ഒന്നും പറയാനാവാതെ തിരിഞ്ഞു നടക്കാനാണ് എനിക്ക് വീണ്ടും തോന്നിയത്…അല്ലെങ്കിലവളുടെ കണ്ണുനീരിനു മുൻപിലെനിക്ക് ചിലപ്പോ പിടിച്ചു നിൽക്കാനായെന്ന് വരില്ല…..പക്ഷെ പിറകിൽ നിന്നൊരു കാലനക്കം കേട്ടതും ഞാൻ തിരിഞ്ഞു നോക്കി….
കൊടുങ്കാറ്റുപോലെയാണവളെന്നെ വന്നു പൊതിഞ്ഞത്….. ഒരുനിമിഷം എന്താണ് സംഭവിക്കുന്നതെന്ന് പോലും മനസിലാവാതെ ഞാനങ്ങനയേ നിന്നുപോയി…. ചാരു…അവളെന്നെ കെട്ടിപിടിച്ചിരിക്കുന്നു….. ഇതുവരെയുള്ളെതെല്ലാം പറഞ്ഞവസാനിപ്പിച്ചു മടങ്ങാൻ നിന്നെയെന്നെ കരഞ്ഞു കൊണ്ടവൾ കെട്ടിപിടിച്ചിരിക്കുന്നു…… എന്താണവളുടെ മനസ്സിൽ…….
“ചാരു….”
ആശങ്കനിറഞ്ഞ മനസ്സോടെ ഞാനവളെ വിളിച്ചു….. അവളുടെ നിറഞ്ഞ മാർക്കുടങ്ങളെന്റെ നെഞ്ചോട് ചേർന്നിരുന്നു കരച്ചിലിനോടൊപ്പം കുലുങ്ങുന്നത് ഞാനറിയുന്നുണ്ട്… പക്ഷെ അതിലേക്കൊന്നും എനിക്ക് ശ്രദ്ധമാറ്റാനാകുന്നില്ല……
“ചാരുവേ.. ഒന്ന് നോക്കെടി…. നീയെന്തിനാ ഇങ്ങനെ കരയുന്നെ…. ആആഹ്‌…!!!!!!!
പറഞ്ഞു തീർന്നതും പൽവാൾ ദേവനെ കണ്ട ദേവസേനയെപ്പോലെയവൾ ചീറിക്കൊണ്ടൊരടിയായിരുന്നു….. പടക്കം പൊട്ടുന്നത് പോലൊരു ശബ്ദത്തോടെ അവളുടെ കയ്യിലെയഞ്ചു വിരലുകളും എന്റെ കവിളിൽ പതിഞ്ഞു ……
തലയൊന്ന് കറങ്ങിപ്പോയ എനിക്ക് കൊറച്ചു സമയം വേണ്ടി വന്നു എന്താണ് സംഭവിക്കുന്നതെന്നും മുൻപിൽ നില്കുന്നത് ആരാണെന്നും മനസിലാക്കാൻ…… നിറഞ്ഞു ചുവന്ന കണ്ണുകളും ദേഷ്യം കൊണ്ടു വിറക്കുന്ന കവിളുകളും
“എന്തിനായെ….!!!!
കാരണം തിരക്കി തുടങ്ങും മുൻപേ അവളെന്റെ തോളിലും കയ്യിൽ മാറി മാറിയടിക്കാൻ തുടങ്ങി…. കൊച്ചു പിള്ളേരെപ്പോലെ….. ഇടക്ക് വിതുമ്പി വിതുമ്പി കരയുന്നുമുണ്ട്…..
“ചാരു….”
സമനില തെറ്റിയത് പോലുള്ളയവളുടെയാ ചെയ്തികൾ കണ്ടു ഞാൻ വിളിച്ചു…. ശബ്ദമെല്ലാം ഇടറുന്നുണ്ട്…. എങ്കിലും വിളിക്കാതിരിക്കാൻ തോന്നിയില്ല… അതുപോലെയാണ് കരയുന്നത് പാവം….
“മിണ്ടരുത് നീ… ഒരക്ഷരം മിണ്ടരുത്….!!!!
ശക്തിയിലൊരടി കൂടി തന്നിട്ടവൾ എനിക്ക് നേരെ വിരൽ ചൂണ്ടി അലറി……..
“പൊന്നു മോളെ നീയൊന്നു പതിയെ സംസാരിക്ക്…”
പെട്ടെന്നവളുടെ കൈകൾ രണ്ടും കൂട്ടിപിടിച്ചു ഞാൻ പറഞ്ഞു…. അടി കൊള്ളുന്നതിൽ അല്ല പ്രശ്നം… ഇവളുടെ ഒച്ചപ്പാടും ബഹളവും കേട്ടാരെങ്കിലും വന്നാൽ അവരുടെ ഇടികൂടെ ഞാൻ കൊള്ളണമല്ലോ എന്നോർത്താ….
“നിന്നോട് മിണ്ടരുതെന്ന് അല്ലേടാ പറഞ്ഞെ… ഏഹ്…. ഇത്ര ദിവസം പിറകെ നടന്നെന്റെ ഉറക്കം മൊത്തം കളഞ്ഞിട്ട് നിനക്കിപ്പോ എല്ലാം നിർത്തണമല്ലേ… ഏഹ് പറയെടാ…?
എന്റെ തോളിൽ പിടിച്ചു പിന്നിലേക്ക് തള്ളിക്കൊണ്ടവൾ ചോദിച്ചു…. ഇതിപ്പോ ഞാനായോ കുറ്റക്കാരൻ……
“നിന്റെ നാവിറങ്ങി പോയോ…. അന്നവിടെ പിടിച്ചു നിർത്തിയെന്നോട് ഓരോന്നും പറഞ്ഞപ്പോ നീയോർത്തില്ലേ ഞാൻ നിന്റെ ടീച്ചർ ആണെന്ന്… ഏഹ്….. എന്നെകാണുമ്പോ അന്തം വിട്ടത് പോലെ നിൽക്കുമല്ലോ എല്ലാം മറന്ന്…. എന്നിട്ടും നിനക്ക് ഒന്നും വേണ്ടായിരുന്നന്നല്ലേ….?
അവളുടെ വാശി കൂടി വരികയാണ്… ദേഷ്യവും…..
“ചാരു ഞാൻ അങ്ങനെയൊന്നും…!!
“മിണ്ടരുത് നീ… ഞാൻ പറയും നീ മിണ്ടാനാകുമ്പോ…. അപ്പൊ… അപ്പൊ മാത്രം വാ തുറന്നാൽ മതി… കേട്ടല്ലോ..!!!!
എന്റെ തൊട്ട് മുൻപിലേക്ക് കേറി നിന്നുകൊണ്ടവൾ പല്ലുകടിച്ചു ഭീഷണിപ്പെടുത്തി….. അറിയാതെ ആണെങ്കിൽ പോലും ഞാൻ തലയാട്ടി പോയി
“നിനക്കെല്ലാം നിർത്തണമല്ലേ….നിന്നെ വെറുമൊരു സ്റ്റുഡന്റായി കാണണമല്ലേ ഞാൻ… അല്ലേ… പറ.. അതല്ലേ നിന്റെ ആവശ്യം….?
“ചാരു… അത്…”
“ചാരുവല്ല…. ചാരുലത…. നീയെന്നെ പേര് വിളിച്ചാ മതി…. ഇനി കൂടുതൽ ഡെക്കറേഷൻ ഒന്നും വേണ്ട…”
എത്രയൊക്കെ ഞാനടക്കാൻ നോക്കിയിട്ടും പെണ്ണടങ്ങുന്നില്ല…. ഞാൻ ഇങ്ങനെയൊന്നുമല്ല ഉദേശിച്ചത്‌ ശെരിക്കും… എവിടെയൊക്കെയോ എന്റെ കയ്യിൽ നിന്ന് പോയെന്ന് തോന്നി… അവളോട് പറഞ്ഞു സ്വയം ആശ്വസിക്കാൻ ശ്രമിച്ചെങ്കിലും ആ വാക്കുകൾ ആണവളിൽ ദേഷ്യമുണ്ടാക്കിയത്…
“ഞാൻ.. എനിക്ക്… ഞാൻ എങ്ങനെയാ ചാരു നിന്നെ പറഞ്ഞു മനസിലാക്കുവാ…”
ഒരുവഴിയും മുന്നിൽ കാണാതെ വിഷമത്തോടെ ഞാനവളോട് ചോദിച്ചു….
“നീ പറയെടാ… എന്താന്ന് വെച്ചാ പറ… മുൻപ് കൊറേ നീളത്തിൽ പഠിച്ചു വന്നു വല്യ ഡയലോഗ് ഒക്കെ അടിച്ചല്ലോ… ഇപ്പൊ എവടെ പോയി…”
കുക്കറിൽ കിടക്കുന്ന കിഴങ്ങു പോലവൾ നിന്ന് തെറിക്കുവാണ്…. എനിക്കാണേൽ പേടിയും…. ആരെങ്കിലും ഈ ഒച്ചപ്പാടും ബഹളവും കേട്ട് വന്നാലോ…
“എടി… ഞാനെങ്ങന…എനിക്ക് അറിയാം ഈ സ്നേഹമൊന്നും പിറകെ നടന്നു പിടിച്ചു വാങ്ങാൻ പറ്റില്ലെന്ന്… അതുകൊണ്ടാ ഞാനിന്ന് അങ്ങനെയൊക്കെ പറഞ്ഞെ… ഞാൻ കാരണം നിനക്കൊരു ശല്യമാവണ്ടല്ലോ എന്ന്….!!!!
പറഞ്ഞു മുഴുവിക്കും മുൻപേ അടുത്തയടി പൊട്ടിയിരുന്നു…… കവിളും തടവി ഞാനവളെ തന്നെ നോക്കി… എന്റെ കണ്ണൊക്കെ നിറഞ്ഞു വരുന്നുണ്ട്….. ഗതികേട് കൊണ്ടാണെലും അടിച്ചു പോയല്ലോ എന്നൊരു കുറ്റബോധം അവളിലും നിഴലിക്കുന്നുണ്ട്… പക്ഷെ അതിനേക്കാളേറേ ദേഷ്യം കൂടി വന്നവൾ വീണ്ടുമെന്റെ കഴുത്തിൽ കുത്തിപ്പിടിച്ചു…
“പറയെടാ പട്ടി… ഞാൻ.. ഞാൻ പറഞ്ഞൊ നിന്നെ ഇഷ്ടമല്ലായെന്ന്…. ഞാൻ പറഞ്ഞൊ നീ എനിക്കൊരു ശല്യമാണെന്ന്… പറയെടാ പട്ടി….“”“”
അതും പറഞ്ഞൊരു പൊട്ടിക്കരച്ചിലോടെ അവളാ തറയിലേക്കിരുന്നു…. പഴയ ഡീസൽ എഞ്ചിൻ സ്റ്റാർട്ട്‌ ചെയ്തപോലെ കരച്ചിലടക്കാൻ പാടുപെടുന്ന ശബ്ദം കേൾക്കാം…. ഇടക്ക് തലക്ക് കയ്യും കൊടുത്തിരുന്നു ഓരോന്ന് പദം പറഞ്ഞു കരയാനും തുടങ്ങി…. ഞാനവളെന്താ പറയുന്നതെന്നറിയാൻ അവളിൽ നിന്നൊരു കൈ അകലത്തിൽ മാറി നിലത്തിരുന്നു… ഇനിയും അടി വാങ്ങാൻ വയ്യ.. അതുകൊണ്ട് മാത്രം
“””””ശല്യം അവണ്ടന്ന് പോലും….ഞാൻ… ഹ്മ്മ്.. ഞാനെന്തു ചെയ്തിട്ട എന്നോട് അങ്ങനെയൊകെ പറയുന്നേ…. ടീച്ചർ ആയത് എന്റെ കുറ്റമാണോ…. എന്തിനാ ആദി….?
അവളെന്നെയൊരു സംശയഭാവത്തോടെ തലയുയർത്തി നോക്കി… നിറഞ്ഞൊഴുകുന്ന കണ്ണുകളിലേക്ക് നോക്കാൻ എനിക്കപ്പോഴും ധൈര്യം വന്നിട്ടില്ല… അതുകൊണ്ട് തന്നെ നിലത്തേക്ക് നോക്കിയിരുന്നു ഞാൻ
“എന്തിനാ ആദി നീയെനിക്കിത്രയും ആശകളൊക്കെ തന്നത്… ഇതുപോലെ… ഇതുപോലെ പാതി വഴിയിൽ കളഞ്ഞിട്ട് പോകാനാണോ…?
വിതുമ്പികൊണ്ടുള്ള അവളുടെയാ ചോദ്യം എന്റെ നെഞ്ചിലാണ് തറച്ചു കയറിയത്… പെട്ടെന്നുള്ളെയൊരു തോന്നലിൽ കരഞ്ഞു തൂങ്ങിയ അവളെ ഞാൻ കെട്ടിപ്പുണർന്നു…. ഒരടിയോ പിറകിലേക്കുള്ള തള്ളലൊ ഞാൻ പ്രധീക്ഷിച്ചു.. പക്ഷെ അതൊന്നുമല്ലാതെ അവളെന്നെയും തിരിച്ചും കെട്ടിപിടിച്ചു… എന്റെ കഴുത്തിൽ മുഖമമർത്തി കരയുന്ന ചാരുവെനിക്ക് ആ നിമിഷം അത്ഭുതമായിരുന്നു….. ഒരുപക്ഷെ അവളും ആഗ്രഹിച്ചു കാണും വിഷമങ്ങളെല്ലാം ഇറക്കി വെച്ചു കരയാനൊരു കൂട്ടിനെ…..