ഹരി പറഞ്ഞു : എല്ലാം എന്റെ തെറ്റാണ് അഞ്ചൂ….
അഞ്ചു ഉടനെ തിരിഞ്ഞ്, ഹരിയുടെ നെഞ്ചിൽ തന്റെ മുഖം പൂഴ്ത്തി ഹരിയെ നോക്കാൻ ആവാതെ കിടന്നു……
ഹരിക്ക് കൂടുതൽ എന്ത് പറയണം എന്നറിയാതെ ഒന്ന് നിർത്തി….
കുറച്ചു നേരത്തിനു ശേഷം ഹരി തുടർന്നു : ബെന്നി ചേട്ടൻ…. പാവം… അയാളെ…….
അഞ്ചു പതിയെ മുഖം ഉയർത്തി കണ്ണ് തുടച്ചു കൊണ്ട് ചോദിച്ചു : എന്താ… എന്താ ഉണ്ടായത്…
ഹരി കാര്യം പറഞ്ഞു അഞ്ജുവിനോട്…കൂടെ പറഞ്ഞു : നമ്മൾ ഇല്ലെങ്കിലും ഒരുപക്ഷെ ഇത് സംഭവിച്ചേനെ.. പക്ഷെ അതിന് ആക്കം കൂട്ടിയത് ഞാൻ ആണ്…. അതിൽ നിന്ന് ഒഴിഞ്ഞു മാറാൻ പറ്റില്ല എനിക്ക്.. എല്ലാം പറയണം.. ആ കാൽ പിടിച്ച് മാപ്പ് പറയണം.. നാണം കേട്ടാലും കുഴപ്പമില്ല…
അഞ്ചു പതിയെ : വേണ്ട ഹരീ.. ഹരി ആരുടെയും മുന്നിൽ നാണം കെടുന്നത് എനിക്ക് സഹിക്കാൻ പറ്റില്ല… ഹരി മാത്രം അല്ലല്ലോ… ഞാനും ചേർന്നല്ലേ….ഞാൻ പറഞ്ഞോണ്ട്… ഞാൻ മാപ്പ് പറയാം…
ഹരി പുച്ഛത്തോടെ ചിരിച്ചു കൊണ്ട് : ഇനി എന്താടീ ഞാൻ നാണം കെടാൻ ഉള്ളത്. ഏതോ ഒരുത്തന്റെ മടിയിൽ കയറി ഇരുന്ന്, എന്റെ ഭാര്യ ഉമ്മ വക്കുന്നത് കണ്ട … ഏതോ ഒരുത്തൻ നിന്റെ ഭാര്യക്ക് ഇതൊക്കെ ആണ് പരിപാടി, സൂക്ഷിച്ചാൽ ദുഖിക്കേണ്ട എന്ന് കേട്ട എനിക്ക് ഇനി എന്താ നാണം കെടാൻ ഉള്ളത്……..
സങ്കടം കൊണ്ട് ഹരിയുടെ കണ്ടം ഇടറി… വാക്കുകൾ മുറിഞ്ഞു…
ഹരി തുടർന്നു : മാസങ്ങൾ ആയി ഈ നാണക്കേട് മനസ്സിൽ കൊണ്ട് നടക്കുന്ന എന്റെ വേദന നിന്നെ ഞാൻ എങ്ങിനെ ആണ് പറഞ്ഞു മനസ്സിലാക്കേണ്ടത്… നീ ഒന്ന് ആലോചിച്ചു നോക്ക്…….
അഞ്ചു കരഞ്ഞു കൊണ്ട് ഒന്നും പറയാൻ ആവാതെ മുഖം പൂഴ്ത്തി ഹരിയുടെ നെഞ്ചിൽ..
ഹരി : എന്ത്… എങ്ങിനെ… നമ്മൾ.. മുന്നോട്ട്… എനിക്ക് ഒന്നും അറിയില്ല അഞ്ചൂ……
അഞ്ചു ഉടനെ മുഖം അൽപം പൊക്കി ഹരിയുടെ വാ കൈ കൊണ്ട് പൊത്തി പറഞ്ഞു : അങ്ങിനെ ഒന്നും പറയല്ലേ ഹരീ… പറ്റിപ്പോയി.. അല്ല അറിഞ്ഞു കൊണ്ട് തന്നെ ആയിരുന്നു… പണവും പ്രശസ്തിയും മുന്നിൽ കണ്ടപ്പോൾ.. ഞാൻ….
ഹരി കുറച്ചു നേരം ഒന്നും പറഞ്ഞില്ല..
പിന്നെ പറഞ്ഞു : ആദ്യം എനിക്ക് എല്ലാം അറിയണം.. ഒന്നിൽ തുടങ്ങി എല്ലാം……
വിക്കി വിക്കി ആണെങ്കിലും അഞ്ചു പറഞ്ഞു കൊണ്ടിരിക്കുന്ന കഥകൾ കേട്ട് ഹരി ഞെട്ടി തരിച്ചു കിടന്നു..
” എബി…. സിബി…. സിനി…. ഇമ്രാൻ…. ഇടയിൽ ആഷിക്ക്…. അത് കഴിഞ്ഞ് ഇതാ ഇന്ത്യയിലെ പേര് കേട്ട പണക്കാരൻ… ആശിഷ് വർമയും…………ഹരിക്ക് തന്റെ കാതുകളെ വിശ്വസിക്കാൻ ആയില്ല…..
ഹരി വിറക്കുന്ന ശബ്ദവുമായി ചോദിച്ചു : നീ…. നീ….. ആരാ….. അഞ്ചൂ…….
അഞ്ചു ഹരിയെ മുറുക്കി പിടിച്ചു പറഞ്ഞു : ഞാൻ നിന്റെ അഞ്ചു തന്നേ ആണ് ഹരീ.. അതിൽ ഒരു മാറ്റവും ഇല്ല…….
ഹരി കണ്ണ് തുറന്ന് കറങ്ങുന്ന ഫാനിൽ നോക്കി കിടന്ന് അഞ്ചു പറഞ്ഞ കഥകൾ ഓർത്ത് തല തിരിയുന്ന പോലെ തോന്നി…….
അഞ്ചു : ഹരീ…. ഞാൻ ചതിച്ചു നിന്നെ…. പറ്റിപ്പോയി…….എന്നെ വെറുക്കല്ലേ ടാ…. എനിക്ക് നിന്റെ കൂടെ തന്നേ ജീവിക്കണം… നീയില്ലാതെ എനിക്ക് പറ്റില്ല….
അഞ്ചു വീണ്ടും കരച്ചിൽ തുടങ്ങി……
തന്നേ കെട്ടിപിടിച് കരയുന്നത്, തന്റെ പെണ്ണാണ്, താൻ ഇഷ്ടപ്പെട്ട് കെട്ടിയ പെണ്ണ്…. തന്റെ അഞ്ചു……. അവളുടെ കരച്ചിൽ ഹരിക്ക് താങ്ങാൻ കഴിയുന്നതായിരുന്നില്ല…
ഹരി പതിയെ തന്റെ ഇടത് കൈ കൊണ്ട് അഞ്ജുവിനെ കെട്ടിപിടിച്ചു തന്നിലേക്ക് അമർത്തി…
കുറേ നേരത്തിനു ശേഷം ഹരി പതിയെ പറഞ്ഞു : എനിക്ക്… എനിക്ക്… ഒരു കാര്യം പറയാൻ ഉണ്ട്…
അഞ്ചു പതിയെ മൂളി…. മ്മ്മ്മ്മ്….
ഹരി : നീ മാത്രം അല്ല… ഞാനും…. ഞാനും നിന്നെ ചതിച്ചു……….
അഞ്ചു തല ഉയർത്തി ഹരിയെ നോക്കി… അഞ്ചു മനസ്സിൽ പ്രാർത്ഥിച്ചു…. ഈശ്വരാ… ഒരു പെണ്ണ് അവരുതേ……
ഹരി : എനിക്ക്… എനിക്ക് ഒരു റിലേഷൻ ഉണ്ട്…
അഞ്ജുവിന് ശ്വാസം മുട്ടുന്ന പോലെ തോന്നി…. അഞ്ചു കണ്ണ് തുറിച്ചു കൊണ്ട് ചോദിച്ചു : റിലേഷൻ എന്ന് പറഞ്ഞാൽ…
ഹരി പതിയെ വിക്കി പറഞ്ഞു : എനിക്ക് അറിയില്ല…. എന്താണ് എന്ന്…
ഹരിയുടെ കോളറിൽ മുറുക്കെ പിടിച്ച്… അഞ്ചു ഉറക്കെ കരഞ്ഞു കൊണ്ട് പറഞ്ഞു : ആരാ…. ആരാ…. ഞാൻ സമ്മതിക്കില്ല… എന്റെയാ നീ…. ഞാൻ സമ്മതിക്കില്ല…. നീ പറ… ആരാ അവൾ………