മിണ്ടാതിരുന്നാൽ അവൾക്ക് തന്നെ നല്ലത്. കുറച്ചു നാൾകൂടെ അവളുടെ മോൾക്ക് ഒന്നും സംഭവിക്കില്ല. അവൾക്ക് അവളുടെ മോളോടൊത്തു കഴിയാം. ഇല്ലെങ്കിൽ ചിലപ്പോൾ അവളേയും അവളുടെ മോളേയും ഞാൻ ഒരുമിച്ചു കളിക്കും. അവൾക്ക് അറിയില്ല എന്നെ അന്നും ഇന്നും.”
അതുകൂടി കേട്ടതോടെ എനിക്ക് എന്ത് ചെയ്യണം എന്ന് അറിയാതെ ആയി. അയാൾ എന്നെ ചതിക്കുക ആയിരുന്നു എന്ന് എനിക്ക് മനസ്സിലായി. ഞാൻ പ്രസവിച്ച അയാളുടെ മോള്. അവളെപോലും അയാൾ അങ്ങനെ ആണ് കാണുന്നത് എന്നറിഞ്ഞപ്പോൾ അയാളെ കൊല്ലാൻ തന്നെ ഞാൻ തീരുമാനിച്ചു.
ഞാൻ ഉണ്ടാക്കികൊടുത്ത ഭക്ഷണവും കഴിച്ച് അയാൾ അവിടെ നിന്നും ഇറങ്ങി പോയി. ആ വൃത്തി കെട്ടവൻ. അവനേയും കൊല്ലാൻ എന്റെ കൈ തരിച്ചു. എന്തായാലും എന്റെ മോളുടെ അച്ഛനെ കൊല്ലാൻ ഞാൻ ഉറപ്പിച്ചു.
എങ്ങനെ കൊല്ലും എന്റെ മോൾക്ക് അവളുടെ അച്ഛൻ എന്ന് വെച്ചാൽ ജീവൻ ആണ്. അയാളെ ഞാൻ കൊന്നെന്ന് അറിഞ്ഞാൽ അവൾ അത് എങ്ങനെ സഹിക്കും. കൊന്നില്ലെങ്കിൽ അയാൾ എന്റെ മോളേയും. അത് എനിക്ക് ഓർക്കാൻ കൂടെ പറ്റില്ലായിരുന്നു.
ഞാൻ പലതും ആലോചിച്ചു നല്ലൊരു സമയത്തിന് വേണ്ടി കാത്തിരുന്നു. ആ സമയം എല്ലാം ഞാൻ എന്റെ മോളെ പൊതിഞ്ഞു സംരക്ഷിച്ചു.
അതിന് ശേഷം കുറച്ചു മാസം കഴിഞ്ഞു അയാൾ എന്നോട് പറഞ്ഞു.
“മുൻപ് ഇവിടെ വന്ന എന്റെ സുഹൃത്ത് ഇല്ലേ.. അവൻ സ്കൂട്ടർ മറിഞ്ഞു വീണു മരിച്ചു പോയി. ”
ഞാൻ അത് കേട്ട് സന്തോഷിച്ചു. ഇനി ഇയാളെ കൊല്ലണം. അതിന് നേരിയ ഒരു വഴി എന്റെ മുന്നിൽ തുറന്നു വന്നു. അയാളെ അവിടെ വെച്ച് തന്നെ കൊല്ലണം എന്ന് എനിക്ക് ഉണ്ടായിരുന്നു. എന്നാൽ ഞാൻ നാട്ടിലേക്ക് വരുന്നതിനു വേണ്ടി കാത്ത് നിന്നു. എനിക്ക് എങ്ങനെ എങ്കിലും നാട്ടിൽ വരണം എന്ന് ഉണ്ടായിരുന്നു. നാട്ടിൽ വന്ന ശേഷം അയാളെ കൊന്നാൽ ഞാൻ പിടിക്കപ്പെട്ടാലും എന്നെ അറിയുന്ന ആരെങ്കിലും വന്ന് എന്റെ മോളെ രക്ഷിക്കും എന്ന് ഞാൻ വിശ്വസിച്ചു.
അതുകൊണ്ട് നാട്ടിലേക്ക് വരുന്നതിനു വേണ്ടി അയാളോട് പറഞ്ഞു കൊണ്ടേയിരുന്നു.
അങ്ങനെ എന്റെ മോൾക്ക് പതിനെട്ടു വയസ്സ് ആകാറായപ്പോൾ അയാൾ എന്നോട് പറഞ്ഞു.
നമുക്ക് നാട്ടിലേക്ക് പോകാം. നാട്ടിൽ പോയി മോളെ നല്ലൊരു കോളേജിൽ ചേർത്ത് പഠിപ്പിക്കാം. ഇനിയുള്ള കാലം നമുക്ക് നാട്ടിൽ തന്നെ കഴിയാം.
അയാൾ പറഞ്ഞത് പോലെ
ആയാൾ ഞങ്ങളേയും കൊണ്ട് ഈ നാട്ടിലേക്ക് വന്നു. മോളെ ഇവിടെ ഒരു കോളേജിൽ ചേർത്തു.
നാട്ടിൽ വന്ന് കുറച്ചു മാസം കഴിഞ്ഞപ്പോൾ അയാൾ എന്നോട് പറഞ്ഞു.
ഇവിടെ എന്തെങ്കിലും നല്ലൊരു ജോലി കിട്ടാൻ മുതലാളിയെ കാണാൻ പോകണം എന്ന്. അതുകൊണ്ട് നീ കൂടെ വാ. നമുക്ക് ഒരുമിച്ച് പോയി മുതലാളിയെ കാണാം..മുതലാളി നിനക്കും നല്ലൊരു ജോലി തരാതിരിക്കില്ല.
എന്നെ മുതലാളിക്ക് വിൽക്കാൻ പോകുകയാണ് എന്ന് എനിക്ക് മനസ്സിലായി. അത് കഴിഞ്ഞു എന്റെ മോളേയും അയാൾ നശിപ്പിക്കും. പിന്നെ മുതലാളിക്ക് വിൽക്കും. എനിക്ക് ഉറപ്പായി.
ഇനി ചെയ്യേണ്ട കാര്യങ്ങൾ ഞാൻ മനസ്സിൽ ഉറപ്പിച്ചു. അയാളുടെ കൂടെ പോകാനായി ഒരുങ്ങിയ ശേഷം
ഞാൻ അടുക്കളയിൽ നിന്ന് നല്ല മൂർച്ചയുള്ള ഒരു കത്തി എടുത്ത് എന്റെ സാരിയിൽ ഒളിപ്പിച്ച് അയാളുടെ കൂടെ അയാളുടെ സ്കൂട്ടിയിൽ കയറി.
ആരും കാണാത്ത ഒരു വളവിൽ വെച്ച് ഞാൻ ആ കത്തിയെടുത്ത് അയാളുടെ പിന്നിൽ ആഞ്ഞു കുത്തി. അയാളുടെ കൺട്രോൾ പോയി. ഞാൻ ആ കത്തികൊണ്ട് തന്നെ വീണ്ടും ഒന്ന് കൂടെ അയാളുടെ പുറത്ത് കുത്തി. . അതോടെ സ്കൂട്ടർ മറിഞ്ഞു വീണു.
എന്റെ തലയിടിച്ചു വീണു. ആയാളും അതുപോലെ വീണു പിടഞ്ഞു. ഞാൻ മെല്ലെ എഴുനേറ്റ് അയാളുടെ അടുത്ത് പോയി. എന്നിട്ട് അവിടെ കണ്ട കല്ലെടുത്തു അയാളുടെ തലയിൽ അടിച്ചു. ഞാൻ അയാളോടായി അലറി പറഞ്ഞു.
നീ എന്നേയും എന്റെ കുടുംബത്തേയും നശിപ്പിച്ചിട്ട് ഇനി നിനക്ക് എന്റെ മോളേയും വേണം അല്ലേടാ..