ഈ സമയത്ത് റീന ഫോണ് ഓണാക്കി വച്ച് ശബ്ദം ഉയര്ത്തി തടിയനോട് തന്നെ രക്ഷിക്കണം എന്ന് തുടരെ പറഞ്ഞുകൊണ്ടിരിക്കുകയായിരുന്നു. അവര് അവളെ പരിഹസിക്കുകയും ശരീരത്തില് അവിടവിടെ പിടിക്കുകയും ചെയ്തുകൊണ്ട് മദ്യം കുടിച്ച് അറുമോദിക്കുകയായിരുന്നു. അവളുടെ ഇളംശരീരം അനുഭവിക്കാനുള്ള ആര്ത്തിയില് ആയിരുന്നു നാലുപേരും.
“സര് എങ്ങോട്ടാണ് പോകേണ്ടത്..” ഡ്രൈവര് വസീമിനോട് ചോദിച്ചു.
“താന് തല്ക്കാലം നേരെ വിട്..എനിക്ക് സൈബര് സെല്ലില് നിന്നും ഇന്ഫര്മേഷന് ഉടനെ കിട്ടും…” വസീം അസ്വസ്ഥതയോടെ പറഞ്ഞു. മറ്റേ ഫോണ് അപ്പോഴും പ്രവര്ത്തനത്തില് ആയിരുന്നത് കൊണ്ടാണ് വസീം തന്റെ സ്വകാര്യ മൊബൈല് നമ്പര് അവര്ക്ക് നല്കിയത്. അല്പം കഴിഞ്ഞപ്പോള് സൈബര് സെല്ലില് നിന്നും വിളിയെത്തി.
“യെസ്…വസീം ഹിയര്..ട്രേസ് ചെയ്തോ?”
“യെസ് സര്..ആ ഫോണ് ഇപ്പോള് പാലാ മൂവാറ്റുപുഴ റോഡില് സഞ്ചാരത്തിലാണ്….ടവര് പരിധികള് മാറുന്നതനുസരിച്ച് ഞങ്ങള് സാറിനു ഫീഡ് ബാക്ക് നല്കാം…” സൈബര് സെല്ലിലെ ഉദ്യോഗസ്ഥന് വസീമിനോട് പറഞ്ഞു.
“ഒകെ താങ്ക്സ്…”
“വണ്ടി നേരെ മൂവാറ്റുപുഴയ്ക്ക് വിടൂ..” വസീം ഡ്രൈവര്ക്ക് നിര്ദ്ദേശം നല്കി. ബോലേറൊ ഇരമ്പലോടെ മുന്പോട്ടു കുതിച്ചു പാഞ്ഞു.
“എന്താ സര് പ്രശ്നം?” ഒപ്പമുണ്ടായിരുന്ന ഒരു പോലീസുകാരന് ചോദിച്ചു.
“അറിയില്ല..ഏതോ പെണ്കുട്ടി അപകടത്തിലാണ്…താന് വയര്ലെസ്സില് മൂവാറ്റുപുഴ സ്റ്റെഷന് ഒന്ന് കണക്റ്റ് ചെയ്യ്…” വസീം പറഞ്ഞു. അയാളുടന് കര്മ്മനിരതായി.
“സര് മൂവാറ്റുപുഴ എസ് ഐ….” അയാള് വയര്ലെസ്സ് വസീമിന് നല്കി.
“ഹലോ..ങാ മധു..എടാ ഇത് ഞാനാ വസീം..ഏതോ ഒരു വണ്ടി പാലായില് നിന്നും മൂവാറ്റുപുഴ ഭാഗത്തേക്ക് വരുന്നുണ്ട്….അതില് ഒരു പെണ്കുട്ടിയെ കടത്തുന്നുണ്ടോ എന്നൊരു സംശയം..വണ്ടി തമിഴ്നാട് രജിസ്ട്രേഷന് ആകാന് ചാന്സുണ്ട്..സംശയകരമായി ഓവര് സ്പീഡില് വല്ല വണ്ടിയും കണ്ടാല് തടയാനുള്ള ഏര്പ്പാട് ചെയ്യണം..ഞാന് അങ്ങോട്ടേക്ക് ഉള്ള വഴിയിലാണ്..ഓവര്…”
“ഷുവര്..ഞങ്ങള് പട്രോളിങ്ങില് ആണ്…ഡോണ്ട് വറി..ഓവര്…”
മറുഭാഗത്ത് നിന്നും മറുപടി എത്തി.
“കമോണ് ക്യുക്ക്….” വസീം പറഞ്ഞു. വണ്ടി പടക്കുതിരയെപ്പോലെ മുന്പോട്ടു കുതിച്ചു പാഞ്ഞു.
റീനയുമായി സുമോ കുതിക്കുകയായിരുന്നു.
“എടേയ് ജോസ്..നമ്മള് മൂവാറ്റുപുള കളിഞ്ഞു പോന്ന വളിക്ക് പെരിയ കാടുകള് ഇറുക്ക്..തേനി വരെ ഇന്ത രാസാത്തിയെ നോക്കി കൊതിക്കണ്ടി വരില്ല..”
അണ്ണാച്ചി റീനയുടെ തുടുത്ത കവിളുകളില് കൈവിരലുകള് അമര്ത്തി കാമാര്ത്തിയോടെ പറഞ്ഞു.
“കാട്ടിലൊന്നും പോണ്ട അണ്ണാച്ചി..കമ്പംമേട്ടില് നമുക്കൊരു സെറ്റപ്പ് ഉണ്ട്..അവിടെ നല്ല വെടി ഇറച്ചിയും കഴിച്ച് ഇവളെ വെടി വച്ച് കളിക്കാം…ഹഹ്ഹ..” മദ്യലഹരില് ആയിരുന്ന ജോസ് പറഞ്ഞു. എല്ലാവരും ചിരിച്ചു.
റീന മനസുരുകി പ്രാര്ഥിക്കുകയായിരുന്നു. കേരളം കഴിഞ്ഞാല് പിന്നെ താന് രക്ഷപെടാന് പോകുന്നില്ല എന്നവള്ക്ക് അറിയാമായിരുന്നു.
“മൂവാറ്റുപുള..പത്തു കിലോമീറ്റര്” ഡ്രൈവര് ശിവപ്പ സൈന് ബോര്ഡ് നോക്കി പറഞ്ഞു.
“ഡേയ് പുള അല്ല പുഴ..ഈ തമിഴന്മാര്ക്ക് ഴ വഴങ്ങത്തില്ലല്ലോ..നാക്ക് വടിക്കാത്ത ജാതി” ജോസ് കുപ്പി കാലിയാക്കി വണ്ടിയുടെ പിന്നില് ഇട്ടുകൊണ്ട് പറഞ്ഞു.
“അണ്ണാ..ദാ പാര്..”
ശിവപ്പ പരിഭ്രമത്തോടെ പറഞ്ഞത് കേട്ടു എല്ലാവരും നോക്കി. അല്പം അകലെ പോലീസ് രണ്ടു സൈഡിലും നിന്നുകൊണ്ട് വണ്ടികള് പരിശോധിക്കുന്നു. അവര് വണ്ടി തടഞ്ഞ് ഉള്ളിലേക്ക് നോക്കിയ ശേഷം വിടുന്നത് കണ്ടപ്പോള് അണ്ണാച്ചി അപകടം മണത്തു.
“ജോസേ..അപകടം..ടാ ശിവപ്പാ..വണ്ടി നിരത്ത്..എന്നിട്ട് തിരുമ്പി വിട്..അങ്ങ് പിന്നാടി കട്ടപ്പനയ്ക്ക് പോകാന് ഒരു ഊടുവഴി ഇറുക്കെ…ഉം ശീഘ്രം…”
അയാള് ശിവപ്പയ്ക്ക് നിര്ദ്ദേശം നല്കി. ജോസും മുന്പില് ഇരുന്ന മറ്റേ തമിഴനും കുടിച്ച മദ്യം ആവിയായി പോയിരുന്നു. പോലീസ് വണ്ടി തടയുന്നു എന്ന് കേട്ട റീനയുടെ മനസ് സന്തോഷം കൊണ്ട് തുള്ളിച്ചാടി. പക്ഷെ വണ്ടി തിരികെ വിടാന് പോകുകയാണ് എന്നറിഞ്ഞപ്പോള് അവള് കുതറി.