“ഇങ്ങോട്ട് വന്നതാ…..”
“എങ്കി വന്ന വഴി തിരിച്ചു വിട്ടോ എനിക്ക് നിന്നോട് മിണ്ടീം പറഞ്ഞുമിരിക്കാൻ നേരമില്ല ഞങ്ങേടന്ന് ഒറങ്ങാൻ പോകുവാ….. ”
“ഞാനിന്നിവടെ കെടക്കുന്നത്……”
“അത് നന്നായി കെടക്കാൻ അല്ലേലും സൗകര്യം നിന്റെ റൂമാ….. നീയിവിടെ കിടന്നോ ഞാൻ അവിടെ കിടന്നോളാം…….. ”
“ഇനി നിന്റെ തലെലെ കെട്ടഴിക്കണ വരെ ഞാനെപ്പോഴും നിന്റെ കൂടെണ്ടവും…….. അതോണ്ട് നമുക്കൊരുമിച്ചു കെടക്കം……. ”
“അപ്പൊ ഞാനപ്പിയിടാൻ പോയാലും നീ എന്റെ കൂടെ വരുവോ???…..”
ഞാനത്യാവിശ്യം സീരിയസായിട്ട് ചോദിച്ചതും അവളെറിയാതെ ചിരിച്ചുപോയി……..
“അഹ് നീയപ്പിയിടാൻ പോയ ഞാനവിടേം വരും നിനക്കെന്തേലും കൊഴപ്പുണ്ടോ????……”
“അയ്യേ…….. എന്റെ റൂമിന്നിറങ്ങി പോടി വൃത്തികെട്ടവളെ…..”
ഞാനതു പറഞ്ഞതും പോടാ നാറിന്നും പറഞ്ഞവള് കട്ടിലിൽ കേറി കെടന്നു…….
“ടി പൊന്നു ഞമ്പോയി അമ്മായിയോട് പറഞ്ഞു കൊടുക്കും നോക്കിക്കോ…….”
ഞാൻ തിരിച്ചിറങ്ങാനായിട്ട് പോയതും അവളെന്റെ കൈയിൽ കേറി പിടിച്ചു………
“എടാ ഞങ്കാരണോല്ലേ നിനക്കീയവസ്ഥ വന്നത്‌ അപ്പൊ ഞാനല്ലേ നിന്നെ കെയറേയ്യേണ്ടത്…….”
“ഉം കെയർ ചെയ്യാൻ പറ്റിയൊരാള്……. ഇത്തിരി മുൻപ് എനിക്ക് മസ്സാജ് ചെയ്ത് തരാന്ന് പറഞ്ഞിട്ട് കേറി കെടന്നോറങ്ങിയവളല്ലേ നീ……..”
“എടാ നല്ല ക്ഷീണോണ്ടായിരുന്നു…….. ഇന്നൊന്നും കഴിച്ചില്ലാരുന്നു…….”
“ആ ഇപ്പൊ കഴിച്ചല്ലോ പോയി കിടന്നോറങ്ങ് പെണ്ണെ…….
അവള് കൂടെ കെടക്കാൻ വന്നേക്കുന്നു………. നീയാരാ എന്റെ പെണ്ണുംപിള്ളയാണോ…… പോടി പോയി സിക്സെറടി…….”
“എന്നെ കല്യാണം കഴിക്കോ…… അപ്പൊ നിന്റെ ഭാര്യയായിട്ട് നിന്റെ കൂടെ കെടക്കലോ………”
“എന്തോന്ന്?????…..”
അവള് വളരെ നിഷ്കളങ്കമായി ചോദിച്ചപ്പോ ഞാനാറിയാണ്ട് തിരിച്ചു ചോദിച്ചുപോയി
“നിനക്കെന്നെ കല്യാണം കഴിച്ചൂടെ!!!…..”
അത് പറയുമ്പോഴേക്കും അവള് വിതുമ്പി പോയിരുന്നു………….. പെട്ടെന്നവളെന്നെ കെട്ടിപിടിച്ചു………..
“എനിക്ക് നിന്നെ ഇഷ്ടാണ്……. എനിക്കോർമ്മവെച്ച കാലം തൊട്ട്……………. നിനക്കെന്നെ സ്നേഹിക്കാൻ പറ്റുവോ…….”
“എടി നീ കാര്യായിട്ടാണോ???…..”
“മം എനിക്ക് വേറൊന്നും വേണ്ട……….. ഇനിയൊള്ള കാലം നിന്റെ കൂടെ ജീവിച്ചമതി……..”
“അയ്യെടാ…… ഒരുമാതിരി സീരിയൽ ഡയലോഗടിചച്ച് ആളെ കളിയാക്കാനിറങ്ങിയേക്കുവാണവള്………”
“എന്റമ്മയാണേ സത്യം കുഞ്ഞിലെ തൊട്ട് എനിക്കു നിന്നെ ഇഷ്ടാ……….. നിനക്കുമെന്നെ ഇഷ്ടല്ലേ????……”
“എടി അതൊന്നും ശെരിയാവൂല…….. നമ്മള് തമ്മി…….”
“നീ കൂടുതലൊന്നും പറയണ്ട…….. ഇന്നൊരു ദിവസം ഞാൻ നിന്റെ കൂടെ ഇവിടെ കിടന്നോട്ടെ……… ഇന്നോറ്റ ദിവസം പ്ലീസ്………
എന്നിട്ട് നാളെ രാവിലെ നമുക്കിതിനെ പറ്റി സംസാരിക്കാം ”
അവളെന്നോട് അപേക്ഷിക്കുന്നത് പോലെയുള്ള ചോദ്യവും അവളുടെ കരച്ചിലും കൂടി കണ്ടപ്പോ എനിക്ക് പിന്നെയൊന്നും തിരിച്ചു പറയാൻ തോന്നിയില്ല…… അവളുടെ കരച്ചില് എന്നെ വല്ലാതെ അസ്വസ്ഥനാക്കിയിരുന്നു ഇക്കണ്ട കാലമത്രേം അവള് കരയുന്നത് ഞാൻ കണ്ടിട്ടില്ല… ഇനി കരഞ്ഞ തന്നെയത് എന്നെ തല്ല്കൊള്ളിക്കാനുള്ള അടവായിരിക്കും……. അല്ലെങ്കിലും കരയാൻ പറ്റിയ ഒരു സിറ്റുവേഷനും അവളിതുവരെ ഉണ്ടാക്കിയിട്ടില്ല എന്നതാണ് സത്യം….
…..ഞാൻ കട്ടിലിൽ കേറി കിടന്നു കൂടെ അവളും……….. എന്റെ കൈയിൽ തല വെച്ച് എന്നെ കെട്ടിപിടിച്ചാണവള് കിടന്നത്…….കുറെ നേരം എന്റെ കണ്ണിൽ തന്നെയവള് നോക്കി കിടന്നു പിന്നെ ഉറക്കം വന്നപ്പോഴാണെന്ന് തോന്നുന്നു എന്റെ നെഞ്ചിൽ മുഖം പുഴ്ത്തി ഒരു ദീർഘ നിശ്വാസവും വിട്ടവള് കിടന്നുറങ്ങി ………….. പക്ഷെ എനിക്ക് ഉറങ്ങാൻ പറ്റുന്നില്ലായിരുന്നു………. കണ്ണടക്കുമ്പോ ‘നിനക്കെന്നെ കല്യാണം കഴിച്ചൂടെ’ എന്ന അവളുടെ ചോദ്യമാണ് മനസിലേക്ക് വരുന്നത്……….. ഒരു തീരുമാനം എടുക്കാൻ പറ്റാത്തത് പോലെ……………
അവളുമായിട്ട് അങ്ങനൊരു റിലേഷൻ വേണ്ടെന്ന് പറയാൻ മനസ്സിലെവിടെയോ ഇരിക്കുന്ന സ്നേഹം അനുവദിക്കാത്തത് പോലെ……… മനസ്സിലെവിടെയോ ഒളിച്ചിരിക്കുന്ന അവളോടുള്ള സ്നേഹവും റിയ ഉണ്ടാക്കിവെച്ചുപോയ പ്രണയത്തോടുള്ള പേടിയും തമ്മിൽ മനസിലൊരു യുദ്ധം നടക്കുവാരുന്നു…….പക്ഷെ അവസാനത്തുതരം മാത്രം കിട്ടുന്നില്ല ……..ഞാനും പൊന്നും ജീവിതത്തിലിന്നെവരെ ഒരുമിച്ചുണ്ടായിരുന്ന സമയോം സന്ദർഭവങ്ങളും ഒന്ന് റീവൈന്റ് ചെയ്തുനോക്കി………
അവളെന്റെ കൂടെയുണ്ടായിരുന്നപ്പോഴൊക്കെ എനിക്ക് സന്തോഷം മാത്രേ ഉണ്ടായിരുന്നിട്ടുള്ളു എന്താവിശ്യത്തിനും അവളെന്റെ കൂടെയുണ്ടായിരുന്നു………. പിന്നെ ഒരു തീരുമാനമെടുക്കാൻ കൂടുതലൊന്നും ആലോചിക്കേണ്ടി വന്നില്ല……… പൊന്നുനെ സ്നേഹിക്കുക കല്യാണം കഴിച്ചു ജീവിതാവസാനം വരെ കൂടെ കഴിയുക…….. അവളെന്തായാലും ഇട്ടിട്ട് പോകുലെന്നുറപ്പാണല്ലോ……..അവളെ സ്നേഹിക്കുന്നത് തെറ്റല്ലല്ലോ ഒന്നൂല്ലും അവളെന്റെ മുറപെണ്ണല്ലേ………
………. രാവിലെ തന്നെ അവളൂടെല്ലാം തുറന്ന് പറയണമെന്ന ചിന്തയിൽ ഞാൻ കിടന്നുറങ്ങി……..
പിറ്റേ ദിവസം എഴുന്നേറ്റ് കട്ടിലിലവളെ തപ്പിനോക്കിയപ്പോ ആട് കിടന്നിടത് പൂട പോലുമില്ല……..
നേരെ അടുക്കളയിലോട്ട് വെച്ചുപിടിച്ചു……….
അവടെ ചെന്നുനോക്കിയപ്പോ പൊന്നുവിരുന്ന് പത്രം കഴുകുന്നു……..’ഇവളെപ്പോ ഈ ശീലമൊക്കെ തുടങ്ങി…….’
ഞാൻ സൗണ്ട് കേൾപ്പിക്കാതെ നൈസായിട്ട് അവള്ടെ പൊറകില് ചെന്നു…… വേറൊന്നിനുമല്ല വെറുതെ ഒന്ന് പേടിപ്പിക്കാൻ……. അല്ലേലും പേടിപ്പിക്കുന്നതെനിക്കൊരു ശീലമാണെന്ന് എല്ലാർക്കും മനസിലായി കാണുലോ…….
………അവള്ടെ ചെവിടെ മൂട്ടിൽ പോയിട്ട് ….’ട്ടോ’….. ന്നൊരു സൗണ്ട് ഞാൻ പുറപെടുവിച്ചു…… പേടിച്ചിട്ടാണോ കൈയിലിരുന്ന സ്റ്റീൽ പ്ലേറ്റുവെച്ചിട്ട്
…… ചില്ല്..ല്ലെന്ന സൗണ്ടിലവള് തിരിച്ചടിച്ചു……….
“അമ്മേ….. ന്നൊരു സൗണ്ട് അറിയാതെ എന്റെ വായിന്ന് പുറത്ത് വരുകേം ചെയ്തു………
ഒരു സെക്കന്റത്തെ പകപ്പ് മാറി കഴിഞ്ഞപ്പോ അവള് തല തിരുമീതരാൻ തുടങ്ങി……. തിരുമുന്നതിന്റെ ഇടക്ക് ഇടതു കൈകൊണ്ട് കണ്ണ് തുടക്കുന്നുണ്ട്………… അതിനിടക്ക് പാത്രത്തിനടി കിട്ടിയ സൗണ്ട് കെട്ടിട്ടാന്ന് തോന്നുന്നു അമ്മായീം അങ്ങോട്ട് വന്നു…. വന്നപ്പോ കണ്ടതോ എന്റെ തലേം തിരുമിക്കൊണ്ട് നിക്കുന്ന അവളേം………
“അച്ചുട്ടാ തലക്കെന്ന പറ്റി……”
“ഒന്നുലമ്മായി ഇവളെന്നെ പത്രാത്തിനടിച്ചു കൊല്ലാൻ നോക്കി……”
“നീയെന്തിനാ പെണ്ണെ ഇപ്പൊ ഇവനെ പാത്രത്തിനടിച്ചത്……”
ഞാൻ പറഞ്ഞത് കേട്ടതും അമ്മായി കട്ടകലിപ്പായി
“ഞാനറിഞ്ഞോണ്ട് ചെയ്തതല്ല….. അവനെന്നെ പേടിപ്പിക്കാൻ നോക്കി അപ്പൊ അറിയാണ്ട് തല്ലിപ്പോയതാ……..”
“പിന്നെ അറിയാണ്ട്….. ഒന്ന് പോടി……
അമ്മായി ഇവള് വളരെ പ്ലാണ്ടായിട്ട് എന്നെ അറ്റാക്ക് ചെയ്തതാ…..”
