സമയം രാത്രി 12 മണി ആവാറായി. ഉച്ചക്ക് കുറച്ച് ആഹാരം കഴിച്ചത്, പിന്നെ ഇത്രയും നേരമായിട്ടും ഒരു വക കഴിച്ചിട്ടില്ല. തളർച്ചയോടെ അവൾ സിദ്ധുവിനെ നോക്കി.
” എന്തുപറ്റി ? ” അവൻ ചോദിച്ചു.
” എനിക്ക് വിശക്കുന്നു. നേരം ഇത്രയായിട്ടും ഒരു വക കഴിച്ചിട്ടില്ല. പാർട്ടിയുടെ സ്ഥലത്ത് നല്ല ഫുഡ് ഉണ്ടായിരുന്നതാ,നിങ്ങളുടെ നശിച്ച സ്വഭാവം കാരണം അവിടെനിന്നും ഒരു വക കഴിക്കാൻ പറ്റിയില്ല.” അഞ്ജലി വിശപ്പിന്റെ ദേഷ്യത്തിൽ പറഞ്ഞു.
” ഇവിടെ മൊത്തം കാടാ… ഹോട്ടലൊന്നും ഉണ്ടാവാൻ വഴിയില്ല. ” സിദ്ധു പറഞ്ഞു.
” എനിക്ക് വിശക്കുന്നു… ” അവൾ പല്ല് കടിച്ചു കൊണ്ട് പറഞ്ഞു.
” നമുക്ക് നോക്കാം ചിലപ്പോ ഇവിടെ വല്ല തട്ടുകടയും മറ്റും കാണും. “
കാറ് വീണ്ടും ഒരുപാട് ദൂരം മുന്നോട്ട് പോയി. പെട്ടന്നാണ് ഹോട്ടൽ എന്ന ബോർഡ് അവന്റെ ശ്രദ്ധയിൽ പെട്ടത്.
അത് കണ്ട് അഞ്ജലിയുടെ മുഖം തെളിഞ്ഞു. സിദ്ധു വേഗം അവിടേക്ക് വണ്ടി കയറ്റി നിർത്തി. ഒരു ലോക്കൽ സെറ്റപ്പ് ഹോട്ടൽ.
” ഇവിടെ വച്ച് കഴിക്കണോ..? ” സിദ്ധു ചോദിച്ചു.
” ഇവിടെങ്ങും വേറെ ഹോട്ടലൊന്നും ഉണ്ടാവില്ല, ഇന്ന് ഒരു ദിവസതേക്കല്ലേ നമുക്ക് അഡ്ജസ്റ്റ് ചെയ്യാം. ” അഞ്ജലി പറഞ്ഞു.
ഒന്നാലോചിച്ചപ്പോ അതാണ് നല്ലതെന്ന് അവന് തോന്നി. കൈ കഴുകി ഇരുവരും അകത്ത് ഇരുന്നു. ആകെ വിരലിൽ എണ്ണാവുന്ന ആളുകൾ മാത്രമേ അവിടെ ഉള്ളു.
ജോലിക്കാരൻ അവരുടെ അടുത്തേക്ക് വന്നു ” എന്താ കഴിക്കാൻ വേണ്ടത്..? “
” ഇവിടെ എന്താ ഉള്ളത്..? “
സിദ്ധു ചോദിച്ചു.
” നിങ്ങക്ക് എന്താ വേണ്ടത്..? “
അയാൾ തിരിച്ചു ചോദിച്ചു.
” ഇവിടെ ദോശയുണ്ടോ ? ” അഞ്ജലി ചോദിച്ചു.
” ഇല്ല. “
” ചപ്പാത്തിയോ..? “
” അതും ഇല്ല. “
” പിന്നെ ഇവിടെ എന്നാ ഉള്ളത്..? ” സിദ്ധു ദേഷ്യത്തോടെ തട്ടി കയറി.
” ഇവിടെ പൊറോട്ട മാത്രേ ഉള്ളു. ” അയാൾ പറഞ്ഞു.
” എന്നാ തനിക്കിത് ആദ്യമേ പറഞ്ഞൂടെ…” സിദ്ധു ദേഷ്യത്തോടെ മുരണ്ടു.
” സിദ്ധു ഒന്ന് അടങ്, ഞാൻ പറഞ്ഞോളാം…” അഞ്ജലി ഒരു വിധത്തിൽ പറഞ്ഞൊപ്പിച്ചു.
” ചേട്ടാ.. 4 പൊറോട്ട എടുത്തോളു, കറി എന്തായാലും കുഴപ്പമില്ല. പിന്നെ ഇവിടെ കുടിക്കാൻ എന്താ ഉള്ളത്..? ” അഞ്ജലി ചോദിച്ചു.
” കോളയുണ്ട്, ജ്യൂസ് ഉണ്ട്, ചായയുണ്ട്. “
” സിദ്ധുവിന് എന്താ വേണ്ടത് ? ” അഞ്ജലി ചോദിച്ചു.
” എന്തേലും പറ ” അവൻ മുഖം തിരിച്ചുകൊണ്ടു പറഞ്ഞു.
” ചേട്ടാ രണ്ട് പൈനാപ്പിൾ ജ്യൂസ്. ഫ്രഷ് വേണം ” അഞ്ജലി ഓർമിപ്പിച്ചു.
” ഇവിടെ എല്ലാം ഫ്രഷ് ആണ് ” അതും പറഞ്ഞ് അയാൾ അടുക്കളയിലേക്ക് പോയി.
” നീ എന്തിനാ ഇപ്പോ അയാളോട് ചൂടായത് ? ” അഞ്ജലി ചോദിച്ചു.
” അവൻറെ സംസാരം നീയും കേട്ടതല്ലേ. കസ്റ്റമേഴ്സിനോട് എങ്ങനെ പെരുമാറണമെന്ന് അറിയില്ല. “
” നമ്മൾ അയാളെ മര്യാദ പഠിപ്പിക്കാൻ വന്നതല്ലല്ലോ,ആഹാരം കഴിക്കാൻ വന്നതല്ലേ,അപ്പോ അതുമാത്രം നോക്കിയാൽ പോരെ ” അഞ്ജലി പറഞ്ഞു. സിദ്ധു പിന്നെ ഒരക്ഷരം മിണ്ടിയില്ല.
ഈ സമയം ലോറിക്കാരൻ ചക്കര ഹോട്ടലിന്റെ അകത്തേക്ക് കയറി. അഞ്ജലിയെ നോക്കി ഒരു വഷളൻ ചിരി ചിരിച്ച് അവരുടെ എതിർവശത്തായി ഇരുന്നു. മഞ്ഞ നിറത്തിലുള്ള ബനിയനും, ഓവർ കോട്ടും ഒരു ജീൻസ് പാന്റുമാണ് അവളുടെ വേഷം. സിദ്ധുവിൻറെ ശ്രദ്ധയിൽ പെടാതെ അഞ്ജലി അയാളെ പാളി നോക്കി. നല്ല ഉരുക്ക് ശരീരം അയാൾടെ കെട്ടിയോളുടെ ഒരു ഭാഗ്യം, ദിവസവും എടുത്തിട്ട് പണിയുന്നുണ്ടാവും. കെട്ടുവാണെങ്കിൽ ഇതുപോലുള്ള ഒരുത്തനെ കെട്ടണം. അഞ്ജലി അയാളുടെ തുടയിലേക്ക് നോക്കിക്കൊണ്ട് ഓരോന്ന് ആലോചിച്ചു.
പെട്ടന്നാണ് അഞ്ജലിയുടെ നോട്ടം സിദ്ധാർത്ഥന്റെ ശ്രദ്ധയിൽപ്പെട്ടത്, അവൻ ഉടനെ തിരിഞ്ഞു നോക്കി. അഞ്ജലിയെ നോക്കി ചോരയൂറ്റി കുടിക്കുകയാണ് അയാൾ.