ഇപ്പൊ ഇവനെ ഇവിടെ കണ്ടതിലുള്ള ആശ്വാസമോ, നീരസമോ അതിൽ മിന്നിമറഞ്ഞു,.
ഞാൻ വേഗം എന്റെ കീറിയ കോളർ മറയ്ക്കാൻ വേണ്ടി, കൈ അവിടെ പിടിച്ചുകൊണ്ടു ബെഞ്ചിലേക്ക് ഒന്നുകൂടി അമർന്നിരുന്നു,.
തന്റെ ചുറ്റിലുമുള്ള പുസ്തകങ്ങളിലേയ്ക്കെല്ലാം അത്ഭുതത്തോടെ നോക്കി നിൽക്കുന്ന ഷമീറിന്റെ നിൽപ്പുകണ്ടു എനിയ്ക്കു, ഇത്തിരി മുന്നേ വന്ന ഭയമെല്ലാം എവിടെയോ ഓടിമറഞ്ഞു
” എന്റെട ഊളെ, നിനക്ക് അതിനു ലൈബ്രറി അലർജിയാണെന്നു പറഞ്ഞിട്ട്.?, നീയെന്താ ഇപ്പൊ ഇവിടെ.?” ഞാൻ തെല്ലു ആശ്ചര്യത്തോടെയും, സംശയത്തോടെയും ആണ് അവനോടു ഇത് ചോദിച്ചത്
അവൻ തന്റെ ചുറ്റിലും നിരത്തിവെച്ചേക്കുന്ന ബുക്കിലേയ്ക്കെല്ലാം ഒന്ന് കണ്ണോടിച്ചു, അവൻ അപ്പോഴാണ് അനുവിനെ കണ്ടത്
” അല്ല അനുവും ഇണ്ടാർന്ന ഇവിടെ.? അതെന്തായാലും നന്നായി, ഡാ അന്നേം ഓളേം വിളിച്ചോണ്ട് ചെല്ലാൻ രജിത ടീച്ചറ് പറഞ്ഞു, നീ ഇവിടെ ഉണ്ടാവുന്നു എനിക്കറിയാലോ, അനുവിനെ ഞാൻ ഇവിടെ പ്രതീക്ഷിച്ചില്ല..” അവൻ ഇതും പറഞ്ഞു എന്റെ അടുക്കലേക്കു വന്നിരുന്നു,
അനു ഇത്രയൊക്കെ കേട്ടട്ടും, ഒരു ഭാവവ്യത്യാസവുമില്ലാതെ മുന്നിലുള്ള ബുക്കിലേയ്ക്ക് തന്നെ ഉറ്റുനോക്കി ഇരിക്കുകയായിരുന്നു,
” ടീച്ചർക്ക് എന്തെക്കെയോ പറയാനുണ്ടെന്ന് പറഞ്ഞാ വന്നേക്കണേ, ഇയ്യ് ഇവിടിരുന്നോ, ആ താര അന്നെയും അന്വേഷിച്ചു നടപ്പുണ്ട്, ആഹ് അന്റെയൊക്കെ ഭാഗ്യം, കാമുകനാവാൻ നടന്നിട്ടിപ്പ, കെട്ട്യോനായില്ലേ, കള്ള ഹമുക്കേ..!” ഇതും പറഞ്ഞു ഷമീർ എന്റെ തോളിലേക്ക് ഇടിച്ചു,.
ഞാൻ പെട്ടെന്ന് ഞെട്ടി, ഒരു അരമണിക്കൂർ മുന്നേ ആയിരുന്നു ഇതവൻ പറഞ്ഞിരുന്നേൽ ഞാൻ സന്തോഷം കൊണ്ട് തുള്ളി ചാടിയേനെ , പക്ഷെ ഇപ്പോൾ എന്റെ മനസ്സിൽ അനു മാത്രമേ ഉള്ളു .,
ഞാൻ ഒന്നുംമിണ്ടാതെ ഒരു വളിച്ച ചിരി മാത്രം പാസ്സാക്കി, പെട്ടെന്ന് അനുവിനെ ഒളികണ്ണിട്ടു നോക്കി,.
ഞാൻ അനുവിനെ നോക്കി അവളുടെ മുഖത്തുനിന്നും ആ ഭീതികലർന്ന ആ ഭാവം മാറിയിരുന്നു,
ഇപ്പൊ ഇവനെ ഇവിടെ കണ്ടതിലുള്ള ആശ്വാസമോ, നീരസമോ അതിൽ മിന്നിമറഞ്ഞു,.
ഞാൻ വേഗം എന്റെ കീറിയ കോളർ മറയ്ക്കാൻ വേണ്ടി, കൈ അവിടെ പിടിച്ചുകൊണ്ടു ബെഞ്ചിലേക്ക് ഒന്നുകൂടി അമർന്നിരുന്നു,.
തന്റെ ചുറ്റിലുമുള്ള പുസ്തകങ്ങളിലേയ്ക്കെല്ലാം അത്ഭുതത്തോടെ നോക്കി നിൽക്കുന്ന ഷമീറിന്റെ നിൽപ്പുകണ്ടു എനിയ്ക്കു, ഇത്തിരി മുന്നേ വന്ന ഭയമെല്ലാം എവിടെയോ ഓടിമറഞ്ഞു
” എന്റെട ഊളെ, നിനക്ക് അതിനു ലൈബ്രറി അലർജിയാണെന്നു പറഞ്ഞിട്ട്.?, നീയെന്താ ഇപ്പൊ ഇവിടെ.?” ഞാൻ തെല്ലു ആശ്ചര്യത്തോടെയും, സംശയത്തോടെയും ആണ് അവനോടു ഇത് ചോദിച്ചത്
അവൻ തന്റെ ചുറ്റിലും നിരത്തിവെച്ചേക്കുന്ന ബുക്കിലേയ്ക്കെല്ലാം ഒന്ന് കണ്ണോടിച്ചു, അവൻ അപ്പോഴാണ് അനുവിനെ കണ്ടത്
” അല്ല അനുവും ഇണ്ടാർന്ന ഇവിടെ.? അതെന്തായാലും നന്നായി, ഡാ അന്നേം ഓളേം വിളിച്ചോണ്ട് ചെല്ലാൻ രജിത ടീച്ചറ് പറഞ്ഞു, നീ ഇവിടെ ഉണ്ടാവുന്നു എനിക്കറിയാലോ, അനുവിനെ ഞാൻ ഇവിടെ പ്രതീക്ഷിച്ചില്ല..” അവൻ ഇതും പറഞ്ഞു എന്റെ അടുക്കലേക്കു വന്നിരുന്നു,
അനു ഇത്രയൊക്കെ കേട്ടട്ടും, ഒരു ഭാവവ്യത്യാസവുമില്ലാതെ മുന്നിലുള്ള ബുക്കിലേയ്ക്ക് തന്നെ ഉറ്റുനോക്കി ഇരിക്കുകയായിരുന്നു,
” ടീച്ചർക്ക് എന്തെക്കെയോ പറയാനുണ്ടെന്ന് പറഞ്ഞാ വന്നേക്കണേ, ഇയ്യ് ഇവിടിരുന്നോ, ആ താര അന്നെയും അന്വേഷിച്ചു നടപ്പുണ്ട്, ആഹ് അന്റെയൊക്കെ ഭാഗ്യം, കാമുകനാവാൻ നടന്നിട്ടിപ്പ, കെട്ട്യോനായില്ലേ, കള്ള ഹമുക്കേ..!” ഇതും പറഞ്ഞു ഷമീർ എന്റെ തോളിലേക്ക് ഇടിച്ചു,.
ഞാൻ പെട്ടെന്ന് ഞെട്ടി, ഒരു അരമണിക്കൂർ മുന്നേ ആയിരുന്നു ഇതവൻ പറഞ്ഞിരുന്നേൽ ഞാൻ സന്തോഷം കൊണ്ട് തുള്ളി ചാടിയേനെ , പക്ഷെ ഇപ്പോൾ എന്റെ മനസ്സിൽ അനു മാത്രമേ ഉള്ളു .,
ഞാൻ ഒന്നുംമിണ്ടാതെ ഒരു വളിച്ച ചിരി മാത്രം പാസ്സാക്കി, പെട്ടെന്ന് അനുവിനെ ഒളികണ്ണിട്ടു നോക്കി,.
അനുവിന്റെ മുഖം മാറിയിരുന്നു, അവളാകെ അസ്വസ്ഥയാണെന്ന് എനിക്ക് മനസ്സിലായി , അതിന്റെ കാര്യവും എനിക്ക് പിടികിട്ടി , ഞാൻ പെട്ടെന്ന് അവളെ ആശ്വസിപ്പിക്കാൻ എന്ന വണ്ണം, ഷമീറിനെ മെല്ലെ അവന്റെ തോളിലേയ്ക്ക് അടിച്ചു
” എന്റെ പൊന്നു ഷമീറെ, എനിക്ക് അവളോട് അല്ലേലും അത്ര താല്പര്യമൊന്നുമില്ല, അവൾക്കൊക്കെ ഒടുക്കത്തെ ജാടയാട , അങ്ങനെയുള്ള സാധനങ്ങളെ ഞാൻ മൈൻഡും കൂടി ചെയ്യില്ല..” ഞാൻ പിന്നെയും ആ വളിച്ച ചിരി ചിരിച്ചോണ്ട് അനുവിനെ ഒന്ന് പാളി നോക്കി, അവളുടെ മുഖത്തെ ഭാവത്തിൽ വലിയ വ്യത്യാസമൊന്നുമില്ലാ , സംഗതി ഏറ്റട്ടില്ല എന്ന് എനിയ്ക്കു മനസിലായി
ഷമീർ പിന്നെയും ആ ബെഞ്ചിലേക്ക് ഒന്നുകൂടി ചാരിയിരുന്നു
” ഓ അതൊക്കെ പണ്ടല്ലേ എന്റെ മുത്തേ, ഇപ്പ ഓള് എന്റെ ദുഷ്യന്തനെന്ത്യേ, എന്റെ ദുഷ്യന്തനെന്ത്യേ എന്നും പറഞ്ഞോണ്ട് നടപ്പുണ്ട് മോനെ..” അവൻ പെട്ടെന്ന് എന്തോ ആലോചിച്ചു ചിരിച്ചു ..
” ഒന്ന് പോയെടാ, അവള് ചുമ്മാ തമാശയ്ക്കു പറയണതാ, നീയത് വിട് ഷമീറെ..” എനിയ്ക്കു എത്രയും വേഗം ഈ ഡയലോഗ് നിർത്തിയ മതിയെന്നായി
” ആയിക്കോട്ടെ ആയിക്കോട്ടെ, ഇപ്പ നമ്മള് പുറത്തു, അതല്ലേലും അങ്ങനാണല്ലോ, ദുഷും, ശകുവും കൂടെ ഇപ്പൊ ഒറ്റകെട്ടായി..” അവൻ എന്തോ വലിയ തമാശ പറഞ്ഞപോലെ പെട്ടെന്ന് ചിരിച്ചു
കോഴിയ്ക്കു പ്രാണ വേദന, ഈ കള്ള ഹിമാറിന് കോഴിബിരിയാണി എന്ന് പണ്ടാരോ പറഞ്ഞ അവസ്ഥയായിരുന്നു എനിയ്ക്കു, എന്ത് പറയണമെന്നു എന്തു ചെയ്യണമെന്നോ ഒരുപിടിയുമില്ല
പെട്ടെന്ന് അനു ഇരുന്നിടത്തു നിന്നു എണീറ്റു , മെല്ലെ ബെഞ്ച് പിന്നോട്ട് മാറ്റി അവൾ പുറത്തിറങ്ങി, അവൾക്കിതു അസഹനീയമായി തോന്നി കാണണം, അവൾ വായിച്ചിരുന്ന ആ വലിയ പുസ്തകം, പെട്ടെന്ന് മടക്കി, അതും നെഞ്ചോടു ചേർത്ത് മെല്ലെ പുറത്തേയ്ക്കു പോവാന് ഭാവിച്ചു, അവളുടെ മുഖമാകെ ദേഷ്യംകൊണ്ട് പിന്നെയും ചുവന്നു തുടുത്തിരുന്നു
“അല്ല നീയി പോവാണോ അനു, നിക്ക് ഞങ്ങളും ഉണ്ട്..” ഷമീർ അനുവിനെ തടഞ്ഞുകൊണ്ട് പറഞ്ഞു.,
പെട്ടെന്ന് അനു നിന്നു, ഞാനും കൂടെ വരുമല്ലോ എന്ന് കരുതിയാവണം,
ഷമീർ വേഗം എന്റെ കയ്യിലേക്ക് ബലമായി പിടിച്ചെന്നെ വലിച്ചു, അത് ഒട്ടും പ്രതീക്ഷിക്കാതിരുന്ന ഞാൻ പെട്ടെന്ന് മുന്നോട്ടായി ആഞ്ഞുപോയി ,
കീറിയ കോളർ മറച്ചുപിടിച്ചിരുന്ന എന്റെ കൈയും സ്ഥാനം തെറ്റി, അപ്പോഴാണ് ഷമീർ എന്റെ ഡ്രസ്സ് കീറിയത് കാണുന്നത്
” അല്ല ഇതെന്തു പറ്റി.? നീയി ഇതിനിടയിൽ ആരുമായി തല്ലുകൂടാൻ പോയെടാ പഹയാ..?” അവനെന്റെ കീറിയ കോളർ തിരിച്ചു മറിച്ചും നോക്കി ചോദിച്ചു
“അത് അത് പിന്നെ..” എന്ത് പറയണമെന്നറിയാതെ ഞാൻ കുഴങ്ങി, അപ്പോഴാണ് അവൻ എന്റെ മുഖത്തെ നാല് കൈവിരൽ പാടുകൾ ചുവന്നു തണർത്തു കിടക്കുന്നതു കണ്ടത്.! അവൻ പെട്ടെന്ന് എന്നെ പിന്നെയും ബെഞ്ചിലേയ്ക്കിരുത്തി, എന്റെ കവിളിൽ മെല്ലെ തടവി, അവന്റെ മുഖത്തും ദേഷ്യം കല്ലിച്ചു വന്നു
