അൽപം ധൈര്യം വീണ്ടെടുത്ത സുരേഷ് ചോദിച്ചു.. മൂന്ന് പേരാണുള്ളത്.. ഒരാളുടെ കയ്യിൽ ഒരു തോക്കുണ്ട്.. മൂന്നാളും മുഖം മൂടിയും ധരിച്ചിട്ടുണ്ട്..അതിൽ തോക്ക് പിടിച്ചയാളാണ് സംഘത്തലവനെന്ന് തോന്നിച്ചു.. അയാൾ വീണ്ടും കന്നഡയിലെന്തോ അലറി..
“ഞങ്ങൾക്ക് കന്നഡ അറിയില്ല… “..
അത് കേട്ട് സുരേഷ് പറഞ്ഞു..
“എങ്കിൽ മലയാളത്തിൽ പറയാം… ഇത് അബ്ബാസിന്റെ വീടല്ലേ… ?.. അവനെവിടെ… ?”..
അതിലൊരുത്തൻ പച്ച മലയാളത്തിൽ ചോദിച്ചു.. അത് കേട്ടതും സുരേഷിന് ആശ്വാസമായി..ഇവർ അബ്ബാസിനെ അന്വോഷിച്ച് വന്നവരാണ്..അവർ തമ്മിലെന്തേലും പ്രശ്നം കാണും..എന്നാലും തോക്കൊക്കെയായി വീട്ടിൽ കയറിവരണമെങ്കിൽ പ്രശ്നം ഗുരുതരമായിരിക്കും..
“ സുഹൃത്തേ… ഇത് അബ്ബാസിന്റെ വീട് തന്നെയാണ്… പക്ഷേ അവനിവിടെ ഇല്ല… അവൻ ഭാര്യയുടെ പ്രസവത്തിനായി നാട്ടിൽ പോയിരിക്കുകയാ… ഞങ്ങൾ നാട്ടിൽ നിന്ന് രണ്ട് ദിവസത്തിന് മൈസൂർ കാണാനായി വന്നതാ… രണ്ട് ദിവസം ഈ വീട്ടിൽ താമസിക്കുന്നൂന്നേ ഉള്ളൂ…”..
സമാധാനത്തോടെയാണ് സുരേഷ് സംസാരിച്ചത്..
അത് ആ മലയാളി അവന്റെ നേതാവിന് കന്നഡയിൽ പരിഭാഷപ്പെടുത്തി..പക്ഷേ അയാൾക്കത് വിശ്വാസമായില്ല..അയാൾ കന്നഡയിൽ വീണ്ടും അലറി..
“അബ്ബാസ് ഇവിടെ ഉണ്ടെന്നാണ് ഞങ്ങൾക്ക് കിട്ടിയ വിവരം… നിങ്ങളവനെ വിളിച്ച് പുറത്തിറക്ക്… അല്ലേൽ പ്രശ്നം വഷളാകും…”..
മലയാളി പറഞ്ഞു..അതോടെ അംബിക പ്രശ്നത്തിൽ ഇടപെട്ടു.. ഏവരും ബഹുമാനിക്കുന്ന വില്ലേജോഫീസറായ താനിവിടെ ഉണ്ടാവുമ്പോൾ ഒരു പ്രശ്നമുണ്ടാവാൻ പാടില്ല..
“നിങ്ങൾക്ക് പറഞ്ഞാൽ മനസിലാവില്ലേ… ?.. നിങ്ങളന്വേഷിച്ച് വന്ന ആൾ ഇവിടില്ല… അയാൾ വരുമ്പോ നിങ്ങളെന്താന്ന് വെച്ചാ ചെയ്തോ… ഇപ്പോ ഞങ്ങളെ ഉപദ്രവിക്കാതെ പോണം മിസ്റ്റർ… ഇല്ലെങ്കിൽ പോലീസിനെ വിളിക്കും… “..
ആ മലയാളിയെ നോക്കി അൽപം രൂക്ഷമായാണ് അംബിക പറഞ്ഞത്.. അവളെന്താണ് പറഞ്ഞതെന്ന് ആ കന്നഡക്കാരൻ മലയാളിയോട് ചോദിച്ചു..അവനത് പരിഭാഷപ്പെടുത്തിക്കൊടുത്തു..
അത് കേട്ട കന്നഡക്കാരൻ അംബികയുടെ നേർക്ക് തിരിഞ്ഞ് എന്തോ അട്ടഹസിച്ചു.. പിന്നെ വഷളൻ ചിരിയോടെ അവളെ അടിമുടി നോക്കി.. കൂടെയുള്ളവരോട് കന്നഡയിലെന്തോ പറഞ്ഞു.. അവർ മൂന്നാളും പൊട്ടിച്ചിരിച്ചു…
അത് അംബികയെ പറ്റി വൃത്തികെട്ടതെന്തോ പറഞ്ഞതാണെന്ന് എല്ലാർക്കും മനസിലായി..
“പ്ലീസ്… നിങ്ങളിപ്പോ പോണം… ഞങ്ങളെ വെറുതെ ശല്യപ്പെടുത്തരുത്…”..
അവൾ കൂടെയുള്ള സ്ത്രീകളെ വൃത്തികെട്ട നോട്ടം നോക്കാൻ തുടങ്ങിയതോടെ സുരേഷ് മാന്യമായി പറഞ്ഞു..എന്നാൽ അവരുടെ നേതാവ് ഇപ്പോഴാണ് നിത്യയെ ശ്രദ്ധിച്ചത്.. കുട്ടി നിക്കറും ബനിയനും ഇട്ട് ആ തീ നാളങ്ങൾക്കടുത്ത് മറ്റൊരു ജ്വാലയായി നിൽക്കുകയാണ് നിത്യ..അയാൾ അവളെ ചുഴിഞ്ഞ് നോക്കി വീണ്ടും വൃത്തികെട്ട കമന്റെന്തോ പറഞ്ഞു.. നാവ് പുറത്തേക്കിട്ട് അവളെ നോക്കി വളരെ മോശമായൊരാംഗ്യവും അയാൾ കാണിച്ചു..
സുരേഷിന് നിയന്ത്രിക്കാനാവാത്ത ദേഷ്യം വന്നിരുന്നു..തങ്ങൾ നാല് പേര് ഒരുങ്ങിയാൽ അവരെ അടിച്ച് തോൽപിക്കാനാവുമെന്ന് സുരേഷിന് തോന്നി..പക്ഷേ അവരുടെ കയ്യിൽ തോക്കുണ്ട്..അതുമല്ല ഇതവരുടെ നാടാണ്..അവർ വിചാരിച്ചാൽ നിമിഷങ്ങൾ കൊണ്ട് കൂടുതൽ ആളുകളെത്തും.. അവരോട് എതിർക്കാതെയിരിക്കുന്നതാണ് ബുദ്ധി..അവരോട് അനുനയത്തോടെ സുരേഷ് എന്തോ സംസാരിക്കാനൊരുങ്ങിയതാണ്..പക്ഷേ പെട്ടെന്നൊരർച്ച കേട്ട് എല്ലാവരു ഞെട്ടി..
“ ഫ്ഭാ… പെണ്ണുങ്ങളെ നോക്കി വേണ്ടാതീനം പറയുന്നോടാ പട്ടീ… ?”..
മുന്നോട്ട് കയറി വന്ന വേണു ആ കന്നഡക്കാരനോട് അലറി.. പിന്നെ കൈ നീർത്ത് അയാളുടെ ചെകിട്ടത്തൊന്ന് പൊട്ടിച്ചു.. അയാൾ കൂട്ടാളിയുടെ ദേഹത്തേക്ക് വീണ് രണ്ടാളും കൂടി നിലത്തേക്ക് മറിഞ്ഞു..