🌷 തങ്കി 🌷 1

അവൾക്ക് അത് ഇഷ്ടപ്പെട്ടു എന്ന് നല്ലോണം മനസിലായി. എന്നാലും എന്തിനാ എന്ന ഇങ്ങനെ നുള്ളിയെ എന്നെനിക്ക് മനസിലായില്ല. അവൾ കണ്ണൊക്കെ തുടച്ചുകൊണ്ട് ചിരിച്ചിട്ട് താഴേക്ക് ഇറങ്ങി. ലക്ഷ്മി അമ്മയും വിജയമ്മയും ടീവി കണ്ടു ഇരിക്കുകയർന്നു. ഞാനും അവളുടെ കൂടെ സോഫയിൽ ഇരുന്നപ്പോൾ…..ഞങ്ങളുടെ കൈകൾ തമ്മിൽ പലപ്പോഴും ഇറുകി ഇറുകി പിടിച്ചിരുന്നു…..

ആ ദിവസത്തിനു ശേഷം സൈക്കിളിൽ പോകുമ്പോ അവളുടെ കഴുത്തിൽ ചുംബിച്ചും ചെവിയിൽ നാവുകൊണ്ട് തൊട്ടും പെണ്ണിനെ ഞാൻചിരിപ്പിക്കുമായിരുന്നു….അവൾക്കതൊക്കെ അത്രയ്ക്കും ഇഷ്ടമായിരുന്നു..

റെയിൽവെ ക്രോസ്സ് ന്റെ അവിടെ ഒരു ഇടനാഴിയുണ്ട്. ഇരുട്ടാണ് അതിന്റ ഉള്ളിൽ. ട്രെയിൻ അതിന്റെ ഉള്ളിലൂടെ ആണ് പോകുന്നത്. അധികമാരും അതിന്റെ അകത്തേക്ക് പോകാറുമില്ല.
ഒരൂസം അതിന്റെ ഉള്ളിലേക്ക് നമുക്ക് പോകാമോ ചോദിച്ചപ്പോൾ തങ്കി സമ്മതിച്ചില്ല. ഞാനതിന്റെ പേരിൽ പിണങ്ങുകയും ചെയ്തു. അവൾക്കറിയാമായിരിക്കണം ഇരുട്ടിൽ ഞാനെന്താണ് ചെയ്യാൻ പോകുന്നതെന്ന്..

പക്ഷെ ഓണം ദിവസം ചേർന്ന ചുണ്ടുകൾ വീണ്ടുമിടക്കിടെ ചേരാൻ കുറുമ്പ് കൂട്ടി…പലപ്പോഴും തൊടിയിൽ വെച്ചോ.. ആരുമില്ലെങ്കിൽ കുളക്കടവിലോ.. ഒക്കെ പ്രാണനെ തേടുന്ന ഇരു ചുണ്ടുകളും
ഒന്നായി മാറി… ഞായറാഴ്‌ച ഞാനും തങ്കിയും മീൻ പിടിക്കാനായി വീടിന്റെ പിറകിലെ തോട്ടിലേക്ക് ചെല്ലും, കുട്ടികളൊക്കെ ഞാൻ മീൻപിടിക്കുന്നത് കാണാനായി വരമ്പത്തു താടിക്ക് കൈ കൊടിത്തിരിക്കുന്നുണ്ടാകും. മീൻ ചൂണ്ടയിൽ പെടുമ്പോ പിള്ളേരുടെ ഒരു തുള്ളിച്ചാട്ടം കാണാൻ തന്നെരസമാണ്, കിട്ടിയ മീൻ വീട്ടിലേക്ക് ഏല്പിക്കാൻ പറയുമ്പോ തങ്കിയെന്നെയൊരു നോട്ടമുണ്ട്….അതാണ് കൊല്ലുന്നത്. ഞാൻ തെങ്ങിൽ ചാരി നില്കുമ്പോ പിള്ളേര് വീട്ടിലേക്ക് പോയിക്കഴിഞ്ഞാൽ ചുറ്റും ആരുമില്ലെന്നുറപ്പുവരുത്തി തങ്കി എന്റെ മാറിലേക്ക് ചാഞ്ഞു നില്കും. ഞാനവളുടെ കണ്ണിലും കവിളിലുമൊക്കെ പതിയെ പതിയെ ചുംബിക്കുമ്പോ അവൾ ചിണുങ്ങിക്കൊണ്ട് എന്നെ ചുറ്റിപിടിക്കും…..
സമയം പോയതറിയാതെ പിള്ളേര് ഓടി വരുമ്പോ തങ്കി എന്നിൽ നിന്നും അടർന്നു മാറികൊണ്ട് പിള്ളേരുടെ കളിയാക്കലും കേട്ടുകൊണ്ട് വീട്ടിലേക്ക് ഓടുകയും ചെയ്യും.

ശിവരാത്രിക്ക് ആണ് ശെരിക്കും ഞങ്ങളുടെ മോഹം ഞങ്ങളുടെ പ്രായത്തെ തോൽപ്പിക്കുമെന്ന പേടി ഉള്ളിൽ തട്ടിയത്.
അന്ന് രാത്രി അമ്പലത്തിലേക്ക് സിനിമയ്ക്കായി ഞാനും അമ്മയും തങ്കിയും വിജയമ്മയും പാറുവും കൂടെ പുല്ലിന്റെ പായയും കൊണ്ട് അമ്പലത്തിലേക്ക് ചെന്നു. വരമ്പത്തൂടെ വീഴാതെ നടക്കണം അമ്പലത്തിലേക്ക്. ഞാനും തങ്കിയും ഏറ്റവും പിറകിൽ കൈകോർത്തു നടന്നു. ഇരുട്ടിൽ ഞാനിടക്ക് തങ്കിയുടെ
ഇടുപ്പിലും തോളിലുമൊക്കെ പതിയെ തൊട്ടും തലോടിയും കൊണ്ടിരുന്നു.

ഇരുവർ എന്ന സിനിമയായിരുന്നു, അമ്പലത്തിലെ ആ വല്യ മൈതാനിയിൽ അന്ന് പ്രദര്ശിപ്പിച്ചത്. ഞാനും തങ്കിയും അടുത്തടുത്തിരുന്നുകൊണ്ട് ഇരുട്ടിൽ ആരും കാണാതെ കൈകോർത്തു പിടിച്ചു. സിനിമ പാതിയാകും മുന്നേ തങ്കിക്ക് ഉറക്കം വരുന്നുണ്ടെന്നു പറഞ്ഞു. എന്നോട് വിജയമ്മ അവളെ വീട്ടിലേക്ക് കൊണ്ടാക്കാൻ പറഞ്ഞപ്പോൾ….
എനിക്ക് ശെരിക്കും ഉള്ളിൽ എന്തോ പോലായി….
ഞാനും തങ്കിയും മാത്രം അവളുടെ വീട്ടിലേക്ക് പോകണം!!
അവിടെ ചെന്നാൽ ചിലപ്പോ, ഞങ്ങളെ തടുക്കാൻ തങ്ങൾക്ക് കഴിഞ്ഞെന്നും വരില്ല.
എന്തെങ്കിലും കുസൃതി തരം ഒപ്പിക്കുമോ…
പാറു ചേച്ചിയെ ഞാൻ വരുന്നുണ്ടോന്നു ചോദിച്ചപ്പോൾ അവൾ വരുന്നില്ലെന്നും എന്നെ നോക്കി പറഞ്ഞത് കേട്ടപ്പോ ….തങ്കി എന്റെ കൈയമർത്തി പിടിച്ചു. പാറു ചേച്ചിയെ വരുന്നുണ്ടോന്നു ചോദിച്ചത് തങ്കിക്ക് ഇഷ്ടമായതുമില്ല. പക്ഷെ എന്നെക്കുറിച്ചു എനിക്ക് നന്നായിട്ടറിയാമായിരുന്നു……

വീടുവരെ അധികമൊന്നും സംസാരിക്കാതെ, വഴി നീളെയുള്ള ട്യൂബ് ലൈറ്റിന്റെ വെളിച്ചത്തിൽ ഞങ്ങൾ കൈകോർത്തു നടന്നു. തങ്കിയുടെ വീടിന്റെ മുന്നിലേക്ക് എത്തിയപ്പോൾ ഞാൻ മടിച്ചു മടിച്ചു നിന്നു. അവൾ എന്നെയൊരു നോട്ടം നോക്കി …എനിക്ക് പിന്നെ എന്നെ നിയന്ത്രിക്കാനായില്ല…ഞാനും തങ്കിയുടെ ഒപ്പം വീടിലേക്ക് കയറി. അവളുടെ മുറിയിൽ അവളുടെ ബെഡിൽ ….. ഞാനും അവളും കൂടെ ഒന്നിച്ചു കിടക്കാൻ പോവുകയാണ്…കയ്യും കാലും വിറയ്ക്കുന്നുണ്ട് ….
ലൈറ്റ് ഓഫ് ചെയ്യാതിയിരിക്കാൻ ഞാൻ പറഞ്ഞു. രണ്ടാളും രണ്ടറ്റത് കുറച്ചു നേരം കിടന്നപ്പോൾ തങ്കി. ഞാൻ ഉറങ്ങിയെന്നു കരുതി അവൾ എന്റെ അടുത്തേക്ക് വന്നുകിടന്നു.