“ഒരല്പം മുൻപോട്ട് നടന്നാൽ ഇടതു വശം മാറിയൊരു കോൺഗ്രീറ്റ് റോഡ് കാണും….അതിലേ നേരെയങ്ങു കയറിയാൽ മതി….”“
എനിക്കുള്ള വഴിയും പറഞ്ഞുതന്നു ആളാളുടെ പാട്ടിനു പോയി….ഫോണും കയ്യിൽ പിടിച്ചു പുള്ളിക്കാരൻ പറഞ്ഞ വഴി തപ്പി ഞാൻ നടന്നു…ഒരല്പം നടന്നപ്പോൾ തന്നെ കോൺഗ്രീറ്റ് ചെയ്തൊരു വഴി കിട്ടി….റോഡ് വഴി പോയാൽ ഒരുപാട് ചുറ്റി വളഞ്ഞു വേണം ചെല്ലാൻ ഇതാവുമ്പോ നേരെയങ് എത്തിക്കോളുമായിരിക്കും….ചുമ്മാ പോയൊരു ചായകുടിക്കാനുള്ള പ്ലാനിൽ ആണ് ഞാൻ……കോൺഗ്രീറ്റ് റോഡിനു രണ്ടു വശവും അടുത്തടുത്തല്ലെങ്കിലും വീടുകളൊക്കെയുണ്ട്….വലുതുമല്ല എന്നാലൊരുപാട് ചെറുതുമല്ലാത്ത രീതിയിൽ പണിത വീടുകൾ….
അങ്ങനെ കവലയിലെത്തി ഒരു കാലിചായയും മൊരിഞ്ഞ രണ്ടു പഴംപൊരിയും നോക്കിയെടുത്തു കഴിച്ച ശേഷം ഞാൻ വീണ്ടുമിറങ്ങി നടന്നു….വേറെങ്ങോട്ടുമല്ല വീട്ടിലേക്ക് തന്നെ…..വന്ന വഴിയേ തന്നെ പോകാൻ തിരിഞ്ഞ ഞാൻ പെട്ടെന്നുള്ളയെന്തോ ഒരു തോന്നലിൽ മെയിൻ റോട്ടിലൂടെ തന്നെ പോകാൻ തീരുമാനിച്ചു…
“നടക്കാൻ ഒരുപാട് കാണും….”“
ഉള്ളിലിരുന്നാരോ പറയുന്നത് പോലെ….ഒരു മുന്നറിയിപ്പ്….വഴിയുണ്ട്…അടുത്ത തന്നെ കടയിൽ കയറിയൊരു കുപ്പി തണുത്ത വെള്ളവും വാങ്ങി കയ്യിൽ പിടിച്ചു ഞാൻ നടന്നു…ഹല്ല പിന്നേ……നാടു കാണാൻ വന്നവൻ നാടു കാണുക തന്നെ വേണം……മുൻപിൽ കണ്ടവർക്കെല്ലാമൊരു ചെറു ചിരിയും കൊടുത്തു ഞാൻ നീട്ടിയങ്ങു നടക്കാൻ തുടങ്ങി………
———–********——-******————
”“”“ഓഒഹ്ഹ് മൈര്…..ആ വഴി തന്നെ പോയാ മതിയാർന്നു…”“”“”“
വഴിയിൽ കണ്ടൊരു പോസ്റ്റും ചാരി നിന്ന് വെള്ളം കുടിച്ചോണ്ട് ഞാൻ കിതച്ചു……പുല്ല് കഴപ്പ് കേറിയിറങ്ങി നടന്നതാ…വീട്ടിൽ വിളിച്ചച്ചനോട് പിക്ക് ചെയ്യാൻ പറഞ്ഞാലോ…..ഓരോന്നാലോചിച്ചു നിന്ന എന്നെയും കടന്നൊരു പ്രൈവറ്റ് ബസ് പോയി…..അങ്ങോട്ട് വല്ലതും പോണ ബസ് ആയിരിക്കോ……
കൊറച്ചു മാറിയുള്ള സ്റ്റോപ്പിൽ ബസ്സ് നിർത്തിയതും ഞാൻ കുപ്പിയും താങ്ങിപ്പിടിച്ചു അവിടേക്ക് വലിച്ചു നടന്നു….കിളിയോട് ചോദിച്ചു നോക്കാ…………..
”ചേട്ടാ….“”“”“”“
ബസ്സിന് പിറകിലെത്തിയ ഞാൻ ഏറ്റവും പിറകിലിരിക്കുന്ന കൊമ്പൻ മീശക്കാരനെ നോക്കി വിളിച്ചു…എന്റെ വിളി കേട്ടയാൾ ഡോർ തുറന്നുകൊണ്ടെന്നേ നോക്കി….
എവിടേക്ക് പോകുന്ന ബസ്സ് ആണെന്ന് ചോദിക്കാൻ വാ തുറന്ന ഞാനൊരു വരി വാക്കുകൾ പോലും വെളിയിലേക്ക് വരാതെ പതുങ്ങി നിന്നുപോയി…ചാരു….വീണ്ടുമെന്റെ ചാരു……ട്രാവൽ ബാഗും തോളിൽ തൂക്കി പിറകിലെ ഡോറിലൂടെ ഇറങ്ങാനായി നിൽക്കുന്ന എന്റെ ടീച്ചർ…….അവളെന്നെ കണ്ടിട്ടില്ല…ബാഗിന്റെ കനം കൊണ്ടാണെന്നു തോന്നുന്നു വളരേ സാവധാനം സ്റ്റെപ്പുകൾ നോക്കി നോക്കി ആണ് ഇറങ്ങുന്നത്….അവളിറങ്ങി തിരിഞ്ഞതും കിളിയെന്നോട് ഉറക്കെ ചോദിച്ചു
“കേറുന്നില്ലേ…?
ഞാനാ ചോദ്യം കേട്ടുവോ എന്ന് പോലും സംശയമായിപ്പോയി…എന്റെ നിൽപ്പും ഭാവവും കണ്ടിട്ടാണെന്ന് തോന്നുന്നു അയാളൊരു താല്പര്യമില്ലാത്തത് പോലെ മണിയടിച്ചു വണ്ടി പോകാനുള്ള സിഗ്നൽ കൊടുത്തു……ഒരിരമ്പലോടെ വണ്ടി മുൻപോട്ട് പോയതും ബാഗിന്റെ വള്ളികൾ ഒന്ന് കൂടെ അഡ്ജസ്റ്റ് ചെയ്തുകൊണ്ട് ചാരുവെന്റെ നേരെ തിരിഞ്ഞു….
ഞാൻ ഇപ്പൊ പറയാം അവിടെ എന്താവും നടന്നിട്ടുണ്ടാവുക എന്ന്….അലസമായി കണ്ണുകളുയർത്തി നോക്കിയ ചാരു കാണുന്നത് ഒരു കുപ്പി വെള്ളവും പിടിച്ചവളെ തന്നെ നോക്കി നിൽക്കുന്ന എന്നെയാവും….പെട്ടെന്നുള്ളയാ എന്റെ വരവിൽ അത്ഭുതംകൂറി അവളുടെ ഉണ്ടകണ്ണുകളൊന്ന് തള്ളി വരും…പിന്നെയാ കണ്ണുകൾ വിടരും..പക്ഷെ അതിലൊളിഞ്ഞിരിക്കുന്ന ഭാവം എനിക്ക് പരിചയമുള്ളത് ആവില്ല…എന്റെ കണക്ക് കൂട്ടലുകളൊന്നും തെറ്റാതെ തന്നെ നടന്നു…കണ്ണുകൾ മിഴിച്ചവളെന്നെയൊന്നു നോക്കി….യാത്രാക്ഷീണം കാരണം വിയർപ്പു പൊടിഞ്ഞ മുഖം…..പെട്ടെന്നവൾ ചുറ്റിനും നോക്കാൻ തുടങ്ങി…ഇവളിതാരെയാ നോക്കുന്നെ…അവൾ നോക്കിയ സ്ഥലങ്ങളിലേക്കെല്ലാം ഞാനുമൊന്ന് നോക്കി…ഒരൊറ്റ മനുഷ്യനില്ല ആ പരിസരത്തെങ്ങും……