“എന്നിട്ടന്ന് നീ കോളേജിൽ വന്നപ്പോളീ ഭയവും പേടിയുമൊന്നും കണ്ടില്ലല്ലോ…?
പെട്ടെന്നെന്തോ ഓർത്തത് പോലവൾ ചോദിച്ചു….പെട്ടു…അന്നത്തെ പ്രൊപോസലിലേക്കാണ് അവളുടെ സംസാരം പോകുന്നത്…എവിടുന്നോ കിട്ടിയ ധൈര്യത്തിലാണ് ഇഷ്ടം തുറന്നു പറഞ്ഞതെന്ന് എനിക്ക് മാത്രമല്ലെ അറിയൂ…..
”അത് സത്യം പറയാൻ പേടിക്കേണ്ട കാര്യം ഇല്ലല്ലോ….“
ശബ്ദത്തിനൽപ്പം കനം കൊടുത്തുകൊണ്ട് ഞാൻ പറഞ്ഞു…പക്ഷെ അവളുടെ മുഖത്തേക്ക് നോക്കാനൊരു മടി….
മറുപടി കൊടുത്തിട്ടും മറുചോദ്യം ഒന്നുമില്ല…ഒളികണ്ണിട്ടവളെ നോക്കിയപ്പോ പുള്ളിക്കാരിയെന്തോ വലിയ ചിന്തയിലാണ്….കാര്യമായിട്ടെന്തോ ചിന്തിച്ചു കൂട്ടുന്നുണ്ട്…തൂങ്ങി കിടന്ന ബാഗിന്റെ വള്ളിയിൽ വിരലുകൾ തെരുപിടിച്ചു കൊണ്ടാണ് നടപ്പും ആലോചനയും….
”ചാരു….“
പെട്ടന്ന് ഞാനവളുടെ മുൻപിലേക്ക് കയറി നിന്നുകൊണ്ട് വിളിച്ചു….വേറൊന്നുമല്ല അന്ന് കളഞ്ഞു പോയ ധൈര്യം ചില നേരങ്ങളിൽ ഞാൻ പോലുമറിയാതെ എന്നില്ലേക്ക് തിരിച്ചു കയറാറുണ്ട്…അതിന്റെ ആവേശമാണ്….
പെട്ടെന്നേനെ മുൻപിൽ കണ്ടയവളൊരു പേടിയോടെ ചുറ്റിനും നോക്കി….ആരെങ്കിലും വരുന്നുണ്ടോയെന്ന്… കാര്യം ടീച്ചർ ആണെങ്കിലും അത് ഞങ്ങൾക് രണ്ടു പേർക്കുമിടയിൽ മാത്രമല്ലെ…പുറമെ നിന്നു കാണുന്നവർക്ക് അവളാ നാട്ടുകാരിയും ഞാനേതോ വരത്തനുമാണ്…..
”എന്താടാ….പിന്നേം തുടങ്ങിയോ നിന്റെ സൂക്കേട്..?
ചുവന്നു വന്ന മുഖവുമായി പല്ലുകടിച്ചു കൊണ്ടവളെന്നോട് ചോദിച്ചു….മുൻപായിരുന്നെങ്കിൽ വന്ന വഴിയേ ഞാൻ തിരിഞ്ഞു നടന്നേനെ…ഇതിപ്പോ ധൈര്യം കേറി കേറി അങ്ങറ്റത്തു നിൽക്കുവല്ലേ….
“തുടങ്ങിയിട്ട് കൊറച്ചു ദിവസമായി….”
എന്റെ ചിരികാണാൻ നല്ല ഭംഗിയാണെന്ന മറ്റുള്ളവരുടെ അഭിപ്രായത്തേ കൂട്ട്പിടിച്ചുകൊണ്ടു ഞാൻ അവളെ നോക്കിയൊരു ചെറു ചിരിയോടെ പറഞ്ഞു…
“അതിന്…?
ഓഹ് ദൈവമേ….എന്തെങ്കിലും പറഞ്ഞു തുടങ്ങി വരുമ്പോ എല്ലായെണ്ണവും അയിനും കുയിനും പൊക്കി പിടിച്ചു വരുന്നതെന്തിനാ………
”അതിന് ഒന്നുമില്ല…“
പറയാൻ വന്നതെല്ലാം വിഴുങ്ങിക്കൊണ്ട് ഞാനവളുടെ മുൻപിൽ നിന്ന് മാറി നടക്കാൻ തുടങ്ങി….ഇനി വേണേൽ അവളു വന്നു മിണ്ടട്ടെ…അല്ലാണ്ട് ഒരക്ഷരമീ ആദി പറയില്ല….വാശി കേറിയ ഞാൻ മുഖവും വീർപ്പിച്ചു ചവിട്ടി കുലുക്കി നടക്കാൻ തുടങ്ങി
നടന്നു നടന്നു കാലു കഴച്ചതല്ലാതെ വേറൊന്നും നടന്നില്ല…..ഇനിയിപ്പോ ഇവൾക്കെന്നോട് ഒന്നുമില്ലേ….ഇതെല്ലാം വരുമെന്റെ തോന്നലുകൾ മാത്രമായിരിക്കോ….അന്നുവരെയില്ലാത്തയൊരു തരം ഭയമെന്നേ വന്നു മൂടി…..കാടുകയറിയുള്ള ആലോചന….അല്ലേലും ഞാൻ ഒരല്പം ഓവർ ആയിരുന്നല്ലോ…അവളീ നിമിഷം വരെ എന്നെ ഇഷ്ടമാണെന്ന് പറഞ്ഞിട്ടില്ല..പക്ഷെ ഞാനോ…അവളുടെ ഓരോ നോട്ടത്തിൽ പോലും എന്നോടുള്ള ഇഷ്ടമാണെന്ന് വിചാരിച്ചു……ആകെയൊരു സങ്കടം വരുന്നത് പോലെ….എല്ലാം വെറുതെ ആയിരുന്നെന്ന തോന്നലെന്നെ കാർന്നു തിന്നാനാരംഭിച്ചതും പിറകിൽ നിന്നൊരു വിളി
“ആദി…”
അവളെന്തിനാവും വിളിച്ചതെന്നറിയാനുള്ള ആകാംഷയിൽ തിരിഞ്ഞു നോക്കിയ ഞാൻ കണ്ടത്…..ഞങ്ങൾ നടന്നു വന്ന വഴിയരികിലുള്ള വലിയൊരു വീടിന്റെ ഗേറ്റിൽ പിടിച്ചെന്നെ നോക്കി നിൽക്കുന്നവളെയാണ്….
ഞാൻ നോക്കിയെന്ന് മനസിലായതും അവളാ ഗേറ്റ് തുറന്നുകൊണ്ട് പറഞ്ഞു
“ഞാൻ ഇങ്ങോട്ടാ….”
ചാരുവിന്റെ മുഖഭാവം എനിക്ക് മനസിലാവുന്നില്ല…മനസ്സിൽ കുന്നുകൂടിയ ഒരായിരം ചോദ്യങ്ങൾ കൊണ്ടാവാം…എന്റെ മറുപടി കാത്തു നിന്നവൾക്ക് മറുത്തൊന്നും കിട്ടാതെ വന്നതോടെ അവളാ ഗേറ്റ് തുറന്നകത്തേക്ക് കയറി പോയി……..വെള്ള പെയിന്റ് അടിച്ചയൊരു ഇരുനില വീട്……മുറ്റത്തായി പൂക്കളൊക്കെ വളർത്തി എത്രത്തോളം ഭംഗിയാക്കാൻ പറ്റുമോ അത്രത്തോളം തന്നെ വൃത്തിയായി സൂക്ഷിച്ചിട്ടുണ്ട്….വലിയ ചുറ്റുമതിലുണ്ടെങ്കിലും വാതിലു തുറന്നകത്തു കയറി പോകുന്ന ചാരുവിനെ എനിക്ക് കാണാം…ഒന്ന് തിരിഞ്ഞു പോലും നോക്കിയില്ലല്ലോ അവൾ……അത്രയൊക്കെ തന്നെ മതിയായിരുന്നു എന്റെയുള്ളിൽ തോന്നിയ സംശയങ്ങളെ ശെരി വെക്കാൻ….മണ്ടൻ….വെറുമൊരു മണ്ടൻ…..പഠിപ്പിക്കുന്ന ടീച്ചറെ തന്നെ കേറി പ്രേമിക്കാൻ നോക്കിയ എന്നെ ഞാൻ വേറെന്തു പേരു പറഞ്ഞു വിശേഷിപ്പിക്കണം……………