ഇണക്കുരിവികള്‍

എന്തായാലും നാടകം വന്ന വിജയമായിരുന്നു, ഞങ്ങൾക്ക് എ പ്ലസ് ഗ്രേഡും ലഭിച്ചു

നാടകം കൂടി കഴിഞ്ഞതോടെ ഞാനും അനുവും ഏകദേശം ഒന്നായ മട്ടായി കഴിഞ്ഞിരുന്നു,

ഒരു പുതുപെണ്ണിന്റെ എല്ലാ ഭാവഭേദവും ഞാനവളിൽ കണ്ടു,

ഞാൻ അന്നാദ്യമായി എന്റെ ചേച്ചിയ്ക്കും അമ്മയ്ക്കും അനുവിനെ പരിചയപ്പെടുത്തി കൊടുത്തു,

കണ്ട ആ നിമിഷത്തിൽ തന്നെ അവരെ രണ്ടുപേരെയും അവൾ ചാക്കിലാക്കി,

ചേച്ചിയെന്നോട് എന്റെ സെലെക്ഷൻ സൂപ്പറായെന്നു പിന്നീട് തട്ടിക്കൊണ്ടു പറഞ്ഞിരുന്നു

നാടകത്തിന്റെയും, യുവജനോത്സവത്തിന്റെയും അവസാനത്തോടെ അനുവിനെ ഒറ്റയ്ക്ക് കിട്ടാനുള്ള അവസരങ്ങൾ നന്നേ കുറഞ്ഞിരുന്നു, എന്നാലും കിട്ടുന്ന ചെറിയ ചെറിയ അവസരങ്ങളിൽ ഞങ്ങൾ തൊട്ടും പിടിച്ചും, ഉമ്മവെച്ചും ആഘോഷമാക്കി

മൂന്നാഴ്ചകൊണ്ട് അവസാനവർഷ പരീക്ഷയുടെ ചൂടുവന്നു ഞങ്ങളെല്ലാവരും പരീക്ഷ തിരക്കിലേയ്ക് മറിഞ്ഞു, അനുവിനെ കാണാനുള്ള അവസരങ്ങൾ വിരലിൽ എണ്ണാവുന്നവയായി ചുരുങ്ങി, എനിയ്ക്കു പിന്നെയുള്ള അകെ ആശ്വാസം അവൾ അന്ന് വിട്ടു പോയ അവളുടെ ഗന്ധമുള്ള ആ ടവൽ മാത്രമായി, അത് എന്റെ ഒരു സന്തതസഹചാരിയായി മാറിയിരുന്നു, അതിലെ അവളുടെ ഗന്ധം എന്നെ ഓരോ നിമിഷവും അന്ധമാക്കി കൊണ്ടേ ഇരുന്നു

പരീക്ഷകൾ ഓടിമറഞ്ഞുകൊണ്ടിരുന്നു , അവസാന പരീക്ഷയും കഴിഞ്ഞു ഞാൻ ഓടി,

അവളെ ഒരു നോക്ക് കാണാൻ വേണ്ടി, ഞങ്ങൾ രണ്ടുപേരും ഞങ്ങളുടെ സ്കൂളിലെ മാവിൽ ചുവട്ടിൽ കുറെ നേരം എന്തെല്ലാമോ സംസാരിച്ചുകൊണ്ടിരുന്നു, എനിയ്ക്കു സത്യത്തിൽ അവളുടെ സാമീഭ്യം ഇല്ലാതെ ഒരു നിമിഷം’പോലും നിക്കാൻ പറ്റാത്ത അവസ്ഥ ആയിരുന്നു, അവൾക്കും മറിച്ചല്ലായിരുന്നു, അവസാനം അവൾ അച്ഛന്റെ കൂടെ സ്കൂട്ടറിൽ കയറി പോവുന്നത് കണ്ണിൽ നിന്ന് മായുന്നത് വരെ ഞാൻ നോക്കിനിന്നു

ക്ലാസ്സുകഴിഞ്ഞുള്ള ഒരുമാസം അവധിയ്ക്ക് അവളും കുടുംബവും പാലക്കാടുള്ള അവളുടെ അച്ഛന്റെ വീട്ടിലേയ്ക്കു പോയി, ഞാൻ എന്റെ അച്ഛന്റെയും, അമ്മയുടെയും വീടുകളിൽ ഷട്ടിൽ അടിച്ചു നടന്നു,

എന്റെ ഉള്ളിലാകെ അനുവെന്ന മന്ത്രം മാത്രമായിരുന്നു,

അവളുടെ സാമീഭ്യം ആഗ്രഹിക്കുമ്പോഴെല്ലാം ഞാനാ ടവൽ ചുമ്മാ പിടിച്ചെന്റെ മുഖത്തോടു അടുപ്പിക്കും,

അങ്ങനെ എങ്ങനെയോ ഞാൻ ആ ഒരു മാസം ഓടിച്ചു നീക്കി,

പത്താംതരം തുടങ്ങിയ ആദ്യം ദിവസം തന്നെ ക്ലാസ്സിൽ ഓടിപിടിച്ചു പോവാനുള്ള എന്റെ പരവേശം കണ്ടു അച്ഛനും അമ്മയ്ക്കും ആകെ അത്ഭുതം, കാര്യങ്ങൾ അറിയാവുന്ന ചേച്ചി എല്ലാം ഒരു ചിരിയിൽ ഒതുക്കി

പഠനത്തെ കുറിച്ച് യാതൊരു താല്പര്യവുമില്ലായിരുന്ന ഞാൻ ക്ലാസ്സിൽ പോയത് തന്നെ അനുവിനെ കാണാനും, അവളുടെ സാമീഭ്യത്തിനു വേണ്ടിയുമായിരുന്നു ,

പക്ഷെ പത്താം തരാം ആയതുകൊണ്ടും അര നൂറ്റാണ്ടായുള്ള നൂറു മേനി വിജയമെന്ന നാഴികക്കല്ല് നിലനിർത്താനുമായി ടീച്ചർമാർ കൊടുമ്പിരിക്കൊണ്ട പഠിപ്പിക്കൽ,

പഠിത്തത്തിൽ യാതൊരു വിട്ടുവീഴ്ചയുമില്ലാത്ത അനുവും, അവളുടെ കാര്യത്തിൽ യാതൊരു വിട്ടുവീഴ്ചയുമില്ലാതെ ഞാനും അഭംഗുരം പ്രേമിച്ചു നടന്നു,

അവൾക്കു ചുറ്റും എപ്പോഴും ആരെങ്കിലും ഉണ്ടാവുന്നത് കൊണ്ട് എനിയ്ക്കു വളരെ ഞെരുങ്ങി മാത്രമാണ് അവളെ ഒന്ന് അടുത്തു കിട്ടിയിരുന്നത്,

ആ അസുലഭ നിമിഷങ്ങളിൽ അവളെ ഒന്ന് തൊട്ടും തലോടിയും ഇടയ്ക്കെല്ലാം ഒരു ഉമ്മ കൊടുത്തും ഞാൻ കടിച്ചുപിടിച്ചു നിന്നു,

എനിയ്ക്കു സത്യത്തിൽ അനുവിനെ കാണാതെ ഒരുനിമിഷം പോലും നില്ക്കാൻ പറ്റാത്ത അവസ്ഥയായിരുന്നു, അവൾക്കും മറിച്ചല്ലായിരുന്നു,
ഇടയ്ക്കിടയ്ക്ക് വന്നിരുന്ന ശനിയാഴ്ചളെയും, ഞാറാഴ്ചകളെയും ഞാൻ സത്യത്തിൽ വെറുക്കാൻ വരെ തുടങ്ങിയിരുന്നു,

ഇങ്ങനെ അവളെ തൊട്ടും തലോടിയും, സ്നേഹിച്ചും രണ്ടു മാസം പോയതുതന്നെ ഞാൻ അറിഞ്ഞിരുന്നില്ല.! പക്ഷേ താരയുടെ വീട്ടിൽ വെച്ച് അന്ന് നടന്നതല്ലാതെ അനുവിനെ എനിയ്ക്കു പിന്നീട് അടുത്തറിയാൻ ഒരവസരവും ഒത്തു വന്നിരുന്നില്ല, ഇന്നല്ലെങ്കിൽ നാളെ അത് വരുമെന്ന പ്രതീക്ഷയിൽ ഞാനും സ്വപ്‌നങ്ങൾ കണ്ടു നടന്നു

ഞങ്ങളുടെ സ്പെഷ്യൽ ക്ലാസ് തുടങ്ങി കുറച്ചു നാൾ കഴിഞ്ഞപ്പോൾ തന്നെ ബാക്കിയുള്ളവരുടെ ക്ലാസും തുടങ്ങിയിരുന്നു, പോർഷൻ തീർക്കാനും, തീർത്തത് മൂർച്ച കൂട്ടാനുമായി പിന്നെ രാവിലെയും വൈകിട്ടും സ്പെഷ്യൽ ക്ലാസുകൾ വെയ്ക്കാൻ തുടങ്ങി,

ഇങ്ങനെയുള്ള ക്ലാസ്സുകള്ക്കു വരുവാനായി അനുവിന് വീട്ടിൽ നിന്ന് ഒരു ലേഡി ബേർഡ് സൈക്കിൾ വാങ്ങിച്ചു നൽകി ,

‘ഞാനും വിട്ടു കൊടുത്തില്ല,

സ്ഥിരമുള്ള എന്റെ മുടങ്ങാതെയുള്ള ക്ലാസ്സിൽ പോക്കും,

അനുവിന്റെ സഹായത്തോടെ ക്ലാസ് ടെസ്റ്റുകളിൽ മോശമല്ലാത്ത മാർക്കുകൾ മേടിച്ചതിനാലും അച്ഛൻ എനിയ്ക്കും മേടിച്ചു തന്നു ഒരു എം.ടി.ബി സൈക്കിൾ, എന്റെ വീട്ടിൽ നിന്നും അനുവിന്റെ വീട്ടിലേയ്ക്കു പിന്നെയും അരമണിക്കൂറോളം പോവണമായിരുന്നു,

പിന്നെ ദിവസവും ഞാനും അനുവും വരവും പോക്കുമെല്ലാം ഒരുമിച്ചായി, അത്രയും സമയം കൂടി എനിയ്ക്കു അനുവിന്റെ കൂടെ ചിലവിടാമല്ലോ എന്നോർത്ത് ഞാനും സുഖിച്ചു

ഇങ്ങനെ ഇരുന്ന സമയത്താണ് നാടിനെയാകെ കുളിരണിയിച്ചുകൊണ്ടു മഴക്കാലം എത്തിയത്,

പിന്നെ മിക്ക ദിവസങ്ങളിലും ഉള്ള മഴ കാരണം സൈക്കിൾ പോക്ക് താറുമാറായി

അങ്ങനെ ഇരുന്ന ഒരു വെള്ളിയാഴ്ചയാണ്,

രാവിലെതന്നെ സാമാന്യം വെയിലുണ്ടായിരുന്നതുകൊണ്ടു ഞാൻ സൈക്കിൾ എടുക്കാമെന്ന് വെച്ചു ,

പക്ഷെ എവിടെയോ കണ്ട കാർമേഘം കാരണം ‘അമ്മ ഇന്നും സൈക്കിൾ എടുക്കണ്ട എന്ന് പറഞ്ഞു, വെല്ല ഓട്ടോയിലും, ബസ്സിലുമോ പൊയ്ക്കൊള്ളാൻ,

ബസ്സിൽ തൂങ്ങി പിടിച്ചു പോവുന്നതിന്റെ മടുപ്പും, ബുദ്ധിമുട്ടും ഓർത്തു വിഷണ്ണനായി ഞാൻ നിന്നപ്പോഴാണ്,

തന്റെ സൈക്കിളിന്റെ ബെല്ലുമടിച്ചു അനു വന്നത്,

എന്നെ കണ്ടതും അവൾ പാടുപെട്ടു സൈക്കിൾ നിർത്തി, അവളുടെ കയ്യിൽ ഞാൻ അന്ന് അണിയിച്ച മോതിരം എന്നെ നോക്കി ചിരിച്ചു

” എന്താടാ ചെക്കാ, ഇന്ന് നീ സൈക്കിൾ എടുത്തില്ല.?” അവൾ പെട്ടെന്ന് സൈക്കിൾ നിർത്തി, ഇരുവശവും കാലുചവിട്ടി പാടുപെട്ടു നിന്ന് ചോദിച്ചു

എന്നെ എന്റെ ചേച്ചിയല്ലാതെ ഇങ്ങനെ ചെക്കാ എന്ന് വിളിക്കുന്ന ഒരേയൊരാൾ അവളാണ്, സത്യത്തിൽ അവളുടെ ആ ചെക്കൻ വിളി ദിവസത്തിൽ ഒരിക്കലെങ്കിലും കേട്ടില്ലേൽ എനിയ്ക്കു ഉറക്കം വരില്ല

” ഓഹ്, ‘അമ്മ സമ്മതിച്ചില്ല., ഇന്ന് മഴ പെയ്യുമെന്ന വാനനിരീക്ഷകയുടെ പ്രസ്താവന., ഇനി വെല്ല ബസ്സിനും തൂങ്ങി പിടിച്ചോണ്ട് പോണം !” ഞാൻ അവളെ നോക്കി ചിരിച്ചുകൊണ്ട് പറഞ്ഞു

“ഓഹ് എന്റെ കണവൻ അങ്ങനെ പാടുപെട്ടോന്നും പോവണ്ട, വാ എന്റെ സൈക്കിളിൽ പോവാം, നിന്നെയും ചവിട്ടി ഞാൻ അങ്ങട് പോവാം.!” അവൾ തന്റെ സൈക്കിളിന്റെ കാരൃർ തട്ടി കാണിച്ചു പറഞ്ഞു

Leave a Reply

Your email address will not be published. Required fields are marked *