ഓരോ നെഞ്ചിടിപ്പിനും ബോഡി മുഴുവനായും പൾസ് ചെയ്യുന്ന പോലെ. ആഹ് കൊച്ചിന്റെ തലയും കത്തിയും കയ്യിൽ പിടിച്ചു ചോരയിൽ വാർന്നു കുളിച്ചു അവൾ എന്റെ പാസ്സന്ജർ സീറ്റിന്റെ അടുത്തേക്ക് നടന്നു വന്നു അതിന്റെ സൈഡിൽ നിന്നു കത്തി വച്ചു ഗ്ലാസിൽ മുട്ടി. എന്നാൽ ഞാൻ അവളെ നോക്കാനോ അങ്ങോട്ട്‌ തിരിയാനോ നിന്നില്ല. സത്യത്തിൽ എനിക്ക് സാധിക്കുന്നില്ല എന്ന് വേണം പറയാൻ.
പെട്ടെന്ന് ഗ്ലാസിലുള്ള തട്ടലിന്റെ ഫോഴ്സ് കൂടി കൂടി വന്നു.ടക്… ടക്… ടക്… എന്റെ വണ്ടിയുടെ ഗ്ലാസിനു എത്ര നേരം പിടിച്ചു നിലക്കാൻ ആകും എന്നറിയില്ല .ഞാൻ കയ്യിലെയും കാലിലെയും ശക്തി പണിപ്പെട്ടു വീണ്ടെടുത്തു ഇഗ്നിഷൻ കിടന്നു കറക്കാൻ തുടങ്ങി.വണ്ടി ആണേൽ സ്റ്റാർട്ട്‌ ആവുന്നില്ല.എത്ര ശ്രമിച്ചിട്ടും വണ്ടി സ്റ്റാർട്ട്‌ ആവുന്നില്ല.
അവസാനം വണ്ടിയുടെ ഗ്ളാസ്സിന് വിള്ളൽ വീഴാൻ തുടങ്ങി.അപ്പോഴും ഞാൻ പഠിച്ച പണി പതിനെട്ടു നോക്കിയിട്ടും വണ്ടി സ്റ്റാർട്ട്‌ ആകുന്നില്ല. അവസാനം അതും സംഭവിച്ചു. വണ്ടിയുടെ ഗ്ലാസ്‌ ഒരു വലിയ ശബ്ദത്തോടെ പൊട്ടി ചിതറി.
കുറെ ഗ്ലാസ്‌ സീറ്റിലും പുറത്തും ആയി ചിന്നിചിതറി കിടക്കുന്നു.ഇറങ്ങി ഓടിയാലോ എന്നൊരു ചെറിയ ചിന്ത മനസ്സിൽ വന്നെങ്കിലും എനിക്ക് റിയാക്ട് ചെയ്യാൻ ഉള്ള സമയം ഉണ്ടായിരുന്നില്ല. അവൾ ഉള്ളിൽ കൈ ഇട്ടു ഡോർ തുറന്നു എന്റെ പാസ്സന്ജർ സീറ്റിൽ കയറി ഇരുന്നു വാതിൽ അടച്ചു. ആഹ് കൊച്ചിന്റെ തല ഇപ്പോഴും അവളുടെ ഇടത്തെ കയ്യിൽ ഉണ്ട്. അതിൽ നിന്നും ചോര ഒലിച്ചു അവളും വണ്ടിയുടെ ആഹ് ഭാഗവും മുഴുവൻ ചോര.
എന്നെ നോക്കാതെ അവൾ മുൻപോട്ടു തന്നെ നോക്കി ഇരിക്കയാണ്. ആഹ് തലയെ മടിയിൽ വച്ചു ഇപ്പോൾ തലോടി കൊണ്ട് മു മ്പോട്ട് തന്നെ നോക്കി ഇരുന്നു. പെട്ടെന്ന് തന്നെ വണ്ടി സ്റ്റാർട്ട്‌ ആയി. പെട്ടെന്ന് ആയോണ്ട് തന്നെ ഞാൻ പേടിച്ചു ചാടി കൂകി പോയി. എന്നാലും പുറത്തേക്കിറങ്ങാൻ ഞാൻ കൂട്ടാക്കിയില്ല.4 മത്തെ റൂൾ.
ചത്താലും പുറത്തിറങ്ങരുത്.ചാവുന്നതിനേക്കാൾ ഭീകരമായിരിക്കും പുറത്തിറങ്ങിയാലുള്ള അവസ്ഥ. വണ്ടി സ്റ്റാർട്ട്‌ ആയതും ഞാൻ വിറക്കുന്ന കൈകൾ കൊണ്ട് വണ്ടി മുൻപോട്ടു എടുത്തു. അവൾ ഇപ്പോഴും ആഹ് ജീവനറ്റ കൊച്ചിന്റെ തലയിൽ തലോടി മുൻപോട്ടു നോക്കി ഇരിക്കിവാണ്. ആഹ് കൊച്ചിന്റെ കണ്ണ് ഇപ്പോഴും തുറന്നു തന്നെ ആണ് ഇരിക്കുന്നത്. ആ കണ്ണുകൾ എന്റെ നേരെയും. എന്നെ ഒന്നും ചെയ്യാത്തത്തിൽ ചെറിയ സംശയം തോന്നിയെങ്കിലും ഞാൻ ഇരുമ്പ് പോലെ ഇരുന്നു വണ്ടി ഓടിച്ചു കൊണ്ടേ ഇരുന്നു.
ഇതും കൂടി താണ്ടി പോയാൽ പിന്നെ എനിക്ക് ഒരു കൽപന കൂടെ താണ്ടിയാൽ മതി.പക്ഷെ എങ്ങനെ ഇതിനെ താണ്ടും എന്ന് അറിയില്ല. പുറത്തിറങ്ങുന്നത് അസാധ്യമാണ്. അപ്പൂപ്പൻ വീണ്ടും വീണ്ടും പറഞ്ഞതാണ്. പുറത്തിറക്കാൻ വേണ്ടി കാട് പലവിധം ശ്രെമിക്കുമെന്ന്. എന്ത് വന്നാലും പുറത്തിറങ്ങരുത് എന്നും മരിക്കുവാനേൽ കാറിന്റെ ഉള്ളിൽ കിടന്നു മരിക്കുന്നതായിരിക്കും ഇവിടെ കിട്ടാൻ പോകുന്നതിൽ ഉത്തമ മരണം എന്ന്.
അങ്ങനെ ധൈര്യം സംഭരിച്ചു മുൻപോട്ടു പോയിക്കൊണ്ടേ ഇരുന്നു ഒടുക്കം ആ പെണ്ണ് കത്തി കൊണ്ട് വഴിയുടെ ഒരു അറ്റത്തേക്ക് ചൂണ്ടി കാണിച്ചു. എനിക്ക് എന്താണെന്നു മനസ്സിലായില്ലെങ്കിലും അവൾ ചൂണ്ടിയ ഇടത്തു വണ്ടി സൈഡ് ആക്കി. കയറിയ പോലെ തന്നെ താടക തിരിച്ചും ഇറങ്ങി ഒന്നും പറയണ്ട് കാട്ടിലേക്ക് നടന്നു പോയി. അപ്പോഴാണ് ശെരിക്കും ശ്വാസം നേരെ വീണത്. പാവത്തിന് ഒരു ലിഫ്റ്റ് മാത്രമേ വേണ്ടീരുന്നുള്ളു.
പിന്നെന്തിനാ ആ കൊച്ചിനെ കൊന്നത് എന്നാലോചിച്ചു വണ്ടിയെടുത്തപ്പോഴാണ് ശ്രെദ്ധിക്കുന്നത് ആ താടക കൊച്ചിന്റെ തലയും വണ്ടിയിൽ ഇട്ടിട്ടാണ് ഇറങ്ങി പോയത്. ആഹ് കൊച്ചാണെൽ ഇപ്പൊ എന്നെ നോക്കി ചിരിച്ചു തല മാത്രമായി സീറ്റിൽ കിടക്കുന്നുണ്ട്. പോയ ഭയമൊക്കെ അതേപടി തിരിച്ചു വന്നു.ആ കൊച്ചിന്റെ ചുണ്ടിലും ആഹ് കൊലച്ചിരി ഉണ്ടായിരുന്നു ഇപ്പൊ. ബോഡി മൊത്തം പോയിട്ടും അഹങ്കാരം പോയിട്ടില്ല എന്ന് തോന്നുന്നു.
ഇതിനെ എന്ത് ചെയ്യും എന്നാലോചിച്ചു പോയികൊണ്ടിരുന്നപ്പോൾ ആണ് വണ്ടിയുടെ പെട്രോൾ കാലിയായത്. ഈ കാട്ടിൽ ഇറങ്ങി വണ്ടിയുടെ പെട്രോൾ നിറക്കുന്നതിലും വലിയ അപകടം വേറെ ഒന്നുമില്ല എന്ന് എനിക്ക് അറിയാമായിരുന്നു. ഞാൻ ആ കൊച്ചിന്റെ മുഖത്തേക്ക് നോക്കി. ഇപ്പൊ അവളുടെ കൊലച്ചിരിക്കു പകരം മുഖത്ത് ഭയമായിരുന്നു.
വെറും തല മാത്രം ഉള്ള ഇവളെ പേടിപ്പിക്കാൻ മാത്രം എന്ത് സാധനമാണ് ഇവിടെ ഉള്ളത് എന്നെനിക്കു ഊഹിക്കാൻ പോലും ആയില്ല.ഞാൻ മെല്ലെ പുറകോട്ടു തിരിഞ്ഞു ഒരു ക്യാൻ കയ്യിൽ എടുത്തു. എന്ത് വന്നാലും നേരിടുക തന്നെ.
ഇനിയുള്ള ആപത്തിനെ നേരിടാനുള്ള വഴിയും അപ്പൂപ്പൻ എനിക്ക് പറഞ്ഞു തന്നിട്ടുണ്ട്. ഞാൻ പയ്യെ വണ്ടിയുടെ ലോക്ക് തുറന്നു ഡോർ തുറന്നു പുറത്തേക്ക് പാളി നോക്കി. അവിടെ ആരും ഇല്ലെന്നു ഉറപ്പു വരുത്തിയ ശേഷം ഞാൻ ആഹ് കൊച്ചിനെ അല്ല അവളുടെ തലയെ നോക്കി ഇപ്പഴും അവളുടെ മുഖത്ത് ഭയമുണ്ട്. എന്തോ പെട്ടെന്ന് എനിക്ക് പാവം തോന്നി.തല മാത്രല്ലേ ഒള്ളൂ. ഇനി എങ്ങനെ ഇവൾ ഭക്ഷണം കഴിക്കും. “ഇപ്പൊ വരാട്ടോ ” ന്നും മെല്ലെ പറഞ്ഞു ഞാൻ പുറത്തേക്ക് ഇറങ്ങി.ചുറ്റും ആരും തന്നെ ഇല്ല. വെറും കാട്. കടുത്ത നിശബ്ദതയും. പക്ഷെ ഇത് വരെ ഉള്ള എന്റെ അനുഭവത്തിൽ നിന്നും എനിക്ക് മനസിലായി ഇവിടെ ഉള്ളതിനെ ഒന്നും കണ്ണ് കെട്ടി വിശ്വസിക്കരുത് എന്ന്.
പതിയെ ഇറങ്ങി നേരെ ചെന്ന് പെട്രോൾ ടാങ്ക് തുറന്നു ക്യാൻ എടുത്തു ഒഴിക്കാൻ തുടങ്ങി. അല്ലേലും എന്തേലും അത്യാവശ്യത്തിനു ചെയ്യുന്ന കാര്യങ്ങൾ എല്ലാം പാളിപോകുമല്ലോ അതുപോലെ തന്നെ ഒഴിച്ച പെട്രോൾ മുഴുവൻ പോകുന്നത് പുറത്തേക്കാണ്. ഒരു വിധം ശെരിക്കു പിടിച്ചു മുക്കാൽ ഭാഗം ടാങ്കിൽ എത്തിയതും പുറത്തു നിന്നും എന്തോ ഒരു ശബ്ദം കേട്ടു. എനിക്ക് അതോടെ മനസിലായി എന്റെ കാര്യം പോക്കായി എന്ന്.
എന്നാലും ധൈര്യം സംഭരിച്ചു കയ്യിൽ ബാക്കി ഉണ്ടായിരുന്ന പെട്രോൾ എടുത്തു ദേഹത്തൂടെ ഒഴിച്ച്. മെല്ലെ മെല്ലെ ശബ്ദമുണ്ടാക്കാതെ തിരിഞ്ഞു നോക്കുമ്പോൾ ദേ നില്കുന്നു മാടൻ. ഒറ്റനോട്ടത്തിൽ കണ്ടപ്പോൾ ശ്വാസം തന്നെ നിലച്ചു പോയ്. അത്രക്കും ഭയാനകമായ രൂപം. പെട്ടെന്ന് സ്വായബോധം തിരിച്ചെടുത്തു ആഹ് തങ്ങി നിന്ന ശ്വാസം അദ്ദേ പടി പിടിച്ചു വച്ചു.
അപ്പൂപ്പൻ പറഞ്ഞതനുസരിച്ചു മാടന് കണ്ണ് ഇല്ല.കേട്ടും മണത്തും ആണ് ഇരകളെ കണ്ടു പിടിക്കുന്നത്.ഞാൻ ശ്വാസം പോലും വിടാതെ അതിനെ തന്നെ നോക്കി നിന്നു. പെട്രോൾ ദേഹത്തു വീണതോടെ എന്റെ മണം അതിനു നഷ്ടപ്പെട്ടിട്ടുണ്ട്. അഞ്ചാമത്തെ കല്പന ഞാൻ തെറ്റിച്ചു. മാടന്റെ മുമ്പിൽ പെടരുത്. അതിനു ആഹ് കൊച്ചിന്റെ രക്തത്തിന്റെ മണം കിട്ടുന്നില്ലേ എന്ന് ഞാൻ സംശയിച്ചു. ഇപ്പൊ മൈന്റിലൂടെ പല പ്ലാനും ഓടി കൊണ്ടിരിക്കുന്നുണ്ട്. ഒരു വിചിത്ര രൂപമാണ് മാടന്. നീണ്ട കൈകൾ. എൻറെ അത്രയും നീളം കാണും ഒരു കയ്യിനു.
