💖മംഗല്ല്യധാരണം – 11 35അടിപൊളി 

“… എടാ ഒരു പണി കിട്ടി. ദിയക്ക് സുഖം ഇല്ലടാ. ഇന്നലെ ഫുൾ ശർദിച്ചത്കൊണ്ട് അവൾ ആകെ ടൈഡ് ആണ്. ഈ അവസ്ഥയിൽ അവളെയും കൊണ്ട് പോവാനും പറ്റില്ല…”

“… എന്ത് ചെയ്യാനാ നിന്റെ പ്ലാൻ…” ഞാൻ ചോദിച്ചു.

“…അവളെ ഇവിടെ ഒറ്റക്ക് ആക്കി പോവാനും പറ്റില്ല. കൂടെ ആരെയെങ്കിലും നിർത്താം എന്ന് വച്ചാൽ നമുക്ക് ആരെയും നിർബന്ധിക്കാൻ പറ്റില്ലല്ലോടാ അവരും ഒരുപാട് ആശിച്ചല്ല ടൂറിനു വന്നത്. അതാ എന്ത് ചെയ്യും എന്ന് ആലോചിക്കുന്നേ…”

“…ഞാൻ അവളുടെ കൂടെ ഇരുന്നാൽ മതിയോ…” കുറച്ചുനേരത്തെ ആലോചനക്ക് ശേഷം ഞാൻ ചോദിച്ചു.

“…നീ കാര്യമായിട്ട് പറഞ്ഞതാണോ…”

“… അതേടാ. ഇത് നീ പ്ലാൻ ചെയ്ത ടൂർ ആണ് അപ്പൊ ഒരു തരത്തിലും കുഴപ്പം ഉണ്ടാവാൻ പാടില്ല. ഞാൻ അവളുടെ കൂടെ ഇരുന്നോളാം നിങ്ങൾ പോയിട്ട് വാ…” ചെറിയ ചിരിയോടെ ഞാൻ പറഞ്ഞു.

“… താങ്ക്സ് അളിയാ. കോർഡിനേറ്റർ ഞാൻ ആയത്കൊണ്ട് എനിക്ക് പോവാതിരിക്കാൻ പറ്റില്ല. അതാ കുഴപ്പം…” എന്നെ കെട്ടിപിടിച്ച് ആദി പറഞ്ഞു.

ഞാൻ ഫ്രഷ് ആയി എല്ലാരേയും യാത്രയാക്കി നേരെ ദിയയുടെ റൂമിലേക്ക് പോയി. അവൾ ഇപ്പോഴും ഉറക്കത്തിലാണ്. മുഖത്ത് ഇപ്പോഴും ക്ഷീണം കാണാം. അവിടെ ഉണ്ടായിരുന്ന ഒരു ചെയറിൽ ഇരുന്നു ഞാൻ റീൽ കാണാൻ തുടങ്ങി. കുറച്ചു കഴിഞ്ഞപ്പോ ബെഡിലെ അനക്കം കേട്ടു നോക്കിയപ്പോ ദിയ ഉണർന്നു.

“… ആഹ് ഗുഡ് മോർണിംഗ് ഉറക്കം എഴുനേറ്റൊ. ക്ഷീണം തോന്നുന്നുണ്ടോ…” അവളുടെ അടുത്തേക്ക് ചെന്നിരുന്നു ഞാൻ ചോദിച്ചു.

“… കുഴപ്പം ഇല്ല. എന്നാലും എന്തോ ഒരു വയ്യായിക…”

“…ഒരുപാട് ദൂരം യാത്ര ചെയ്തതിന്റെ ആയിരിക്കും. പനിയൊന്നും ഇല്ല…” അവളുടെ തൊട്ടുനോക്കി അവൾ ചെറുതായി ഒന്ന് ഞെട്ടി.

“… അവരെല്ലാം എവിടെ…” ചുറ്റിനും നോക്കി ദിയ ചോദിച്ചു.

“… അവരെല്ലാം പോയി…”

“… കാർത്തി പോയില്ലേ…”

“…പോയെങ്കിൽ ഇവിടെ കാണോ. ഇന്ന് നിന്നെ നോക്കേണ്ട ഡ്യൂട്ടി എനിക്കാണ്…”

“…ഞാൻ കാരണം കാർത്തിക്ക് ഇടങ്ങേർ ആയല്ലേ…”

“… അതേലോ. അത് പ്രേത്യേകം ചോദിക്കണോ…”അത് പറഞ്ഞപ്പോ അവളുടെ മുഖം വാടി.

“…നീ എഴുനേറ്റ് ഫ്രഷ് ആവും. ഞാൻ റിസപ്ഷനിൽ പോയി ഫുഡ്‌ എന്തൊക്കെ ഉണ്ടെന്ന് നോക്കിയിട്ട് വരാം…”

ദിയയെ അവിടെ ആക്കി ഞാൻ റിസപ്ഷനിൽ പോയി ഫുഡ്‌ ഓർഡർ ചെയ്ത് അവിടെ വെയിറ്റ് ചെയ്തു. അവൾക്ക് ഫ്രഷ് അവൻ സമയം കൊടുക്കണമല്ലോ. ഫുഡ്‌ കിട്ടിയതും അതുമായി അവളുടെ മുറിയിൽ എത്തി. പിന്നെ അവൾക്ക് ഫുഡ്‌ വിളമ്പിക്കൊടുത്ത് ഞാനും കഴിച്ചു. ഉച്ച വരെ ഞങ്ങൾ ഓരോ കാര്യങ്ങൾ സംസാരിച്ചോണ്ട് ഇരുന്നു. എന്ത് പറ്റിയെന്നു അറിയില്ല ഇന്നത്തെ ദിവസം ഞങ്ങൾ അടി ഉണ്ടാക്കിയതെയില്ല. രണ്ടുപേരും കാര്യമായി തന്നെ സംസാരിച്ചു. ഉച്ചക്ക് ചോർ കഴിച്ചു കഴിഞ്ഞപ്പോ ദിയക്ക് ചെറിയ തലവേദന എടുക്കുന്നു എന്ന് പറഞ്ഞു. ഞാൻ അവൾക്ക് പാരസെറ്റമോൾ നൽകി. അത് കഴിച്ചു ദിയ ഉറങ്ങനായി കിടന്നു. അവിടെ ഉണ്ടായിരുന്ന ഒരു ബുക്ക് വായിച്ചു കസേരയിൽ ഇരുന്ന് ഞാൻ ഉറങ്ങിപ്പോയി. കൊക്കയിലേക്ക് വീഴുന്ന സ്വപ്നം കണ്ടാണ് ഉറക്കം എഴുന്നേറ്റത്. കട്ടിലിലേക്ക് നോക്കിയപ്പോ കഴുത്തറ്റം പുതപ്പും മൂടി ദിയ ഇപ്പോഴും ഉറക്കത്തിൽ തന്നെ.

ജനൽ വഴി അടിക്കുന്ന പൊൻകിരണങ്ങളിൽ അവൾ കൂടുതൽ സുന്ദരിയായി തോന്നി. ഞാൻ ആ അഴകിൽ ലയിച്ചിരുന്നുപോയി. കുറച്ചു നേരം കഴിഞ്ഞപ്പോ അവൾ കണ്ണുതുറന്നു എന്നെ നോക്കി. ഞങ്ങളുടെ കണ്ണുകൾ തമ്മിൽ ഉടക്കി. എന്തോ എനിക്ക് ആ കണ്ണിൽ നിന്നും കണ്ണെടുക്കാൻ തോന്നുന്നില്ല. ഞങ്ങൾ എത്രനേരം കണ്ണും കണ്ണും നോക്കി ഇരുന്നെന്ന് ഒരു പിടിയും ഇല്ല. ഇടക്ക് ഞെട്ടി ഞാൻ സോബോധത്തിലേക്ക് വന്നു കൂടെ അവളും.

“… ഞാൻ… ഞാൻ… കോഫി എടുത്തിട്ടു വരാം…” വിക്കി വിക്കി എങ്ങനെയോ പറഞ്ഞൊപ്പിച്ചു മുറിക്ക് പുറത്തേക്ക് പോയി.

എന്താ ഇപ്പൊ ഉണ്ടായേ. അവളുടെ കണ്ണുകളിലെ ആകർഷണം. എനിക്ക് എന്താ പറ്റിയെ ആലോചിച്ചിട്ട് ഒരു പിടിയും ഇല്ല. കോഫിയുമായി തിരിച്ച് അവളുടെ മുറിയിലേക്ക് പോയി. എന്തോ അവളുടെ മുഖത്തേക്ക് നോക്കാൻ പറ്റുന്നില്ല. മുമ്പ് എങ്ങും ഇല്ലാത്ത ഒരു ഫീൽ. കോഫി കുടിക്കഴിഞ്ഞു അവൾ എന്തൊക്കെയോ പറയുന്നുണ്ട് എനിക്ക് ഒന്നിലും ശ്രെദ്ധ കേന്ദ്രീകരിക്കാൻ പറ്റുന്നില്ല വല്ലാതെ വീർപ്പുമുട്ടുന്ന പോലെ. അവൾ കുളിക്കാൻ പോയതും ഉള്ള ജീവനുംകൊണ്ട് എന്റെ മുറിയിലേക്ക് ഓടി. പിന്നെ ഞാൻ എന്റെ മുറിയിൽ തന്നെ ഇരുന്നു ആദി തിരിച്ചു വന്നപ്പോഴാണ് ഞാൻ ഓക്കെ ആയത്.