പെട്ടെന്നമ്മായി അവളെ തല്ലാൻ കൈയോങ്ങിയതും ഞങ്കേറി തടഞ്ഞു…… ചുമ്മാ എന്നതിന പാവം അതിന് തല്ല് വാങ്ങി കൊടുക്കുന്നത്………..
ഞാൻ തടഞ്ഞതും നിങ്ങളായി നിങ്ങടെ പാടായിന്നും പറഞ്ഞു അമ്മായി അടുക്കളെന്ന് ഇറങ്ങി പോയി…….
“സോറി ടാ……. ഞാനറിയാണ്ട്…..”
“അത് കൊഴപ്പുല…… സിറ്റുവേഷൻ നോക്കണ്ട് ഞാനങ്ങനെയൊന്നും ചെയ്യാമ്പടില്ലായിരുന്നു……..
….. നീ തിന്നാൻ ന്തേലും ഉണ്ടാക്കിയോ??…..”
ഞാൻ വിഷയം മാറ്റാനായിട്ട് ചോദിച്ചു…….
“അഹ് പുട്ട് വിത്ത്‌ കടലക്കറി……..”
“അഹ് എങ്കി രണ്ട് കുറ്റി പുട്ടും രണ്ട് തവി കറീം താ…..”
“നീ പോയി പല്ല് തേച്ച് കുളിച്ചു ബാ…….. ഞാൻ തിന്നനെടുത്ത് വെക്കാം…….”
ആവിശ്യത്തിന് വിശപ്പുണ്ടായിരുന്നത് കാരണം പിന്നെ ഒന്നും പറഞ്ഞു നിക്കാൻ തോന്നിയില്ല…… നേരെ പോയി പല്ല് തേച്ച് കുളിയും കഴിഞ്ഞ് ബാത്‌റൂമിൽ നിന്നിറങ്ങിയതും അവള് പുട്ടും കറിയുമായിട്ട് ദേ റൂമില് വന്ന് നിക്കുന്നു……..
“നീയെന്താടി ഹനുമാൻ മരുത്വാ മലയുമായിട്ട് നിക്കാണത് പോലെ ഈ പ്ലേറ്റുമായിട്ട് റൂമില് വന്ന് നിക്കണത്……….”
“നിനക്കൊള്ള തീറ്റയുമായിട്ട് വന്നതാ…… ഇന്നാ തിന്ന്…….”
“അതാ ഡെയിനിങ് ഹാളിൽ വെച്ചപോരാരുന്നോ….
ഇങ്ങോട്ട് കൊണ്ടുപോന്നതെന്തിനാ…….”
“അത് നീ കോഴിക്കൾക്ക് തീറ്റ കൊടുക്കണത് കണ്ടിട്ടില്ലേ ……അതുങ്ങളെ വളർത്തണ സ്ഥലത്ത് കൊണ്ടുപോയി തീറ്റയിട്ട് കൊടുക്കും……
ഞാൻ നിന്നെ ഒരു കോഴിയായിട്ട കാണണത് അതോണ്ട് നീ നിക്കണ സ്ഥലത്ത് കൊണ്ടോന്ന് തരാന്ന് വെച്ചു……”
“നീയെന്നെ കോഴിയായിട്ടോ താറവായിട്ടോ എന്ത് വേണേലും കരുതിക്കോ എനിക്കൊരു പ്രശ്നോമില്ല
…….
നീയാ പുട്ടിങ് താ നല്ല വിശപ്പ്……..”
“ഓ ഞാനാ ടേബിളിന്റെ പൊറത്ത് വെച്ചേക്കാം നീ പോയെടുത്തു കഴിച്ചോ……..”
“എടി പ്രാന്തി ആ പ്ലേറ്റിങ്ങ് താ …..”
“അയ്യെടാ പോയി ടേബിളിന്നെടുത്ത് തിന്നമതി…..”
“എടി നിന്റെ ഭാവി ഭർത്താവാ പറയുന്നത് പ്ലേറ്റ് താടി……….”
ഞാൻ തിലകൻ സാറിന്റെ സൗണ്ട് അനുകരിച്ചു പറഞ്ഞതും എന്റെ നേരെ കുശുമ്പ് കുത്തിയ മോന്തേമായിട്ട് നിന്ന അവളുടെ മുഖത്ത് നാണം വരുന്നത് ഞാൻ കണ്ടു………. കേട്ടത് സത്യമാണോ എന്ന് മനസിലാവാതെ എന്നാൽ ഒത്തിരി നാണത്തോടെ നിക്കുന്ന അവളെ അന്നേരം കാണണം……… ഇത്രേം സൗന്ദര്യം വേറാർക്കുമില്ലന്ന് തോന്നി പോയി……..
പത്തിരുപത് സെക്കന്റ്‌ കണ്ണിൽ കണ്ണിൽ നോക്കിയതിനു ശേഷം അവള് പ്ലേറ്റ് കൊണ്ടുവന്നെന്റെ കൈയിൽ തന്നു……..
….. പ്ലേറ്റ് കൈയിൽ കിട്ടിയതും ഞാൻ കട്ടിലിലേക്കിരുന്നു തീറ്റ തൊടങ്ങി……. ഞാൻ കഴിക്കുന്ന സമയം മുഴുവൻ അവളെന്നെ ചുറ്റി പറ്റി നിന്നു…….. പക്ഷെ തിന്നുന്ന സമയത്ത് എന്റെ ശ്രദ്ധ മുഴുവൻ തീറ്റയിൽ തന്നെയായിരുന്നു…… അവളെയൊന്ന് മൈൻഡു പോലെ ചെയ്തില്ല……. അതുകൊണ്ടാണെന്ന് തോന്നുന്നു കുറച്ച് നേരം നോക്കി നിന്നിട്ട് അവളിറങ്ങി പോയി………..
………… നീണ്ട നേരത്തെ ഭക്ഷണത്തോടുള്ള യുദ്ധത്തിനു ശേഷം ഞാൻ പ്ലേറ്റുമായിട്ട് അടുക്കളയിലോട്ട് പോയി….. പക്ഷെ അവളവിടെയില്ല…..’ഇവളിതെവിടെ പോയി…..’ അടുക്കളലെല് തപ്പിട്ട് കാണാത്ത കൊണ്ട് ഞാൻ ഹാളിലേക്ക് ചെന്നു……. അവിടേമില്ല…… പിന്നെ അമ്മായിടെ റൂമില് ചെന്നു നോക്കി അവിടെമില്ല…… ഹാ ഇവളിതെവിടെ പോയെന്നോർത്ത് തപ്പി നടക്കുമ്പോഴാണ് …….. അമ്മായി അലമാരിക്കാത്ത് എന്തോ തപ്പി കൊണ്ടിരിക്കണത് കണ്ടത്…… ഞാൻ അമ്മായിടടുത്തേക്ക് ചെന്നു……..
“എന്ന അമ്മായി നോക്കണേ???”
” ഇന്നാള് നിന്റെ മാമൻ കുടിച്ചു വെളിവില്ലാതെ ഏതോ ബില്ലും പ്രമാണോമൊക്കെ എവിടോ കൊണ്ടു വെച്ചു…….. ഇപ്പഴാ ആളാതിനെ പറ്റി ഓർക്കണത്…… ഇത്തിരി മുൻപ് വിളിച്ചിട്ട് അതൊന്ന് തപ്പി വെക്കുവോന്ന് ചോദിച്ചു…….. അതാ ഇപ്പൊ ഈ നോക്കണത്……. ”
“ഞാനും പൊന്നും റൂമിലേക്ക് പോയി കഴിഞ്ഞപ്പോ ആ റിയ പിന്നേം എന്തേലും അലമ്പ് വർത്താനം പറഞ്ഞോ?????”
“ഏയ്യ് നിങ്ങൾ തമ്മിലീഷ്ടത്തിലാരുന്നെന്നു…….. അവൾ പിന്നെ വേറെ ആരോടോ പ്രണയത്തിലായെന്നോ……… അവനുമായിട്ടുള്ള കല്യാണം നടത്താനായിട്ട് നിന്നെ ചതിച്ചതാണെന്നൊക്കെ അവള് പറഞ്ഞു……..
എന്നാലും ഞാനോർക്കുന്നത് ഇത്രേം ചെറിയ പ്രായത്തില് ഇങ്ങനെയൊക്കെ ചിന്തിക്കാൻ പറ്റുവൊന്ന……..”
“അവള് സത്യം മൊത്തം പറഞ്ഞിട്ടും പിന്നെന്ന അമ്മേം അച്ഛനും എന്നോടൊന്നും മിണ്ടാണ്ട് പോയത്………”
“അത് സത്യമറിഞ്ഞപ്പോ രശ്മിക്ക് ഭയങ്കര സങ്കടായിപ്പോയി……… ശങ്കരേട്ടന്റേം അവസ്ഥ അത്
തന്നെരുന്നു……… നിന്റെ മുഖത്ത് നോക്കാൻ പറ്റണില്ലെന്നും പറഞ്ഞ അവര് പോയത്……..
നീയെന്തായാലും അവരോടൊന്ന് സംസാരിക്ക് നീ മിണ്ടിയ അവർക്കും നിന്നോട് മിണ്ടാൻ പറ്റും……”
“ഹും എന്റെ പട്ടി മിണ്ടും…………
അന്നേ റിയെടെ വാക്കും കേട്ട് എന്റെ നെഞ്ചത്തേക്ക് കേറി വന്നപ്പഴേ ഞാനമ്മേനോടും അച്ഛനോടും പറഞ്ഞതാ അവസാനം സത്യമറിയുമ്പോ നിങ്ങള് ദുഃഖിക്കുന്ന്……… അന്നേട്ടവര് കേട്ടില്ല……. എന്നിട്ട് ഇപ്പൊ സത്യം മുഴുവനുമറിഞ്ഞപ്പോ ഞാനവരുടെ കാലും പിടിച്ചെങ്ങോട്ട് ചെല്ലണോന്നാണോ അമ്മായി പറയണത്………..
“അച്ചു അമ്മേം അച്ഛനും കാണിച്ചത് ശെരിയായില്ല….. എന്നാലും അവര് നിന്റെ സ്വന്തം അമ്മേം അച്ഛനുമല്ലേ…….”
“അങ്ങനാണേ ഞാനവരുടെ മോനല്ലേ എന്നിട്ടും അവര് കാണിച്ചതെന്ന വാലും തുമ്പും കേട്ട് എന്നെ വിട്ടിൽ നിന്നേറക്കി വിടിയേം വരെ ചെയ്തില്ലേ……… ഇനി എനിക്ക് വയ്യ ഇങ്ങനെ നാണം കേട്ട് പട്ടിയെ പോലെ നടക്കൻ……….. എത്രയൊക്കെ പറഞ്ഞാലും സെൽഫ് റെസ്‌പെക്ടെന്നൊരു സാധനമൊണ്ട് അത് കളഞ്ഞൊരു പരുപാടിക്കും ഞാനില്ല………..ഇനി അവരെന്നെ തിരിച്ചു വിളിച്ചാലും ഇല്ലേലും എനിക്കൊരു പ്രശ്നോമില്ല……. ഇത്രേം നാളും ഒറ്റക്ക് താമസിച്ചില്ലേ ഞാനത് പോലെ തന്നെ ജീവിക്കും…….
അല്ലേലും ഇപ്പൊ ഉള്ള ലൈഫിനൊരു ഫ്രീഡമുണ്ട്…..”
“എടാ നിന്റെ സങ്കടം എനിക്ക് മനസിലാവും………
പക്ഷെ ഇനീം ഇങ്ങനെ നടക്കാണണേൽ നീയെങ്ങനെ ലൈഫിൽ രക്ഷപെടുടാ……….
ഇപ്പൊ തന്നെ നീ നിന്റെ രണ്ട് കൊല്ലം വെറുതെ വിട്ടിലിരുന്ന് കളഞ്ഞു……. ഇനീം അത് തന്നെ ചെയ്യാനാണോ നിന്റെ പ്ലാൻ………”
“പോയ രണ്ട് കൊല്ലം എന്തായാലും ഇനി തിരിച്ചു കിട്ടൂല അപ്പൊ പിന്നെ അതിനെ പറ്റി പറഞ്ഞിട്ടും കാര്യമില്ല……
ഇപ്പൊ ഞാനീവർഷം തൊട്ട് എന്തെങ്കിലും പഠിക്കാൻ പോണോന്നോർത്തിരിക്കുവരുന്നു………”
“അങ്ങനെയാണേൽ നീ അമ്മയോടും അച്ഛനോടും പോയി സംസാരിക്ക് എന്നിട്ട് വിട്ടിൽ നിന്ന് പഠിക്ക്…… അല്ലെങ്കി ഇനി നിനക്കവരോട് സംസാരിക്കാൻ താല്പര്യമില്ലെങ്കിൽ നീ ഇവിടെ നിക്ക് നിന്റെ അഡ്മിഷന്റെ കാര്യം ഞങ്ങള് നോക്കിക്കോളാം…..
എന്തായാലും നീ ഒറ്റക്ക് അത്രോം ദൂരം പോയി നിക്കണ്ട……”
