പറ്റാത്തവിധം എല്ലാരും അവശനായി. പിന്നെ ശനിയും ഞായറും കഴിഞ്ഞാണ് കോളേജിൽ പോയത്. ഇപ്പൊ പണ്ടത്തെ പോലെ എനിക്ക് ദിയയെ കളിയാക്കാനോ അടിപിടി കൂടാനോ കഴിയുന്നില്ല. തക്കം കിട്ടുമ്പോഴെല്ലാം കണ്ണുകൾ കൊണ്ട് ഞങ്ങൾ കഥകൾ കൈമാറി അങ്ങനെ ദിവസങ്ങൾ കടന്നു പോയി. ഒരു ദിവസം വൈകിട്ട് ഞാനും ആദിയും ഗ്രൗണ്ടിൽ ഇരിക്കുമ്പോൾ ദിയ ഞങ്ങൾക്ക് അരികിലേക്ക് വന്നു.

“… എന്താടി നിനക്ക് വീട്ടിൽ ഒന്നും പോണ്ടേ…” ആദി അവളോട് തിരക്കി.

“… എടാ ഒരു കാര്യം പറയാൻ വന്നതാ…” ടെൻഷനോടെ അവൾ അവൾ പറഞ്ഞു.

“… എടാ നമ്മുടെ അർജുൻ ഇല്ലേ അവൻ എന്നെ പ്രൊപോസൽ ചെയ്തു…” അത് കേട്ടപ്പോ ഉള്ളിൽ എവിടെയോ ഒരു വേദന പോലെ.

“… ഇതിനാണോ നീ ഇത്ര ടെൻഷൻ അടിച്ചത്. ആണുങ്ങൾ ആവുമ്പോൾ പെൺപിള്ളേരോട് ഇഷ്ട്ടം തോന്നും അത് തുറന്ന് പറഞ്ഞെന്നും വരും അതിന് പേടിക്കാൻ ഒന്നും ഇല്ല. എന്നിട്ട് നീ എന്ത് പറഞ്ഞു…”

“… നാളെ പറയാം എന്നാ പറഞ്ഞെ. എന്നാലും എനിക്ക് ഒരു ടെൻഷൻ ഞാൻ ഇപ്പൊ എന്താ അവനോട് പറയാ…”

“… പേടിക്കാൻ ഒന്നും ഇല്ല നിനക്ക് ഇഷ്ട്ടം ആണെങ്കിൽ ആണെന്ന് പറയ് ബാക്കി നമുക്ക് വരുന്നിടത്തു വച്ച് കാണാം. അല്ലേടാ…” ആദി എന്റെ അഭിപ്രായം തേടി.

“… ആ… അതെ…”എനിക്ക് ഒന്നും സംസാരിക്കാൻ തോന്നിയില്ല.

“… ആദി എനിക്ക് ഒരിടം പോണം. നമുക്ക് വിട്ടാലോ…”

“… നീ അല്ലെ എങ്ങും പോവാൻ ഇല്ല വീട്ടിൽ പോയ ബോർ ആണെന്ന് പറഞ്ഞ് എന്നെ പിടിച്ചു ഇവിടെ ഇരുത്തിയത്…”

“… അത്.. അത് ഞാൻ ഇപ്പോഴാ ഓർത്തത് അച്ഛന് എവിടെ പോണം എന്ന് പറഞ്ഞായിരുന്നു ഞാൻ കൂടെ ചെല്ലാം എന്ന് ഏറ്റിരുന്നു നമുക്ക് ഇറങ്ങാം…”

വീട്ടിലേക്കുള്ള യാത്രയിൽ ആദിയുടെ ബൈക്കിന് പിന്നിൽ ഇരിക്കുമ്പോഴും മനസ്സിൽ ഓരോ ചിന്തകൾ കൂടികൊണ്ടിരുന്നു.

“… അവർ തമ്മിൽ നല്ല ചേർച്ച ആയിരിക്കും അല്ലേടാ…”ബൈക്ക് ഓടിക്കവേ ആദി തിരക്കി.

“… ഏ എന്താടാ…” ഞാൻ ചിന്തയിൽ നിന്നും ഉണർന്ന് ആദിയോട് ചോദിച്ചു.

“… അല്ല ദിയയും അർജുനും നല്ല ചേർച്ച ആയിരിക്കുമെന്ന്. അവൾ നന്നായി പാടും അവൻ ആണെങ്കിൽ ഗിത്താറിസ്റ്റും. അവരുടെ കുടുംബങ്ങളും നല്ലപോലെ ഒത്തുപോകും…”

“… ഹ്മ്മ്…” ആദി പറഞ്ഞതൊക്കെ ആലോചിച്ചപ്പോ അറിയാതെ എന്റെ കണ്ണ് നിറഞ്ഞു.

എന്നെ വീട്ടിലാക്കി അവൻ പോയി. വീട്ടിൽ ഇരുന്നിട്ട് എനിക്ക് ഇരിപ്പുറക്കുന്നുണ്ടായിരുന്നില്ല. ആകെ ഒരു പരവേശവും ആവലാതിയും. ഉടനെ ഫോൺ എടുത്ത് ആദിയെ വിളിച്ചുവരുത്തി ബാറിലേക്ക് പോയി.

“… എന്തിനാടാ എന്നെയും വിളിച്ചോണ്ട് ഇങ്ങോട്ട് വന്നേ. നമ്മൾ ഇത് വേണ്ടന്ന് വെച്ചതല്ലേ…” രണ്ട് പെഗ് ഓർഡർ ചെയ്ത എന്നോട് ആദി ചോദിച്ചു.

“… പറ്റുന്നില്ലട. നിന്നോട് എങ്കിലും പറഞ്ഞില്ലെങ്കിൽ ഞാൻ ചത്തുപോകും…” കൊണ്ട് വച്ച പെഗ് വെള്ളം തൊടാതെ അകത്താക്കി ഉള്ളിലെ വിഷമം കണ്ണീരായി പുറത്തേക്ക് വന്നു.

“… ഇത് എന്ത് പറ്റി സിഗ്മ മെയിൽ കരയുന്നോ. ചുമ്മാ ഇരുന്ന് മോങ്ങാതെ കാര്യം പറയടാ…”

“… പോയടാ എല്ലാം പോയി. ദിയ അവൾ അവനോട് ഇഷ്ടമാണെന്ന് പറയാൻ പോവാ…”

“… അതിന് നിനക്ക് എന്താടാ മൈരേ …” മനസ്സിലാവാതെ ആദി ചോദിച്ചു.

“… എനിക്ക് എന്താ കുഴപ്പം അല്ലെ. എനിക്ക് ഇഷ്ട്ട അവളെ. ഇഷ്ട്ടം എന്ന് പറഞ്ഞാൽ ഒരുപാട് ഇഷ്ട്ട…” ഞാൻ ഓരോ പെഗായി ആകാത്താക്കികൊണ്ടിരുന്നു .

“… നമ്മൾ ടൂർ പോയ സമയത്ത് അവൾക്ക് വയ്യാതിരുന്നപ്പോ ഞാൻ അല്ലേടാ അവളെ നോക്കിയേ. അവളെ എന്തോരം കെയർ ചെയ്തു. ഞാൻ കരുതി അതെല്ലാം അവൾക്ക് മനസിലായികാണും എന്ന് എവിടെ…”

“…നീ അല്ലേടാ പറഞ്ഞെ ഇഷ്ട്ടം തോന്നിയ അത് തുറന്ന് പറയണം എന്ന്. എന്നിട്ട് നീ അവളോട് പറഞ്ഞോ…”