“നീയെന്നെ മിസ്സ് ചെയ്തില്ലേടി രണ്ടീസം…?
ഇല്ലാ… “
അവളുടെ മറുപടി എന്നെ നിരാശനാക്കി
“പക്ഷെ രണ്ടീസം കൂടെ കണ്ടില്ലെങ്കിൽ വരുത്തിക്കാൻ ഞാനൊരു വഴി കണ്ടിരുന്നു…
.
അവൾ പതിയെ പറഞ്ഞു..
എന്ത് വഴി ?
“അച്ഛന്റെ റൂമില് ഷെൽഫിൽ ള്ള എലിവെഷത്തിന്റെ പേസ്റ്റ് ഞാൻ നോക്കി വെച്ചിരുന്നു….
മറുപടി കേട്ട് ഞെട്ടിത്തരിച്ചെങ്കിലും ഞാനൊരക്ഷരം മിണ്ടിയില്ല. വല്ലതും മിണ്ടിയാൽ അതിന് അടുത്ത വഴക്ക് വേണ്ടി വരും.
“മുടിയൊക്കെ ആകെ ജഡ പിടിച്ചല്ലോ പെണ്ണെ..
അവളുടെ മുടിയിലൂടെ വിരലോടിക്കുന്നത് എന്റെ ഇഷ്ട വിനോദമാണ്..
“കുളിച്ചില്ല…
ആവൾ എന്റെ നെഞ്ചിൽ മുഖമിട്ടുരച്ചു കൊണ്ട് പറഞ്ഞു.
ചോറുണ്ടോ…?
ഇല്ലാ…
ഉച്ചക്കും കഴിച്ചില്ലേ?
“ഇല്ലെന്നേ…
അടി കൊള്ളൂട്ടോ പെണ്ണെ.. വന്നേ
ചോറുണ്ണാം…
“നിക്ക് വേണ്ടാ….
“വന്നേടാ.. എട്ടൻ വാരിത്തരാം..!
ശരിക്കും…?
അവൾ മുഖമുയർത്തി എന്നെ നോക്കി…
“ഏട്ടൻ വാരിത്തരാ ന്റെ കുഞ്ഞാവക്ക്..മടീലിരുത്തീട്ടാണെങ്കിൽ അങ്ങനെ അല്ല ഒക്കത്തിര്ത്തീട്ടാണെങ്കിൽ അങ്ങനെ ….
“അമ്മ കാണും, കളിയാക്കും.. “
അവൾ നാണത്തോടെ പറഞ്ഞ് എന്റെ കവിളിൽ കവിളുരസി..
അമ്മേ അമ്മൂന്ള്ള ചോറ് വിളമ്പി വെച്ചിട്ട് അവിടെന്ന് മാറി നിക്ക് ട്ടോ ന്റെ കുട്ടിക്ക് നാണാത്രെ…
ഞാൻ കിടന്നു കൊണ്ട് തന്നെ അവളുടെ അമ്മയെ വിളിച്ച് ഉറക്കെ പറഞ്ഞു.
“ഓൾക്ക് ചോറല്ല ചന്തിക്ക് രണ്ടെണ്ണം പൊട്ടിക്കാ വേണ്ടേ..
താളത്തിനൊത്ത് തുള്ളാൻ ഒരുത്തനെ കിട്ട്യേന്റെ അഹങ്കാരാണ് പെണ്ണിന്….”
അമ്മ മുട്ടൻ കലിപ്പിലാണ്. രണ്ട് ദിവസം അവളിവിടെ എന്തൊക്കെ കാട്ടികൂട്ടീന്ന് ആ വാക്കുകളിൽ നിന്നൂഹിക്കാം
അമ്മയുടെ മറുപടി കേട്ടതും പെണ്ണ് കള്ളചിരിയോടെ എന്നെ നോക്കി..
“വന്നോ വെളമ്പി വെച്ചിട്ട്ണ്ട്..
ഞാൻ റൂമിലേക്ക് പൊയ്ക്കോളാം….
രണ്ടും കൂടെ എന്താച്ചാ ചെയ്യ്..
അമ്മ അടുക്കളയിൽ നിന്ന് വിളിച്ച് പറഞ്ഞു. തൊട്ടടുത്ത നിമിഷം അവരുടെ റൂമിന്റെ കതകടയുന്ന ശബ്ദവും കേട്ടു..
ഞാൻ അവളെ എണീപ്പിച്ചു കട്ടിലിൽ നിന്നെണീറ്റു.
“അമ്മൂനെ എടുക്ക് കണ്ണേട്ടാ…..
അവൾ കിടക്കയിൽ എണീറ്റ് നിന്ന് കൈ നീട്ടി കുഞ്ഞുങ്ങളെപ്പോലെ കൊഞ്ചി..
ഓരോരോ അവസ്ഥകളെ..
പിണക്കം കഴിഞ്ഞാൽ എല്ലാ ആണുങ്ങളുടേം അവസ്ഥ ഇത് തന്നെയാണോ കർത്താവെ..?
അതോ ഇതൊക്കെ എന്റെ ഭ്രാന്തിയുടെ മാത്രം കുറുമ്പാണോ..
ഞാൻ അവളെ ഒക്കത്ത് എടുത്തു. പെണ്ണിന് ഭാരം കുറവായത് കൊണ്ട് കുഴപ്പം ഇല്ലാ.അവളെന്റെ ഇടുപ്പിന് ഇരുവശവും കാലുകളിട്ട് ചുറ്റി എന്നെ കഴുത്തിലൂടെ കയ്യിട്ടാണ് ഇരിക്കുന്നത്. വാതിലും തുറന്ന് ഞങ്ങൾ അടുക്കളയിലേക്ക് പോയി.അവളെ കൈ കഴുകിച്ചു കൊടുത്ത് കഴിക്കാൻ വന്നിരുന്നു.
കഴിക്കാനിരുന്നപ്പോൾ അവൾ മടിയിൽ ഇരുന്നു.
“കണ്ണേട്ടന് വേണ്ടേ..?
അവൾ ഒരു പ്ലേറ്റ് മാത്രം കണ്ട് സംശയത്തോടെ ചോദിച്ചു..
“എനിക്കെന്റെ പതിവ് തന്നാൽ മതി..
ഞാൻ ചിരിയോടെ പറഞ്ഞു കൊണ്ട് അവൾക്ക് വാരിക്കൊടുക്കാൻ തുടങ്ങി. മകളുടെ വരവ് പ്രമാണിച്ചോ എന്തോ ചിക്കനൊക്കെ വാങ്ങീട്ട്ണ്ട്.നല്ല വിശപ്പുണ്ട് പെണ്ണിന്. ഓരോ ഉരുള കൊടുക്കുമ്പോഴും വിരലടക്കം നക്കി വൃത്തിയാക്കിയേ അവൾ വിടുന്നുള്ളൂ… അതിനിടയിൽ എന്റെ പതിവ് അവൾ ഉരുട്ടി വായിൽ വെച്ചു തന്നിരുന്നു..
“കുംഭ നിറഞ്ഞു…
കുറേ ആയപ്പോൾ അവൾ വയറിൽ തൊട്ടു കൊണ്ട് പറഞ്ഞു.
അതോടെ കഴിപ്പ് നിർത്തി ഞങ്ങൾ എണീറ്റു കൈ കഴുകി.അവൾ പോവാനായി ഡ്രസ്സ് മാറ്റി ഉമ്മറത്തേക്കെത്തി.
“അമ്മേ ഞങ്ങള് ഇറങ്ങാട്ടോ.. “
അമ്മു വിളിച്ച് പറഞ്ഞു..
“ഒന്ന് പോയി തന്നാ മതി..
എന്റെ മോള്..”
അവളുടെ അമ്മ ഉമ്മറത്തേക്ക് വന്ന് ചിരിയോടെ പറഞ്ഞു..
അപ്പോഴേക്കും കറക്കം കഴിഞ്ഞ് അച്ഛനും ഹാജരായി.അമ്മുവിന്റെ പരാക്രമങ്ങൾ പറഞ്ഞ് രണ്ട് പേരും കുറെ ചിരിച്ചു. ലച്ചുവിന്റെ സമ്മതം കിട്ടിയെന്നറിഞ്ഞപ്പോൾ അവർക്ക് ഒരുപാട് ആശ്വാസമായി.
“നല്ലോണം പൊട്ടിച്ചോണ്ടു കണ്ണാ പെണ്ണിന് ഇത്തിരി കൊഞ്ചല് കൂടീട്ട്ണ്ട്….
അച്ഛൻ ചിരിയോടെ പറഞ്ഞു..
“ഓഹ് ഞാനെന്റെ ഏട്ടനോടല്ലേ കൊഞ്ചുന്നെ.. അതിനർക്കാ നഷ്ടം..
.ഇതെന്റെ സ്വത്താണ്… “
അവൾ കുറുമ്പോടെ പറഞ്ഞ് എന്റെ കവിളിൽ ഉമ്മവെച്ചു..
അവളുടെ പരിസരം മറന്നുള്ള സ്നേഹ പ്രകടനത്തിൽ ചമ്മി പോയ.. ഞാൻ ആകെ വല്ലാതായി. അച്ഛന്റേം അമ്മയുടേം അവസ്ഥയും അത് പോലെ തന്നെ ആയിരുന്നു.
“ഇങ്ങ് വന്നേ നീ…..
ഒന്നും സംഭവിക്കാത്ത മട്ടിൽ എല്ലാരേം മാറി മാറി നോക്കി നിൽക്കുന്ന അവളേം വലിച്ചു കൊണ്ട് ഞാൻ ബൈക്കിനടുത്തേക്ക് ഓടി…
തുടരും……
സ്നേഹത്തോടെ കണ്ണൻ😍