അതിന് മുൻപ് തന്നെ അമ്മാവൻ ഞങ്ങളുടെ പഴയ സ്വത്തുക്കൾ ഓരോന്നായി തിരിച്ചു പിടിക്കാൻ തുടങ്ങിയിരുന്നു. അങ്ങനെ തിരിച്ചു പിടിച്ച ഒരു സ്ഥലത്താണ് ഇന്ന് നമ്മുടെ ഹോസ്പിറ്റൽ ഉള്ളത്. ”
“അപ്പോൾ അമ്മ. എന്റെ അമ്മയ്ക്ക് ശരിക്കും അന്ന് എന്താ പറ്റിയത്. അപ്പോൾ അന്ന് അമ്മ ട്രെയിൻ തട്ടി മരിച്ചെന്നു പറഞ്ഞിട്ട്..? ”
“അത് ഞങ്ങൾക്കും അറിവുണ്ടായിരുന്നില്ല. വർഷങ്ങൾക്ക് ശേഷം ആണ് ആ സത്യം ഞങ്ങൾ അറിഞ്ഞത്. ഞങ്ങളുടെ അപ്പച്ചി മരിച്ചിട്ടില്ലെന്ന്. അച്ഛനും അമ്മാവനും ചേർന്ന് പിടിച്ചവരൊക്കെ പറഞ്ഞത് അത് അപ്പച്ചി തന്നെയാണ് എന്നാ. അന്ന് റെയിൽവേ ട്രാക്കിൽ മരിച്ചു കിടന്നത്. നിന്റെ അച്ഛൻ ആണ് അപ്പച്ചിയെ കൊന്ന് റയിൽവെ ട്രാക്കിൽ കൊണ്ട് പോയി ഇട്ടത് എന്ന്. ”
“ആര്..? അപ്പു ഏട്ടൻ എന്താ പറഞ്ഞത്..? എന്റെ അച്ഛൻ..? എന്റെ അച്ഛനാണ്..?” ശ്യാമ കരഞ്ഞുകൊണ്ട് പറഞ്ഞു.
“അതേ നിന്റെ അച്ഛൻ തന്നെ. ” അങ്ങനെ യാണ് ഞങ്ങൾ അറിഞ്ഞത്.
“പക്ഷെ. അത് എങ്ങനെ അപ്പു ഏട്ടാ..? എന്റെ അച്ഛൻ.. ഒരു പാവം. എന്നോട് നല്ല സ്നേഹം ആയിരുന്നു. എന്നെ കെട്ടിപിടിച്ചു എനിക്ക് ഉമ്മ തരുന്ന എന്റെ അച്ഛൻ. ” ശ്യാമ പറഞ്ഞു.
“ഞാൻ പറയുന്നത് മുഴുവൻ നീ കേൾക്ക്. ”
“ശരി അപ്പു ഏട്ടൻ പറ. ഞാൻ കേൾക്കാം. ”
സുധി വീണ്ടും തുടർന്നു.
“അവർ പറഞ്ഞു. നിന്റെ അച്ഛൻ ആ പെണ്ണിനെ കൊന്ന് ട്രാക്കിൽ ഇട്ട ശേഷം നിന്റെ അച്ഛനെ അവർ കണ്ടിട്ടില്ല എന്ന്.
പിന്നെ നിന്റെ അച്ഛൻ എവിടെ പോയെന്ന് അവർക്ക് അറിയില്ലെന്ന്. എവിടെയോ ഒളിവിൽ പോയതായിരിക്കും എന്നും പറഞ്ഞു..
അവർ പറഞ്ഞത് വെച്ച് ഞങ്ങൾ നിന്റെ അച്ഛനെ കുറേ തിരഞ്ഞു. എന്നാൽ ഞങ്ങൾക്കും നിന്റെ അച്ഛനെ എവിടേയും കണ്ടെത്താൻ ആയില്ല. ”
“അപ്പു ഏട്ടാ ഞാൻ ഒന്ന് ചോദിച്ചോട്ടെ.?
അപ്പോൾ അന്ന് അമ്മയ്ക്ക് പകരം ട്രെയിൻ തട്ടി മരിച്ചത് ആരാ..?” ശ്യാമ ചോദിച്ചു.
“അത് ഞങ്ങൾക്ക് അറിയില്ല. അത് നിന്റെ അച്ഛനോ അതോ മറ്റരെങ്കിലും എവിടെ നിന്നെങ്കിലും പിടിച്ചു കൊണ്ടുവന്ന ഏതെങ്കിലും പാവം ആയിരിക്കണം.
ശരിക്കും പറഞ്ഞാൽ അത്
അത് മറ്റൊരു ചതി ആയിരുന്നു. സത്യം പറഞ്ഞാൽ നിനക്ക് പറ്റിയ പോലെ തന്നെയുള്ള ഒരു ചതി.
അന്ന് പുതുതായി ജോലിക്കെന്ന് പറഞ്ഞു വന്നവന്മാരിൽ ഒരാൾ ആയിരുന്നു അത് ചെയ്തത്. അതും ആ വലിയ പറമ്പൻ മാരുടെ ആവശ്യപ്രകാരം. അവിടെ ജോലിക്ക് എന്ന് പറഞ്ഞു വന്നവന്മാർ എല്ലാം അവരുടെ ഗുണ്ടകൾ ആയിരുന്നു.
അതിൽ ഏറ്റവും പ്രധാനം. അന്ന് നിന്റെ അമ്മയെ. ഞങ്ങളുടെ അപ്പച്ചിയെ. പ്രേമം നടിച്ചു തട്ടിക്കൊണ്ടു പോയവൻ തന്നെയാണ് എന്റെ അച്ഛന്റെ കാലിൽ വെടി വെച്ചതും . മുത്തശ്ശനേയും മുത്തശ്ശിയേയും കൊന്നതും . അതേ അത് അയാൾ തന്നെയാണ്. നിന്റെ അച്ഛൻ. ”
“അപ്പു ഏട്ടാ…. ” അത് കേട്ട് വിശ്വസിക്കാൻ ആവാതെ ശ്യാമ വിളിച്ചു.
“അപ്പു ഏട്ടൻ പറഞ്ഞത് സത്യമാണോ..? പറ അപ്പു ഏട്ടാ.. സത്യമാണോ.? എന്റെ അച്ഛൻ ആണോ.. ഇതൊക്കെ ചെയ്തത്..? അപ്പു ഏട്ടന്റെ അച്ഛനെ ഇങ്ങനെ ആക്കിയത്. മുത്തശ്ശനേയും മുത്തശ്ശിയേയും കൊന്നത്…?”
“അതേ.. അത് സത്യമാണ്. ആ സത്യം ഞങ്ങൾ തിരിച്ചു അറിഞ്ഞിരുന്നു. അന്ന് ആ കുഴപ്പം മുഴുവൻ ഉണ്ടാക്കിയതിൽപെട്ട ഓരോരുത്തരെ ആയി കൊന്ന് തള്ളുന്നതിന് മുൻപ് അവരിൽ നിന്നും കിട്ടിയ വിവരം. പക്ഷെ നിന്റെ അച്ഛനെ മാത്രം ഞങ്ങൾക്ക് കിട്ടിയില്ല. അത് മാത്രം ആരും പറഞ്ഞില്ല. അവർക്ക് പോലും നിന്റെ അച്ഛൻ എവിടെ ആണെന്ന് അറിയില്ലായിരുന്നു. അപ്പച്ചിയെ കൊന്നതിനു ശേഷം നിന്റെ അച്ഛൻ എവിടെയോ നാട് വിട്ട് പോയി എന്നാ അവർ പറഞ്ഞത്.
അന്ന് ഞങ്ങളുടെ അപ്പച്ചിയെ പ്രേമം നടിച്ചു പറ്റിച്ചിട്ട്. ഞങ്ങളുടെ വീട്ടിലെ എല്ലാ വിവരങ്ങളും ചോർത്തിയെടുത്തു. അന്ന് അച്ഛനും മുത്തശ്ശനും മുത്തശ്ശിയും യാത്ര പോകുന്നത് ഉൾപ്പെടെ എല്ലാം അവർ അറിഞ്ഞത് അങ്ങനെ ആണ്. മുത്തശ്ശനും അച്ഛനും ഒന്നും നിന്റെ അച്ഛന്റെയും അമ്മയുടേയും കല്യാണത്തിന് സമ്മതിക്കില്ല എന്ന് പറഞ്ഞു അപ്പച്ചിയെ വീട്ടിൽനിന്ന് വിളിച്ചു ഇറക്കി കൊണ്ട് പോയതാണ്. പാവം അപ്പച്ചി സത്യം അറിയാതെ നിന്റെ അച്ഛനെ വിശ്വസിച്ചു. സ്നേഹിച്ചു.