💖മംഗല്ല്യധാരണം – 11 35അടിപൊളി 

“… ആണോ എന്നാ വീട്ടുകാർ പറയുന്ന പയ്യനെ ഞാൻ കെട്ടാം. അപ്പൊ നിന്റെ ആഗ്രഹ പ്രകരം എന്റെ വീട്ടുകാരുടെ സ്വപ്നം നടക്കും അവർക്ക് സന്തോഷവും ആവും . എന്താ അത് മതിയോ …” ദിയ പറയുന്നത് കേട്ട് എനിക്കും ചാരുവിനും ചിരി അടക്കാൻ പറ്റിയില്ല.

“… നീ കുറച്ചു നാൾ കൂടി ക്ഷമിക്ക്. എന്നിട്ടും നിന്റെ അച്ഛൻ എതിരാണെങ്കിൽ നീ പറയുന്നപോലെ ചെയ്യാം…” തൊഴുകൈയോടെ കാർത്തി ദിയയെ നോക്കി പറഞ്ഞു.

“…ഞങ്ങളുടെ കാര്യം അവിടെ നിക്കട്ടെ നിങ്ങൾക്ക് എന്നാ അടുത്ത അപ്ഡേഷൻ…” ദിയ എന്താ ഉദ്ദേശിച്ചത് എന്ന് എനിക്കും ചരുവിനും മനസിലായില്ല.

“… മനസ്സിലായില്ലേ അത് തന്നെ …” ദിയ കൈകൊണ്ട് വയർ വീർക്കുന്ന പോലെ കാണിച്ചു.

“… ഓ അതാണോ. കാൽ ഒന്ന് ശെരിയാവട്ടെ നമുക്ക് പരിഹാരം ഉണ്ടാക്കാം അല്ലേടി…” ഞാൻ ചാരുവിനെ നോക്കി.

“… ഒന്ന് പോ ആദി…” നാണത്താൽ ചാരു പൂത്തുലഞ്ഞു.

അവർ അന്ന് വൈകുനേരം വരെ ഞങ്ങളോട് കൂടെ ചിലവഴിച്ചു. മുറിയിൽ തന്നെ അടഞ്ഞിരുന്ന എനിക്ക് ശെരിക്കും ഒരു ആശ്വാസം ആയിരുന്നു അവരുടെ വരവ്. ഉച്ചക്ക് ചോറും വൈകിട്ട് ചായയും കുടിച്ചാണ് രണ്ടും മടങ്ങിയത്. ചാരു പെട്ടെന്ന് തന്നെ അവരോട് മിങ്കിൾ ആയി.

“…കാർത്തിയും ദിയയും വളരെ സ്നേഹം ഉള്ളവർ ആണല്ലേ…” രാത്രി എന്റെ നെഞ്ചിൽ തലവച്ചു കിടന്നത്കൊണ്ട് ചാരു ചോദിച്ചു.

“… രണ്ടും പാവങ്ങള. ഒരു കുഴപ്പമേ ഉള്ളു എപ്പോ കണ്ടാലും കീരിയും പാമ്പിനെയും പോലെയാ. ഇന്ന് തന്നെ കണ്ടില്ലേ കാർത്തി ഒന്ന് പറഞ്ഞ അവൾ രണ്ട് പറയും. പക്ഷെ രണ്ട് പേർക്കും പരസ്പരം ജീവന…” ചരുവിന്റെ നെറുകയിൽ തലോടികൊണ്ട് ഞാൻ പറഞ്ഞു.

“… ഞാൻ അത് ചോദിക്കാൻ ഇരിക്കായിരുന്നു. പരസ്പരം കണ്ടാൽ തല്ലുകൂടുന്നവർ എങ്ങനെയാ സെറ്റ് ആയത്…”

“…അവരുടെ ലോവ്സ്റ്റോറി കോമഡിയ. അതിന്റെ ഇടയിലെ ബലിയാട് ഞാനും…” ചിരിയോടെ ഞാൻ ചരുവിനോട് പറഞ്ഞു.

“… എന്നാ പറയ് ആദി…” ആകാംഷയോടെ ചാരു തിരക്കി.

“…കോളേജിൽ വച്ച് രണ്ടും തമ്മിൽ കണ്ടാൽ അപ്പൊ ഒന്നും രണ്ടും പറഞ്ഞു അടിയാകും. ചിലപ്പോഴൊക്കെ ഇതിന്റെ ഇടയിൽ പെട്ട് പോകുന്നത് ഞാൻ ആണ്. അങ്ങനെ ഇരിക്കയാ കോളേജിൽ ടൂർ വന്നത്. ക്ലാസ്സിലെ ആക്റ്റീവും ചുറുചുറുക്കുമുള്ള പയ്യൻ ഞാൻ ആയോണ്ട് എല്ലാരുംകൂടി ടൂർ കോർഡിനേറ്ററായി എന്നെ പ്രഖ്യാപിച്ചു…” നമ്മുടെ ജയറാമേട്ടനെപോലെ ആറ്റിട്യൂട് ഇട്ട് പറഞ്ഞു.

“… അയ്യടാ ഒരു ചുറു ചുറുക്കുള്ള പയ്യൻ വന്നേക്കുന്നു. ചുമ്മാ തള്ളാതെ ആദി…”

“… എന്താടി നിനക്ക് ഒരു പുച്ഛം. എനിക്ക് ചുറുചുറുക്ക് ഉണ്ടോ ഇല്ലയോ എന്ന് കാൽ ശെരിയാവുമ്പോൾ കാണിച്ചുതരാം…” ചാരുവിനെ ഒന്നുകൂടി ചേർത്ത്പിടിച്ചു കഴുത്തിൽ ഉമ്മകൾ നൽകികൊണ്ട് ഞാൻ പറഞ്ഞു.

“…ആദി… ചുമ്മാതിരിക്ക്… എനിക്ക് ഇക്കിളി ആവുന്നു… ബാക്കി പറയ് ആദി…” എന്നെ സമാധാനിപ്പിച്ച് ബാക്കി കേൾക്കാനായി ചാരു കാതോർത്തു.

“…നിന്നോട് ഉടക്ക് ഉണ്ടായി ഇരുന്ന സമയം ആയത്കൊണ്ട്. എല്ലാത്തിൽ നിന്നും റിലീഫ് കിട്ടാൻ ആ യാത്ര സഹായിക്കും എന്ന് കരുതി. പിന്നെ ഉത്തരവാദിത്തം കൂടുമ്പോൾ പലതും മറക്കാൻ കഴിയോലോ…” അറിയാതെ ഞാൻ പഴയ കയ്പ്പേറിയ ഓർമകളിലേക്ക് സഞ്ചരിച്ചു. അത് മനസ്സിലാക്കിയ ചാരു കവിളിൽ ചുംബനം നൽകി എന്നെ തിരികെ കൊണ്ടുവന്നു.

ആദിക്ക് അറിയാവുന്നത് അവൻ ചരുവിനോട് പറയട്ടെ. ഇത് കാർത്തിയുടെയും ദിയയുടേയും കഥ അല്ലെ അപ്പൊ നിങ്ങളോട് അവർ പറയുന്നത് അല്ലെ അതിന്റെ ശെരി 😉.

ട്രിപ്പിന്റെ ചുമതല ആദിക്ക് ആയത് കൊണ്ട് അവൻ നല്ല തിരക്കിലായിരുന്നു. അവന്റെ ആവശ്യങ്ങൾക്ക് കട്ടക്ക് ഞാനും കൂടെ കൂടെ. ഉച്ചയോടെ ഞങ്ങൾ പുറപ്പെട്ടു. പാട്ടും ഡാൻസുമായി എല്ലാരും നല്ല ആവേശത്തിലായിരുന്നു. കുറെ ദൂരം കഴിഞ്ഞപ്പോ ദിയ ശർദ്ധിച്ചു ആകെ സീൻ. ടാബ്ലറ്റ് കൊടുത്ത് ഒരുവിധം പുള്ളി ഓക്കെ ആയി. രാത്രിയോടെ ഞങ്ങൾ അവിടെ എത്തി ഒരു ഹോട്ടലിൽ സ്റ്റേ അടിച്ചു. പിറ്റേന്ന് രാവിലെ അവിടെ മുഴുവൻ കറങ്ങാൻ ആയിരുന്നു പ്ലാൻ.

“… എന്താടാ ഒരു ടെൻഷൻ…” രാവിലെ പുറത്ത് പോയി വന്ന ആദിയുടെ ഇരുപ്പ് കണ്ട് ഞാൻ ചോദിച്ചു.