💖മംഗല്ല്യധാരണം – 11 35അടിപൊളി 

“… അമ്മേ ചായ…” ഹാളിൽ tv കണ്ടോണ്ട് ഇരുന്ന അമ്മയോട് പറഞ്ഞ് നേരെ റൂമിലേക്ക് പോയി. ബാഗ് അവിടെ വച്ച് ബാൽക്കണിയിൽ പോയിരുന്നു.

ഇന്ന് ഓഫീസിൽ കുറച്ചു തിരക്കുള്ള ദിവസായിരുന്നു. നാളെ കൊടുക്കേണ്ട ചില വർക്കുകൾ ഇപ്പോഴും തീർന്നിട്ടില്ല അതും ആലോചിച്ചോണ്ട് വരുമ്പോഴാ ഓരോ നോൺസെൻസ് വണ്ടിയും കൊണ്ട് റോഡിലേക്ക് ഇറങ്ങുന്നേ. തലവേദന എടുത്ത് ഞാൻ തല തടവി. ചരുവിന്റെ ഏതോ കൂട്ടുകാരിയുടെ കല്യാണമാണെന്നും പറഞ്ഞു രണ്ട് ദിവസം മുമ്പ് പോയതാ ഇന്നലെ വരുമെന്ന് പറഞ്ഞിട്ട് വന്നില്ല. ഇങ്ങു വരട്ടെ ഞാൻ കാണിച്ചു കൊടുക്കുന്നുണ്ട്😡. അവൾ പോയെ പിന്നെ എന്റെ കാര്യങ്ങൾ ആകെ അവതാളത്തിലായി കണ്ണടച്ച് ഞാൻ അവളെ ഓർത്തു.

“…എന്താ മാഷേ കാര്യമായ ചിന്തയിൽ ആണല്ലോ…” കണ്ണ് തുറപ്പോ എന്റെ മടിയിൽ ഇരിക്കുന്ന ചാരുവിനെയാണ് കാണുന്നെ.

“… നീ… നീ… ഇത് എപ്പോ വന്നു…” സന്തോഷവും ആകാംഷയും കൊണ്ട് ഞാൻ ചോദിച്ചു.

“… ഞാൻ ഉച്ചക്ക് വന്നു. ആദി വന്നപ്പോ ഞാൻ അടുക്കളയിൽ നിൽക്കായിരുന്നു. ചായയും പറഞ്ഞ് ഈ ചൂടൻ കേറിപോണത് ഞാൻ കണ്ടായിരുന്നു…” എന്റെ മീശയിൽ പിടിച്ചു തിരിച്ചുകൊണ്ട് എന്നെ കളിയാക്കി.

“…നീ ഇന്നലെ വരാം എന്നല്ലേ പറഞ്ഞെ പിന്നെന്താ വരാതിരുന്നേ…” ഇച്ചിരി കടുപ്പിച്ചു തന്നെ ഞാൻ ചോദിച്ചു.

“… ഇന്നലെ വരാൻ ഇറങ്ങിയപ്പോ അവിടെ ഒടുക്കത്തെ മഴ പിന്നെ അച്ഛൻ പറഞ്ഞു ഇന്ന് വന്നാൽ മതിയെന്ന്. എന്താ എന്നെ കാണാതെ എന്റെ ചക്കര മിസ്സ്‌ ചെയ്തോ…” താടിയിൽ പിടിച്ചു കൊഞ്ചിക്കുന്ന പോലെ അവൾ ചോദിച്ചു.

“… വിട്. ഞാൻ ആരെയും മിസ്സ്‌ ചെയ്തില്ല…” ജാട കുറക്കാതെതന്നെ ചാരുവിന്റെ കൈ തട്ടിമറ്റി.

“…ഞാൻ അങ്ങനെ അല്ലല്ലോ അറിഞ്ഞത്. ചിലർ എന്നെ കാണാതെ ഊണും ഉറക്കവും ഇല്ലാതെ നടക്കാണെന്നോ എപ്പോഴും ദേഷ്യം ആണെന്നോ അങ്ങനെയൊക്കെയാ ഞാൻ കേട്ടത്…” താടിക്ക് കൈയും കൊടുത്ത് ചിന്തിക്കും പോലെ ചാരു പറഞ്ഞു.

“… നിനക്ക് അറിയില്ലേ. നീ ഇല്ലാതെ എനിക്ക് പറ്റില്ലാന്ന് രണ്ട് ദിവസം തള്ളി നീക്കാൻ പെട്ടപാട് എനിക്കെ അറിയൂ…” അവസാനം എന്റെ അവസ്ഥ തുറന്നുകാട്ടി.

“… എങ്കിലെ കണക്കായിപ്പോയി. ഞാൻ വിളിച്ചത് അല്ലെ കൂടെ വരാൻ. കല്യാണത്തിന് വന്നവർ എല്ലാരും ചോദിച്ചു കെട്ടിയോൻ എവിടെ കെട്ടിയോൻ എവിടെന്നു…”

“…ഞാനും വരാൻ ഇരുന്നത് അല്ലെ അപ്പോഴല്ലേ ഓഫീസിൽ അർജന്റ് വർക്ക് വന്നത്…” പിന്നെ ഒന്നും പറയാതെ ചാരു എന്റെ നെഞ്ചിൽ തലവെച്ചു ചാരി ഇരുന്നു.

“…ഞാനും രണ്ടു ദിവസം ഉറങ്ങീട്ടില്ല. ആദിയുടെ ചൂട് പറ്റാതെ ഇപ്പൊ ഉറങ്ങാൻ പറ്റാത്ത അവസ്ഥയ…” ഞാൻ അവളെ അമർത്തി പുൽകി.

“… അച്ഛെ…” വിളിക്കേട്ട് ഞാനും ചാരുവും ഒരുപേലെ തിരിഞ്ഞു നോക്കി അങ്ങും ഇങ്ങും മുളച്ച കുഞ്ഞിപ്പല്ലുമായി ഞങ്ങളെ നോക്കി ചിരിക്ക എന്റെ ചാരു എനിക്ക് നൽകിയ സ്നേഹ സമ്മാനം.

“…അച്ഛേട മോൾ വാ…” അത് കേൾക്കേണ്ട താമസം എന്റെ പുന്നാര മോൾ ഓടി ഞങ്ങടെ മുന്നിൽ വന്നു.

“… ഞാൻ എന്ന് ഇരിക്കാൻ വന്നാലും അമ്മയാണല്ലോ അച്ഛെട മടിയിൽ…” കുഞ്ഞി കണ്ണും നനച്ചു പരാതിപ്പെട്ടി തുറന്നു.

“… അമ്മ പാവം അല്ലെ ഇത്തവണ അമ്മ ഇരിക്കട്ടെ അതുത്ത തവണ മോളെ ഇരുത്താട്ടോ. ഇപ്പൊ എന്റെ മോൾ വാ…” എന്റെ മടിയിൽ ചരിഞ്ഞിരിക്കുന്ന ചാരുവിന്റെ മടിയിലായി എന്റെ പൊന്നിനെ ഇരുത്തി.

“…മോൾ എവിടെ പോയതാ അച്ഛ വന്നപ്പോ മോളെ ഇവിടെങ്ങും കണ്ടില്ലല്ലോ…”

“…അച്ചാചന്റെ കൂടെ പറമ്പിൽ പോയതാ. ഇത് കണ്ടോ തേനാ അച്ഛ കുടിച്ചോ…” കുഞ്ഞി കൈയിൽ പിടിച്ച വഴകൂമ്പിലെ തേൻ എന്റെ വായിലേക്ക് അവൾ നീട്ടി.

“… പിന്നെ അച്ഛക്ക് അറിയോ അമ്മ പറയാ അച്ഛക്ക് നമ്മളോട് സ്നേഹം ഇല്ലന്ന്…”

“… ആണോടി…” ഞാൻ ചാരുവിനെ തുറിച്ചു നോക്കി.

“… ഇവള് ചുമ്മാ കള്ളം പറയുന്നതാ…”

“… അച്ഛെ നമ്മുടെ കൂടെ വരാത്തോണ്ട അമ്മ അങ്ങനെ പറഞ്ഞെ…”

“… ആണോ മോൾക്ക് തോന്നുണ്ടോ അച്ഛക്ക് മോളോട് സ്നേഹം ഇല്ലന്ന്…”

“… എനിക്ക് അറിയാം അച്ഛക്ക് എന്നെ വല്യ ഇഷ്ട്ട…” അതും പറഞ്ഞ് അ കുഞ്ഞിപ്പല്ല് കാട്ടി ചിരിച്ചു.