ഞാൻ ഒന്നൂടെ റീർവ്യൂ മിററിലൂടെ അവളെ നോക്കി ഇപ്പോഴും അവളുടെ ചുണ്ടിൽ ആഹ് കൊല ചിരിയുണ്ട് പക്ഷെ ഇപ്പോൾ അവളുടെ കണ്ണിൽ സന്തോഷം അല്ല പകരം ദേഷ്യം ആണ്. കത്തുന്ന ദേഷ്യം. ഞാൻ തിരിഞ്ഞു നോക്കാത്തതിന്റെ ആണോ.
അവള് യക്ഷി അല്ലേൽ ഞാൻ കല്യാണം വരെ ഈ ടൈം കൊണ്ട് ഒറപ്പിച്ചേനെ ന്ന് ഈ വടയക്ഷിയെ ഞാൻ എങ്ങനെ പറഞ്ഞു മനസിലാക്കും.ഞാൻ അപ്പോഴും പിറകോട്ടു നോക്കാതെ വണ്ടി ഓടിച്ചു കൊണ്ടേ ഇരുന്നു. കുറച്ചു കൂടെ ദൂരം കഴിഞ്ഞിട്ടു ഈ തുരംഗം കണക്കിന് റോഡ് കഴിയാത്തതു കൊണ്ട് പ്രാകി റീർവ്യൂ മിററിൽ നോക്കുമ്പോ അവളുടെ ചിരിയെല്ലാം മാഞ്ഞിട്ടുണ്ട്.
കണ്ണുകളെല്ലാം നിറഞ്ഞിട്ടുണ്ട്. അതിൽ നിന്നും ഇപ്പൊ കണ്ണുനീർ ചാടും എന്നുകണക്കിന് ടാം കെട്ടിനിർത്തിയ പക്കം വെള്ളം നിറഞ്ഞിട്ടുണ്ട്. മൂക്ക് ചുമന്നു ആപ്പിൾ പോലെയും ചുണ്ട് ചെറിയ കുട്ടികളെ പോലെ താഴത്തെ ചുണ്ട് പൊക്കി പിടിച്ചു ഇപ്പൊ പൊട്ടികരയും എന്നാ പോലെ ഇരിക്കുന്നുണ്ട്.
ഇതെന്തു പ്രേതം ഈശ്വര.ഞാൻ ഒന്നും തന്നെ ചെയ്യാതെ വീണ്ടും കാർ ഓടിച്ചു കൊണ്ടിരുന്നു കുറച്ചു കഴിഞ്ഞപ്പോ വീണ്ടും നോക്കി ഇപ്പോൾ എന്റെ പുറകുവശം തന്നെ നോക്കിയിരുന്നു കരയുന്നുണ്ട്. കണ്ണിൽ നിന്നും വെള്ളം അങ്ങനെ ഒലിച്ചു വീഴുന്നുണ്ട്.
വെളുത്തു തുടുത്ത കവിളിൽ അതു ഒലിച്ചിറങ്ങി കഴുത്തിലേക്ക് പോകുന്നുണ്ട്. ആ കണ്ണുകളിൽ മുഴുവൻ പരിഭവം ആണ്. ചുണ്ട് കിടന്നു വിറക്കുന്നുണ്ട് ചെറിയ കുട്ടികളെ പോലെ.
എനിക്ക് എന്തോ കണ്ടിട്ട് സഹിക്കാൻ ആയില്ല പെട്ടെന്ന് തിരിഞ്ഞു നോക്കാൻ തല ചെരിച്ചതും വണ്ടിയുടെ ടയർ ഏതോ കുഴിയിൽ ചാടി പെട്ടെന്ന് മുൻപോട്ടു നോക്കി. വണ്ടി കൺട്രോളിൽ വന്നതും എനിക്ക് അപ്പൂപ്പന്റെ വാക്കുകൾ ഓർമ വന്നു. പെട്ടെന്നു ഞാൻ തരിച്ചു ഇരുന്നു പോയി. ഇപ്പൊ തിരിഞ്ഞിട്ട് ഞാൻ എന്ത് ചെയ്യാൻ പോകുകയായിരുന്നു.
എന്റെ നെഞ്ചിടിപ്പ് കൂടുന്നത് ഞാൻ അറിഞ്ഞു.ഞാൻ പയ്യെ മിററിലൂടെ നോക്കിയപ്പോൾ അവൾ എന്നെ ആ മിററിലൂടെ തുറിച്ചു നോക്കുന്നു. ആഹ് കണ്ണുകളിലെ ദേഷ്യം എന്നെ കരിച്ചു കളയുന്ന പോലെ തോന്നി എന്നാ അവളുടെ കുലചിരി ആഹ് ചുണ്ടിൽ കണ്ടതും എന്റെ കൈ കാൽ വീണ്ടും വിറക്കാൻ തുടങ്ങി.ഇപ്പൊ എന്റെ പുറത്തേക്കല്ല. മിററിലൂടെ എന്നെയാണ് അവൾ നോക്കുന്നത്.
ആഹ് കുലചിരിയും.ഞാൻ റോഡിലേക്ക് സ്ട്രൈറ് നോക്കി വണ്ടി ഓടിച്ചു കൊണ്ടേ ഇരുന്നു ഒടുക്കം ആ ടണ്ണലിന്റെ അവസാനം പതിയെ കാണാൻ തുടങ്ങി ഇപ്പോൾ തണുപ്പ് അധികമായി വരാൻ തുടങ്ങി. പല്ല് കൂട്ടിടിക്കുന്ന തണുപ്പ്.
ഞാൻ മിററിൽ നോക്കാതെ വണ്ടിയുടെ സ്പീഡ് കൂട്ടി .തണുപ്പ് കൂടുന്നതിനു അനുസരിച്ചു വണ്ടിയുടെ സ്പീടും കൂടി . അവസാനം ഐസ് പോലെ എന്തോ ഒന്ന് എന്റെ കഴുത്തിൽ തൊട്ടതും ഞാൻ കാറികൂകി ആ ഇരുട്ടിൽ നിന്നും പുറത്തേക്ക് വന്നു.
അപ്പൊ തന്നെ വണ്ടിയിലെ തണുപ്പ് പോകുകയും ചെയ്തു. എന്റെ കണ്ണിൽ നിന്നും കണ്ണുനീർ എല്ലാം വരുന്നുണ്ട്.ഇത്രയും ആശ്വാസം ഞാൻ ജീവിതത്തിൽ അനുഭവിച്ചിട്ടില്ല ഒരു ഇരട്ട പ്രസവിച്ച ആശ്വാസം . ഇത്രയും ഭംഗിയുള്ള ഒരു പെണ്ണിന് എങ്ങനെ എന്നെ ഇങ്ങനെ പേടിപ്പിക്കാൻ ആകും.
എന്തായാലും ജീവൻ തിരിച്ചു കിട്ടിയതിൽ വല്ലാത്ത ആശ്വാസത്തിൽ എത്ര പിടിച്ചു വെച്ചിട്ടും കണ്ണിൽ നിന്നും കണ്ണുനീർവന്നുകൊണ്ടേ ഇരുന്നു. ഞാൻ മെല്ലെ മിററിലേക്ക് നോക്കി. അവിടെ ആരും ഉണ്ടായിരുന്നില്ല. അവൾ ഇരുന്നിടത്തു ഒരു ചെമ്പരത്തി പൂ മാത്രം.വണ്ടി സ്ലോ ചെയ്തു മുമ്പോട്ട് തന്നെ പോയിക്കൊണ്ടിരുന്നു.
ഞാൻ പാസ്റ്റിൽ ചെയ്ത കാര്യങ്ങളെ കുറിച്ച് ഓർത്തു വിലപിക്കാറില്ല ചെയ്തു പോയതിനെ കുറിച്ച് വിഷമിച്ചിട്ടു അതു മാറ്റൽ നടക്കില്ലലോ എന്നാണ് എന്റെ പക്ഷം എന്നാൽ ഇപ്പൊ ഇവിടെ എന്തിനു കേറി വന്നു എന്ന് ഞാൻ എന്നോട് തന്നെ ഒരുപാട് തവണ ചോദിക്കുന്നുണ്ട്.
ആ ഗ്രാമം എന്റെ അമ്മയുമായി ബന്ധമുള്ളതാണ് എന്നതിന് ഒരു തെളിവ് പോലും ഇല്ല. ഇപ്പൊ വണ്ടി പോകുന്നത് ഇച്ചിരി വെളിച്ചം ഉള്ള ഏരിയയിൽ കൂടെ ആണ് ഇവിടെ ആണ് മൂന്നാമത്തെ കല്പന പാലിക്കേണ്ടത്.
എനിക്ക് എന്റെ കയ്യും കാലും വിറക്കുന്നത് അറിയാമായിരുന്നു.കാരണം അപ്പൂപ്പൻ പറഞ്ഞെ അനുസരിച്ചു ഇനിയാണ് എന്റെ ജീവന് ഏറ്റവും ആപത്തു.എന്നാലും സകല ധൈര്യവും സംഭരിച്ചു ഞാൻ ആക്സെലേറ്റർ ചവിട്ടി മുൻപോട്ടു വിട്ടു. അല്ലാതെ ഇനി രക്ഷയില്ല.
ഇപ്പൊ പോയികൊണ്ടിരിക്കുന്നത് അത്രക്ക് ഇരുട്ടുള്ള പ്രദേശം അല്ലാത്തത് കൊണ്ട് കുറെയൊക്കെ ധൈര്യം പോകെ പോകെ കൈവന്നു. എന്നാലും ഇങ്ങനെ ഒക്കെ നടക്കുന്നതിൽ നന്നായി ആശ്ചര്യമുണ്ട്. ഇങ്ങനെ ഒരു കാട് ഒരു ഗ്രാമത്തെ സംരക്ഷിക്കണം എന്നുണ്ടെങ്കിൽ അതിനു എന്തോ കാര്യമുണ്ട്.
എന്റെ അമ്മയും അച്ഛനും അവിടെ നിന്നാണ് വന്നിരുന്നത് എങ്കിൽ എന്റെയും ചേച്ചിയുടെയും ബാക്കി കുടുംബം അവിടെ ഉണ്ടായേക്കാം.
അങ്ങനെ ആഹ് വഴി പൊക്കൊണ്ടിരിക്കുമ്പോൾ മൂന്നാമത്തെ കല്പനക്കനുസരിച്ചു റോഡിന്റെ സൈഡിൽ നിൽക്കുന്നുണ്ട് ഒരു പെൺകുട്ടി. വളരെ സുന്ദരിയായ ആര് കണ്ടാലും കൊഞ്ചിച്ചു പോകുന്ന ഒരു ക്യൂട്ട് കുട്ടി. എനിക്ക് ഇപ്പൊ ആഹ് അപ്പൂപ്പൻ പറഞ്ഞു തന്നതൊന്നും അറിവില്ലാഞ്ഞതന്നെങ്കിൽ ഞാൻ എന്തായാലും ആഹ് കുട്ടിയെ കണ്ടു വണ്ടി നിർത്തി എന്താ ഈ കാട്ടിൽ ഒറ്റയ്ക്ക് നില്കുന്നത് എന്ന് തിരക്കിയെനെ.
എന്നാൽ ഇപ്പൊ എനിക്ക് കൂടുതൽ അറിയാം. നിർത്തുന്നത് എന്റെ ജീവന് ആപത്താണ്. ഞാൻ ആഹ് കൊച്ചിനെ മുമ്പിൽ വണ്ടി നിർത്താതെ നേരെ ഓടിച്ചു കൊണ്ടിരുന്നു.
കുറച്ചു ദൂരം കഴിഞ്ഞപ്പോയെക്കും വീണ്ടും ആ കൊച്ചിനെ തന്നെ കണ്ടു എന്നാൽ ഈ പ്രാവിശ്യം അവളുടെ കൂടെ അവളുടെ അമ്മ ഉണ്ടായിരുന്നു. ദാവനി തന്നെ വേഷം. ഞാൻ ആഹ് പെണ്ണിന്റെ ഭംഗി ഒന്നും ആസ്വദിക്കാൻ നിക്കാതെ വീണ്ടും അവരെ താണ്ടി വണ്ടി ഓടിച്ചു പോയികൊണ്ടിരുന്നു. കുറെ കൂടി ദൂരം താണ്ടിയപ്പോൾ അവരെ വീണ്ടും കണ്ടു. എന്നാൽ ഇപ്പ്രാവഷ്യം ആ തള്ളയുടെ കയ്യിൽ ഒരു കത്തി ഉണ്ടായിരുന്നു.
ഞാൻ അവരുടെ മുമ്പിൽ കൂടി പോകുന്ന സമയം ആഹ് തള്ള കത്തി എടുത്ത് ആഹ് കുട്ടിയുടെ കഴുത്തു മുറിക്കാൻ തുടങ്ങി.പെട്ടെന്ന് കണ്ടതിൽ ജീപ്പ് കയ്യിൽ നിന്നു ഒന്ന് പാളിയെങ്കിലും ഞാൻ പെട്ടെന്ന് സ്വായബോധം വീണ്ടെടുത്തു. ആഹ് കുട്ടിയുടെ തല മുഴുവനായിട്ടു ആഹ് പെണ്ണ് അറുതോണ്ടിരിക്കുവാണ്. ചോര കൊണ്ട് രണ്ടു പേരും കളിച്ചിട്ടുണ്ട്. അവരുടെ തൊട്ടു മുമ്പിൽ എത്തിയതും എന്റെ വണ്ടി ഓഫ്‌ ആയി.
എത്ര ശ്രമിച്ചിട്ടും വണ്ടി സ്റ്റാർട്ട്‌ ആവുന്നില്ല. ഈ സമയം കൊണ്ട് ആ പെണ്ണ് ആ കുട്ടിയുടെ തല മുഴുവനായും അറുത്തെടുത്തിട്ടുണ്ട്. ആ കുട്ടിയുടെ കരച്ചിൽ ഇപ്പോഴും ചെവിയിൽ മുഴങ്ങി കേൾക്കാം. എന്റെ നെഞ്ചിടിച്ചിട്ടു രക്തം ബോഡിയിൽ ഒഴുകുന്നത് ശെരിക്ക് അറിയുന്നുണ്ടായിരുന്നു.
