💖മംഗല്ല്യധാരണം – 11 35അടിപൊളി 

“… രോഗിയെ നോക്കാൻ ഏൽപ്പിച്ചിട്ട് നീ ഇവിടെ അട ഇരിക്കുവാണോ… ”

“… ഇല്ലടാ ഇപ്പൊ ഇങ്ങോട്ട് വന്നതേ ഉള്ളു. ഇത്രയും നേരം ഞാൻ അവിടെയ ഇരുന്നേ…”

“… ഞാൻ അവളെ കണ്ടായിരുന്നു ഇപ്പൊ കുഴപ്പം ഒന്നും ഇല്ലെന്ന പറഞ്ഞെ. മോൻ വേഗം റെഡി ആവൻ നോക്ക് ക്യാമ്പ് ഫയർ ഉള്ളതാ…”

“… മം എങ്ങനെ ഉണ്ടായിരുന്നടാ ട്രിപ്പ്‌…”

“…കൂടെ ഉള്ളവർ എല്ലാരും എൻജോയ് ചെയ്തടാ നിങ്ങൾ രണ്ടു ഇല്ലാത്തോണ്ട് എനിക്ക് ആകെ ബോർ ആയിരുന്നു. ഇവിടെ റേഞ്ച് ഇല്ലാത്ത കാരണം നിങ്ങളെ വിളിക്കാനും പറ്റിയില്ല. രണ്ടും തല്ലുകൂടി ചത്തോ എന്ന് അറിയില്ലല്ലോ…”

“…ഒന്ന് പോടാ ഞങ്ങൾ എന്താ കൊച്ചു പിള്ളേർ ആണോ അടി ഉണ്ടാക്കികൊണ്ട് ഇരിക്കാൻ…”

“…കൊച്ചു പിള്ളേരെക്കാൾ കഷ്ട്ട രണ്ടിന്റെയും കാര്യം ഞാൻ കാണുന്നത് അല്ലെ. രാവിലെ എൻജോയ് ചെയ്യാൻ പറ്റിയില്ല രാത്രി നമുക്ക് തകർക്കണം. ദിയയും വരാം എന്ന് പറഞ്ഞിട്ടുണ്ട് പൊളിക്കാം…”

രാത്രി ഞാൻ ഒരു ബ്ലൂ ജീൻസും യെല്ലോ ഹുടിയുമാണ് ഇട്ടത്. ഞങ്ങൾ നേരെ ക്യാമ്പ് ഫയർ നടക്കുന്ന ഇടത്തേക്ക് പോയി. രാവിലെ വരാൻ കഴിയാത്ത എന്റെ അവസ്ഥയെ കുറിച്ച് എല്ലാരുടെയും പരിതാപവും ദുഃഖവും അറിയിച്ചു. പുല്ല് കേട്ട് കേട്ട് മനുഷ്യന്റെ ഉള്ള മൂഡ് പോയി. ഇതിന്റെ ഇടക്കാണ് കൂട്ടുകാരികളുടെ കൂടെ ദിയ വരുന്നത് കണ്ടത്. ലോക സിനിമയിലെ കല്യാണിയുടെ വൈറ്റ് ഡ്രസ്സ് ഇല്ലേ ഏകദേശം അതുപോലുള്ള വെള്ള വസ്ത്രം. ആ ബാക്ക്ഗ്രൗണ്ട് മ്യൂസിക് പോലെതന്നെ എന്റെ കിളി എല്ലാം പോയി. ദൈവമേ ഇവൾക്ക് ഇത്രയും സൗന്ദര്യം ഉണ്ടായിരുന്നോ. ഞാൻ വാ തുറന്ന് അവളെ നോക്കി നിന്നു. ഓരോരുത്തരായി അവളുടെ സുഖ വിവരങ്ങൾ അന്വേഷിക്കുന്നുണ്ട്. എന്നാൽ അവർക്ക് മറുപടി കൊടുക്കുമ്പോഴും ആ കണ്ണുകൾ ആരെയോ പരതി നടന്നു. അവസാനം ആ മിഴികൾ എന്നിൽ വന്ന് പതിച്ചു. അതെ സമയം ആ ചുണ്ടിൽ ഒരു പുഞ്ചിരി തിളങ്ങി ഞാനും ചിരിച്ചു.

എല്ലാരും ക്യാമ്പ് ഫയറിനു ചുറ്റും വട്ടത്തിൽ ഇരുന്ന് കഥകളും പാട്ടുകളും പാടി സന്തോഷം പങ്കിട്ടു ഞാനും ദിയയും ക്ലോക്ക് സമയം 12:20 ആ പൊസിഷനിലാണ് ഇരുന്നത്. ഞാൻ ആണെങ്കിൽ തീ ജ്വാലയിൽ മിന്നി തിളങ്ങുന്ന ദിയയെ തന്നെ നോക്കി ഇരുന്നു. എനിക്ക് ചുറ്റിനും നടക്കുന്നത് എന്താണെന്ന് പോലും തിരിച്ചറിയാൻ കഴിഞ്ഞില്ല. ഇടക്ക് അവൾ എന്നെ നോക്കുമ്പോൾ ഞാൻ നോട്ടം മാറ്റും ഈ ഒളിച്ചു കളി തുടർന്നുകൊണ്ടിരുന്നു. ഓരോരുത്തരായി അവരുടെ കാല പ്രകടനം കാഴ്ചവെച്ചു. അവസാനം ദിയയുടെ അവസരം വന്നെത്തി. കോളേജിൽ അത്യാവശ്യം അവൾ നന്നായി പാടും. ഇന്ന് വയ്യാത്തത് കൊണ്ട് പാട്ടിൽ നിന്നും ഒഴിഞ്ഞു മാറാൻ നോക്കി. എന്നാൽ എല്ലാരുടെയും നിർബദ്ധത്തിന് വഴങ്ങി അവസാനം പാടാം എന്ന് സമ്മതിച്ചു. അവളുടെ പാട്ടിനു ഈണം നൽകാൻ ഞങ്ങൾക്കിടയിലെ കലാകാരനും ഗിത്താറിസ്റ്റ് ആയ അർജുൻ തായാർ ആയി. പുലിവാൽ കല്യാണം സിനിമയിലെ ഏതാനും വരികളാണ് അവൾ പാടിയത്.

[Youtube :- aaru paranju cover song by anarkali marikar please hear the song for best experience ]

“…നിൻ ചുംബന ചെമ്പക പൂവിരിച്ചു
അതിൽ അനുരാഗ തേൻ നിറച്ചു…

നിന്നെ കാണാതെ കാണാതെ ഞാൻ അലഞ്ഞു
നീ എൻ ആത്മാവിൻ ഉള്ളിൽ മയങ്ങി…

പൂവായി നീ കരളിൽ പൂമഴയായി മധുമാധുരി തേടി അലഞ്ഞൊരു വണ്ടായി ഞാൻ ഉണർന്നു. അന്നാദ്യം പാടിയ ഗാനം സ്വരമർമരമായി.

ആരു പറഞ്ഞു ആരു പറഞ്ഞു ഞാൻ കണ്ടത് രാക്കനവാണെന്ന് ആരു പറഞ്ഞു…

എഴുനിറം കൊണ്ട് എഴുതിയത് എല്ലാം മഴവില്ല് വിരിഞ്ഞത് പോലെന്ന് ആരു പറഞ്ഞു…”

എന്റെ മോനെ ഫുൾ വരികളും എന്റെ കണ്ണിൽ നോക്കിയാണ് അവൾ പാടിയത്. എന്നോട് എന്തൊക്കെയോ പറയാതെ പറയുന്ന പോലെ. പാടി കഴിഞ്ഞതും മറ്റുള്ളവരുടെ കൈയ്യടി കേട്ടാണ് ഞാൻ സോബോധത്തിലേക്ക് വന്നത്. എല്ലാരും അഭിനന്ദിച്ചു അതിനിടയിലും ദിയ പാളി എന്നെ നോക്കി.

“… അളിയാ ഒന്ന് വന്നെടാ ഫുഡിന്റെ കാര്യം ഒന്ന് സെറ്റ് ചെയ്യാൻ ഉണ്ട്…” ഇടക്ക് ആദി വന്ന് എന്നെ വിളിച്ചോണ്ട് പോയി.