💖മംഗല്ല്യധാരണം – 11 35അടിപൊളി 

ആദിയെ സഹായിക്കുമ്പോഴും ഉള്ളിൽ മഞ്ഞു വീഴുന്ന അവസ്ഥയായിരുന്നു. എന്റെ ശ്രെദ്ധ ഇവിടെ എങ്ങും ആയിരുന്നില്ല. അതിന്റെ ഫലം ഞാൻ ചെയുന്ന ജോലിയിലും കണ്ടു അതിന് ആദി എന്നെ ചീത്തവിളിച്ചു എയറിൽ കയറ്റി. എല്ലാം സെറ്റ് ചെയ്തതും ബൊഫെ ആയിരുന്നു. ഓരോരുത്തരായി വന്ന് ഫുഡ്‌ എടുത്ത് കഴിക്കാൻ തുടങ്ങി. ഏറെ സമയമായിട്ടും ദിയ ഫുഡ്‌ കഴിക്കാനായി എത്തിയില്ല. കൂട്ടുകാരികളോട് തിരക്കിയപ്പോൾ അവൾക്ക് വേണ്ടന്ന് പറഞ്ഞതായി അറിഞ്ഞു. ആദിയോട് പറഞ്ഞിട്ട് ഞാൻ രണ്ട് പ്ലേറ്റിൽ ഫുഡുമായി ഒറ്റക്ക് വിദൂരതയിലേക്ക് നോക്കി ഇരിക്കുന്ന ദിയയുടെ അരികിലേക്ക് പോയി ഒരു പ്ലേറ്റ് അവൾക്ക് നൽകി.

“… എനിക്ക് കഴിക്കാൻ വേണ്ട വിശപ്പില്ല…”

“… മരുന്ന് കഴിക്കാനുള്ളത് അല്ലെ എന്തെങ്കിലും കഴിക്ക്…” എന്റെ നിർബദ്ധതിന് വഴങ്ങി അവൾ ഫുഡ്‌ കഴിക്കാൻ തുടങ്ങി. ഞങ്ങൾക്ക് ഇടയിൽ മൗനം തളം കെട്ടി കിടന്നു.

“… പാട്ട് നന്നായിരുന്നു…” മൗനം ഭേദിച്ച് ഞാൻ പറഞ്ഞു.

“… താങ്ക്സ്…”

“… സാധാരണ നീ love song പാടത്തത് ആണല്ലോ. ഇന്ന് എന്ത് പറ്റി…”

“… എന്തോ പാടാൻ തോന്നി…” പ്ലേറ്റിൽ വിരൽ കൊണ്ട് ചിത്രം വരച്ചു അവൾ പറഞ്ഞു.

“… രണ്ടും എന്നെ വിളിക്കാതെ കഴിക്കാണല്ലേ…” ഒരു പ്ലേറ്റിൽ ഫുഡുമായി ആദി നമുക്ക് അരികിൽ വന്നിരുന്നു.

“… അയ്യോ നിന്റെ കാര്യം മറന്നട…” വിഷമത്തോടെ ദിയ പറഞ്ഞു.

“… മറക്കും മറക്കും. സുഖമില്ലാത്ത നിനക്ക് ആരാ ചിക്കൻ തന്നത്…” അത് പറഞ്ഞ് അവളുടെ പ്ലേറ്റിലെ ചിക്കൻ ആദി കൈക്കലാക്കി അതിന്റ പേരിൽ രണ്ടും തല്ലുകൂടി കഴിച്ചു. അവസാനം എല്ലാരും ഡാൻസ് കളിയൊക്കെ കഴിഞ്ഞു കിടക്കാനായി പോയി. പിറ്റേന്ന് ദിയ ഫുൾ ഓൺ ആയി ബസിൽ ഡാൻസും പാട്ടൊക്കെ ആയി ഒരേ പൊളി വൈബ്. തലേ ദിവസം ഞാൻ ഇല്ലാത്തത് കൊണ്ട് ഇന്ന് പയ്യന്മാർ ഫുൾ ടൈം എന്റെ കൂടെ തന്നായിരുന്നു. അത്കൊണ്ട് ദിയയുടെ അടുത്തേക്ക് പോകാനെ കഴിഞ്ഞില്ല. പിറ്റേന്ന് ഓരോ സ്ഥലങ്ങളിൽ കറങ്ങി നടക്കുന്നതിന്റെ ഇടക്ക് ദിയ ഒറ്റക്ക് നിക്കുന്നത് കണ്ടു. അടുത്തുള്ള കടയിൽ നിന്നും തീയിൽ പൊള്ളിച്ച ചോളവും വാങ്ങി അവൾക്ക് അരികിലേക്ക് പോയി.

“… എന്താ ഒറ്റക്ക് നിക്കുന്നത്…”

“… ഏയ്യ് ഒന്നുമില്ല. അവളുമാർ ആ മല കയറാൻ പോയി എനിക്ക് പോകാൻ ഒരു മടി അതുകൊണ്ട് ഇവിടെ നിക്കാം എന്ന് കരുതി…” എന്റെ കൈയിൽ ഇരുന്ന ചോളം അവൾക്ക് നേരെ നീട്ടി.

“…ഞാൻ ഇപ്പൊ വാങ്ങണം എന്ന് വിചാരിച്ചതെ ഉള്ളു. കാർത്തിക് എങ്ങനെ അറിയാം എനിക്ക് ചോളം ഇഷ്ടമാണെന്നു…” അതിന് ഞാൻ ഒന്ന് പുഞ്ചിരിച്ചു.

“… എടാ ദുഷ്ട ഞാൻ ഒരു ഐസ്ക്രീം വാങ്ങി തരാൻ പറഞ്ഞപ്പോ നിന്റെ കൈയിൽ പൈസ ഇല്ല അല്ലെ. ഇത് വാങ്ങാൻ എവിടന്നാട പൈസ…” ആദി ഞങ്ങൾക്ക് അരികിലേക്ക് വന്ന് ദിയയുടെ കൈയിൽ ഇരുന്ന ചോളം വാങ്ങിക്കൊണ്ടു ചോദിച്ചു.

“… ഈ തണുപ്പത്ത് ആണോടാ ഐസ്ക്രീം കെറ്റുന്നത്…”ഞാനും വിട്ടു കൊടുത്തില്ല.

“… നീ ഹിൽ സ്റ്റേഷനിലേക്ക് വരുന്നില്ലേ…”

“… ഇല്ലടാ കാലിൽ ഉളുക്ക് വീണെന്ന് തോന്നുന്നു. നീ പോയിട്ട് വാ…” പാതി ചോളവും ഓടിച്ചെടുത്ത് ആദി ബാക്കി പയ്യന്മാരുടെ കൂടെ ഹിൽ സ്റ്റേഷനിലേക്ക് ഓടി

“…കാലിന് എന്താ പറ്റിയെ…” ആദി പോയതും ദിയ ചോദിച്ചു.

“…ഇപ്പൊ നടന്നു വന്നപ്പോ ഉളുക്കിയതാ…”

“… വേദന ഉണ്ടോ..? ഏത് കാല ഉളുക്കിയത്…”

“…വേദന ഒന്നും ഇല്ല. ഇടത്തെ കാല ഉളുക്കിയത്…” പക്ഷെ പിടിച്ചത് വലത്തേ കാലിൽ ആയി പോയി അത് കണ്ടതും ദിയ ആക്കിയ ചിരി ചിരിച്ചു.

“… പറഞ്ഞത് മാറി പോയതാ. സത്യമായിട്ടും കാൽ ഉളുക്കിയിട്ട പോവാത്തേ 😁…”

“… ഉവ്വ് ഉവ്വ മനസിലായി. വാ നമുക്ക് അവിടെ പോയി ഇരിക്കാം…” ബാക്കി ചോളവും കഴിച്ച് ഞങ്ങൾ ഒഴിഞ്ഞൊരിടത്ത് ഇരുന്നു.

വൈകുനേരത്തോടെ തിരിച്ചു നാട്ടിലേക്ക് യാത്ര തിരിച്ചു. സ്മോക്കും ഫുൾ ലൈറ്റ് ഓൺ ആക്കി ഡാൻസ് തന്നായിരുന്നു എല്ലാരും. സത്യം പറഞ്ഞാൽ എല്ലാരും വേറെ ലെവൽ. കുറെ കഴിഞ്ഞപ്പോ ഓരോരുത്തരായി ഓരോ സീറ്റ്‌ പിടിച്ചു തുടങ്ങി. ഞാൻ എവിടെ ഇരിക്കും എന്ന് ചുറ്റിലും നോക്കിയപ്പോ ദിയ എന്നെ അവളുടെ അടുത്തേക്ക് വിളിച്ചു. ഞാനും അവിടെ പോയി ഇരുന്നു.